Новости за 06.02.2022

Кыргызстанда бир күндө 15 кишиге онкологиялык диагноз коюлат. Бир жылда 5,5 миңге чукул адамдан мындай оору табылат. Алардын 60% бир жылга жетпей каза болууда. 4-февралда бүткүл дүйнөлүк рак оорусу менен күрөшүү күнү белгиленди. Кыргызстанда залалдуу шишикти дарылоо, алдын алуу иши кандай? "Жалгыз бой эне ооруган азап экен..." Чүй облусунун Кант шаарынын тургуну Бактыгүл Абитова 39 жашта. Ал төрт балалуу, жалгыз бой. Балдарынын бири кант диабети менен жабыркап, майыптыгы бар. Бактыгүлгө 2021-жылы... Читать дальше...

Украинанын Харьков шаарында миңдеген тургундар Москванын болжолдуу кол салуусуна каршы жүрүшкө чыгышты. АКШнын улуттук коопсуздук боюнча кеңешчиси Жейк Салливан Орусия  Украинага бир нече күндүн же аптанын ичинде кол салышы мүмкүндүгүн эскертти. Бирок Москва мындай планы жок экенин билдирип жатат. Орусиянын чегинен 30 чакырымдай гана алыстыкта жайгашкан Украинанын экинчи ири шаарында ишемби күнү 5 миңдей киши жүрүшкө чыкты. Харьковдун тургундары көк жана сары түстөгү 100 метрлик украин желегин көтөрүп... Читать дальше...

“Казакстан темир жолу” улуттук ишканасы Instant Payments компаниясы менен электрондук билеттерди сатуу боюнча келишимди мөөнөтүнөн мурда токтотту. Расмий маалыматта 2023-жылдын аягына чейин жарактуу болгон бул келишимди жокко чыгаруунун себептери так түшүндүрүлгөн жок. Болгону “Казакстан темир жолу” мындан ары билет сатуу милдетин атайын кассалар жана онлайн сервистер аркылуу өзү аткара турганын билдирди. Instant Payments компаниясынын Казакстандын экс-президенти Нурсултан Назарбаевдин кичүү кызы Алия Назарбаевага байланышы бар. Читать дальше...

Пакистандын түндүк-батышындагы Хайбер-Пахтунхва провинциясына караштуу Куррам районунда согушкерлердин чабуулунан кеминде үч аскер мерт болду. Бул тууралуу Пакистандын өкмөтүндөгү булак 6-февралда "Эркин Европа / Азаттык" радиосуна билдирди. Маалыматка ылайык, 5-февралдын кечинде Ооганстан менен чектеш бул аймактагы коопсуздук бекетинде атышуу болгон. Андан соң согушкерлер ооган тарапка өтүп кетишкен. Бул окуядан жалпысынан төрт пакистандык жоокер жаракат алды. Пакистандык талибдердин "Техрик-е... Читать дальше...

Орусия Украинага бир нече күндүн же аптанын ичинде кол салышы мүмкүн. Бул тууралуу АКШнын улуттук коопсуздук боюнча кеңешчиси Жейк Салливан 6-февралда бир катар америкалык телеканалдарга курган маегинде билдирди. "Биз Владимир Путин Украинага кол салууга буйрук берет деген абдан анык ыктымалдуулук бар деп ишенебиз. Анын формасы ар түрдүүчө болушу мүмкүн. Ал эң эрте дегенде эртең болушу мүмкүн, же бир аптанын ичинде орун алышы ыктымал. Ал армиясын жайгаштыруу менен өзүн Украинага каршы каалаган... Читать дальше...

Соңку бир сутканын ичинде Орусияда 180 071 киши коронавирусту жугузуп алганы аныкталды. Бул тууралуу 6-февралда Орусиянын коронавирустун жайылышына каршы күрөшүү боюнча ыкчам штабы билдирди. Маалыматка ылайык, жекшембидеги көрсөткүч бир күн мурдагыга салыштырмалуу 2800 жаңы учурга көбүрөөк. Бир ай мурда Орусияда коронавируска чалдыккандардын саны дээрлик 10 эсе аз болчу. Январь айынын ортосунда бир күндө 17 миң адамдан коронавирус аныкталып жаткан. Орусиянын ыкчам штабы вирусту жугузуп алгандардын... Читать дальше...

