Новости за 07.12.2023

د افغانستان لپاره د پاکستان ځانګړی استازی اصف درانی وايي، د اکتوبر له پیله تراوسه پورې نژدې څلور نیم لکه افغان کډوال خپل هیواد ته ستانه شوي دي. پاکستان د اکتوبر په پیل کې اعلان وکړ چې ټول بې اسناده افغان کډوال دې د نومبر تر لومړۍ پورې له دغه هېواده ووځي، ګنې په زور به یې وباسي. اصف دراني پرون (چهارشنبې) په اسلام اباد کې یوه سیمنار ته په وینا کې وویل، هغو کسانو ته ویل شوي چې له پاکستانه ووځي چې په پاکستان کې«غیرقانوني» اوسیدل او د مهاجرو حیثیت یې نه درلود. ده په عین حال کې وویل چې په پاکستان... Читать дальше...

د پاکستان د پوځ لوی درستیز د بې اسناده افغان کډوالو د ایستلو په اړه د موقت حکومت د پرېکړې د ملاتړ په ترڅ کې ویلي چې دا فیصله د پاکستان ګټو ته په پام شوې ده. د پاکستان د پوځ د عامه اړیکو ادارې، په یوه خبرپاڼه کې ویلي چې لوی درستیز جنرال عاصم منیر پرون (چهارشنبه) په پېښور کې د پوځي صاحب منصبانو یوې غونډې ته په وینا کې ټینګار وکړ چې بهرنیان د پاکستان امنیت او اقتصاد په جدي ډول اغېزمنوي. جنرال منیر همداراز ادعا وکړه چې بهرنیان په ډېر درنښت له پاکستانه ایستل کېږي.

ایران وایي، یو کاپسول یې چې د ژویو د لېږدولو وړتیا لري د ځمکې مدار ته استولی دی. د ایران ایرنا خبري آژانس د دې هیواد د مخابراتو د وزیر عیسی زارع پور له قوله د چهارشنبې په ورځ خبر ورکړ چې ویلې یې دي دغه کاپسول چې نیم ټن وزن لري د ځمکې مدارته په ۱۳۰ کیلومترۍ کې استول شوی دی. هغه نه دي ویلي چې ایا د کاپسول دننه کوم ژوی هم وو کنه، خو ویلي یې دي چې دغه ماموریت د ایران د هغو هڅو یوه برخه ده چې غواړې راتلونکو کلونو کې ستورمزلي یا فضانوردان فضاته ولېږي. هغه د ایران دولتي ټلویزیون ته وویل، دوی په پام... Читать дальше...

د هند په ساحلي مشرقي برخه کې راغلي توپان يوشمېر کسان وژلي دي. دغه راز زرګونه کسان خوندي ځايونو ته وړل شوي دي. د رويټرز اژانس ويډيو راپور.

د افغانستان د بشري حقونو د وضعیت لپاره د ملګرو ملتونو ځانګړي راپور ورکونکي ریچارډ بینیټ په پاکستان کې له افغان کډوالو سره د پاکستاني چارواکو پر چلند اندېښنه ښکاره کړه. ښاغلي بینیټ پرون چهارشنبې په خپله اېکس شبکه یا پخواني ټویټرکې لیکلي چې دی او نور کارپوهان له پاکستانه غواړي چې د افغان کډوالو د ساتنې لپاره حیاتي ملاتړ ته دوام ورکړي. هغه زیاته کړه چې دوی له دغو افغان کډوالو سره د پاکستان اوسني چلند او په زوره یې افغانستان ته د استولو اړوند خطرونو ته اندېښمن دي. بینیټ دغه څرګندونې وروسته له هغې... Читать дальше...

په دې ولایت کې نژدې شپږ نیم سوه د غواګانو فارمونه او د شیدو د پروسس دوه مرکزونه فعال دي چې سلګونه تنو ته یې د کار زمینه برابره کړې ده.. د دغه کاروبار مسوولین هېواد ته د پوډري شیدو واردات د خپلو تولیداتو پر وړاندې لوی خنډ بولي.

