کډوال شویو ژورنالیستانو ته د پاملرنې غوښتنه وشوه
د ژورنالیستانو د خوندیتوب کمېټې یا 'سي پي جی' پرون سې شنبه د کډوالو نړیوالې ورځې په مناسبت د نړۍ په بېلابېلو برخو کې هغو ژورنالیستانو ته د پاملرنې غوښتنه وکړه، چې د خپلې دندې له کبله له خپلو هېوادونو تښتېدلي دي.
دغې ادارې افغان ژورنالیست شېراز نوراني ویډیو خپره کړې، چې په ۲۰۲۱م کال کې پر افغانستان د طالبانو د ولکې له ټینګولو وروسته د امریکا متحدوایالتونو ته په کډې کولو مجبوره شوی دی.
پرون د جون میاشتې شلمه د کډوالو نړیواله ورځ وه او سږکال داسې مهال نمانځل کېږي، چې په زرګونو افغانان لا هم په ګاونډیو هېوادونو کې نورو ځایونو ته د تګ په تمه دي.
د بخښنې نړیوال سازمان پرون د پاکستان له حکومت نه غوښتنه وکړه، په هغه هېواد کې د افغان کډوالو او پناه غوښتونکو خپلسري نیول او ځورول بند کړي.