Новости за 26.06.2023

د افغاستان کرکټ بورډ ادارې د اسیا جام د راتلونکو سیالیو لپاره ۱۶کسیزه لوبډله اعلان کړه. کرکټ بورډ د دوشنبې په ورځ د جون په ۲۶مه نېټه په یوه خبرپاڼه کې دغې لوبډلې ته د افغان ابدالیانو نوم ورکړی او ویلي یې دي، چې شاهدالله کمال به په دې سیالیو کې د افغان لوبډلې لوبډلمشري کوي. د کرکټ اسیايي شورا د مهالوېش پر اساس یادې سیالۍ د جولای میاشتې په ۱۴مه نېټه په سریلانکا کې پیلېږي او د همدې میاشتې تر ۲۳مې نېټې پورې به دوام وکړي. د کرکټ بورډ ټاکونکې ډلګۍ د دې سیالیو لپاره د ځینو پخوانیو او تنکیو ځوانانو... Читать дальше...

ترکي رسنیو له دې هېواده د ۲۳۰ افغان پناه غوښتونکو د ایستلو خبر ورکړی. په خبر کې ویل شوي، چې دا افغان وګړي د ترکیې له بېلابېلو ښارونو څخه ایستل شوي. د چارواکو په وینا، دا هغه کسان دي چې یا په غیرقانوني ډول ترکیې ته تللي او یا یې د استوګنې اسناد نه درلودل. له بلې خوا د ایران دولتي خبري آژانس ایرنا د چارواکو په حواله خبر ورکړی، چې د سږني کال له پسرلي راهیسې شاوخوا نوي زره افغانان چې هلته یې د استوګنې قانوني اسناد نه درلودل، افغانستان ته ایستل شوي دي.

په سعودي عربستان کې د حج مراسم د لږترلږه دېرش زره افغانانو په ګډون پیل شوي دي. د کورونا د وبا پرمهال دا مراسم په تېرو څو کلونو کې ډېر پیکه وو، خو سږکال یو ځل بیا د نړۍ له ۱۶۰ هېوادونو څخه له دوه میلیون زیات خلک د اسلام د پنځمې بنا د ترسره کولو لپاره سعودي عربستان ته تللي دي. حاجیان نن په مینا کې وو او په پام کې ده چې سبا به عرفات ته روانېږي. په ۲۰۱۵ کال کې د حج د مراسمو پر مهال په ګڼه ګوڼه کې له ۲۳۰۰ زیات حاجیان مړه شول.

د ناټو عمومي منشي ینس سټولټنبرګ وايي، چې د سویډن او ترکیې جګپوړي چارواکي به د ناټو له راروانې سرمشریزې مخکې، په ناټو کې د سویډن د احتمالي غړیتوب په اړه په بروکسل کې خبرې وکړي. د ناټو سرمشریزه په راروانه میلادي میاشت کې د لېتوانیا په پلازمېنه ویلینوس کې جوړېږي. سټولټنبرګ نن په ویلینیوس کې خبریالانو ته وویل، چې په دې غونډه کې به د ترکیې او سویډن د بهرنیو چارو وزیران، د ملي امنیت سلاکاران او د استخباراتي ادارو مشران برخه ولري. د نوموړي په وینا، د دې خبرو هدف په ناټو کې د سویډن د غړیتوب د بشپړولو په هدف په خبرو کې پرمختګ دی.

د واګنر په نوم د روسیې د ملېشه ډلې مشر ایفګیني پریګوژین وايي، چې د مسکو پر لور د ده د ځواکونو د مارش هدف د روسیې د حکومت پرځول نه بلکې د خپلې کمپنۍ خوندي کول و. دا لومړی ځل دی چې پریګوژین د مسکو په نږدې دوه سوه کیلومتري واټن کې د خپل مارش له پرېښودو وروسته په یو غږیز پیغام کې خبرې کوي. پریګوژین په دې یوولس دقیقې پیغام کې وايي، چې خپل مارش یې د بې‌عدالتۍ په خاطر پیل کړ. د نوموړي اشاره هغې ادعا ته وه، چې ګنې د روسیې پوځ د ده پر ځواکونو برید کړی. د واګنر ملېشو مشر دا نه دي ویلي، چې اوسمهال په کوم ځای کې دی او د راتلونکي لپاره څه پلان لري.

د ننګرهار باختر اژنس چې د طالبانو په کنټرول کې دی خبر ورکړی، چې نن دوشنبه ۲۷ تنه هغه افغانان چې پاکستان کې د قانوني اسنادو د نه لرلو له امله بنديان وو، د تورخم بندر له لارې د طالبانو حکومت ته سپارل شوي دي. باختر اژانس د ځينو بنديانو له خولې لیکلي، چې د پاکستان په زندانونو کې ورسره ناسم چلند شوی، وهل شوي او ډبول شوي دي. یادو بندیانو چې دوه، درې او نهه میاشتې په بند کې وو، د مزار شريف، ننګرهار، لوګر، بدخشان، سمنګان، کندز او کونړ ولايتونو اوسېدونکي ياد شوي دي. تېره مياشت هم ۴۷ افغانان چې پاکستان کې بنديان وو افغان لوري ته سپارل شوي دي.

دا عکس د سړک پاکولو کار ښیې، چې د جون د ۲۴مې نېټۍ د ګډوډۍ د پېښو له امله خراب شوی و او داسې ښکاري چې نورمال حالت ته راګرځېدلی دی.

په بلخ ولایت کې یو شمېر ښځو په یوه اعتراضیه ناسته کې له طالبانو وغوښتل، چې د ښځو پر زده کړو او کار لګول شوي محدوديتونه لرې کړي. په بلخ کې معترضې مېرمنې د لوی اختر د رارسېدو په درشل کې د طالبانو له حکومت څخه د کار او زده کړو د حقونو غوښتنه کوي. د دې اعتراض هغه ويډيو چې له ازادي سره شریکه شوې، ښيي چې تر ۲۰ ډېرې ښځې په یوه حویلۍ کې راټولې شوي دي. په دې ويډيو کې چې د ځینو مېرمنو چادرۍ هم پر سر دي، د "د زده کړو او کار اختری ورکړئ" شعارونه ورکوي. د دې اعتراضيه ناستې په پای کې یو څلوره ماده يیز... Читать дальше...

ترکي رسنیو د دې هېواد د چارواکو له قوله خبر ورکړی، چې شاوخوا ۲۳۰ افغان کډوال چې په غیرقانوني توګه ترکیې ته تللې وو، له بېلابېلو ښارونو ویستل شوي او افغانستان ته لېږل شوي دي‌. دا په داسې حال کې ده، چې د ترکیې د کډوالو ادارې ویلي، د تېر میلادي کال په اوږدو کې یې له ۱۴۴ زره او ۴۴۱ افغانانو چې دې هېواد ته ورغلي وو، ۶۸ زره ۲۹۰ تنه چې په غیر قانوني توګه یې ترکیې ته سفر کړی و، له خپلې خاورې ویستلي دي. ورته وخت کې د ایران دولتي اژانس ایرنا هم راپور ورکړی، چې د سږ کال پسرلي راهیسې ۹۰ زره افغانان په خپله... Читать дальше...

