Новости за 16.06.2023

د ملګرو ملتونو د ماشومانو د ملاتړ صندوق یا یونېسف وایي، په افغانستان کې طالبانو ته د زده‌کړې د پروګرامونو د احتمالي سپارلو د مهالوېش او عملي اقداماتو په اړه په خبرو لګیا دي. د رویټرز د راپور له مخې یونېسف د طالبانو د پوهنې د وزارت له‌خوا ضمانتونه ترلاسه کړي چې د دغو خبرو په جریان کې به د هغو ماشومانو لپاره چې له ښوونځي بهر پاتې دي او شمېر یې پنځه لکه زده‌کونکو ته رسېږي، درسي ټولګي فعال وي. د مرستندویه بنسټونو چارواکو ویلي، طالبانو نړیوالو سازمانونو ته اعلان کړی چې له دې وروسته نه‌شي کولای چې د زده‌کړو په پروژو کې برخه ولري. Читать дальше...

د افغانستان لپاره د نړیوال بانک رییسه وایي، په افغانستان کې د پیسو د ورکړې د سیستم د پیاوړتیا په اړه له سلو زیات متخصصان خبرې کوي. ملیندا ګود د پنجشنبې په ورځ په څو ټویټونو کې ویلي چې په دغې دوه ورځنۍ غونډه کې چې پرون پنجشنبې د متحده عربي اماراتو په دوبۍ کې پیل شوې، د نړیوالو او کورنیو بانکونو، د دیجیټالي خدمتونو، نړیوالو شریکانو او د مدني ټولنې کارپوهانو ګډون کړی. د هغې په خبره دا ډول سیستم دا مسئله هم ډاډمنوي چې مرستې به د افغانستان وګړو ته رسېږي او هم به له خصوصي سکتور سره مرسته وکړي چې لا زیات افغانان وګوماري. Читать дальше...

د افغانستان لپاره د ملګرو ملتونو د ماشومانو د مرستندویه صندوق یا یونېسف رییس فران اکیزا وايي، شاوخوا ۱۶ ميلیونه ماشومان په افغانستان کې ساتنې او بشري مرستو ته اړتیا لري. ښاغلي اکیزا په هغه ویډیو کې چې پرون یونېسف پر ټویټر خپره کړې ویلي چې په افغانستان کې ډېری ماشومان له خپل عمر پورته ډېرو مسوولیتونو ته اوږه ورکوي. نوموړي چې په دایکندي ولایت کې د یو شمېر ماشومانو په منځ کې څرګندونې کولې زیاته کړه، چې په دې هېواد کې هره ورځ د ماشومانو حقونه له لاسه ووځي. تر دې مخکې یونېسف د دوشنبې په ورځ ویلي... Читать дальше...

د خوړو نړیوال پروګرام وایي، د روان کال په لومړیو څلورو میاشتو کې یعنې له جنوري تر اپرېل پورې یې د افغانستان په لوېدیځ کې یو ميلیون ۴۹۰ زره کسانو ته مرستې رسولې دي. د خوړو نړیوال پروګرام پرون په یوه ټویټ کې ویلي چې په راتلونکو شپږو میاشتو کې د بشري مرستو رسولو لپاره ۹۱۸ ميلیون ډالرو ته اړتیا لري. د ملګرو ملتونو د بشري چارو د همغږۍ ادارې یا اوچا په وینا، په افغانستان کې روان کال د هغو کسانو شمېر چې بشري مرستو ته اړتیا لري ۲۸.۸ ميلیون وګړو ته رسېدلی دی.