د اسراییل پوځ وایي چې ځواکونه یې د غزې تړانګې په دوهم لوی ښارګوټي خان یونس کې د سخت دریځې حماس ډلې چې متحد ایالتونه او اروپایي ټولنه یې ترهګره ډله ګڼي، له سخت دریځو سره جګړه مخ ته وړي. سیمه کې د اسراییل ځمکنۍ جګړې په لسګونه زره فلسطینیان اړکړي چې د غزې جنوبي برخې ته وتښتي او همدارنګه یې د هغو مرستندویه ډلو مخه ډب کړې چې هڅې کوي، اړو کسانو ته خوراکي مواد، اوبه او نوراړین توکي ورسوي. پرخان یونس د اسراییل برید د هغې سختې جګړې او بمبارۍ دوام دی چې په تیرو څو اونیو کې یې مخ ته وړي او په نتیجه کې یې... Читать дальше...

د امریکا سنا جرګې پرون چهارشنبې د سپینې ماڼۍ هغه غوښتنه بلاک کړه چې له اوکراین او اسراییل سره یې د بېړنۍ ۱۰۶ میلیارډ ډالرو مرستې لپاره کړې وه. د دې مرستې ډیره برخه اوکراین ته ځانګړې شوې وه. جمهوریپالو په لایحه کې د مهاجرت د اصلاحاتو پرنشتوالي اعتراض وکړ. دغې لایحې ته چې ایا هغه مخ ته لاړه شي، کنه پرون رایه ورنه کړل شوه چې هغه د ولسمشرجوبایډن لپاره د پام وړماتې ښکارندوي کوي. بایډن مخکې کانګرس ته په وینا کې غوښتنه کړې وه چې له اوکراین سره دې هرڅومره ژچې کیدای شي پوځي مرسته تصویب شي او خبرداری... Читать дальше...

د امریکا د پاپ موسیقۍ ځوانه سندرغاړې ټیلر سویفټ د ټایم مجلې له لورې د دوه زره درویشتم کال غوره شخصت ټاکل شوې ده. دې مجلې پرون دا اعلان وکړ او ویې ویل چې درې دیرش کلنه سویفټ یې د دې لپاره د کال غوره شخصیت ونوماوه چې سندرې یې په دې تیاره چاپيریال کې خلکو ته هیلې او امېدونه ورکوي.

د ملګرو ملتونو سرمنشي خبرداری ورکړی دی چې د اسراییل او حماس ترمنځ جګړه ښایي نړیواله سوله او امنیت له ګواښ سره مخامخ کړي. انتونیو ګوتیرش پرون د ملګرو ملتو امنیت شورا ته وویل چې د اسراییل او حماس ترمنځ جګړه د یوه ناورین لور ته روانه ده. حماس ډله د امریکا متحد ایالتونه او اروپایي ټولنه  یوه ترهګره ډله ګڼي. په غزه کې جګړه وروسته تر دې شروع شوه چې د اکتوبر په اوومه حماس د اسراییل دننه یوزر دوه سوه اسراییلیان ووژل. په غزه کې د فلسطنیانو روغتیا وزارت وایي چې د اسراییل د بریدونو په ترڅ کې تر اوسه شاوخوا شپاړس زره کسان وژل شوې دي.

د بښني نړیوال سازمان د جرمونو د نړیوالې محکمې کلنۍ غونډې ته وړاندیز وکړ چې په افغانستان کې دې د ترسره شویو جرمونو څېړنې ته لومړیتوب ورکړي. د بښني د نړیوال سازمان د جنوبي اسیا د برخې مسوول سمریتي سنګ وویل، په افغانستان کې له نژدې نیمې پېړۍ راهیسې د جرمونو په وړاندې له مجازاتو څخه د معافیت فرهنګ دود شوی دی او پروسږکال چې کله د جرمونو نړیوالې محکمې په دې برخه کې د تحقیقاتو د بیا پيلیدو خبر ورکړ، هیلې پيدا شوې چې د نړیوالو قوانینو په رڼا کې به عدالت تامین شي. د جرمونو د نړیوالې محکمې کلنۍ غونډه روانه... Читать дальше...

