د کندهار په خاکرېز ولسوالۍ کې نن سهار د راکټ د یوې پخوانۍ سرګلولې په چاودنه کې یو کوچی مړ او د هغه دوه زامن ټپیان شوي دي. د طالبانو د حکومت د کندهار د والي مطبوعاتي دفتر په یوه خپاره کړي بیان کې ویلي چې د راکټ دغه مرمۍ هغه مهال وچاوده چې یوه کوچي د کېږدۍ د درېدو پرمهال مختبله پرې ټکوهله. دا په داسې حال کې ده چې تېره میاشت بېلابېلو سازمانونو افغانستان کې د ماينونو او ناچاوده توکو د خطر په اړه اندېښنه ښودلې وه.
د طالبانو د حکومت د بهرنیو چارو سرپرست وزیر امیرخان متقي وايي، د ایران د سیستان او بلوچستان پر اوسېدونکو هماغسې زړه سوی لري چې د هلمند، نیمروز او فراه پر اوسېدونکو یې لري. متقي دا خبره د ایران له لوري د اوبو د حق د غوښتنې موضوع ته په اشارې نن په کابل کې په یوه غونډه کې وکړه ده وویل، که د کجکي بند اوبه خوشې هم کړي د وچکالۍ له کبله د هلمند سیند اوبه تر نیمروز ولایت پورې نه رسېږي. خو ایران ویلي چې افغانستان د ۱۳۵۱ لمریز کال د اوبو د تړون پر اساس له دغه هېواد سره منلې اوبه نه ورکوي او له طالبانو غواړي چې په یوه میاشت کې ایران ته اوبه پرېږدي.
د سپېس ایکس هغه کپسول چې لومړنۍ سعودي ستورمزلې هم په کې ده، نن له نړیوال فضايي سټېشن سره یوځای شو. عودي ستورمزلې ریانه برناوي د جنګي الوتکو له روزل شوي سعودي پیلوټ علي القرني او دوو نورو ستورمزلو سره د مې په ۲۲مه دسپېس ایکس په یو کپسول کې نړیوال فضايي سټېشن ته ورسېده. دا خصوصي فضايي ماموریت د اکسیوم سپېس شرکت له خوا چارتر شوی و. ساینسپوهه ریانه برناوي لومړنۍ سعودي مېرمن شوه چې د ځمکې مدار ته سفر کوي. د دې ماموریت مسوول قوماندان پیګي وایټسن وویل چې دا یو په زړه پورې سفر و. وایټسن چې پخوا... Читать дальше...
په روغتیا او درملنه خپرونه کې نن د ملاریا او په اوړي کې د خپرېدونکو ناروغیو په اړه غږېدلي یو. په پاکستان او افغانستان کې تېره میاشت تر بارانونو وروسته د ناولو اوبو ډنډېدو له کبله د ملاریا ناروغي خپره شوې ده. له دې علاوه، په ګرمۍ کې د قي او دستونو ناروغي هم زیاته شوې ده. له دې ناروغیو څخه د ځان ساتلو په اړه مو بحث کړی دی. داراز، په خپرونه کې د اورېدونکو د عمومي پوښتنو ځوابونه هم ورکړي دي. بشپړه خپرونه واورئ.
د روغتیا نړیوال سازمان خبر داری ورکوي چې په افغانستان کې د ورښتونو له پیل سره به په دغه هېواد کې ډینګې تبه لا ډېره او پراخه شي. په افغانستان کې د دی سازمان دفتر د یکشنبې په ورځ په یو لړ ټویټونو کې ولیکل چې د ۶۵ ښځینه کارکوونکو په ګډون، د دریو ورځو لپاره یې د کونړ، لغمان، نورستان او ننګرهار ولایتونو د ۱۸ روغتونونو او ۲۵۰ روغتیایي مرکزونو ۳۰۰ ډاکټران، نرسان او د لابراتوار تکنېشنان وروزل. ډینګه تبه، یا ژوره تبه یو ډول ویروسي ناروغي ده چې په ویروس ککړو ماشو په واسطه د انسانو ترمنځ تر ډېره په تودو او نیمه تودو سیمو کې خپرېږي. Читать дальше...
په اندونیزیا کې د افغان کډوالو د اعتراضونو په دوام لسګونه افغانان د دوشنبې په ورځ یو ځل بیا د کډوالو لپاره د ملګرو ملتونو د عالي کمېشنرۍ مخې ته راټول شول او د بیا مېشتېدلو غوښتنه یې وکړه. د دغه لاريون يوه ګډونکونکې ۱۵ کلنه نازنين رضايي وايي چې د دوی د لاريون موخه د کډوالو برخليک معلومول دي. نوموړې ازادي راډيو ته وویل: "موږ لیک لوست نهشو کولای، ښوونځي ته نهشو تللی، برخلیک مو معلوم نهدی. موږ د دې لپاره اعتراض ته راغلي یو، چې زموږ برخهلیک معلوم شي، نه له 'آی او ایم' څخه څوک راغلي او نه هم له... Читать дальше...
د ایران ولسمشر د ملي امنیت د عالي شورا له مشرتابه علي شمخاني لیرې کړی او پر ځای یې یو بل شخص چې له یوې لسیزې راهیسې د نړیوالې ټولنې د بندیزونو په فهرست کې دی، ټاکلی دی. د ایران ولسمشر ابراهیم ریسي د ځواکمنې د ملي امنیت د عالي شورا له مشرۍ څخه علي شمخاني لیرې کړی او پر ځای یې د سپاه پاسدارن انقلاب د ځواکونو پخوانی مشر علي اکبر احمدیان ټاکلی دی. احمدیان هغه شخص دی چې له څه باندې یوې لسیزې راهیسې ملګرو ملتونو، اروپایي ټولنې او د امریکا د متحدو ایالتونو لهخوا پرې بندیزونه لګول شوي دي. د ولسمشرۍ... Читать дальше...
یو شمېر بزګران او باغ لرونکي په خپلو سیمو کې د اوبو د کمي او وچکالۍ له امله اندېښنه ښيي. نورالله چې د هلمند ولایت د مارجې ولسوالۍ اوسېدونکی دی وايي، چېرته چې دی اوسېږي د نورو ولسوالیو په پرتله یې اوبه په سیمه کې کمې شوي دي. نورالله اندېښمن دی چې بې له اوبو څنګه کرونده وکري. هغه وايي: "وچکالي ده، پاکې اوبه نهشته. په نادعلي، ناوې او نهرسراج کې ټول اوبه لري، خو مارجې ته یې نه ورکوي. زموږ غوښتنه دا ده چې غږ مو مشرانو ته ورسوئ چې د مارجې خلکو ته یې حق ورکړي، اضافه دې نه راکوي، خپل حق دې را کړي."... Читать дальше...
د جوجیتسو د برخې ځوانه افغانه ورزشکاره ارزو احمدي له ګاونډي هېواد پاکستانه خپل ورزشي فعالیتونه مخته وړي. ارزو وایي، په تېرو اتو کلونو کې یې په افغانستان او پاکستان کې څو جامونه او مډالونه ګټلي او په خپلو ورزشي سیالیو کې يې هیڅکله ماتې نهده خوړلې. زموږ همکار له ارزو احمدي سره خبرې کړي او پر بنسټ يې دا راپور چمتو کړى دى. د دې راپور اورېدو لپاره لاندې غږيز فايل کېکاږئ:
په افغانستان کې د یوناما دفتر د ښځو څانګې ویلي چې د نړۍ د هر بل هېواد په پرتله په افغانستان کې د دوی فعالیتونو له ننګونو سره مخ دي او په دغه هېواد کې د ښځو له حقونو دفاع د دوی تر ټولو مهم مسوولیت دی. مرسلین ارسلا د یوناما د دغې اعلاميې پر جزییاتو د ښځو د حقونو له فعالې شایستې صافۍ سره مرکه کړې او په سر کې یې ورنه پوښتلي چې په افغانستان کې د ملګرو ملتونو په ځانګړي ډول د یوناما د ښځینه کارکونکو فعالیتونه څومره اغېزناک وو؟ دا مرکه د لاندې غږيز فايل په کېکاږلو اورېدلی شئ:
د پېښور په ګډون د پاکستان په لویو او وړو ښارونو کې د زړو کتابونو واړه دوکانونه هم وي او یا هم د سړک پر سر ځینې خلک زاړه کتابونه خرڅوي. داراز، په ځینو ښارونو کې په اوونۍ کې یو ځل د زړو کتابونو بازارونه هم لګېږي چې ډېری خلک ورته د ارزانه کتابونو اخیستو لپاره ورځي.
