Новости за 06.09.2022

د بشر د حقونو څار بنسټ په یو راپور کې ویلي، طالبانو د داعش له حملو د افغان هزاره ګانو او نورو دیني اقلیتونو ساتنه نه‌ده کړې. د بشر د حقونو د څار سازمان نن د یو راپور په خپرولو سره ويلي چې، پر افغانستان د طالبانو د بیا ځلي واکمنۍ له پیل راهیسې داعش ډلې په افغان هزاره ګانو د ۱۳ حملو مسؤلیت منلی او درې نورې حملې هم دغه ډلې ته منسوبې شوي چې ۷۰۰ کسانو ته په‌کې مرګ ژوبله اوښتې ده. د بشر حقونو د څار سازمان په دې راپور کې راغلي دي، چې طالبانو دغه شان د دغو پېښو له قربانیانو او د دوی له کورنیو سره د روغتیایي... Читать дальше...

په کابل او ولایتونو کې یو شمېر خلک په وروستیو ورځو کې د امنیتي وضعیت خرابېدو اندېښمن کړي دي. په افغانستان کې د بې وزلۍ، بې کارۍ او اقتصادي بحران د اندېښنو تر څنګ په دې وروستیو کې بریدونو او چاودونو هم په پلازمېنه کابل او ولایتونو کې خلک اندېښمن کړي دي. یو شمېر دوی په هرات او کابل کې وروستیو بریدونو ته په اشارې سره ازادي راډیو ته وویل، د ډار او ناهیلۍ په حالت کې ژوند کوي او د خپل ځان او کورنۍ د امنیت فکر وړي دي. د کابل ښار اوسېدونکی احمد ظهور وویل: "وروستیو بریدونه په ځانګړي ډول د پرون ورځې برید مونږ ډېر اندېښمن کړي یو. Читать дальше...

نن د وږي یا سنبلې پنځلسمه د افغانستان په ګرمو سیمو کې له کلنۍ رخصتۍ وروسته د نوي ښوونیز کال د پیل ورځ ده. مریم د لغمان ولایت اوسېدونکی او د اتم ټولګي زده کوونکې ده. دې هم هیله درلوده چې په دې ولایت کې د نوي تعلیمي کال له پیل سره سم به د زده کړو اجازه ورکړل شي خو دا هیله يې یوازې هیله پاتې شوه. هغه وايي: "سږ کال زموږ په سیمه کې د نوي تعلیمي کال د پیل سره سم موږ هیله درلوده چې طالبان به موږ ته ښوونځيو ته د تګ اجازه راکړي، خو له بده مرغه په ختیځو ولایتونو کې یو وار بیا هم نجونو ته ښوونځيو ته د تګ اجازه ورنه کړل شوه. Читать дальше...

د طالبانو د حکومت د مالیې وزارت له خپلو کارکونکو عقیدتي ازموینه اخلي. د طالبانو د حکومت په مالیې وزارت کې سرچینو ازادي راډیو ته یوه مکتوب لېږلی، چې پر بنسټ یې د دغه وزارت د دعوت او ارشاد ریاست له خپلو کارکوونکو دیني ازموینه اخلي. دغه مکتوب د طالبانو د حکومت د مالیې وزارت د کورني تفتیش ریاست ته استول شوی او په کې ویل شوي، چې د دې ادارې ټول کارکوونکي باید په عقیدتي ازموینه کې ګډون وکړي. سرچینې ازادي راډیو ته یوه لس مخیزه پوښتنلیک هم استولي چې ۵۳ دیني پوښتنې او ځوابونه يې په کې شامل دي. د سرچينې... Читать дальше...

د اوکراین د جنوب د زاپوریژیا د اټومي بټۍ په شاوخوا کې د توغندیو د لګېدو له راپورونو وروسته د دې بټۍ شپږم او وروستی ریکټر هم غیرفعال شو. د زاپوريژیا د اټومي بټۍ چلوونکی شرکت انرهو اټوم اعلان کړی چې په دې بټۍ کې د برښنا شپږم او وروستی ریکټر یې د یو توغندي د لګېدو او ورپسې د اور د بلېدو له پېښې وروسته غیرفعال کړی دی. انرهو اټوم وویل دا ریکټر به هغه مهال بیا ولګوي چې اور مړ شي. د اوکراین ولسمشر ولودیمیرزیلینسکي پر روسیې ځواکونو تور ولګاوه چې دا توغندی یې ویشتلی دی. زیلینسکي بېګا ناوخته په یوه... Читать дальше...

