Новости за 05.02.2022

Кытайга бири калбай барган Борбор Азия лидерлери, АКШнын бул чөлкөмгө карата стратегиясын жаңылоо чакырыгы жана Түркиянын Өзбекстандагы “жеңиши”. Соңку бир апта ичинде Борбор Азия тууралуу эл аралык басылмалар жазган макалаларга учкай токтолобуз. 4-февралда Eurasianet басылмасы “Борбор Азия лидерлери Бээжинде Си менен жолугууга кезек күтөт” деген макаласын жарыялады. Анда чөлкөмдөгү беш мамлекеттин лидерлеринин бири калбай Кытайдын баш калаасындагы Олимпиада оюндарынын ачылышына келгени айтылган. Читать дальше...

Борбордук шайлоо комиссиясынан маалымдагандай, бүгүн 5-февралга карата Бишкек шаарындагы Биринчи май жана Сверлов райондук бир мандаттуу округдардан Жогорку Кеңештин депутаттыгына 53 талапкер катталды. Жалпы 72 кишиден арыз келип түшкөн. Алардын 58и эркек, 14ү аял. 14 талапкер катталуу тууралуу арызын кайра алды. Беш талапкердин документтери толук болбогондон улам каттоодон четтетилди. Биринчи май райондук №27 шайлоо округунан 27, Свердлов райондук №29 округдан 26 талапкер катталды. Шайлоонун үгүт иштери 7-февралда башталат. Читать дальше...

Түркиянын президенти Режеп Тайып Эрдоган жана жубайы Эмине Эрдогандын ПЧР-тести коронавирустун "омикрон" штаммы жукканын көрсөткөнүн Твиттерден кабарлады.    67 жаштагы Эрдогандын саламаттыгы учурда туруктуу экени кабарланды. Түрк президентинин Киевге расмий сапары 4-февралда аяктаган. Түркиянын Саламаттык сактоо министрлигинин маалыматына ылайык, 4-февралда коронавирусту жуктуруп алгандардын саны бир күндө 111 157 кишиге жетти. 248 бейтап вирустан көз жумду. Бул пандемия башталгандан бери эң жогорку көрсөткүч. Читать дальше...

Январь айынын башында Токмок шаарынын тегерегиндеги көлмөлөрдө форел балыгы жапырт кырылганы маалым болгон. Балык чарба департаменти билдиргендей, 10-январда жүргүзүлгөн лабораториялык изилдөөлөр балыктар бир клеткалуу митеден өлгөнүн аныктаган. Департамент Ысык-Ата жана Чүй райондорундагы көлмөлөрдө багылган балыкты сатууга жана экспорттоого убактылуу чектөө киргизген. Айрым адистер илдеттин чыгышына көлмөлөрдүн булганышы себеп болгонун айтышууда. Бул окуя Кыргызстандагы балык чарбаларынын көлмөлөрү... Читать дальше...

Президент Садыр Жапаров бүгүн, 5-февралда Пекинде Борбор Азиянын лидерлери менен жолукту. Бул тууралуу президенттин басма сөз катчысы Эрбол Султанбаев кабарлады. Кышкы Олимпиада - 2022 оюндарынын ачылышына Тажикстандын президенти Эмомали Рахмон, Казакстандын лидери Касым-Жомарт Токаев, Өзбекстандын президенти Шавкат Мирзиёев да барган. Кытай лидери Си Цзинпин өлкө лидерлерин кабыл алды. Садыр Жапаров Бириккен Улуттар Уюмунун баш катчысы жана Польшанын президенти менен да жолукту. Бээжиндеги Кышкы Олимпиада оюндары 4-февралда ачылды. Читать дальше...

“Эже-сиңдилер” берүүсүндө аялдардын зомбулукка чыдап жашаганына эмне себеп жана арыз жазылбаган учурда, аялдын укугун ким коргойт деген суроолорго жооп издейбиз.

Кыргызгидромет кабарлагандай, 6-7-8-февраль күндөрү Кыргызстандын аймагында туруксуз аба ырайы күтүлөт. 6-февралда күндүз көпчүлүк аймакта жаан карга айланат. Ысык-Көл облусунда жаан-чачын болбойт. Чыгыштан соккон шамалдын ылдамдыгы секундасына 5-10 метрден, күндүз шамал батыштан согот. Абанын температурасы: Чүй облусунда түнкүсүн 0...-5, күндүз 3…8; Талас облусунда түнкүсүн -1...-6, күндүз 2…7; Баткен, Ош, Жалал-Абад дубандарында түнкүсүн 0…+5, күндүз 4…9; Ысык-Көл облусунда түнкүсүн -6…-11... Читать дальше...

