د اسرایيل ولسمشر اذربايجان ته ځي
په تلبیب کې د هیرزوګ دفتر پرون یکشنبې اعلان وکړ چې د دواړو هېوادونو مشران به د دوه اړخیزو ستراتېژیکو اړیکو د پراختیا پر لارو چارو خبرې وکړي.
هیرزوګ به د اسراییل دولت د جوړېدو د ۷۵ کالیزې په مراسمو کې هم ګډون وکړي.
په پام کې ده چې د روغتیا د سکتور په برخه کې د همکارۍ یوه موافقه هم لاسلیک شي.
اذربایجان چې یو اسلامي هېواد دی، د روان کال په مارچ میاشت کې په تلبیب کې خپل سفارت پرانیست، حال دا چې اسراییل له ۱۹۹۳ کال راهیسې په باکو کې سفارت لري.