د کراچۍ پښتون ګڼ میشته سیمه کیماړۍ کې لپه بېوزله کورنيو کې د پېسو وېشلو پر وخت د ګډوډي په پېښه کې لږ تر لږه ۲۱ ښځې ژوبل شوې دي. تفصیل په ویډیو کې

په هالنډ کې د پي ټي ايم د نيول شويو غړيو د خلاصون لپاره لاريون ترسره شو. په دغه لاریون کې د هالنډ له بېلابېلو ښارونو سلګونه کسانو ګډون کړي وو، چې موخه یې د میرانشاه د پرلت ملاتړ ترڅنګ د دغه غورځنګ د ټولو غوښتنو د ژر تر ژره حل کېدو غوښتنه وکړه. د پښتون ژغورنې غورځنګ د هالنډ څانګې مشرې سایرې نورزۍ د لاریون پر مهال وویل، څه موده وړاندې په محکومه پښتونخوا کې د پنجابي پوځیانو له خوا د پښتون ژغورنې غورځنګ غړي عیدالرحمن وزیر، جلال وزیر، زکیم وزیر، صابر بلال، اعجاز خوشحال، عالمزیب مسید نیول شوي دي. ... Читать дальше...

مېجر جنرل احمد شريف چودري نن (جون ۲۶مه) په راولپنډۍ کې د خبرې غونډې پر مهال وويل چې د مې نهمې او لسمې د پېښو په اړه پوځ د خود احتسابۍ عمل بشپړ کړی دی

د روان کال د پنځوس اوریز نړیوال جام د لارموندنې سیالیو لومړی پړاو سبا سه شنبه د ایرلنډ او عربي متحده اماراتو په لوبې سره پای ته رسېږي. دغه سیالۍ چې د روانې میاشتې په ۱۸مه نېټه په زمبابوې کې پیل شوې دي، ایرلنډ، د امریکا متحده ایالات، عربي متحده امارات او نیپال هغه لوبډلې وې چې له دویم پړاو پاتې شوې. د دې سیالیو په الف ګروپ کې زمبابوې، ویسټ اینډیز او هالنډ لوبډلو بل پړاو ته لار موندلې ده. دغه راز په ب ګروپ کې بیا سریلانکا، سکاټلنډ او عمان لوبډلې د شپږ غوره پړاو ته رسېدلي دي. د شپږ غوره لوبډلو پړاو جون میاشتې په ۲۹مه نېټه پيلېږي. Читать дальше...

د اسټرالیا د ښځینه‌وو کرکټ ملي لوبډلې د انګلستان پر وړاندې د ایشیز لوبلړۍ په یوازېنۍ ټیسټ لوبه کې د ۸۹ منډو په توپیر بریا خپله کړه. دغه سیالي چې نن دوشنبه پای ته ورسېده، انګلستانۍ لوبډلې ونه کړای شول، چې د اسټرالیا د ۲۶۸ منډو هدف پوره کړي او ټول لوبغاړي یې په ۱۷۸ منډو وسوځېدل. د دې ټېسټ سیالۍ پچه اسټرالیا ګټلې وه او پخپلو دوه پاڼیو کې یې ۴۷۳ او ۲۵۷ منډې کړې وې. د یادې لوبډلې لپاره انیبل سودرلینډ ۱۳۷ او ایلیاس پیري ۹۹ منډې کړې وې. دغه راز په دویمې پاڼۍ کې بیا بیت موني مخکښه وه او ۸۵ منډې یې جوړې کړې وې. Читать дальше...

د افغانستان فوټبال فدراسیون خبر ورکړی، چې د فوټسال ملي لوبډلې د راتلونکو سیالیو نېټې په ډاګه شوې. یاد فدراسیون د یکشنبې په ورځ په یوې خبرپاڼه کې ویلي، چې د فوټسال ملي لوبډله به په جولای میاشت کې د مرکزي اسیا په سیالیو کې برخه واخلي. د خبرپاڼې د جزیاتو له مخې، افغان لوبډله به خپله لومړۍ سیالي د جولای په ۲۳مه له قرغزستان، په ۲۴مه له ازبکستان، په ۲۶مه له ایران، په ۲۸مه له تاجکستان او په ۳۰مه نېټه له ترکمنستان سره ترسره کړي. دغه سیالۍ د مرکزي اسیا یا کافا د اتلوليو په پار په تاجکستان کې ترسره کېږي. Читать дальше...

