ايران به ژر د شانګهای د همکارۍ سازمان دايمي غړی شي
د روسیې د بهرنیو چارو وزیر وایي، ایران به ډېر ژر د شانګهای د همکارۍ د سازمان دایمي غړی شي. سرګي لاوروف پرون وویل، د ایران د غړیتوب سند به د سې شنبې په ورځ د ټولو غړیو له لورې لاسلیک شي. روسیه، چین، هند، قزاقستان، قرغزستان، پاکستان، تاجکستان او اوزبکستان د شانګهای سازمان دایمي غړي هېوادونه دي. ایران د افغانستان په څېر د دې سازمان څارونکی غړی و.