د اروپايي کمیسیون مشره، اورزلا وان دیر لین نن سهار په ناڅاپي سفر د اوکراین پلازمېنې کییف ته ورسېده. د اوکراین د پارلمان یوه غړي یاروسلاف ژیلیزنیاک په خپل ټلګرام کې لیکلي، چې مېرمن وان دیرلین به د اوکراین پارلمان ته وینا هم وکړي. دا سفر داسې وخت کېږي چې ټاکل شوې اروپايي ټولنه روانه اوونۍ په دې ټولنه کې د اوکراین د غړیتوب د وړاندیز پر پرمختګونو خپل راپور وړاندې کړي.
په غزه کې روغتیايي چارواکي وايي، چې پر یوه امبولانس د اسراییل په هوايي حمله کې ۱۵ کسان وژل شوي دي. د اسراییل پوځ بیا وايي، چې د حماس ډلې افراطي وسلوال یې په نښه کړي دي. په همدې حال کې ټاکل شوې چې نن په اردن کې د امریکا د متحدو ایالتونو یو وتلی ډیپلومات په یوه غونډه کې، د اوربند لپاره د عرب هېوادونو غوښتنې واوري. د حماس تر ولکې لاندې غزه کې روغتیايي چارواکو پرون جمعه ویلي اسراییل هغه امبولانس ویشتلی چې د ټپي شویو فلسطینیانو د لېږدولو په کاروان کې شامل و. ویل شوي په دې پېښه کې ۶۰ نور کسان ټپیان شوي دي. Читать дальше...
شپږو افراطي وسلوالو نن د پاکستان د پنجاب ایالت په میانوالي کې د هوايي ځواک پر یوې روزنیزې اډې برید کړی او درې الوتکې یې زیانمنې کړې دي. د پاکستان پوځ په یوه اعلامیه کې ویلي، چې درې وسلوال دغې اډې ته تر ننوتلو مخکې وژل شوي او درې نور راایسار کړای شوي دي. د پوځ په خبره په پېښه کې درې الوتکې او د تېلو یو تانکر زیانمن شوی دی. د پاکستان پوځ ویلي چې دغه حمله شنډه شوې، د پوځي پرسونل او شتمنیو خوندیتوب ډاډمن شوی دی. د پوځ په خبره چې د سیمې د تصفیې لپاره عملیات روان دي او پوځیانو د مرګ ژوبلې خبر نه دی ورکړل شوی. Читать дальше...
د خوړو نړیوال پروګرام وايي، تر اوسه په افغانستان کې ۹۳زره زلزله ځپلیو کسانو د خوړو نړیوال پروګرام مرستې ترلاسه کړې دي. د دې ادارې د افغانستان څانګې نن په خپله اېکس شبکه (پخواني ټویټر) کې لیکلي، دغه مرستې د CBPF په څېر ادارو په همکارۍ برابرې شوې وې. په هرات کې د تېرې میاشتې ځینې زلزله ځپلي کسان شکایت لري، چې لا هم کافي عاجلې مرستې نه دي وررسېدلي او شپې په خلاصه فضا کې تېروي. بلخوا د ملګرو ملتونو د بشري چارو د همغږۍ اداره اوچا وايي، له هغې بسپنې څخه چې د هرات د زلزله ځپلیو د لاسنیوي لپاره یې غوښتې وه، یوازې په سلو کې ۲۶ یې ترلاسه کړې ده. Читать дальше...
د بشري حقونو د څار سازمان یوې چارواکې د پاکستان له خوا د بې اسناده افغان کډوالو د اخراج پر موضوع اندېښنه وښوده. د دې سازمان د ښځو د برخې مرستیال مشرې هیدر بار نن په خپله اېکس شبکه کې لیکلي، په داسې حال کې چې نړۍ د غزې تحولاتو ته متوجه ده، پاکستان په چوپتیا سره یو ملیون او اووه لکه کسان افغانستان ته ستنوي، هغه هېواد ته چې د هغې په لیکنه، له بشري بحران سره مخامخ دی او طالبان په کې په سیسټماتیک ډول د تحصیل، کار او نورو چارو لپاره د ښځو او نجونو حقونه تر پښو لاندې کوي. په پاکستان کې د دېره افغان... Читать дальше...
د عراق د دیالا ولایت په مرکز بعقوبه کې بېلابېل قسمه خورما کېږي او سږ کال پکې د اوبو پر کمښت او وچکالۍ سربېره د تېر کال په نسبت زیاته خورما شوې ده. تفصیل د اسوشيېټېډ پرېس اژانس له ویډیو په جوړ رپورټ کې.
د پاکستان حکومت وایي هغه کسان نیسي چې په دغه هېواد کې د اوسیدو قانوني اسناد نه لري، خو یو شمېر افغانان وایي د قانوني اسنادو له لرلو سره- سره نیول کیږي او اېستل کیږي. په دوی کې هغه افغانان هم شامل دي چې پاکستان کې زیږیدلي دي.