Кытайга сырттан экспорттолгон жибек жана жибек өнүмдөрүнүн төрттөн үч бөлүгү коңшу Өзбекстан, Кыргызстан жана Тажикстандан барат. Расмий маалыматтарга караганда, Кытай өзбек жибегин сатып алуучулардын сап башында турат. 2021-жылы Кытай Өзбекстандан 38 млн. доллардык жибек алган. Бул жалпы экспорттун 43% түзөт. Экинчи орунда 16,2 млн. долларга жибек сатуу менен Кыргызстан, үчүнчү орунда 12,6 млн. доллар менен Тажикстан турат. 2021-жылы Өзбекстандын жибегин дүйнөнүн 18 өлкөсү Вьетнам, Иран, Бириккен Араб Эмирликтери... Читать дальше...

Эл аралык тарыхый-агартуучу "Мемориал" уюму Орусиянын Жогорку сотуна уюмду жоюу боюнча чечимди токтотуу арызы менен кайрылды. Арыз Жогорку сотто 28-февралда каралат. Бул тууралуу "Мемориал" уюмунун расмий сайтына маалымат чыкты. Уюмдун юристтери Адам укуктары боюнча Европа соту Орусиядан “Мемориал” уюмун жабуу тууралуу соттук чечимдерди аткарууну токтото турууну талап кылганын жүйө келтирүүдө. Орусиянын Башкы прокуратурасы уюм чет өлкөлүк агенттин функциясын аткаргандыгы тууралуу маалыматты жаап-жашырып келген деп Жогорку сотко кайрылган.

4-февралда Бээжин шаарында Кышкы Олимпиада-2022 оюндарынын ачылышы өттү. Кытайдын борбору Олимпиаданын кышкы жана жайкы оюндарын өткөргөн биринчи шаар болуп калды.

Бишкек травматология жана ортопедия илим изилдөө борборунун ордуна Шаардык клиникалык тез жардам ооруканасы түзүлдү. Бирок анын айланасындагы талаш-тартыш токтой элек. Жаңы дайындалган жетекчини эмгек жамааты кабыл албай жатканы айтылды. Бул маселе "кызыкчылыгына каршы келген чечимдерге моюн толгоп, кээ бир тармактагы жетекчилер көптөн бери башкарган медициналык мекемелерди энчилеп алган өнөкөт бар" деген талкууну күн тартибине чыгарды. Сиңирген эмгегин, топтогон аброюн колко кылгандын айынан жетекчилер ондогон жылдар бою ордунан козголбой... Читать дальше...

Казакстандын Алматы шаарындагы Илимдер академиясынын аянтында тынчтык митинги өтүүдө. Жүздөн ашык адам шаардагы акимдерди дайындоону ачык шайлоо менен ишке ашырууну талап кылып жатат. Бул тууралуу "Азаттыктын" казак кызматы кабарлады. Митинг - январдагы кандуу кагылшуудан кийинки алгачкы элдин чогулуусу. Митинг өтүп жаткан жерди полиция курчоого алды. Анын уюштуруучуларынын бири Айгерим Тлеужан ким кааласа бул митингде өз оюн айтууга эркин экенин жарыялады. Чогулгандар акимдерди президент эмес, эл өзү шайласын деген талап коюп жатышат. Читать дальше...

Саламаттык сактоо министрлигинин юристи Азамат Жумакеев Бишкектеги Травматология жана ортопедия боюнча илим изилдөө борборун таркатуу мыйзам чегинде ишке ашып жатканын, министрликтин бул буйругун борбордун директору Сабырбек Жумабеков да жакшы билерин "Азаттыкка" маалымдады. "Борборду түзүү тууралуу буйрук 2004-жылы чыккан. Ошондо эле бир катар мыйзам бузуулар менен борбор түзүлгөн. Эми анын ордуна травматология жаатында илим изилдөө борборун кайра түзүү же аны ооруканага айлантуу маселесин өкмөт чечери жаңы мыйзамда көрсөтүлгөн. Читать дальше...

Президенттин балдар укугу боюнча ыйгарым укуктуу өкүлү Жыпариса Рысбекова бүгүн, 5-февралда зордук-зомбулукка кабылып, Сокулуктагы жалпы медициналык практика борборуна жаткырылган баладан кабар алды. Бул тууралуу президенттин басма сөз кызматы кабарлады. Рысбекова менен чогуу ооруканага президенттин Чүй облусундагы ыйгарым укуктуу өкүлүнүн орун басары Светлана Волкова, Сокулук районунун акими Курбанбек Айтибаев, Сокулук райондук эмгек жана социалдык өнүгүү башкармалыгынын жана Сокулук райондук ички иштер бөлүмүнүн кызматкерлери барышты. Читать дальше...