د ملګرو ملتونو سازمان د ښځو څانګه په افغانستان کې د طالبانو لهخوا په افغان نجونو او ښځو لګول شوي بندیزونه له ټولنې د دوی سیستماتیک حذف بولي وايي، د بل هر ځای په پرتله په افغانستان کې ژوند ډېر د دوی د حقونو لپاره په مبارزې پورې تړلی دی. د ملګرو ملتونو سازمان د ښځو څانګه په ټوله نړۍ کې د ښځو د حقونو لپاره مبارزه ستونزمن کار بولي، خو وايي، د بل هر ځای په پرتله په افغانستان کې ژوند ډېر په دې مبارزې پورې تړلی دی. دې سازمان د افغان نجونو او ښځو د ملاتړ لپاره په یوه خپره کړې اعلامیه کې چې نن یې په... Читать дальше...
د افغانستان لپاره د ملګرو ملتونو د بشري مرستو د همغږۍ دفتر اوچا وایي، تېر ۲۰۲۲ کال په افغانستان کې په ماین چاودنو، له جګړې پاتې د ناچاوده وسیلو او په کور کې د جوړو شویو چاودېدونکو وسیلو په چاودنو کې له اوه سوه زیات ماشومان وژل شوي یا ټپیان شوي دي. اوچا دا خبره نن په یوه ټویټ کې کړې او ویلي یې دي چې دا په ورځ کې په متوسط ډول دوه ماشومان دي چې په افغانستان کې د چاودنو قرباني کېږي. اوچا دغه څرګندونې د ملکیانو د خوندیتوب د اوونۍ د شپږمې دورې له پیلېدو سره چې پرون یکشنبې د مې په ۲۲مه پیل او د مې تر ۲۵ پورې دوام کوي، کړې ده. Читать дальше...
چارواکي وایي چې د پاکستان په شمالي وزیرستان کې تېره شپه د نجونو دوه ښوونځي په بمونو الوځول شوي دي. سیمه ییزو چارواکو دا خبره د ازادي راډیو د مشال څانګې ته کړې او ویلي یې چې دا ښایي د وسله والو کار وي. د شمالي وزیرستان د پوليسو مشر سليم ریاض نن دوشنبې وویل چې د نجونو دا منځني ښوونځي د ميرعلي په حسوخېل او مسکي کلیو کې وو چې ناڅرګنده وسلهوالو پرون یکشنبې په باروتو الوځولي دي. د چارواکو په خبره دا پېښه د شپې ناوخته شوې نو ځکه چا ته په کې زیان نه دی رسېدلی. د دغې پېښې مسوولیت چا یا کومې ډلې نه دی اخیستی. Читать дальше...
د افغانستان په څه باندې ۴۰ کلنه ناکرارۍ او جګړه کې سلګونه زره کسان د ځمکلاندې بمونو په چاودنو، هوايي بمباریو، ځانمرګو بریدونو او د تاوتریخوالي په نورو پېښو کې معذوره شوي دي.
د اوکراین پوځ د روسیې له هغې ادعا سره سره چې ویلي یې دي، ځواکونو یې پر باخموت ښار بشپړ کنټرول ټینګ کړی، نن وویل چې د دې ښار پر ختیځې برخې د کنټرول لپاره تېره ورځ سخته جګړه روانه وه. باخموت له څو میاشتو راهیسې د اوکراین په ختیځ کې د جګړې پر مرکز بدل شوی دی. د اوکراین د پوځ د لوی درستیز دفتر د جګړې په اړه د وروستیو پرمختګونو په راپور کې ویلي چې د اوکراین په ختیځ کې اصلي جنګي عملیات د دونیڅک د سیمې د باخموت اودیوکا ماریانکا د جګړې پر کرښې متمرکز دي. د اوکراین پوځ ویلي چې ځواکونو یې په تېرو ۲۴ ساعتونو کې د روسیې ۳۷ بریدونه په شا تمبولي دي. Читать дальше...