د افغانستان کرکټ بورډ وايي، چې د افغانستان شل اوریزه غوره لیګ د دویم پړاو ترسراوي لپاره یې هوډ کړی او په مناسب وخت کې به یې ترسره کړي. کرکټ بورډ د یکشنبې په ورځ په یوې خبرپاڼې کې ویلي، چې د بورډ مشرتابه او بورډ غړیو د یوې ناستې پرمهال د یاد لیګ د دویم پړاو سیالیو د ترسره کولو په اړه هر اړخیز معلومات شریک او پرېکړه وشوه. یادې ادارې ویلي: "له دې وړاندې د یادو غړو ترمنځ په کلنۍ ناسته کې په دې ټینګار شوی و ترڅو افغانستان کرکټ بورډ د افغانستان شل اوریز غوره لیګ دویم پړاو سیالیو د ترسراوي په موخه د... Читать дальше...

د روسیې چارواکو هڅه کړې، چې په دغه هېواد کې له بلوا وروسته وضعیت بېرته عادي وښيي. په روسیه کې د وړمې ورځې له نږدې ۲۴ ساعته ګډوډۍ او بلوا وروسته روسي چارواکو نن هڅه کړې چې وضعیت بېرته عادي وښيي. پلازمېنه مسکو کې نن دوشنبه د وضعیت د عادې کېدو په موخه رخصتي اعلان شوې او د مسکو ښاروال سرګي سوبیانین اعلان کړی، چې له بلوا وروسته د ترهګرۍ ضد اقدامات بېرته لغوه شوي دي. سوبیانین پر خپل ټلېګرام چېنل لیکلي، چې د بلوا د مخنیوي لپاره ټول لګول شوي محدودیتونه له منځه ځي. د روسیې د امنیت فدرال سرویس په جلا... Читать дальше...

د ځینو هغو کسانو د کورنۍ غړي چې د طالبانو د حکومت له خوا نیول شوي وايي، په میاشتو میاشتو هم د نیول شويو خپلوانو د ځای او حالت په اړه یې معلومات نه ورکول کېږي او نه هم ورسره لیدلای شي چې له دې امله دوی سخت اندېښمن دي. د ليکوال او شاعر ذبيح الله عیار تره محمد نسيم راضي وايي: "زموږ ټوله کورنۍ په تشویش کې ده، خفه یوو، سرګردانه یوو، له کاره لوېدلي یوو." نوموړی وايي، په تېر کوچني اختر کې یې وراره د طالبانو له لوري نیول شوی، خو تر دې دمه یې نه له خپل وراره سره لیدلي او نه یې په اړه معلومات ورکړل شوي. Читать дальше...

د روسیې دفاع وزیر سرګي شویګو په هغې ویډیو کې لیدل شوی، چې د دفاع وزارت د ادعا له مخې نوې ده. دا له کله چې د شویګو د لرې کولو په هدف د واګنر ډلې وسله واله بلوا په یوې هوکړې سره پای ته ورسېده، دا لومړی ځل دی چې شویګو په یوه ویډیو کې راڅرګندېږي. د رویټرز خبري اژانس د راپور له مخې په دغې ویډیو کې چې نن دوشنبه خپره شوې، لیدل کېږي، چې شویګو له خپل یوه همکار سره په الوتکه کې د پرواز په حال کې دی. په ویډیو کې هېڅ غږ نه اورېدل کېږي او په کره توګه دا هم مشخصه نه ده چې هغه څه وخت او کومه سیمه یې لیدلې ده.

