Новости за 14.02.2022

14-февралда Киевде Германиянын канцлери Олаф Шольц менен Украинанын президенти Владимир Зеленскийдин жолугушуусу аяктады. Анын соңундагы биргелешкен билдирүүдө немис лидери Германия жана анын НАТОдогу өнөктөштөрү Украина тарапта экенин дагы бир жолу ырастап, эгер Орусия ага кол салса, “татыктуу жообун” аларын белгиледи. Шольц НАТО менен АКШ конфликттин мындан ары курчуп кетүүсүн алдын алуу үчүн Орусияга конкреттүү сунуштарды бергенин, Кремлдин жообун күтүп жатышканын айтты. Орусия коюп жаткан... Читать дальше...

Алматыда  жекшембиде кандуу Январь окуясында каза тапкандарга аза күтүү жана кыйноолорго каршы митинг өттү. Анда президент Касым-Жомарт Токаевге кандуу калабада эскертүүсүз ок атууга буйрук бергени үчүн бийликтен кетүү талабы коюлду. Акция жүрүп жаткан аймакта интернет бөгөттөлдү.   Кан жуткандар менен кармалгандардын жакындары чогулду Алматынын борбордук аянтында январдагы калабанын кыркылыгына карата аза күтүү митинги бийликтин тыюу салганына карабай өттү. Ага жакындарын жоготкондор, үй-бүлө мүчөлөрү жазыксыз кармалып... Читать дальше...

64 жашында каза болгон мурдагы ички иштер министри Молдомуса Конгантиевдин сөөгү 14-февралда Бишкектеги "Ала-Арча" көрүстөнүнө коюлду. Аны акыркы сапарга узатуу зыйнаты Абдылас Малдыбаев атындагы Кыргыз Улуттук академиялык опера жана балет театрында өттү. Мурдагы министрдин ишмердиги тууралуу карама-каршы пикирлер көп. Бири Конгантиевди антты бузбаган генерал катары сыпаттап, кыргыз милициясына кошкон салымын эскеришүүдө. Ошол эле учурда Конгантиев Бакиевдин режимине кызмат кылып, буйрутма киши өлтүрүүлөргө көз жумганын... Читать дальше...

Беларустун авторитардык лидери Александр Лукашенко жана Орусиянын президенти Владимир Путин ушул апта ичи жолугуп, биргелешкен билдирүү жарыялашат. Бул тууралуу 14-февралда Путиндин басма сөз катчысы Дмитрий Песковго таянуу менен орусиялык ТАСС маалымат агенттиги жазды. Лукашенко да дүйшөмбү күнү журналисттерге комментарий берип жатып, жолугушуу болорун ырастады. Ал Путин менен Орусиядан аскерлер качан жана кандай жагдайда чыгарылып кетерин сүйлөшөрүн тактады. 10-февралда Беларуста Орусия менен биргелешкен аскердик машыгуу башталган. Читать дальше...

Травматология жана ортопедия илимий борборунун директорлугуна Памир Муратов дайындалганы белгилүү болду. Казакстанда Январь окуяларында кармалып, кыргыз бийлиги бошотуп келген Чолпонбек Сыдыков менен Викрам Рузахуновдун иши коңшу өлкөдө “кыйноо” беренеси менен тергеле баштады. Казакстанда Январдагы калабанын 40-күнүндө эл кайрадан митингге чыкты.

Түркмөнстандын Борбордук шайлоо комиссиясы мөөнөтсүз президенттик шайлоо үчүн арыздарды кабыл алууну 14-февралдан баштап ачык деп жарыялады. Талапкерлерди көрсөтүү өлкөдө катталган үч партиянын атынан гана кабыл алынат. Авторитардик деп саналган өлкөдө башкаруучу Түркмөнстандын демократиялык партиясы жана ага ыктаган Түркмөнстандын агрардык партиясы, Түркмөнстандын өндүрүшчүлөрү менен ишкерлеринин партиясы бар. Алардын бардыгы бийликти колдойт, оппозициялык партиялар жок. Түркмөнстандын президенти... Читать дальше...

Өзбекстандагы ооруканада дарыланып жаткан кыргыз жараны газ жарылуусунда каза болду.   Кошуна өлкөнүн прокуратурасы окуяга байланыштуу кылмыш ишин козгоду. Кыргызстандын Ташкенттеги элчилиги кырсыктын чоо-жайын териштирүүнү байкоого алды. Соңку жылдары Кыргызстандын түштүк аймагынан Өзбекстандагы жеке менчик ооруканаларга дарыланууга баргандар көбөйдү. Жергиликтүүлөр муну жарнаманын көптүгүнө жана дарылануу салыштырмалуу арзан экенине байланыштырышат. Адам өлүмү тууралуу расмий кабар жок 11-февралдагы жарылууда набыт болгон аял 56 жашта... Читать дальше...

Орусия Украинага кол салышы мүмкүн деген кооптонуу күч алып жаткан маалда Германиянын канцлери Олаф Шольц 14-февралда Киевге барды. Ал украин президенти Владимир Зеленский менен жолукту. Андан ары шейшембиде Москвага сапар алып, ал жактан Владимир Путин менен кездешери күтүлүүдө. АКШ Украина жактагы орус аскерлеринин саны 130 миңге чейин көбөйгөнүн билдирди. Киевге жол тартар алдында Германиянын канцлери Олаф Шольц Евробиримдик менен НАТОго мүчө мамлекеттер Орусияга каршы катаал санкцияларды даярдап коюшканын... Читать дальше...

Жалал-Абад облусунда жолго кар көчкү түшүп, үч адамдын дайыны табылбай жатканын Өзгөчө кырдаалдар министрлиги бүгүн 14-февралда билдирди. Мекеменин маалыматына караганда, саат 12:30 чамасында Тогуз-Торо районунун аймагында, Түндүк-Түштүк (Балыкчы – Жалал-Абад) альтернативдик автожолунунун болжол менен 334-чакырымында (Көк-Арт ашуусу) кар көчкү түшкөн. “Чайна Роуд” ишканасына тиешелүү “Нива” машинасын, жүктөгүчтү жана эки экскаваторду кар басып калган, кырсык болгон жерде үч адам дайынсыз болууда. Читать дальше...

Алмазбек Бейшеналиев Кыргызстандын билим берүү жана илим министринин милдетин аткаруучу болуп дайындалды. Бул тууралуу бүгүн 14-февралда өкмөттөгү булактар кабарлашты. Жаңы жетекчини жамаатка Министрлер кабинетинин төрагасы Акылбек Жапаров тааныштырды. Бейшеналиев 41 жашта. Ал 2017-2018-жылдары өкмөт аппаратынын билим берүү, маданият жана спорт боюнча бөлүмүн башкарган. 2020-жылдын октябрынан 2021-жылдын 5-майына чейин билим берүү жана илим министри болуп иштеген. 2021-жылдын июнь айынан бери... Читать дальше...

Эртең, 15-январда Бишкекте адам укуктарына арналган талкуу өтөт. Бул тууралуу парламенттин Эл аралык иштер, коргоо, коопсуздук жана миграция боюнча комитетинин 14-февралдагы жыйынында "Бүтүн Кыргызстан" фракциясынан депутат Адахан Мадумаров билдирди. Ал адам укуктарынын сакталышы, абалы, көйгөйлүү маселелери жана маалыматтык коопсуздукту камсыздоо тууралуу сөз сүйлөп, талкууга Конституциялык соттун төрагасы, Баш прокурор, тийиштүү министрликтин жетекчилери, Жогорку Кеңештин депуттары чакырылганын айтты. Читать дальше...

Пакистандын Пенджаб провинциясындагы Ханевал округундагы айылдардын биринде жарандар тобу Куран китебин өрттөдү деп шектелген кишини өлтүрүп салышты. Бул тууралуу өлкөнүн полициясы кабарлады. Маалыматта айтылгандай, ал 12-февралда ислам дининин ыйык китебин өрттөп жатканын көргөнүн жергиликтүү мечиттин кызматкери тургундарга айтып берген. Жүздөгөн жарандар аны ташбараңга алып, жанчып салышкан. Чогулгандар окуя болгон жерге барган полиция кызматкерлерине да таш ыргытышкан. Укук коргоо органдары... Читать дальше...

Оппозиционер саясатчы Равшан Жээнбековдун жардамчысы Айсулуу Кудайбердиевага карата козголгон кылмыш иши боюнча алгачкы сот отуруму бүгүн 14-февралда Бишкектин Биринчи Май райондук сотунда өттү. Кийинки отурум 1-мартка белгиленди. Кудайбердиеванын айтымында, ишти Улуттук коопсуздук боюнча мамлекеттик комитет “2019-жылы чек арадан туура эмес өткөн” деген айып менен козгогон. Ал өзү бул ишти фальсификация деп атап, “Жээнбековдун саясий иштерине жардам бергеним үчүн бир нече ай бою атайын кызматтын... Читать дальше...

Германиянын канцлери Олаф Шольц Украинанын президенти Владимир Зеленский менен жолугушуу үчүн Киевге учуп барды. Ал мындан кийин Москвага барып, Орусиянын президенти Владимир Путин менен жолугары күтүлүүдө. “Биз Москвадан тез арада деэскалацияны талап кылабыз. Азыр Европадагы тынчтык үчүн олуттуу коркунучка күбө болуп жатабыз”,-деп жазган Шольц иш сапарынын алдында. 13-февралда АКШнын президенти Жо Байден менен Украинанын президенти Владимир Зеленский телефондон сүйлөшүп, украин-орус чек арасындагы чыңалууну талкуулаган. Читать дальше...

Бишкектеги Биринчи май райондук сотусаясатчы Равшан Жээнбековдун жардамчысы, жарандык активист Айсулуу Кудайбердиеванын ишин карай баштады. 14-февралда  алгачкы сот отуруму болуп, кийинки жараян 1-мартка белгиленди.  Активист аны Улуттук коопсуздук комитети (УКМК) "2019-жылы кыргыз-тажик чек арасынан мыйзамсыз өткөн" деп айыптап жатканын билдирди жана муну саясий куугунтук катары сыпаттады. Атайын кызмат бул дооматтарга азырынча комментарий бере элек. Былтыр Айсулуу Кудайбердиеванын үйү тинтүүгө алынып, бир канча жолу суракка чакырылган. Читать дальше...

“Апрель” телеканалынын кабарчысы социалдык түйүндөрдөгү аккаунттарын кимдир бирөөлөр бузуп кирүүгө аракет жасаганын айтып милицияга кайрылды. Бул тууралуу маалымат телеканалдын сайтына 14-февралда жарыяланды. Журналист Юлия Кулешова Facebook түйүнүндөгү жана Telegram мессенжериндеги профилдерине 8-февралда чабуул жасалганын, кабарчы катары кесиптик ишмердүүлүгүнүн коопсуздугуна коркунуч жаралганын айтып, ошол  адамды табууну жана жоопко тартууну өтүнгөн. Мурдагы президент Алмазбек Атамбаевге... Читать дальше...

Венгриянын өкмөтү билдирүү таратып, премьер-министр Виктор Орбандын Европа Биримдигинен чыгуу тууралуу айтканын төгүндөдү. Орбандын басма сөз катчысы Золтан Ковач твиттерге жазган постунда германиялык dpa маалымат агенттиги “жаңылды” деп маалымдады. “Премьер-министр Виктор Орбан Евробиримдиктен чыгуу идеясын кыйыткан эмес. Биз тескерисинче ЕБ менен бирге калгыбыз келерин, чогуу болсок гана анын келечеги бар экенин айтты”,-деп жазды ал. Венгриянын оңчул улутчул премьер-министри Виктор Орбан өзү... Читать дальше...

Спорттук арбитраждык сот (CAS) орусиялык көркөм муз тебүүчү Камила Валиеванын Бээжиндеги Кышкы Олимпиада оюндарына катышуусуна уруксат берди. Мекеменин 14-февралдагы билдирүүсүндө 15 жаштагы спортчуну иликтөөнүн толук жыйынтыгы чыкканга чейин оюндан четтетүү туура эмес деп табылганы маалымдалат. Мындай чечимге ошондой эле ал жашы жете элек болгону, чара көрүлсө машыктыруучуларга, дарыгерлерге жана аны менен иштеген башка чоң кишилерге каршы кабыл алынышы керектиги белгиленген. Мунун алдында Эл... Читать дальше...

Кыргыз-казак чек арасынан казак чек арачылары кармап кеткен кыргызстандык студент Сыймык Өмүрбек уулу жакын арада бошотулат. Казак тарап менен сүйлөшүүлөрдүн натыйжасында ушундай чечим кабыл алынганын 14-февралда Кыргызстандын Акыйкатчысынын аппарат башчысы Аскат Азарбеков билдирди: “Ал “Чек арадан мыйзамсыз өткөн, жанында курал-жарагы бар” деген кине менен кармалган. Тийиштүү сүйлөшүүлөр болду. Айыппул төлөп, Казакстандан чыгаруу маселесин сүйлөштүк. Жакын арада чыгарылат”. 22 жаштагы Сыймык Өмүрбек уулу 10-январда кармалган. Читать дальше...

Министрлер кабинетинин №309 токтому үрөндүн жана асыл тукум малдын сапатын арттыруу максатын көздөйт жана ал бир ууч топтун эмес, жалпы дыйкандардын кызыкчылыгын көздөйт. Мындай пикирин Айыл чарба министри Аскарбек Жаныбеков “Азаттыкка” курган маегинде билдирди. Министр маекте жараксыз жайыт аянттарын башка категорияга которуунун себебине, жазга даярдыкка токтолду.

2022-жылы Кыргыз Эл баатыры, Кыргыз Эл жазуучусу Түгөлбай Сыдыкбековдун 110 жылдыгы белгиленет.  Маданият, маалымат, спорт жана жаштар саясаты министрлигинин басма сөз кызматы билдиргендей, министр Азамат Жаманкулов Сыдыкбековдун үйүнө барып, жазуучунун уулу Сабырбек Сыдыкбеков менен жолукту. Ал үйдүн тарыхы жана алдыда жасала турган иш-аракеттери тууралу айтып берди. Жаманкулов быйыл Сыдыкбековдун 110 жылдыгы мамлекеттик деңгээлде белгилене тургандыгын, жазуучунун китептерин санариптештирүү... Читать дальше...

Казакстанда Январь окуяларына байланыштуу кармалып, кийин кое берилген кыргыз жарандары Чолпонбек Сыдыков жана Викрам Рузахунов боюнча бул өлкөнүн Жазык кодексинин 146-беренесинин (“Кыйноо”) негизинде кылмыш иши козголуп, тергөө жүрүп жатат. Бул тууралуу 14-февралда Кыргызстандын Акыйкатчысынын аппарат башчысы Аскат Азарбеков Бишкекте өткөн пресс-конференцияда билдирди: “Иш акыйкат каралат деген кепилдигин беришти. Иш биргелешип караларын айтышты”. Эмерек орнотуучу болуп Казакстанга барып-келип... Читать дальше...

Ооганстанда бир нече аптадан бери дайынсыз болуп жаткан төрт активист аялды өлкөнү башкарып жаткан “Талибан” абактан чыгарды. Бул тууралуу Бириккен Улуттар Уюмунун Ооганстанга көмөктөшүү миссиясынын Твиттердеги баракчасында кабарланды. Тамана Заряби Парьяни, Парвана Ибрагимхил, Захра Мохаммади жана Мурсал Аяр талибдерге каршы митингдерден кийин жоголуп кеткен. Алдыңкы экөө январдын аягында, калган экөө февралдын башынан бери дайынсыз болуп жаткан. Анын алдында аялдардын бири эшигинин алдында талибдер турганын билдирген видео жарыялаган. Читать дальше...

Ат-Башы районунун Кара-Булуң айылына 32 миллион сомго тартылган таза суу түтүктөрү кыш келгени тоңуп, чыкпай калууда. Жергиликтүү тургундар муну айылга суу тартып келген компаниянын ишти жакшы аткарбаганы менен байланыштырып, нааразы. Компания болсо маселенин чоо-жайын башкача түшүндүрүүдө.

Жогорку Кеңештин депутаты Чыңгыз Айдарбеков кыргыз-казак чек арасынан жүк алып өтүү кыйындап, жүк ташуучулар Евразия экономикалык биримдиктин (ЕАЭБ) принцинтерине туура келбеген тоскоолдуктарга туш болуп жатканын белгиледи. Эл өкүлү бул маселени бүгүн, 14-февралда парламенттин Эл аралык иштер, коргоо, коопсуздук жана миграция боюнча комитетинин жыйынында көтөрдү. Ал бул көйгөйдү Тышкы иштер жана Экономика министрлигинин,  Бажы кызматынын өкүлдөрүнүн катышуусунда талкуулоону сунуштады. "Казакстандын... Читать дальше...