'جنرال چارلس براون' د ټولو امريکایي ځواکونو د لوی درستيز په توګه نومول شوی
د امریکا د متحده ایالتونو ولسمشر جو بایډن پرون جنرال چارلس براون د امریکا د ټولو ځواکونو د لوی درستیز په توګه ونوماوه.
ولسمشر بایډن دغه افریقایی-امریکایی جنرال وستایه چې څرنګه یې یو وخت د پیلوټي پر مهال په جنګي الوتکه کې ځان ژغورلی و او د توکمپالنې پرضد یې څرنګه مبارزه کړې ده.
که چېرته سنا د جنرال براون د ټاکنې تایید وکړي، دی به لومړی افریقایی امریکایی وي چې د امریکا د پوځ دغه مهمه څوکۍ خپلوي.
د امریکا د ټولو ځواکونو د اوسني لوی درستیز جنرال مارک میلي د کار څلور کلنه دوره په بشپړېدو ده.