تر څلوېښتو ډېرو هېوادونو مشترکې څېړنې ښيي چې په نړۍ کې د اعتیاد له امله ذهني ګډوډي یا رواني اختلالات مخ پر ډېرېدو دي. تر څلوېښتو ډېرو هېوادونو مشترکې څېړنې ښيي چې په نړۍ کې د اعتیاد له امله ذهني ګډوډي یا رواني اختلالات مخ پر ډېرېدو دي. دا ذهنۍ ګډوډي يوازې په تېرو لسو کالو کې تر څلوېښت سلنه ډېره شوه ده. د دې څېړنو راپور په جينيوا کې د ملګرو ملتونو له نشه يي موادو او جرمونو سره د مبارزې کمېسیون غونډې ته وړاندې شو. په دې راپور کې راغلي چې د ذهني ګډوډۍ په ډېروالي کې د کېمیاوي نشه يي موادو استعمال اساسي رول لري. Читать дальше...
د بېپولي خبریالانو ټولنه وايي، په پاکستان کې نږدې ۲۰۰ افغان خبریالانو ته له دې هېواده د شړلو ګواښ شوی دی. دې ټولنې په یوه اعلامیه چې پرون ناوخته یې خپره کړې لیکلي، دا خبریالان د پاکستاني پولیسو لهخوا د ځورونې، وهلو، خپلسرې نیولو او د کورونو د مالکانو لهخوا له کوره د ویستو سره مخ شوي. د بېپولې خبریالانو د ټولنې په اعلامیه کې په زوره د هغو افغان خبریالانو بېرته ستنول چې پاکستان ته د امنیتي ګواښونو له امله تللي، د نړیوالو قوانینو ښکاره سرغړونه بلل شوې او زیاتوي، دا عمل په بشپړه توګه د منلو وړ نهدی. Читать дальше...
د ملګرو ملتونو یو شمېر ادارو یو ځل بیا په پاکستان غږ کړی چې د بېاسناده افغان کډوالو د ویستو پر مهال د هغو ماشومانو او کورنیو خوندیتوب ته پام وکړي چې له امنیتي پلوه تر ګواښ لاندې دي د ملګرو ملتونو د کډوالو عالي کمېشنرۍ، د مهاجرت نړیوال سازمان او یونیسف په یوه ګډه اعلامیه کې چې د جمعې په ورځ یې خپره کړې لیکلي: " دوی د اغېزمنو ماشومانو او هغو کورنیو لپاره چې د خوندیتوب په لټه کې ژوره اندېښنه لري او تر خوا یې له پاکستانه د دوی د ویستو د احتمالي پایلو په اړه هم اندېښمن دي. " په اعلامیه کې دا هم... Читать дальше...
د افغان نجونو او ښځو په چارو کې د امریکا ځانګړې استازې ریناامیري له ټولو هېوادونو، له هغې ډلې د افغانستان له ګاونډیانو غوښتي چې د کډوالو د حقونو د ساتنې په برخه کې پر خپلو ژمنو او مکلفیتونو عمل وکړي. مېرمن امیري پرون (د نوامبر ۳مه) پر خپله اېکس پاڼه ولیکل چې د سیاسي پناه غوښتونکو حقونو ته باید درناوی وشي او دا خبره دې یقیني شي چې کډوال له جبري ایستلو څخه خوندي وي. په عین حال کې د طالبانو د حکومت چارواکو د پاکستان پر دې پرېکړې سخت انتقاد کړی، ویلي یې دي چې دا اقدام به دوه اړخیز اړیکي زیانمن کړي. Читать дальше...
په پاکستان کې د تاوتریخوالي د پېښو په دوام د دې هېواد پوځ بېګا ناوخته خبر ورکړ چې د بلوچستان ایالت په ګوادر ولسوالۍ کې د امنیتي ځواکونو پر کاروان په برید کې ۱۴ سرتېري وژل شوي دي. د پوځ د عامه اړیکو څانګې په یوه بیان کې وویل چې د امنیتي ځواکونو دوه موټر چې پوځي پرسونل پکې سپاره وو، په دې برید کې په نښه شوي دي. په بیان کې کومه ځانګړې ډله په دې برید نه ده تورنه شوې، خو دومره یادونه شوې چې دا یوه تروریستي حمله وه. فرانسپرس خبري آژانس د چارواکو له خوا د خپرو شویو تصویرونو په حواله په خپل راپور کې... Читать дальше...
مارنېنګ سټار: د بریتانیا مارنېنګ سټار ورځپاڼې په پاکستان کې د پولیسو له لوري د افغان کډوالو د ځورونو او نیونو په اړه لیکنه خپره کړې ده. ورځپاڼې لیکلي چې مهمو او لویو نړیواله مرستندویو موسسو پرون خبرداری ورکړ، په پاکستان کې چې امنیتي ځواکونه د دوی په ادعا بې اسناده او ناثبت شوي بهرني اتباع نیسي او له خپل هېواده باسي، د افغان کډوالو په منځ کې د مایوسۍ او تشویش احساس خورا زیات شوی دی. په پاکستان کې د بې اسناده کډوالو د نیولو او ایستلو کمپاین افغانان اغېزمنوي ځکه چې دوی په پاکستان کې د مېشتو بهرنیو... Читать дальше...
زرګونه کسان پرون د لبنان په لارو کوڅو کې راټول شول څو د حزب الله ډلې د مشر حسن نصرالله ټلویزیوني وینا واوري. پر اسراییل د حماس د افراطي ډلې له برید او د څه باندې ۱۴۰۰ کسانو له وژل کېدو وروسته دا لومړی ځل دی چې نصرالله وینا کوي. د حزب الله مشر چې د استوګنې دقیق ځای یې نه دی معلوم او لږې ویناوې کوي، پر اسراییلو د اکتوبر په اوومه نېټه د حماس د برید ستاینه وکړه ،خو هغه دا یادونه هم وکړه چې دا حمله د فلسطینیانو له خوا تنظیم او عملي شوې وه. د ازادي راډیو د ایرانۍ څانګې راډیو فردا د راپور له مخې،... Читать дальше...
ملګرو ملتونو د غزې په تړانګه او لویدیځه غاړه کې له ۲،۷ میلیون فلسطینیانو سره د مرستې لپاره د ۱،۲ میلیارد ډالره بسپنې غوښتنه کړې. د ملګروملتونو د بشري مرستو د همغږۍ ادارې- اوچا ویلي دي چې د غزې ټول اوسېدونکي او د اردن سیند د لویدیځې غاړې ۵۰۰ زره اوسېدونکي بېړنیو مرستو ته اړتیا لري. نوموړې ادارې ویلي دي چې د اسراییلو د حملو او د غزې د کلابندۍ په لومړیو ورځو کې یې د ۱،۳ میلیون فلسطینیانو لپاره د ۳۰۰ میلیون ډالره بسپنې غوښتنه کړې وه، خو اوس وضعیت بدل شوی او مرستو ته په اړتیاوو کې زیاتوالی راغلی.... Читать дальше...
د کرکټ په نړیوال جام کې د هالنډ پر وړاندې د افغانستان له بریا وروسته نیم پایلوبې ته د افغان لوبډلې د لارموندنې هیلې ډېرې شوې دي. ملي لوبډلې په نړیوال جام کې له خپلو اوو لوبو څخه څلور لوبې چې د انګلستان، پاکستان، سریلانکا او هالنډ پر وړاندې وې وګټلې. له دې بریاوو سره افغانستان د نړیوال جام د لوبو په جدول کې پنځم ځای ونیوه. د افغانستان راتلونکې لوبې یوه د سه شنبې په ورځ - د نوامبر په ۷مه د اسټرالیا او بله د جمعې په ورځ د نوامبر په ۱۰مه د جنوبي افریقا پر وړاندې دي. دا دوه لوبې به نیم پایلوبې ته د رسېدو لپاره د افغانستان برخلیک وټاکي. Читать дальше...
د ملګروملتونو د بشري مرستو د همغږۍ اداره اوچا وايي، له هغې بسپنې څخه چې د هرات د زلزلې له مصیبت ځپلو سره د مرستې لپاره یې غوښتې وه، یوازې په سلو کې ۲۶ یې ترلاسه کړې ده. اوچا په یوه راپور کې چې پرون یې خپور کړ ویلي دي چې د ژمي په درشل کې یې له زلزله ځپلو سره د مرستې لپاره څه باندې ۹۳ میلیون دالره بسپنه غوښتې ده. په راپور کې راغلي دي چې مرستندویې موسسې، په سیمه کې له اړو خلکو سره د خېمو، نغدو پیسو، خوړو، روغتیايي خدماتو او نورو برخو کې مرستې کوي. د هرات د زلزلې د زیانونو په اړه د اوچا په دوهم... Читать дальше...
له پاکستانه د افغانانو د ایستلو لړۍ روانه ده او په دې ترڅ کې پرون هم زرګونه کسان د سپین بولدک او تورخم له لارې افغانستان ته ورسېدل. باختر خبري آژانس چې طالبان یې اداره کوي، د سپین بولدک ولسوالۍ د کډوالو د چارو د آمر مولوي عبداللطیف حکیمي له قوله راپور ورکوي چې یوازې پرون د سپین بولدک چمن له لارې شاوخوا ۱۵ زره افغانان هېواد ته ستانه شول. ښاغلی حکیمي وايي چې دا د تېرو دریو ورځو تر ټولو لوړه شمېره وه. نوموړی اټکل کوي چې په راروانو ورځو کې له پاکستانه د راستنېدونکو افغانانو په شمېر کې ښايي نور زیاتوالی هم راشي. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости