Новости за 04.02.2022

Учурда "Акыркы сабак" сериалы жаштар арасында белгилүү болуп жатат. Буга сериалда көтөрүлгөн актуалдуу темалар, анын ичинде мектеп рэкети темасы себеп болду. "Азаттык+" сериал ашкерелеген теманы талкуулады.

Улуу Британиянын экс-премьер-министри Тереза Мэй менен Евробиримдиктин мурдагы тышкы иштер министри Фредерика Могерини НАТОнун баш катчылыгына ыктымал талапкерлердин катарына кирди. Германиялык dpa маалымат агенттиги аталган уюмдагы булактарына таянуу менен кабарлады. Бул кызматка ошондой эле Нидерланд менен Эстониянын мурдагы премьер-министрлери жана Румыниянын президентинин талапкерлиги да каралып жатат. Шайлоо быйыл июнь айында өтөт. Баш катчыны уюмга мүчө 30 мамлекет тең бирдей жактырышы керек. Читать дальше...

Даниянын соту ирандык жикчил топтордун үч мүчөсүн "Иранда террорчулукту жайылткан жана Сауд Арабиясынын чалгын кызматтарына тыңчылык кылган" деп тапты. Кармалган адамдар "Ахвазды боштондукка чыгаруу боюнча араб кыймылынын" (ASMLA) мүчөлөрү болгону айтылып, "Даниядагы жарандар жана уюмдар жөнүндө маалымат топтоп жүргөн" деп айыпталган эле. Соттук кароо “чет элдик державаларга байланыштуу жана айыпталуучулар менен башка жарандардын коопсуздугу үчүн” жабык эшик артында өттү. Айыпталгандар күнөөсүн мойнуна алган эмес. Читать дальше...

Орусиянын мамлекеттик “Газпром” компаниясынын директорлор кеңешине Тимур Кулибаевдин ордуна Германиянын мурдагы канцлери Герхард Шредердин талапкерлиги сунушталды. Бул тууралуу маалымат компаниянын расмий сайтына 4-февралда жарыяланды. Энергетикалык гигант саналган “Газпром” жаңы директорлор кеңеши июнь айынын аягында өтө турган акционерлердин жылдык жыйынында шайланарын маалымдады. Талапкерлердин тизмеси бекитилген, анда 11 киши бар. Герхард Шредер 1998-2005-жылдары Германиянын канцлери болгон. Читать дальше...

Президент Садыр Жапаровдун Кытайга иш сапары башталды. Саламаттык сактоо министринин буйругуна ылайык, 4-февралда Сабырбек Жумабеков Бишкек травматология жана ортопедия борборунун директору кызматынан алынды. Түркиянын президенти Режеп Тайып Эрдоган Украина-Орусия тирешинде ортомчу болууга даяр экенин билдирди.

Түркиянын президенти Режеп Тайып Эрдоган Украина-Орусия тирешинде ортомчу болууга даяр экенин билдирди. Ал арада украин жергесинде түрктөрдүн "Байрактар" деп аталган учкучсуз аппараттары чыгарыла турганы кабарланды. Евробиримдик Орусияга каршы жаңы санкциялардын топтомун даярдаганы маалым болду. Эрдоган Киев менен Москвага ортомчу болууга даяр Украин-орус алакасы курчуп турган маалда Түркиянын президенти Режеп Тайып Эрдоган Киевге расмий сапар менен барды. "Түркия Кара деңиз аркылуу чектешкен... Читать дальше...

Кытайга алгач ирет президент макамында барган Садыр Жапаровдун сапары Бээжиндеги кышкы Олимп оюндарынын ачылышына катышуу менен башталды. Ал Кытайдын жетекчилиги менен сүйлөшүүлөрдү өткөрөт.  Кышкы Олимп оюндарына Кыргызстандан бир гана спортчу, лыжачы Максим Гордеев катышып жатат. Президент Жапаровдун сапарынын негизги бөлүгү дал ушул иш-чарадан соң башталып, Кытайдын төрагасы Си Цзинпинь баштаган бир нече жетекчи менен жолугат. Кыргызстандын тышкы иштер министри Руслан Казакбаев "Азаттыкка" билдиргендей... Читать дальше...

Бейтаптардын жынысы боюнча 2016-2020-жылдар аралыгындагы көрcөткүч

4-февралда Бээжин шаарында Кышкы Олимпиада-2022 оюндарынын ачылышы өттү. Кытайдын борбору Олимпиаданын кышкы жана жайкы оюндарын өткөргөн биринчи шаар болуп калды. Пандемиялык шартка байланыштуу Олимп оюндарынын иш-чаралары спортчулар менен жергиликтүү тургундар менен карым-катыш кылуусуна чектөө коюлду. Аэропорт, спорт объектилеринде, пресс-борборлор жана олимпиадалык айылдар да тосмолонгон. Оюнчулар 23-январдан тартып келе баштаган. Андан бери иш-чаранын катышуучуларынын арасында коронавирусту жуктурган 300дөй учур катталды... Читать дальше...

4-февралда Кыргызстандын Баткен облусунун Көк-Таш, Ак-Сай, Таш-Тумшук айылдарынын аксакалдары менен Тажикстандын Согд облусунун Чорку жамаатынын Самониён, Майский кыштагынын аксакалдары жолугушту. Аксакалдардын кездешүүсү эки элдин ортосундагы карым-катнашты бекемдөө, мамилени жакшыртуу максатында өткөн. Бул тууралуу Ички иштер министрлиги билдирди. Жолугушууга коопсуздукту камсыздоо, туруктуулукту сактоо максатында Баткен РИИБнин башчысы Алмазбек Шагамурзаев, Согди облусунун Исфара-2 РИИБнин башчысы... Читать дальше...

Министрлер кабинетинин төрагасынын орун басары Эдил Байсалов менен Жогорку Кеңештин спикери Талант Мамытов жолугуп, парламентте өкмөт өкүлүнүн дарегине айтылган сын-дооматты талкуулашты.

НАТОнун баш катчысы Йенс Столтенберг Норвегиянын борбордук банкынын төрагалыгына тандалып алынды. Бул тууралуу банктын азыркы төрагасы Ойстейн Олсен мекеменин сайтында кабарлады. Йенс Столтенбергдин НАТОнун жетекчилик кызматындагы мөөнөтү быйыл сентябрдын аягында бүтөт. Ал жаңы кызматка ошондон кийин киришери маалымдалды. Ага чейин банктын төрагасынын орун басары башчылык кылып турат. Норвегиянын борбордук банкынын сайтындагы маалыматка ылайык, Столтенбергдин талапкерлигин өлкөнүн өкмөтү жактырган. Читать дальше...

Нарын облусунун Ак-Талаа районундагы Тоголок Молдо айылында жашы сексенди таяп калган Нурийпа Шакирова азыркыга чейин айылдагы эмканада дарыгер болуп иштейт. Анын ооруканада иштегенине жарым кылымдан ашты.

Министрлер кабинетинин төрагасынын орун басары Эдил Байсалов менен Жогорку Кеңештин спикери Талант Мамытов жолугуп, парламентте өкмөт өкүлүнүн дарегине айтылган сын-дооматты талкуулашты. Байсалов "Азаттыкка" комментарий берип жатып, алар бул маселеде өз ара түшүнүшкөнүн билдирди жана анын кыргызча маегинин айрым жерлери орусчага которулганда мааниси бурмаланып калганын айтты. "Эл шайлаган депутаттардын ишине, функциясына шек келтирүүгө, кийлигишүүгө, атайын чагымчылдык кылууга эч кандай укугум да, ниетим да жок. Читать дальше...

Кытайдын лидери Си Цзинпин менен Орусиянын президенти Владимир Путин 4-февралда Бээжинде сүйлөшүү өткөрдү. Жолугушуу Кытайдын борборунда өтчү Кышкы Олимпиаданын ачылышына бир нече саат калганда болду. Бул Путин менен Цзинпиндин пандемия башталгандан берки жүзмө-жүз көрүшүүсү. Жолугушуу Орусия менен Кытайдын АКШ жана анын өнөктөштөрү менен ымаласы начарлаган учурга туш келди. Жолугушуунун соңунда эл аралык мамилелерге байланыштуу биргелешкен билдирүү кабыл алынды. Анда АКШ жана Батыштын сыны камтылды. Читать дальше...

Эсимде, 1980-жылы декабрь айында Нарын музыкалык драма театрынын экинчи кабатындагы музыка бөлмөсүндө "Долон" эстрадалык үн-аспаптар ансамбли менен жаңы жылдык концерттик программасын даярданып жатабыз. Ансамблдин музыкалык жетекчиси Канат Карамолдоев (биз аны Султан дечүбүз, айтылуу комузчу Карамолдонун небереси). Ансамблдин ырчысы Роза Заитова ырдап жаткан. Бир маалда каалга тарс ачылып шыңга бойлуу, мурутчан киши кирип келип: "Фальш, нотаны так ырда! Султан, кайра ырдат!",-деп бакылдады. Ачуум келип... Читать дальше...

Улуу Британиянын парламентинин мүчөсү Маргарет Ходж британ өкмөтүн коррупцияга каршы салынган санкцияларды бузган казакстандык жемкорлорго карата чараларды күчөтүүгө чакырды. Бул тууралуу пикирин ал 3-февралдагы парламентте “Казакстан: антикоррупциялык санкциялар” деп аталган дебатта билдирди. Ходж санкция салынышы керек деген он чакты кишинин атын атап, алар акчаны адалдоо үчүн ар кайсы мыйзамсыз иштерди жасап жатканын айтты. Алардын ичинде Казакстандын биринчи президенти Нурсултан Назарбаевдин тушунда каражат тапкан миллиардерлер... Читать дальше...