د ملګرو ملتونو د ښځو څانګه وایي، د نړۍ په هر ګوټ کې د ښځو د حقونو لپاره مبارزه سخته ده، خو د بل هر ځای په نسبت په اوس وخت کې په افغانستان کې په دې مبارزې پورې ډېر ژوند تړلی دی. د ملګرو ملتونو د ښځو څانګې افغان ښځو ته په اشاره په یوه اعلامیه کې چې نن یې پر خپله ویبپاڼه خپره کړې ویلي: "د نړۍ په بل هېڅ یوه ځای کې زموږ ماموریت، د موجودیت دلیل او زموږ اغېز له ننګونو او پوښتنو سره نهدی مخ شوی، لکه په افغانستان کې چې دی." په اعلامیه کې د طالبانو لهخوا په غیر دولتي موسسو او د ملګرو ملتونو په ادارو... Читать дальше...
د نایجیریا یوې ښځې ۱۰۰ ساعته پرلپسې پخلی وکړ او نړیوال ریکارډ یې جوړ کړ. په دې کار سره د هغې نوم د ریکارډونو په نړیوال کتاب کې درج شو. هيلدا باسي وايي غواړې چې افریقایي نجونې مخې ته راشي چې نړۍ یې وپېژني. په دې اړه له رویټرز اژانس ویډیو څخه فرخنده اسد راپور جوړ کړی دی.
په بلغاریا کې اعتراض کوونکو، چې ځینو یې د روسیې بیرغونه له ځانونو سره لېږدول په پلازمینه صوفیه کې هغه وداني زیانمنه کړه، چې د اروپايي ټولنې چارواکي په کې اوسېدل او له خپل حکومت یې غوښتنه وکړه، چې اوکراین ته خپله مرسته ودروي. اعتراض کوونکو پر دغې عصري ودانۍ چې له ښیښو او فولادو جوړه ده او د اروپايي کمېسیون او اروپايي پارلمان استازي په کې دېره دي، سره رنګونه وویشتل. ویل شوي، د دې سره رنګ هدف په سمبولیک ډول د جګړې او وینې تویېدنې څرګندول وو. په بلغاریا کې پرونۍ مظاهره د هغو ګڼو غیردولتي سازمانونو... Читать дальше...
د تاجکستان د بهرنیو چارو وزارت پرون ویلي، دوی ۱۰۴ نورې ښځې او ماشومان له سوریې څخه تسلیم کړل. د تاجکستان په سلګونو وګړي په سوریه کې له افراطي ډلو سره ملګري شوي دي. په ترلاسه شویو کسانو کې ۳۱ ښځې او ۷۳ ماشومان شامل دي. د تاجکستان د بهرنیو چارو وزارت ویاند د فرانسې خبري اژانس ته ویلي، د قزاقستان ۵ وګړي هم د قزاق چارواکو په غوښتنه تاجکستان ته ستانه کړای شوي دي. دغه ښځې او ماشومان په هغو کمپونو کې ساتل کېدل، چې د سوریې په شمال کې د کرد ځواکونو تر حاکمیت لاندې د افراطي وسلهوالو د خپلوانو لپاره ځانګړي شوي وو. Читать дальше...
په افغانستان کې د طالبانو د حکومت د دفاع وزارت وایي، د ایران د پوځ د یوه جګپوړي چارواکي په مشرۍ له پلاوي سره په کتنه کې د دواړو هېوادونو ترمنځ د پولې په اړه له خبرو اترو وروسته د نړیوالو تعهداتو په رڼا کې خپل لید لوري، وړاندیزونه او طرحې وړاندې کړې چې د دواړو ګاونډیو هېوادونو ګټې خوندي کوي. دې وزارت پرون یکشنبې په یوه خپره کړې خبرپاڼه کې په دې اړه اړه نور جزییات نهدي ورکړي، خو یوازې دومره یې ویلي چې دواړو لورو په راتلونکې کې پر لازمې همغږۍ ټینګار وکړ. په دې خبرو کې د ایراني پلاوي مشري د هغه... Читать дальше...