Жардам Кыргызстандын коопсуздук тармагына берилет. Мындан тышкары расмий Бээжин Кыргызстанга коронавируска каршы 5 млн. доза вакцина бермекчи. Бул тууралуу Кытайдын лидери Си Цзинпин менен Кыргызстандын президенти Садыр Жапаровдун бүгүн, 6-февралдагы жолугушуусунда маалым болду. Мамлекет башчылары жолугушууда саясий, соода-экономикалык кызматташтыктын актуалдуу маселелерин жана келечегин, биргелешкен ири долбоорлорду каржылоону талкуулашты.  Си Цзинпин Садыр Жапаровдун кыргыз-кытай кызматташтыгын өнүктүрүүгө кошкон салымын жогору баалап... Читать дальше...

“Ак кеме” повестинин негизинде тартылган “Шамбала” Чыңгыз Айтматовдун чыгармасынын өзүнөн да, “Ак кеме” кинотасмасынан да өзгөчөлөнгөн жаңы кинотасма болду. Мындай пикирин “Шамбала” кинотасмасынын режиссеру Артыкпай Сүйүндүков “Азаттыкка” курган сыябан-маекте билдирди. Режиссердун айтымында, “Шамбала” эл аралык сынактарда 19 сыйлыкка арзыды. Коомчулукка ушул күздө көрсөтүлө баштайт.

Кыргызстандын президентин ташыган Ту-154 учагынын коопсуздук мөөнөтү аяктаган, ошондуктан, Бээжин сапарына президент Садыр Жапаров менчик учакты ижарага алып барды. Бул тууралуу мамлекет башчынын маалымат катчысы Эрбол Султанбаев 6-февралда маалымдады. Ага ылайык, ижара акысы бюджеттен төлөнгөн жок. Султанбаев жакында Кыргызстандын жогорку делегациясын ташуучу чакан учакты пайдалануу маселеси каралып жатканын, кыргыз тарап ага күйүүчү май жана борттогу тейлөө үчүн гана акы төлөрүн белгиледи. ... Читать дальше...

Сокулукта сабалып ооруканага түшкөн 1 жаш 8 айлык Егордун абалын дарыгерлер туруктуу деп баалап жатышат. Наристени уруп-сабоого шектүү катары жергиликтүү тургун камалды. Сокулук райондук ооруканасынын жандандыруу бөлүмүнө 3-февралда эки жашка чыга элек наристе колу, буту күйүп, бети-башы, денеси жана жыныс органы көгала так, кесилген абалда түшкөн.

Украинанын чыгышындагы Харьков шаарында беш миңдей адам Орусиянын кол салуусуна каршылыгын жана өлкөсүнүн бүтүндүгүн коргоого даярдыгын билдирип, демонстрацияга чыгышты. Акциянын катышуучулары 100 метрлик украин желегин көтөрүп, "Украинага даңк, баатырларга даңк!" деп кыйкырышты. Жүрүштү жергиликтүү саясий жана бейөкмөт уюмдар уюштурду. Шаардык кеңештин пандемиялык чектөөлөрдөн улам жүрүшкө тыюу салуу аракетин жергиликтүү сот четке какты. Акция тынч аяктаганы кабарланды. Харьковдо танк, авиация жана трактор заводдору жайгашкан... Читать дальше...

Орусиялык лыжачы Александр Большунов 30 чакырымдык скиатлон оюнунда атаандаштарынан суурулуп, 6-февраль күнү алтын медаль утту. Ал марага 1 саат 16 мүнөт, 0,8 секундда келген. Анын ийгилиги Бээжиндеги Олимпиада оюндарындагы орусиялык команданын алгачкы жеңиши.  Кызытма санкцияларынан улам алар Орусиянын эмес, Олимпиаданын желеги алдында беттешүүдө. Буга чейин жаңы зеландиялык сноубордчу Зои Садовски-Синнотт өлкөсүнүн тарыхында алгачкы жолу алтын медалга жетишкен. Күмүш медалды америкалык сноубордчу Жулия Марино алса... Читать дальше...

Өзүнүн мааракесинин алдында Британ ханышасы Елизавета II Сандрингемдеги Аялдар институтунун мүчөлөрү жана кайрымдуулук уюмдардын өкүлдөрү менен жолугушту. Ага такка отурганда берилген гүлдесте жана торт тартуу кылынды. Ханыша өзүнүн кайрылуусунда ханзаада Чарльздын экинчи жубайы - Камилла Паркер-Боулзду ханзаада такка отургандан кийин "ханыша-консорт" деп таанууну суранды. Елизавета II 95 жашта. Ал Британияны 70 жылдан бери башкарып келе жатат. Анын бийлиги учурунда өлкөдө 14 премьер-министр алмашып... Читать дальше...

Синоптиктердин маалымдашынча,  7-февралда көпчүлүк аймактарда мезгил-мезгили менен жамгыр, кар жаайт. Абанын температурасы: Чүй облусунда түнкүсүн -4...+1, күндүз 0…+5; Талас облусунда түнкүсүн -1...-6, күндүз 0…+5; Баткен, Ош, Жалал-Абад дубандарында түнкүсүн -3…+2, күндүз 1…6; Ысык-Көл облусунда түнкүсүн -3…-8, күндүз 1…6; Нарын облусунда түнкүсүн -11…-16, күндүз -1…-6; Бийик тоолордо түнкүсүн -25…-30, күндүз -5…-10 градуска чейин төмөндөйт. Бишкек шаарында кар жаайт. Абанын температурасы түнкүсүн -1…-3° суук... Читать дальше...

Сокулукта сабалып ооруканага түшкөн 1 жаш 8 айлык Егордун абалын дарыгерлер туруктуу деп баалап жатышат. Наристени уруп-сабоого шектүү катары жергиликтүү тургун камалды. Сокулук райондук ооруканасынын жандандыруу бөлүмүнө эки жашка чыга элек наристе колу, буту күйүп, бети-башы, денеси жана жыныс органы көгала так, кесилген абалда түшкөн. Жума күнү интернетте тараган видеодон колу буту бинт менен таңылган, бети-башында көгала тактар, жыныс мүчөсү жабыркаган эки жашка чыга элек эркек баланы көрүүгө болот. Читать дальше...

Улуттук коопсуздук боюнча мамлекеттик комитети 6-февралда билдиргендей, өздөрүн президент Садыр Жапаровдун жана УКМКнын төрагасы Камчыбек Ташиевдин жакындары деп көрсөткөн адамдар аныкталган. Алар Мамлекеттик бажы кызматынын жана Мамлекеттик салык кызматынын кызматкерлерин коркутуп, тышкы экономикалык ишмердүүлүккө (ТЭБ) катышкан, анын ичинде ЕАЭБге мүчө мамлекеттерден товар импорттоочу соодагерлерди көзөмөлгө алышканы тастыкталган. "Алардын мыйзамсыз иш-аракеттерине бөгөт коюу максатында ыкчам иш-чаралар жүргүзүлүп... Читать дальше...

Акыйкатчынын аппарат башчысы Аскат Азарбеков Сокулукта сабалган баланын ата-энеси менен жолугуп, кошумча маалыматтарды алды. Бул тууралуу Азарбеков "Азаттыкка" билдирди. "Баланын кулагынын кемирчеги сынып, 19-январда Сокулукка ооруканага алып келишкен экен. Булар Бишкектеги 3-ооруканага багыттама жазып, жиберишиптир. Бирок ал жакка барган-барбаганы белгисиз. Кулагы эмнеден сынганы аныкталган эмес. Атасы өздөрү колунда иштеген С. А. аттуу адамды айыптоодо, апасы тескерисинче аны актап, күйөөсүнө калтырганын айтып жатат. Читать дальше...

Зайнидин Тагаев 1990-жылдары Тажикстандагы жарандык согуш учурунда Кыргызстанга көчүп келгендердин бири. Ал учурда Өзбекстандан жана Тажикстандан көчүп келген этникалык кыргыздарга жарандык алууга көмөктөшкөн коомдук фондду жетектейт. Жарандык ала албай жүргөндөр кайрылмандар Көп кыйынчылыктар менен жарандык алган этникалык кыргыздар менен катар эле бүгүнкү күнгө чейин жарандык ала албай жүргөндөрү да бар. Кайрылман Тагаев аларга кеңеш берип, жол көрсөтүүнү негизги милдети деп эсептейт. "Мен Тажикстандын Жерге-Тал районунда туулуп-өскөм. Читать дальше...

“Бийлик сырлары” берүүбүздүн бул жолку коногу Жогорку Кеңештин мурдагы депутаты, Кыргыз Республикасынын Эмгек сиңирген экономисти Анвар Артыков болду. Ал автоунаа базадан кантип обкомго келгени, эмне үчүн президенттик жарышка катышканы, миллион долларды ким сунуш кылганы, “элдик губернаторду ким шайлаганы”, саясатчылар Акаев, Бакиев, Кулов, Садырбаев жөнүндөгү пикирин айтып берди. - Анвар Артыкович, 2000-жылы сиз президенттикке ат салышууга чыктыңыз, бирок, мамлекеттик тил боюнча сынактан кулап калдыңыз, адилет чечим болгон дейсизби? Читать дальше...

НАТОнун Чыгыш Европадагы өнөктөштөрүн күчтөндүрүү үчүн АКШдан аскерлер келе баштады. Польшанын түштүк-чыгышындагы аскер базасына Американын аба-десанттык 82-бригадасы жайгашты. Вашингтон кеминде үч миң аскерин Чыгыш Европаны украин кризисинен коргоо үчүн Польшага жана Румынияга жиберерин маалымдаган. Пентагондун маалымат катчысы Жон Кирби 3-февралда эки миң аскер Польша менен Румынияга жиберилерин, ал жакка  учурда Германияда турган миң аскер да бараарын айткан. Орусия Украина менен чек... Читать дальше...

Коронавируска каршы ыкчам штабдын маалымдашынча, 6-февралга карата бир суткада оорудан дагы үч адам көз жумду.  Вирустан каза болгондордун жалпы саны 2902ге жетти. 110 адам вирус жуктуруп алганы лабораториялык жактан тастыкталды. Анын ичинде бир медицина кызматкери бар. Бишкек - 56; Ош шаары - 10; Чүй облусу – 18; Ош облусу – 3; Ысык-Көл облусу – 12; Жалал-Абад облусу – 5; Баткен облусу - 6. Талас жана Нарын облустарында бир суткада коронавируска чалдыккандар жаңы катталган жок. Ушуну... Читать дальше...

“Бийлик сырлары” берүүбүздүн бул жолку коногу мурдагы депутат, Эмгек сиңирген экономист Анвар Артыков болду. Ал автоунаа базадан кантип обкомго келгени, эмне үчүн президенттик жарышка катышканы, миллион долларды ким сунуш кылганы, “элдик губернаторду ким шайлаганы”, Акаев, Бакиев, Кулов, Садырбаев тууралуу пикири менен бөлүшөт.

Таластагы Улуттук "Манас Ордо" комплексине Марат Дооронбеков директор болуп дайындалды. Бул тууралуу Маданият, маалымат, спорт жана жаштар саясаты министрлиги 5-февралда маалымдады. 51 жаштагы Дооронбеков буга чейин мугалим, мектеп директору жана райондук билим берүү бөлүмүнүн башчысы болуп иштеген. Кыргыз Улуттук университетин тарых адистиги боюнча аяктаган. Комплекстин мурдагы директору Ормошбек Чоюнбаев өткөн жылдын декабрында кызматтан алынган. Ал чечим мыйзамсыз деген негизде Маданият, маалымат... Читать дальше...

“Балдар укугун коргоо лигасынын” жетекчиси Назгүл Турдубекова Сокулукта сабалган баланын ишин иликтөөнү Башкы прокуратурадан өтүнүп жатканын “Азаттыкка” билдирди. Аталган уюм Акыйкатчы институту менен чогуу иликтөө жүргүзгөн. “Бала эки жашка да чыга элек экен, 1 жаш сегиз айлык болуп чыкты. Доктурлардын айтуусунда, анын жыныс органы катуу жабыркаган эмес. Биз учурда баланын ата-энесине укуктук жардам берип жатабыз”. Укук коргоочулар саламаттык сактоо министри Алымкадыр Бейшеналиевден баланы Бишкекке которуп, дарылоону талап кылышууда. Читать дальше...

Тажикстандын бийлиги студенттерин Кыргызстанга баруудан карманып турууга чакырды. Коңшу өлкөнүн Тышкы иштер министрлигинин расмий сайтына 2-февралда жарыяланган билдирүүдө “Кыргызстандагы окуу жайларда билим алган тажик жарандарына начар мамиле жасалып жатканы” айтылган. Кыргыз тарап бул дооматты четке кагууда. Коңшу өлкөнүн Тышкы иштер министрлиги “тажикстандык студенттер өз мекениндеги окуу жайларга которулуу үчүн керектүү документтерин кайтарып алуу суроо-талабы менен кайрылганда, Кыргызстандын... Читать дальше...