Жаратылыш ресурстары, экология жана техникалык көзөмөл министри Динара Кутманова бүгүн, 4-февралда Кумтөр кениндеги мөңгүлөрдүн азыркы абалы жана андагы калдыктар тууралуу маалымат берди. Мөңгүлөрдөгү көйгөйлөр 2012-жылы ачыкка чыкканын белгилеп, азыркы тапта мөңгүнүн башына таштанды таштоо иши токтогонун айтты. “Кендин жанында Давыдов, Лысый, Сары-Төр, Борду жана Петров мөңгүлөрү бар. Биз барганда Давыдов, Лысый мөңгүлөрүнүн үстүндө калдыктарды 120 метрге чейин үйүп салыптыр. Эмнеге үйүп салганын... Читать дальше...

Кыргызстанда тоолор жылынын алкагында тоо саммити өтөт. Бул тууралуу президенттин администрациясынын реформаларга мониторинг жана анализ бөлүмүнүн башчысы Азамат Темиркулов кабарлады. Анын айтымында, президент Садыр Жапаровдун Кыргызстанда "2022-жылды тоолордун экосистемасын коргоо жана климаттык туруктуулук жылы деп жарыялоо" тууралуу жарлыгынын алкагында өлкөдө бир катар иш чаралар өтмөкчү. “Азыркы күндө климат өзгөрүп, мөңгүлөр ошол себептен ээрип, анын мааниси актуалдуу болууда. Кыргызстандын мөңгүлөрү биз үчүн эле эмес... Читать дальше...

Баткен облустук ички иштер башкармалыгы Исфана шаарынын жайма базарында милициянын көчмө кабылдамасы иштеп жатканын билдирди. Ошондой эле Көк-Таш айылындагы окуяга байланыштуу "Вотсап" группаларда тарап жаткан ар кандай чагымчыл маанидеги маалыматтарга ишенбөөгө чакырды. Милиция элге кырдаал тууралуу маалымат берилип, Лейлек районунун чек арадагы айылдарын кайгуул-күзөт кызматы көзөмөлдөп жатканын белгиледи. Буга чейин ар кандай "Вотсап" группаларда жана социалдык тармактарда "дагы жаңжал чыгышы... Читать дальше...

Google корпорациясынын YouTube видеохостинги “Донецк Элдик Республикасы” жана “Луганск Элдик Республикасы” деп аталган орусиячыл жикчилдерди колдогон бир нече каналдарды жапты. Бөгөт коюлган каналдардын ичинде аталган тараптардын Элдик милициясы, Маалымат министрлиги, “Луганскмаалыматборбор”, “ЛНР” телерадиокомпаниясы сыяктуу бир нече каналдар бар. Украинанын чыгышындагы согуштук аракеттерден кийин ошол аймактагы орусиячыл жикчилдер 2014-жылдын апрель айында эки облустун аталышын “Донецк Элдик... Читать дальше...

Бишкек травматология жана ортопедия илимий изилдөө борборун ушул кезге чейин жетектеп келген Сабырбек Жумабеков президент Садыр Жапаров айтмайынча кызматынан кетпей турганын билдирди. Ал 4-февралда анын ордуна дайындалды деген адамды жамаатка тааныштыруу үчүн келген министрдин эки орун басарын оорукананын имаратына киргизбей койду. Мунун алдында саламаттык сактоо министри Алымкадыр Бейшеналиев аталган илимий изилдөө борбору Шаардык клиникалык тез жардам ооруканасы болуп кайра түзүлгөнүн билдирген. Читать дальше...

Европа Биримдиги эгер Орусия Украинага чабуул жасаса колдонула турган катуу санкциялар топтомун даярдады. Бул тууралуу Еврокомиссиянын төрайымы Урсула фон дер Ляйен 4-февралда журналисттерге билдирип, Москванын коңшусуна карата аракеттерин алдын алуу үчүн дипломатиялык аракеттер уланып жатканын билдирди. “Биз ишенимдүү жана бардык нерселерди эске алган финансылык жана экономикалык санкциялар пакетин даярдадык. Ал нерселер чет элдик капиталды чектөөнү жана экспорттук көзөмөлгө, өзгөчө техникалык... Читать дальше...

"Кыргызгидромет" агенттиги аба ырайына байланыштуу шашылыш кабар таратты. Ага ылайык, 6-февралда күндүз жана 7-8-февраль күндөрү Кыргызстандын аймагында туруксуз аба ырайы болот, көпчүлүк аймактарда кар жаайт. Мындан улам 7-9-февраль күндөрү Бишкек-Ош жолунун 121-138 чакырымдарында (Төө-Ашуу ашуусу), 198-265 чакырымдарында (Ала-Бел ашуусу, Чычкан капчыгайы), Ала-Бука - Каныш-Кыя жолунун 71-99 чакырымдарында жана Красная Горка - Ак-Таш автоунаа жолунун 1-4 чакырымдарында кар көчкү түшүп, кар күрткү пайда болушу мүмкүн. Читать дальше...