د فیلیپین د سنا جرګې د بهرنیو اړیکو کمېټه نن جمعه پر هغې طرحې بحث کوي چې پر بنسټ یې دا هېواد هغه په زرګونه افغانان په موقتي توګه په خپله خاوره کې مني چې په امریکا متحدو ایالتونو کې مېشتېدو ته انتظار باسي. په واشنګټن کې د فیلیپین سفیر خوزه مانویل رومالدز د پنجشنبې په ورځ له سي این این سره په مرکه کې وویل، هېواد یې په اکتوبر میاشت کې له متحدو ایالتونو یو غوښتنلیک ترلاسه کړی چې د موقت وخت لپاره افغانان ومني. هغه زیاته کړه د دغه وړاندیز له مخې هغو افغانانو ته به چې د امریکا له دولت سره یې کار کړی... Читать дальше...

واشنګټن پوسټ: واشنګټن پوسټ ورځپاڼې په دې عنوان یوه مقاله خپره کړې ده، پیسو ته اړ طالبان د بودا پر هغو مجسمو ټکټونه لګولي چې په بمونو یې الوځولي وو. په دې مقاله کې راغلي، هغه ۱۲۵ فُټه جګه غونډۍ اوس تشه ولاړه ده چې یو وخت د افغانستان لوړې بودايي مجسمې په‌کې ولاړې وې. طالبانو ۲۲ کاله مخکې دا مجسمې ویجاړې کړې. په مقاله کې د طالبانو د یوه ساتونکي خیال محمد له قوله راغلي چې وايي، دا مجسمې د افغانستان له پېژندنو څخه وې او باید نه وای ویجاړې شوې. ده وروسته ویلي چې دا ځای باید بېرته ورغول شي. ... Читать дальше...

د ایران ولسمشر ابراهیم رییسي د لاتینې امریکا درې هېوادونو ته د سفر په وروستي تمځای کې د کیوبا له ولسمشر میګویل دیازکنیل سره وکتل. رییسي ونیزیویلا، نیکاراګوا او کیوبا ته چې لکه د ایران په څېر د امریکا د متحده‌ایالاتو تر بندیزونو لاندې دي، په دې هدف سفر کړی چې په لاتینه امریکا کې له خپلو متحدانو زیات ملاتړ څرګند کړي. د ایران ولسمشر د کیوبا په پلازمېنه هاوانا کې خبریالانو ته وویل، ایران به د برښنا جنراتورونو، بیوتکناولوژي، کانونو او نورو برخو کې د ګډ کار کولو فرصتونه وڅېړي. رییسي زیاته کړه چې... Читать дальше...

د ناروې د بهرنیو چارو وزیره اننیکن هویټفیلډ ​وایي، په اوس وخت کې د افغانستان منزوي کول د افغانانو او هم د نړیوالې ټولنې په ګټه نه‌ده، بلکې وضعیت به لا پسې خراب کړي. د ناروې د بهرنیو چارو وزیره وایي، روانه اوونۍ په اوسلو کې د سولې یوه فورم ته د طالبانو استازي هم وربلل شوي وو چې له مدني ټولنو او ډیپلوماتانو سره يې لیدنې کتنې ترسره کړي. اننیکن هویټفیلډ د پنجشنبې په ورځ رویترز خبري اژانس ته وویل، ناروې دریو دولتي کارکوونکو ته چې په کابل کې د طالبانو د حکومت لپاره کار کوي، د اوسلو په غونډه کې د ګډون لپاره وربللي وو. Читать дальше...

په هغه راپور کې چې په افغانستان کې د بشري حقونو د وضعیت په اړه د ملګرو ملتونو ځانګړې راپور ورکوونکي او د ښځو او نجونو پر وړاندې د تبعیض کاري ډلې د ملګرو ملتونو د بشري حقونو د شورا ۵۳مې غونډې ته چمتو کړی، د ۲۰۲۱ کال په دوبي کې پر افغانستان د طالبانو له بیا واکمنېدو راهیسې د ښځو په وړاندې د پراخو فشارونو یادونه شوې او ویل شوي چې په نړۍ کې بل هېڅ داسې هېواد نه‌شته چې پر ښځو او نجونودې دومره زیات محدودیتونه ولګول شي لکه چې په افغانستان کې پرې لګېدلي دي. په افغانستان کې د بشري حقونو د وضعیت په اړه د... Читать дальше...