ټاکل شوې ده چې د افغانستان لپاره د امریکا ځانګړی استازی ټوماس ویسټ نن پاکستان ته ولاړ شي. د پاکستان د بهرنیو چارو د وزارت ویانده ممتاز زهره بلوچ وایي چې ښاغلی ویسټ به نن اسلام اباته ورسیږي او د شنبې تر ورځې به په اسلام اباد کې پاتې شي. ښاغلي ویسټ په خپلې اېکس پاڼه یا پخواني ټویټر کې لیکلي دي چې سیمې ته یې له دوشنبې سفر پيل کړی دی او د لس ورځو په ترڅ کې به پاکستان، متحده عربي اماراتو، قطر او سعودي عربستان ته ولاړ شي. ویسټ دا هم څرګنده کړې ده چې له دغو مهمو شریکانو سره به پر ګډو امنیتي ګټو، د... Читать дальше...

د یوې څیړنې له مخې، په جرمني کې نژدې یو میلیون کډوال له روحي فشارونو سره مخامخ دي او ژور خپګان لري. د جرمني د ( من هایم ) او ( بیلیفیلد) پوهنتونو د څیړنې له مخې؛ د کډوالو دیرش فیصده له روحي فشار او څلویښت په سلو کې په ژور خپګان اخته دي. د دې څیړنې د راپور له مخې دا نه ده څرګنده شوې چې په دې کډوالو کې څو سلنه افغانان دي. د جرمني د کډوالو د چارو د ادارو په وینا، د دوه زره یو ویشتم کال د اګست له میاشتې راوروسته چې طالبانو کابل نیولی دی، څه باندې درې لکه او پنځه نوي زره افغانان دغهَ هېواد ته د کډوالو په توګه ورغلي دي.

اسراییلي پوځیان د غزې په جنوب کې د خان یونس ښار په مرکزي سیمه کې له حماس وسله والې ډلې سره چې د امریکا متحد ایالتونه او اروپایي تولنه یې د یوې ترهګرې ډلې په توګه پیژني، په جګړه دي. رویټرز اژانس څرګندوي چې په خان یونس کې ډیری کسان هغه کډوال دي چې له شمال څخه یې د جګړو له ویرې دلته پناه اخیستې ده او اوس نورو ځایونو ته د لیږدیدو په لټه کې دي. د راپور له مخې، اسراییلي ځواکونه د تېرو دوو میاشتو د جګړې په ترڅ کې له سخت مقاومت سره مخامخ شوې دي او جګړه د خلکو د کورونو په منځ کې روانه ده. د اسراییل... Читать дальше...

د ملګرو ملتو د راپور ورکوونکو او څیړونکو یوه ډله وایي، که چېرته یو شمیر افغان کډوال له پاکستانه په زوره وایستل شي، په خپل هېواد کې ممکن د بشري حقونو له جدي خطر سره مخامخ شي. دوی پرون( د ډسمبر شپږمه) په جینوا کې د یوې غونډې پرمهال خبرداری ورکړ چې هغه افغانان چې په پاکستان کې د اوسیدو قانوني اسناد لري یا نه لري، له هر راز ګواښ سره د انساني قاچاق په شمول مخامخ کیدای شي. په دې غونډه کې د افغانستان لپاره د ملګرو ملتو د بشري حقونو ځانګړي راپور ورکوونکي ریچارډ بنټ هم حضور درلود. په راپور کې د ملګرو... Читать дальше...