په افغانستان کې د طالبانو د حکومت د کورنیو چارو سرپرست وزیر سراجالدین حقاني د افغانستان لپاره د ملګروملتونو له ځانګړې استازې روزا اوتونبایوا سره په کتنه کې غوښتنه کړې چې په وروستیو څه کم دوه کلونو کې په افغانستان کې امنیت د پام وړ ښه شوی او د اسلامي امارت استازیو ته باید د ملګرو ملتونو لهخوا په جوړېدونکو غونډو کې د ګډون حق ورکړل شي. د کورنیو چارو وزارت پرون یکشنبې په خپله ټویټرپاڼه کې په څو ټویټونو کې ویلي چې مېرمن اوتونبایووا هم منلې چې په دې وروستیو کې امینت ډېر ښه شوی او له لیرې سیمو مرکزونوته د خلکو تګ راتګ زیات شوی. Читать дальше...
ګارډین: د بریتانیا چاپ ګارډین ورځپاڼې په خپله پرونۍ ګڼه کې د ۲۰۰۱م کال د سپټمر د یوولسمې تر حملو وروسته د افغانستان په ګډون د نړۍ په ځینو برخو کې ځینو ستونزو ته کتنه کړې ده. د مقالې عنوان دی: "ناشمېرل شوي: "د امریکا د سپټمبر د یوولسمې تر جګړو وروسته څنګه په ميلیونونو کسان مړه شول؟" د لیکنې په یوه برخه کې راغلي چې د جګړې د اړوندو اغېزو یوه هم د ماشومانو د خوارځواکۍ زیاتېدل دي چې د لیکوال په وینا په افغانستان، عراق، سوریه، یمن او سومالیا کې ۷ ميلیونه او ۶ لکه تر پنځو کلونو کمعمره ماشومان له... Читать дальше...
د روغتیا نړیوال سازمان یا 'ډبلیو ایچ او' په افغانستان کې د ډینګي تبې د ناروغۍ د مخنیوي لپاره د یو لړ اقداماتو خبر ورکوي. د افغانستان لپاره د دې سازمان څانګې پرون یکشنبې په یوه ټویټ کې وویل چې د ډینګي ناروغۍ د ښه مدیریت کولو په درې ورځنیو، دولسو روزنیزو کورسونو کې یې ۶۵ ښځینه روغتیاپالانې روزلي دي. ياد سازمان ویلي، د بارانونو له موسم سره د ډینګي پېښو د زیاتېدو امکان شته او له همدې امله دوی روغتيایي کارکوونکي روزي چې دغه ناروغي ښه مدیریت کړي. د روغتیا نړیوال سازمان ویلي، په دې وروستیو کې یې د... Читать дальше...
د ملګرو ملتونو پراختیایي اداره وایي، د ۲۰۲۱ کال راهیسې یې په افغانستان کې د ابادي په نوم پروژې له لارې د نږدې ۱۳ زره بزګرو ښځو ملاتړ کړی دی. د افغانستان لپاره د یو این ډي پي څانګې پرون یکشنبې په یوه ټویټ کې د فاطمې په نوم د یوې افغانې یادونه کړې او ویلي یې دي چې نوموړې د خپلې کورنۍ یوازېنۍ ډوډۍ ګټونکې ده چې د دې ادارې په مرسته توانېدلې د خپلو وزو د مستو او چکې د پلورلو له لارې خپل ژوند مخته یوسي. افغانستان چې اقتصاد یې تر ډېره پر کرنه ولاړ دی، په کلیوالي سیمو کې ښځې د کور د کارونو ترڅنګ له خپلو سړو سره په کروندو کې هم لاس يو کوي.
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости