پولنډ اوکراین ته لس جنګي الوتکې ورکړې
وارسا دغه خبر د دوشنبې په ورځ اعلان کړ.
تېر مارچ پولنډ وویل، اوکراین ته به د پخواني شوروي اتحاد ځینې جنګي الوتکې ورکړي او د تېرې میاشتې په پیل کې یې اوکراین ته څلور الوتکې سپارلې وې.
اوکراین چې د روسیې د ځوابي بریدونو لپاره ځان چمتو کوي د دغو الوتکو غوښتنه کړې ده.
پولنډ لومړنی هېواد و چې اعلان یې وکړ اوکراین ته به جنګي الوتکې ورکوي.
له دې وروسته سلواکیا هم اعلان وکړ چې د اوکراین د هوايي ځواک په پیاوړي کولو کې به برخه اخلي او خپل ګاونډي هېواد اوکراین ته یې ۱۳ میګ ۲۹ الوتکې ورکړې دي.