د اسلامي دولت ډلې یا داعش په کابل کې د روسیې سفارت ته څېرمه د پروني ځانمرګي برید مسوولیت ومانه. په دې پېښه کې د روسیې د سفارت دوه کارکوونکي او څلور نور افغانان ووژل شول. د اسلامي دولت ډلې خراسان څانګې په خپل ټلګرام کې ویلي د دوی یوه غړي د روسیې د سفارت د کارکوونکو په ډله کې خپل واسکټ منفجر کړی دی. خو طالبان وايي، ځانمرګی بریدکوونکی تر حملې مخکې پېژندل شوی او په نښه شوی، چې په دې وخت کې چاودنه شوې ده. ګڼو هېوادونو او سازمانونو دغه حمله غندلې ده.

د پاکستان پوځ وايي، په شمالي وزیرستان کې د پرونۍ شخړې له کبله ۵ پاکستاني سرتېري او ۴ افراطي وسله وال ووژل شول. د پوځ د مطبوعاتي څانګې په اعلامیه کې راغلي، امنیتي ځواکونو د شمالي وزیرستان په بویا سیمه کې پوځي عملیات وکړل. د اعلامیې په وینا د یوه تورن په ګډون ۵ پاکستاني سرتېري او ۴ تنه افراطي وسله وال د ډزو په تبادله کې ووژل شول. په شمالي وزیرستان کې د پاکستاني طالبانو ډله ډېره فعاله ده.

واشنګټن پوسټ: واشنګټن پوسټ ورځپاڼې په کابل کې د روسیې سفارت مخې ته شوي ځانمرګي برید ته پام اړولی دی. د روسيې د بهرنيو چارو وزارت په دې پېښه کې د خپل سفارت د دوو کارکوونکو وژل کېدل تاييد کړل، خو د هغوى د هويت په اړه يې جزیيات ورنه کړل. واشنګټن پوسټ په کابل کې د طالبانو د پولیسو په حواله راپور ورکړی چې بریدګر د سفارت د ساتونکو له خوا په ډزو ویشتل شوی، خو هغه بیا هم په دې وتوانېد چې په ځان پورې تړلي چاودېدونکي مواد وچوي. د روسیې د ریا نووستي خبري اژانس راپور ورکړی چې د چاودنې په وخت کې د روسیې... Читать дальше...

د پکتیا په مرکز ګردیز او څمکنۍ ولسوالۍ کې د نجونو ځینې لېسې فعاله شوې دي. د څمکنیو یوه اوسېدونکي او د دارالمعلین استاد هاشم خیل هاشمي ازادي راډیو سره په خبرو کې وویل چې نجونې د ښوونځیو له بیا پرانېستل کېدو ډېرې خوشاله دي. له ښاغلي هاشمي سره صفي الله ستانکري مرکه کړې چې د لاندې لېنک په کېکاږلو اورېدلی شئ:

د ملګرو ملتونو د بشري مرستو د همغږۍ ادارې اوچا افغانستان څانګې د ژمي د رارسېدو په درشل کې له مرستندویه بنسټونو غوښتي چې د بېوزلو افغانانو لاسنیوی وکړي. دې ادارې په یوه ټوېټ کې ویلي چې اړمنې افغانۍ کورنۍ تر بل هر وخت زیات لاسنیوي ته اړتیا لري. د اوچا په بیان کې یادونه شوې چې دوی له څه باندې ۲۴ میلیونه اړمنو افغانانو سره د مرستو لپاره څه باندې درې میلیارد ډالرو ته اړتیا لري. په دې ډله کې د ژمي پر مهال د مرستو په تېره بیا د سرپناو او تودو جامو د تیارولو لپاره ۶۱۴ میلیونو ډالرو ته عاجله اړتیا ده.

د طالبانو حکومت د کابل له ښاره څه باندې درې زره سوالګر راټول کړي دي. په دې ډلې کې څه باندې دوه زره ښځې شاملې دي. د طالبانو د ریاست الوزرا د اقتصادي مرستیال ملا عبدالغني برادر دفتر په دې اړه پرون یو ویډیويي پیغام ورکړی دی. پیغام کې راغلي: "د سوالګرو راټولولو کمېټې د سنبلې تر ۱۲ نېټې پورې د کابل ښار له بېلابېلو سیمو ۳۰۴۸ سوالګر راټول کړي دي. د راټولو شویو سوالګرو له جملې ۲۱۰۹ ښځې دي چې تر ارزونې وروسته یې ۶۲۹ مستحقې او ۱۴۸۰ بیا حرفه يي سوالګرې پېژندل شوې دي." طالب چارواکو ویلي چې مستحق سوالګر... Читать дальше...

د کرکټ په اسیا جام کې نن د هند او سریلانکا ټیمونه مخامخ کېږي. هند د اسیا جام په دویم پړاو کې وړمه ورځ له پاکستان ماته خوړلې خو سریلانکا بیا لومړی بری د افغانستان په وړاندې ثبت کړی دی. تمه ده د څلورو غوره لوبډلو په دې پړاو کې افغانستان سبا چهارشنبه ماښام له پاکستان سره مخ شي. د افغانستان کرکټ بورډ ویلي چې لوبغاړو د پاکستان په وړاندې لوبې ته پوره چمتووالی نیولی دی.

د زاپوریژیا اټومي تاسیساتو وروستی فعاله ریکټور هم بند شو. د اوکرایین د زاپوریژیا اټومي بټۍ چلوونکی اینرهواتوم وايي، له دې چې د روسیې په اشغالي سیمو کې توغندیز بریدونه لا هم دوام لري د پېښې د رامنځته کېدو له وېرې وروستی فعاله ریکټور بند شوی دی. د راپورونو له مخې په دې اټومي تاسیساتو کې د ملګرو ملتونو د اټومي اژانس د څارونکو له پلټنو سره سره په شاوخوا سیمو کې توغندیز بریدونه دوام لري. د سپټمبر په پنځمه په یوه بیان کې، انیرهواتوم وویل، د روسیې اشغالګرو پوځیانو د زاپوریژیا اټومي بټۍ ته نږدې سیمې... Читать дальше...

په منځني ختیځ کې د امریکايي ځواکونو قومندانۍ د دوشنبې په ورځ تایید کړه چې د امریکا دوه B-52 بم غورځونکو الوتکو د فارس خلیج په سر ځینې پروازونه وکړل. يادې الوتکې چې د اټومي ډزو وړتيا هم لري د یکشنبې په ورځ يې د اسراییلو، کويټ او سعودي جنګي جېټ الوتکو په ملتیا پروازونه کړي. په منځني ختیځ کې د امریکا د هوايي ځواک لوړپوړي چارواکي الیکسس ګرینکوویچ ویلي، دا بم غورځونکې الوتکې د بریتانیا له فیرفورډ اډې څخه سیمې ته الوتې وې او اوس یې پروازونه ختم او د سیمې له قلمروه وتلي. اسوشیټیډ پریس او اسراییلي... Читать дальше...

د پکتيا يو شمېر اوسېدونکي او سيمه ييز طالب چارواکي تاييدوي چې هلته د نجونو ځینې لېسې پرانیستل شوي او نجونو ته یې تعلیم پیل کړی دی. د څمکنیو ولسوالۍ اوسیدونکی او د دارالمعلمین استاد هاشم خېل هاشمي وايي، چې د پکتيا په دې ولسوالۍ کې يوه لېسه له څو ورځو راهيسې پرانيستل شوې او نجونې بېرته زده کړو ته ستنې شوې دي. هغه وویل؛ "په څمکنيو ولسوالۍ کې د سيمين اکبري په نوم يوه لېسه ده، درې څلور ورځې کېږي چې د دې لېسې دروازې د نجونو پر مخ پرانېستل شوې دي. نجونې راځي او زده کړې کوي، ډېر خوښې دي." څمکنۍ له... Читать дальше...

د طالبانو حکومت وايي، له دې وروسته د روسیې د سفارت امنیت ته ځانګړې پاملرنه کوي. د طالبانو د حکومت د بهرنیو چارو سرپرست وزیر امیرخان متقي دوشنبه ماښام د روسیې د بهرنیو چارو له وزیر سرګي لاوروف سره د پرونۍ چاودنې په تړاو ټیلیفوني خبرې کړي دي. په یوه اعلامیه کې چې د طالبانو د بهرنیو چارو وزارت خپره کړې متقي؛ لاوروف ته ډاډ ورکړی چې طالب ځواکونه به د سفارت د امنیت نیولو لپاره لا هڅې ګړندۍ کړي. د وزارت مرستیال ویاند ضیا احمد تکل وايي: "زموږ امنیتي ارګانونو د پېښې په تړاو هر اړخیزه څېړنه پیل کړې ده... Читать дальше...