Бүгүн, 5-февралда Жогорку Кеңештин "Ишеним" жана "Ынтымак" фракциялары Баткен облусунун Лейлек районунун Исфана шаарында көчмө жыйын өткөрүүдө. Эки фракция бул чогулуштун жыйынтыгында Жогорку Кеңешке токтом сунуштамай болду. Ага ылайык депутаттар аймакка инвестиция тартуу үчүн өкмөттүк кепилдикти кайра карап чыгуу, курулушу бүтпөй турган облустагы 33 социалдык объектини бүтүрүү, айланма жолдорду куруу менен Баткен, Исфана шаарларына жумасына бир жолу эмес, бир нече ирет учуучу рейстерди уюштуруу сунуштарын берүүнү макулдашты. Читать дальше...

Президент Садыр Жапаров 4-февралда Бээжинде башталган Кышкы Олимпиада-2022 оюндарынын ачылыш аземине катышты. Иш-чара «Куш уясы» деп аталган Бээжин улуттук стадионунда өттү. Ачылыш аземдеги парадда кыргызстандык лыжачы Максим Гордеев катышып, стадиондо өлкөнүн туусун көтөрүп өттү. Президент Садыр Жапаров Кытайда иш сапары менен жүрөт. 4-февралда Бээжин шаарында Кышкы Олимпиада-2022 оюндарынын ачылышы өттү. Кытайдын борбору Олимпиаданын кышкы жана жайкы оюндарын өткөргөн биринчи шаар болуп калды. Читать дальше...

Бийликти сындап жүрүп, ар кандай беренелер менен камалаган саясатчылардын көпчүлүгү бошотулуп, үй камагына чыгарылды. Оппозициялык лидерлердин бири Өмүрбек Текебаев Германияга элчи кызматына дайындалды. Саясий айдыңдагы мындай жүрүштөр бийлик менен оппозициянын ортосундагы диалог түзүлгөнүнөн кабар береби? Өлкөдөгү оппозициянын абалы кандай? 2021-жылы ноябрь айыларында бийликти күч менен басып алууга шек саналып кармалган ошол кездеги парламент депутаты Бакыт Жетигенов баш болгон Бекназар Купешов... Читать дальше...

Саламаттык сактоо министрлигинин 5-февралдагы маалыматына караганда, вирустан үч киши каза болду. Коронавирустан каза болгондордун жалпы саны 2899 адамга жетти. Соңку бир күн ичинде вирус дагы 162 ​адамдан табылды. Өлкөдө бул оору жуккандардын расмий катталган саны 199 326 болду. Бир күндө 385 ​адам айыгып чыкты. Азыр ооруканада 913 адам жатат, дагы 3609 ​бейтап үйдөн дарыланууда. Жалпы айыккандардын саны 190 368 ​кишиге жетти. (BCh)

Чүй облустук ички иштер башкармалыгынын маалымат кызматы Сокулук районунда эки жаштагы баланы сабады деп шек саналган жаран бүгүн, 5-февралда кармалганын билдирди. "Баланы уруп-сабоого шектүү катары анын ата-энесине иш берген 1987-жылы туулган жаран кармалып, убактылуу кармоочу жайга киргизилди. Наристенин апасынын айтымында, алар шектүүгө карыз болуп калышкан. Шектүү Сокулук районунда фермерлик менен алектенет. Тергөө иштери уланып, керектүү экспертизалар дайындалды", - деп билдирди Чүй облустук... Читать дальше...

Жогорку Кеңештин "Ишеним" жана "Ынтымак" фракциялары Баткен облусунун Лейлек районунун Исфана шаарында көчмө жыйын өткөрүүдө. Жыйында Баткен облусунун өзгөчө макамы жөнүндөгү мыйзамдын аткарылышы, өткөн жылдын апрель айынын соңундагы куралдуу жаңжалдан кийин кайра калыбына келтирүү иштеринин жүрүшү талкууланып жатат. Бул тууралуу "Азаттыктын" аймактагы кабарчысы жеринен билдирди. Чогулган депутаттар Ош-Исфана жолунун Ноокат участогунун курулушу, Бишкек - Исфана аба каттамы баштаган алты маселени карашууда. Читать дальше...