Новости за 03.07.2023

د امریکا د متحدو ایالتونو د کلیفورنیا په جنوب کې د هوټلونو په زرګونو کارکوونکو پرون یکشنبه کاري اعتصاب وکړ. دغه کسان د خپلو معاشونو د زیاتېدو او بهتره امتیازونو غوښتنه کوي. د کارګرانو یوې محلي اتحادیې دا په تاریخ کې تر ټولو لوی اعتصاب وباله. د هوټلونو دغه کارکوونکي په لاس انجلس او اورنج کې د لویو هوټلونو مخې ته په داسې حال کې د اعتصاب په بڼه راغونډ شول، چې د اوړي/ دوبي د رخصتیو او د سېلانیانو د سفر کولو موسم دی. د یونایټ هییر لوکل ایلیون په نوم د کارګرانو اتحادیې تېره میاشت د دغه اعتصاب په... Читать дальше...

په فرانسه کې د یوه وژل شوي زلمي 'انا' پرون یکشنبه په دغه هېواد کې د کرارۍ غوښتنه وکړه. کله چې د نایل په نوم دغه الجزایری الاصله ۱۷ کلن زلمی، چې تېره سې شنبه د یوه پولیس په ډزو ووژل شو، په ټوله فرانسه کې پراخ اعتراضونه پیل شول. د هغه انا دا غوښتنه وروسته له هغې کوي، چې د پاریس په یوه څنډه کې د ښاروال پر کور د حملې پر مهال موټر ته اور واچول شو. د نادیې په نوم د نایل انا د فرانسې 'بي ایف ایم' تلوېزیون ته د ټلیفوني مرکې پر مهال اعتراض کوونکو ته وویل: "بلوا بنده کړئ." هغې ویلي بلوا کوونکي د هغه د لمسي له مړینې د پلمې په توګه کار اخلي. Читать дальше...

د نړۍ د کاتولیکانو د مشر پاپ فرانسیس استازی وایي، له مسکو څخه کتنه یې د بشرپالنې پر موضوع متمرکزه وه، نه د سولې پر طرحې. کارډینال ماتیو زوپی، پرون یکشنبې وویل چې د سولې د طرحې په اړه خبرې اترې يې نه‌دي ترسره کړي. له دې مخکې ویل شوي چې پاپ فرانسیس له نوموړي غوښتي چې په اوکراین کې د روسیې د جګړې د پای ته رسېدو لپاره یو ماموریت ترسره کړي. زوپي تېره اوونۍ مسکو ته د سفر په ترڅ کې د روسیې د ولسمشر ولادمیر پوتین له یوه سلاکار یوري اوشاکوف، د ارتودوکس کلیسا د مشر پاتریارک کیریل سره لیدنې کتنې ترسره کړې. Читать дальше...

نوې ډیلي به سبا سې شنبې د امن یا سیکیور په نوم د شانګهای د همکارۍ د سازمان د سرمشریزې کوربه وي. دا به له ۲۰۱۷ م کال راهیسې چې هند له پاکستان سره په ګډه د دې سازمان د بشپړ غړي په توګه منل شوی، اول وار وي چې دا هېواد د دې سازمان د سرمشریزې کوربه‌توب کوي. د هند صدراعظم نریندرا مودي به د دې سرمشریزې مشري کوي چې د نورو مشرانو ترڅنګ یې خپل سیال د پاکستان صدراعظم شهباز شریف ته هم په دې سرمشریزه کې د ګډون بلنه ورکړې ده. د پاکستان د بهرنیو چارو وزارت د تېرې جمعې په ورځ تایید کړه چې، شریف به په دې سرمشریزه کې ګډون وکړي. Читать дальше...

یو شمېر افغان مدني فعالانو، سیاستوالو او د زده‌کړې فعالانو د نجونو د زده‌کړو د ملي کمپاین په پیلېدو سره د طالبانو له چارواکو غوښتنه کړې چې نور دې په یوې یا بلې پلمې د نجونو د زده‌کړې د بهیر مخه نه نیسي او د ښوونځیو او پوهنتونونو دروازې دې د ټولو نجونو او ښځو پر مخ پرانېزي. د دغه کمپاین له یوه تنظیمونکي او مدني فعال خوشحال روهي سره نوریاس نوري مرکه کړې او په پیل کې یې ترې پوښتنه کړې چې څومره کسانو په دغه کمپاین کې ګډون کړی دی او په څه ډول یې مخته وړي؟ دا مرکه د لاندې لېنک په کېکاږلو اورېدلی شئ... Читать дальше...

یو شمېر افغان مدني فعالانو، سیاستوالو او د زده کړو فعالانو د نجونو د زده کړو د ملي کمپاین په پیلېدو سره د طالبانو له چارواکو غوښتنه کړې چې نور دې په یوې یا بلې پلمې د نجونو د زده کړې د بهیر مخه نه نیسي او د ښوونځیو او پوهنتونونو دروازې دې د ټولو نجونو او ښځو پرمخ پرانېزي. د نجونو د زده کړو ملي کمپاین د پیلېدو په اعلامیه کې چې پرون د ورځې ناوخته خپره شوې ویل شوي چې نور د نجونو پر زده کړو بندیزونه د زغملو نه دي او پر افغانستان واکمن طالبان دې د ولس غوښتنو ته غاړه کېږدي او ټولې نجونې دې پرېږدي چې بېرته ښوونځیو ته لاړې شي. Читать дальше...