Новости за 29.03.2023

د بوسنیا هرزګوینا فډراسیون د سرپسکا (Srpska) جمهوریت یو چارواکی وايي، د بهرنیو اجنټانو د نوي قانون له‌مخې، تر دې وروسته غیرانتقاعي سازمانونه اړ دي، چې په عدلیې وزارت کې د خپل مالي په اړه راپور ورکړي. د سرپرسکا جمهوریت د عدلیې وزیر میلوش بوکیلوویچ (Milos Bukejlovic) پرون سه‌شنبه په یوه ویډیويي پیغام کې وویل: "د یادولو وړ ده چې د کلني تفتیش تر څنګ دا قانون دا امکان برابروي، څو په سرپسکا جمهوریت کې ټول حقیقي اشخاص او حقوقي بنسټونه د درخواست یوه فورمه ولېږي او دغه سازمانونه کېدی شي له مخکېني پلان پرته... Читать дальше...

د برېتانیا حکومت وايي، له پولنډ سره یو ځای هغو کسانو ته د استوګنې اسانتیا برابروي، چې پر اوکراین د روسیې تر غیرموجه یرغل وروسته بې‌کوره شوي دي. ویل شوي، چې د اوکراین په لوېدیځ او مرکز کې به دغو بې‌کوره شویو ته دوه موقتي کلي جوړ شي. برېتانیا او او پولنډ ژمنه کړې ده چې، د دغو کلیو د جوړولو لپاره به لس ملیون پاونډه چې د ۱۲ اعشاریه ۳ ملیون ډالرو معادل کېږي، ورکوي. د روسیې د یرغل په وړاندې د برېتانیا د ځواب د برخې په توګه د اوکراین زر وګړي د برېتانوي کورنیو له‌خوا منل شوي، خو ځینې یې د دایمي کورونو په پیدا کولو کې زیاتې ستونزې لري. Читать дальше...

د کډوالۍ نړیوال سازمان وايي، د افغانستان په هغو سیمو کې د دوی د سرپناه مرستې روانې دي، چې وروستیو طبیعي افتونو ځپلي دي. دغې ادارې پرون سه‌شنبه په یوه ټویټ کې د بلخ ولایت په خلم، شولګرې او مزارشریف کې ۲۲۳ کورنیو ته نقدي مرستې کړي، چې ځانونو ته سرپناه برابره کړي. د کډوالۍ نړیوال سازمان په خبره دغه راز ۲۷۲ کورنیو ته د دې لپاره نقدي مرستې ورکړل شوي، چې خپلې سرپناوې ورغوي. له تېرې اوونۍ راهیسې د افغانستان په ځینو برخو کې سخت اورښتونه وشول، چې درانه سېلابونه یې وبوهول، چې خلکو ته یې د سر و مال زیانونه واړول.

د افغان ښځو، نجونو او بشري حقونو لپاره د امریکا د متحدو ایالتونو ځانګړې استازې رینا امیري، د تعلیم د فعال مطیع‌الله ویسا د ځای‌ځایګي معلومولو غوښتنه وکړه. مېرمن امیري پرون په یوه ټویټ کې لیکلي، د هغو راپورونو له کبله سخته اندېښمنه شوې چې مطیع‌الله ویسا او د کورنۍ غړي یې نیول شوي دي. د هغې په لیکنه، د نجونو د زده‌کړو ملاتړ باید جرم ونه ګڼل شي او د نجونو خوندیتوب او د هغوی قانوني حقونو ته درناوی باید په لومړیتوب کې وي. رینا امیري غوښتنه کړې، چې د ښاغلي ویسا د ساتلو ځای باید مشخص شي. طالبانو... Читать дальше...

د ملګرو ملتونو د خوړو نړیوال پروګرام یو وار بیا په افغانستان کې د لوږې پر زیاتېدو اندېښنه وښوده. د WFP د اسیاپسفیک څانګې پرون په یوه ټویټ کې ویلي، سختې لوږې نږدې ۲۰ ملیونه افغانان ځپلي او له ډلې یې ۶ ملیونه له قحطۍ یوازې یو څو ګامه فاصله لري. د خوړو نړیوال پروګرام وايي، د عوایدو فرصتونه کم شوي او په ټول هېواد کې د خلکو ستونزې پراخې شوې دي. ملګرو ملتونو ویلي چې، روان میلادي کال به په افغانستان کې ۲۸ ملیونه او درې سوه زره کسان بشري مرستو ته اړ وي.

د تعلیم د فعال مطیع‌الله ویسا د نیول کېدو نن دویمه ورځ ده، خو لا یې هم د ځای‌ځایګي په باب معلومات نه‌شته. د هغه ورور عطا الله ویسا له ازادي راډیو سره په خبرو کې وویل، طالبانو یې دوه نور نیول شوي وروڼه پرون خوشې کړي، خو خپله مطیع‌الله ویسا یې نه‌دی خوشې کړی. نوموړي وويل: "تر اوسه نه ما او نه هم زموږ کورنۍ د مطیع‌الله ویسا سره خبرې کړې دي. تر اوسه یې هېڅ څرک نه‌شته، یوازې زما دوه نور وروڼه چې نیول شوي وو، خوشې شوي دي." د ماشومانو د تعلیم د حق فعالې ملالې یوسفزۍ پرون په یوه ټویټ کې لیکلي: طالبانو... Читать дальше...

د برېتانیا حکومت پرون سه‌شنبه (د مارچ ۲۸مه) اعلان وکړ، چې شا و خوا اته زره افغان پناه غوښتونکي په هوټلونو کې د دوی له موقتي استوګنځیو، دایمي کورونو ته انتقالوي. د ۲۰۲۱م کال په اګست میاشت کې پر افغانستان د طالبانو د ولکې له بیاټینګولو وروسته برېتانیا تر اوسه د ۲۴زره افغان پناه غوښتونکو هرکلی کړی، چې له دې ډلې اته زره یې ماشومان دي، چې لا هم په هوټلونو کې په موقتي استوګنځیو کې شپې ورځې سبا کوي. د برېتانیا د سابقه لرونکو د چارو وزیر جاني مرسر (Johnny Mercer) پرون د برېتانیا پارلمان ته وویل، چې دا وضعیت دوام نه‌کوي او باید بدل شي. Читать дальше...

د ماشومانو د ملاتړ لپاره د ملګرو ملتونو مرستندوی صندوق یا یونېسف وايي، د افغانستان په ختیځ کې د ګوزڼ ضد واکسین ورکولو کمپاین ځکه عملي کېږي، چې په پاکستان کې د روان میلادي کال لومړۍ مثبته پېښه ثبت شوې ده. د یونېسف د پولیو د له منځه وړلو د پروګرام د عامه اړیکو مسوول کمال شاه ازادي راډیو ته وویل، نوی کمپاین را روانه دوشنبه پیلېږي. نوموړي وويل: "د افغانستان په ختیځه حوزه کې د پولیو کمپاین تطبیقيږي، ځکه په مارچ میاشت کې په دې حوزه کې د پولیو وایروس په محیط کې زیات تثبیت شوی دی، چې هلته د وایروس د شتون ښکارندویي کوي. Читать дальше...