چارواکي وايي، د کونړ د پېچ درې په ځنګله کې لګېدلی اور مړ شوی، خو د نورستان په کامدېش کې لا هم پر ځنګله اور بل دی. پېښو ته د رسېدو په برخه کې د طالبانو د دولت وزارت ویاند شفیع الله رحیمي د دغو اورونو د زیانونو په اړه وایي: "د کونړ په دره پېچ او د نورستان په کامدېش ولسوالۍ کې ځنګلونو اور اخیستی وو، له کبله یې له بده مرغه ۱۹۰ جریمه ونې له منځه تللي. د یادونې وړ ده چې د کونړ په پېچ دره کې اور قابو او مهار شوی، خو په نورستان کې د اور د مهارولو هڅې روانې دي." رحیمي وایي، د اور مړه کېدو ته د دفاع وزارت څو قطعې او رضاکاره ټیمونه تللي دي. Читать дальше...

د ژغورنې ادارې  ۱۱۲۲ ترمخه د جون ۲۵مې په ماښام د بونير په تخته بند سيمه کې د تیز باران له وجې يوه زنانه وژل شوي او شپږ کسان ژوبل شوي دي. دا راز د مردان ضلع په ګړۍ کپوره کې د کور چت د غورځیدو له امله یوه ښځه او د هغه شپږکلن زوی ژوبل شوي دي.

د چیف جسټس عمر عطا بنديال په مشری دغه جرګګۍ نن (جون ۲۶مه) داسې وخت ماته شوه  چې د حکومت له خوا تر اعتراض وروسته جسټس منصور علي خان ورڅخه ځان واېستلی.

شهره تمنا چې له زده کړو بې برخې شوې، د بدخشان په مرکز فیض اباد ښار کې یې د ځان او یو شمېر نورو ښځو لپاره د یو ښځینه پلورنځي په جوړلو سره د کار زمینه برابره کړې. نوموړې وايي، دا چې له زده کړو بې برخې شوې او نه یې غوښتل په کور کې پاتې شي په ډېرو کمو پيسو یې د ښځو یو پلورنځی جوړ کړ. دا په داسې حال کې ده چې د طالبانو حکومت په افغانستان کې د ښځو پر کار او زده کړو سخت بندیزونه لګولي او په زرګونو ښځې او نجونې یې په کورونو کې پاتې کېدو ته اړې کړې دي. نور جزییات په دې راپور کې د لاندې لېنک په کېکاږلو اورېدلی شئ، چې د شهره تمنا په غږ پیلېږي... Читать дальше...

اسټرالیا د روسیې له یرغل څخه د دفاع په خاطر اوکراین ته د ۷۳ اعشاریه پنځه میلیونه ډالرو په ارزښت د مرستو نوې کڅوړه ورکوي. د رویټرز خبري اژانس د راپور له مخې، د مرستو په دغې کڅوړه کې ۷۰ پوځي موټر هم شامل دي. د اسټرالیا صدر اعظم انټوني البانیز نن په کانبرا کې د یوې خبري غونډې پر مهال د دغو مرستو اعلان وکړ. د البانیز په خبره د اوکراین خلکو د روسیې د ناقانونه، غیر موجه او غیر اخلاقي جګړې په وړاندې خپله مېړانه ښودلې ده. له دې سره اوکراین ته د جګړې له پيل راهیسې د اسټرالیا د مرستو اندازه ۵۲۷ میلیونه ډالرو ته ورسېده.

د نشه يي توکو او جرمونو پر وړاندې د ملګرو ملتونو سازمان د مبارزې دفتر یا 'یو این او ډي سي' وايي، په افغانستان کې د نشه‌يي توکو د کارونې په پرتله بل هېڅ خطر هومره ګواښوونکی نه‌دی. د نشه يي توکو او جرمونو پر وړاندې د ملګرو ملتونو سازمان د مبارزې دفتر په خپل نوي راپور کې د افغانستان لپاره تر ټولو لوی ګواښ د نشه‌يي توکو کارول بللي. دې ادارې پرون خپل راپور کې لیکلي: "د افغانستان د پلازمېنې کابل له ګڼې ګوڼې ډکو واټونو کې ډېر خطرونه شته، خو د نشه‌يي توکو په پرتله چې ټول ښار او هېواد یې وران کړی، بل... Читать дальше...