د لوبو له میدانه؛ شهیدي: افغان کرکټ لوبډله له سریلانکا سره لوبو ته چمتووالی لري
د لوبو له میدانه په خپرونه کې به واورئ چې د سریلانکا پر وړاندې سیالیو ته افغان لوبډلمشر حشمت شهیدي له خپل چمتووالي ډاډ څرګندوي او سریلانکا بیا د دې لوبو لومړنیو دوو لوبو ته ۱۶ کسیزه لوبډله اعلان کړه.
په آیپيایل سیالیو کې چینای سوپرکینګز لوبډلې د پنځم ځل لپاره اتلولي وګټله او افغان لوبغاړي نسبتاً تر نورو کلونو دا ځل ښه ولوبېدل.
د لبنان پر وړاندې د افغانستان د فوټسال ملي لوبډلې دوه سیالۍ ګټلي دي.
د تکواندو په نړیوالو سیالیو کې ۷ افغان لوبغاړو ګډون کړی او تر دې دمه یوه لوبغاړي خپله سیالي ګټلې ده.
او راروانه میاشت په انګلستان کې د هندوستان او اسټرالیا ترمنځ د ټېسټ اتلولیو پایلوبه پیلېږي.
په خپرونه کې درته دا ځل د ځانګړو مرکو په ترڅ کې د ازادي راډيو خبریال بختیار ساحل له پخواني لوبغاړي او روزونکي دولت خان احمدزي سره په آیپيایل سیالیو کې د افغان لوبغاړو په کارکردګیو مرکه کړې ده.
د دې خپرونې د اورېدو لپاره لاندې لېنک کېکاږئ: