Новости за 08.11.2023

د کابل کې په دشت برچي سیمه کې پر یوه مسافر وړونکي بس د پرونۍ حملې پړه اسلامي دولت ډلې یا داعش ومنله. دې ډلې په یو بیان کې چې پر خپله ټلګرام پاڼه یې خپور کړ دا اعلان کړی دی. په کابل کې د طالبانو امنیتي چارواکو پرون وویل چې په دې چاودنه کې اووه تنه وژل شوي او شل نور ټپیان دي. د امنیه قوماندانۍ ویاند خالدځدراڼ پر خپله ایکسپاڼه لیکلي چې د پېښې په اړه د دوی پلټنې روانې دي. داعش ډلې پر افغانستان د طالبانو له واکمنېدو وروسته او مخکې له هغه په کابل او ځینو ولایتونو کې د شیعه ګانو پر جوماتونو او د استوګنې پر سیمو د تېرو حملو مسوولیت هم منلی دی.

د ملګرو ملتونو سرمنشي سریلانکایی اندریکا راټواټ په افغانستان کې د ملګرو ملتونو د مرستندوی ماموریت یا یوناما د مرستیال په توګه ټاکلی دی. دې سازمان پر خپله ویبپاڼه دا خبر ورکړی او ویلي یې دي چې ښاغلی راټواټ د رامز الاکبروف پرځای پر دې دنده ګومارل شوی او په عین حال کې به د ملګرو ملتونو چارې تنظیموي. رامز الاکبروف د تېر جمهوري نظام تر سقوط وروسته هم په کابل کې چارې مخته وړلې او څه موده وړاندې یې کاري موده پای ته ورسېده.

د امریکا حکومت له پاکستانه غوښتي چې ۲۵زره هغه افغان کډوال له خپلې خاورې ونه باسي چې ټاکل شوې ده امریکا ته وبلل شي. پاکستاني رسنیو پرون سې شنبې راپور ورکړ چې په اسلام اباد کې د امریکا د متحدو ایالتونو سفارت پاکستاني چارواکو ته په یوه لیک کې د څه باندې ۲۵زره افغانانو نومونه لېږلي چې امریکا ته د تګ پروسه یې جریان لري. که څه هم پاکستاني چارواکو په وروستیو ورځو کې ویلي چې هغه افغانان به ونه باسي چې له پاکستان څخه درېمګړي هېواد ته د تګ په پروګرام کې شامل دي خو راپورونه وايي چې ډېری افغانانو، چې امریکا... Читать дальше...

د هغې موافقې پر اساس چې د ایټالیا او رومانیا صدراعظمانو په روم کې لاسلیک کړه، ایټالیا به په سمندرونو کې له ډوبېدو ژغورل شوي کډوال البانیا ته لېږدوي. یورونیوز پرون سې شنبې راپور ورکړ چې د ایټالیا د صدراعظم جورجا ملوني او د هغه د البانیايي ساري ترمنځ په لاسلیک شوې موافقه کې ویل شوي چې ایټالیا به د ژغورل شویو کډوالو د ساتنې لپاره په البانیا کې دوه مرکزونه جوړوي. د دې موافقې پر اساس، اټکل کېږي چې په دغو دوو مرکزونو کې، چې د ۲۰۲۴ په پسرلي کې به پرانیستل شي، شاوخوا ۳۹ زره کډوال مېشت شي. په دغو مرکزونو کې به د کډوالو پر قضیو غور کېږي.

لسګونو ښځو پرون په مسکو کې مظاهرې وکړې او د اوکراین خلاف له جګړې څخه یې د خپلو خاوندانو د راستنېدو غوښتنه وکړه. وروسته له دې چې چارواکو په مسکو کې د کرونا له کبله د محدودیتونو پر اساس د مظاهرې لپاره د دغو ښځو غوښتنه رد کړه، هغوی د خپل اعتراض د څرګندولو لپاره د کمونستانو له مظاهرې سره یوځای شوې چې د بلشویکي انقلاب د یوسلو شپږمې کالیزې په مناسبت یې کړې وه. د ښځو مظاهرې پنځه دقیقې دوام نه و کړی چې پولیسو محاصره کړې او ورڅخه ویې غوښتل چې مظاهره پای ته ورسوي.

ازبکستان وايي، د اقتصادي همکارۍ سازمان یا ایکو په راتلونکې سرمشریزه کې به، چې په تاشکند کې جوړېږي، افغانستان ګډون ونه کړي. د ازبکستان د ولسمشر شوکت میرضیایف د مطبوعاتي دفتر ريیس شېرزاد اسداوف پرون وویل، د ایکو په سرمشریزه کې د افغانستان د ګډون لپاره د دې سازمان د ټولو غړیو هېوادونو موافقه او د نړیوالې ټولنې له لوري د افغانستان د حکومت رسمیت پېژندل په کار دي. د ازبکستان د ولسمشر مطبوعاتي رييس په دې ټینګار وکړ چې افغانستان د ایکو غړی هېواد دی، خو د ۲۰۲۱ په اګست کې د بدلون له کبله دا هېواد د ایکو... Читать дальше...

ایران وايي، له طالب چارواکو سره یې د اقتصادي، ټرانسپورټي او ټرانزیټي همکاریو پر زیاتېدو خبرې کړي دي. طالب او ایراني چارواکو په خپل منځ کې په کال کې ۱۰ میلیارد ډالرو ته د سوداګري راکړو ورکړو د زیاتولو په اړه خبرې وکړې. د ایراني رسنیو د راپور له مخې، د افغانستان لپاره د ایران د ولسمشر ځانګړي استازي محمد مهدي جوانمرد قصاب او د طالبانو د سوداګرۍ او صنعت سرپرست وزیر نورالدین عزیزي پرون له یو بل سره په کتنه کې وویل، د دوو هېوادونو ترمنځ د سوداګرۍ اوسنۍ اندازه د قناعت وړ نه ده او باید زیاته شي. د... Читать дальше...

د جرمني صدراعظم اولاف شولڅ پرون سې شنبې د ۱۶ ایالتونو له مشرانو سره له ساعتونو خبرو وروسته کډوالو ته د نوې بودیجې او د کډوالۍ د لا سختو پالیسیو پر سر سلا وکړه. شولڅ د ۱۶ ایالتونو له مشرانو سره د غونډې په پای کې دا موافقه تاریخي شېبه وبلله، ویې ویل، د دوی ګډ هدف د غیرقانوني کډوالۍ مخنیوی دی. د جرمني چارواکو په وروستیو کې پر یو لړ داسې اقداماتو موافقه کړې چې له خپل هیواده د غیرقانوني کډوالو ایستل اسانوي. جرمني په اروپا کې په وروستیو کلونو کې تر ټولو ډېر کډوال منلي دي.

ترکیې پرون سې شنبې اعلان وکړ چې د افغانستان د هرات ولایت زلزله ځپلو ته به نوره بشري مرستې ولېږي. د ترکیې له طبیعي او بېړنیو پېښو سره د مبارزې ادارې په یوه خبرپاڼه کې ویلي چې تراوسه پورې یې د افغانستان زلزله ځپلو ته ۳۹ ټنه کمپلې، ۸۵ ټنه خیمې، ۴۰ ټنه د نظافت وسایل، ۳۳ ټنه جامې، ۱۵ ټنه جنرېټرونه، ۲۴۰ ټنه خوراکي مواد او شاوخوا ۴۵۰ ټنه نور وسایل لېږلي دي. د هرات ولایت د تېرې میاشتې په پر له پسې زلزلو کې شاوخوا ۲۵۰۰ تنه مړه شول.

له پاکستان څخه د لسګونو زرو کډوالو له ایستلو سره هممهاله متحده عربي اماراتو افغانستان ته ۲۰ زره خیمې ورکړې. د طالبانو د حکومت د کډوالو او بېرته راستنېدونکو چارو وزارت پرون سې شنبې په یوه خبرپاڼه کې وویل، د متحده عربي اماراتو دا مرسته وړمه شپه د هوا له لارې د کابل هوايي ډګر ته ورسېده. ټاکل شوې ده چې دا خیمې هغو افغان کډوالو ته ورکړل شي چې پاکستان یې له خپلې خاورې باسي. د طالبانو د کډوالو او بېرته راستنېدونکو چارو وزارت وايي، د راستنېدونکو کډوالو د شمېر زیاتوالي ته په پام له نورو هېوادونو هم د مرستو هیله لري. Читать дальше...

پاکستاني چارواکو ویلي، چې له دغه هېواده د اېستونکو افغانانو د ثبت لړۍ یې چټکه کړې ده. تر هغې وروسته، چې دغه هېواده "د استوګنې له اسنادو د محرومو " افغانانو د اېستو اعلان وکړ او دوی ته یې ټاکلی مهلت پای ته ورسېد، سلګونه زره افغانان له پاکستانه ووتل او واېستل شول.

اروپايي اتحادیې په افغانستان کې د زلزله ځپلو او له پاکستان څخه د راایستل شویو کډوالو د ملاتړ لپاره د ۶۰ میلیون یورو مرسته اعلان کړه. اروپايي اتحادیې پرون اعلان وکړ، په داسې حال کې چې د افغانستان د بشري وضعیت په اړه جدي اندېښنه دوام لري، افغانستان ته ۶۱ میلیون یورو مرسته ورکوي چې له پاکستان څخه د راایستل شویو افغان کډوالو او نورو افغانانو اړتیاوې پرې پوره شي. د اروپايي اتحادیې د افغانستان د پلاوي مطبوعاتي دفتر ویلي چې په دې پیسو کې به ۶۰ میلیونه د بشري مرستو سازمانونو ته، چې په افغانستان کې کار... Читать дальше...

د رسنیو د څار یوې ادارې د پاکستان له حکومته غوښتي چې شاوخوا دوه سوه افغان خبریالان چې په دغه هېواد کې مېشت دي، ونه باسي. دا خبره د اسوشیټیډ پریس په هغه راپور کې شوې چې میل انلاین برېتانیوي ورځپاڼه خپور کړی دی. په مطلب کې راغلي چې دغه خبريالان واک ته د طالبانو له راستنیدو او له افغانستان څخه د ناټو ځواکونو له وتلو وروسته پاکستان ته تللي دي. وړاندې لولو، چې د بې پولې خبریالان سازمان دا غوښتنه په داسې حال کې کوي چې اسلام اباد په دې وروستیو کې له یوه میاشتني ضرب الاجل وروسته د ۱.۷ میلیونه افغان... Читать дальше...