Новости за 07.02.2022

Кытайды Кыргызстандагы ишкерчилик чөйрөнүн абалы жана саясий туруксуздук тынчсыздандырат. Мындай пикирин кыргыз-кытай алакасына көз салып келе жаткан илимпоз, Европа коопсуздук жана кызматташтык уюмунун Бишкектеги академиясынын улук изилдөөчүсү Нива Яу “Азаттыкка” маегинде билдирди.   Ал эки өлкөнүн ортосундагы ири долбоорлордун ишке ашпай жатышын да ушул жагдай менен байланыштырды жана Бээжин Кыргызстандын коопсуздук тармагына эмне үчүн каражат салып жатканын түшүндүрдү. - Нива, Борбор Азиянын... Читать дальше...

Европа Биримдиги Иран менен өзөктүк келишимди жандандыруу сүйлөшүүлөрү 8-февралда Венада башталарын билдирди. Шаркет төрагалык кылган сүйлөшүүлөргө Тегеран жана дүйнөлүк державалардын өкүлдөрү катышууда. Кезектеги айлампа 28-январда токтоп, дипломаттар кеңешүүгө өз өлкөлөрүнө тарап кеткен. 2015-жылы Иран менен алты мамлекет (Кытай, Орусия, Германия, Франция, АКШ жана Британия) макулдашууга жетишкен. Ислам жумурияты өзүнүн өзөктүк программасын чектемек, бул үчүн санкциялар акырындык менен алынмак. Читать дальше...

Президенттик администрациянын мурдагы башчысы Медет Садыркуловдун өлүмүнө байланыштуу сот башталды. Ысык-Көлдө саламаттык сактоо министри Алымкадыр Бейшеналиевдин уулуна таандык коттеждерде өрт чыгып, 300 чарчы метр эс алуучу жай толук күйүп кетти. Казакстандын темир жол компаниясы Нурсултан Назарбаевдин кичүү кызы Алияга таандык ишкана менен келишимин токтотту.

“Эркин Европа/Азаттык” радиосунун беларус редакциясынын мурдагы кызматкери, фотокабарчы Владь Хрыдзин 13 күнгө камалды. Ага “полицияга баш ийбөө” айыбы тагылды. Хрыдзин күнөөсү жоктугун айтууда. Судья фотографты өткөн аптада үйүн тинтүүгө барган тартип коргоочуларды киргизбей койгондугу үчүн айыптуу деп тапты. Анын батирин “массалык башаламандык” уюштуруу ишинин алкагында тинтишмек. Жакындары Хрыдзин алар менен байланышка 4-февралда чыкпай калганын, үйүнөн ноутбугу менен фотоаппараты жок болуп чыкканын кабарлашкан. Читать дальше...

Орусияда акыркы үч жумада биринчи жолу коронавируска чалдыккандар жогорку чекке жеткен жок. Расмий маалыматка караганда, 6-февралда аннексияланган Крымды эске алганда инфекцияланган 172 миң киши катталды. Алдынкы күнү 180 миң киши катталган. Бир суткада ооруканага түшкөндөр да, илдеттен каза болгондор да азайды. COVID-19 оорусуна чалдыккандар өзгөчө борбор шаар Москвада ылдам азаюуда. "Омикрон" вариантына байланышкан эпидемиянын жаңы толкуну ал жакта башка региондорго караганда эрте башталган. "Омикрон" тезирек жугат... Читать дальше...

Кыргызстан менен Тажикстандын ортосунда чек аранын тактала электигине байланыштуу жаңжалдар бат-бат катталып турат. Адатта чек ара чырында эркектер айылда калып, аялдар балдары менен эвакуация болот. Адистер чек ара чырлары өзгөчө аялдардын жана балдардын психологиясына таасир этип, алар стресске кабыларын белгилешет. “Данисте” Баткендин айылдарын кыдырып, убактылуу көчүп-конуп жүргөн үй-бүлөлөрдүн турмушун тартып келди.

Бишкектеги травматология жана ортопедия илим изилдөө борборуна байланыштуу маселени атайын комиссия иликтейт. Бул туурасында президенттин басма сөз кызматы билдирди. Өткөн аптада саламаттык сактоо министрлиги аталган борбордун ордуна Шаардык клиникалык тез жардам ооруканасы түзүлгөнүн билдирген. Мекемени жетектеп келген Сабырбек Жумабеков бул маселеге президент чекит кое турганын айтууда.  Президенттин чечимин күткөн тиреш Саламаттык сактоо министри Алымкадыр Бейшеналиев Бишкектеги травматология... Читать дальше...

Түркиянын "Галатасарай" футбол клубунун жаштар командасында ойногон кыргызстандык Бекназ Алмазбеков 7-февралда клубдун негизги курама командасы менен машыга баштады. Бул тууралуу футбол клубдун расмий "Инстаграм" баракчасы маалымат таратты. Ошондой эле 16 жаштагы кыргызстандык футболчу Түркиянын суперлигасында бул апта "Галатасарай" - "Кайсериспор" командаларынын беттешүүсүндө ойнору айтылууда. "Галатасарай" футбол клубунун жаштар командасында ойногон Бекназ Алмазбеков Түркияга 2019-жылы келген. Читать дальше...

Азербайжан армениялык сегиз жоокерди бошотту. Бакунун расмий өкүлү бул кадамга “гуманитардык принциптерге” таянып барышканын 7-февралда билдирди. Аскерлер былтыр чек арадагы кагылышуулар маалында туткундалган. Азат кылынып, Ереванга өткөрүлгөндөр үчүн Франция учак жөнөткөнүн президент Эммануэл Макрон "Твиттердеги" баракчасында жазды. Буга чейин азери бийлиги былтыр 16-ноябрдагы кагылышууда алардын жети жоокери курман болгонун маалымдаган. Армения ошондо алты жоокери окко учканын, 30дан көбү туткундалганын билдирген. Читать дальше...

Өткөн ишембиде Алматыда кандуу калабадан бери биринчи жолу уруксат берилген митинг өттү. Анда жаңы калаа башчы дайындоого каршы чыгып, шаар мэрлерин түз шайлоо талабы коюлду. Ошондой эле кан төгүүнүн чыныгы күнөөкөрлөрүн табуу жана эскертүүсүз ок атуу буйругунун кесепеттерин иликтөө демилгеси да көтөрүлдү. Бул арада Казакстандын соту Улуттук коопсуздук комитетинин төрагасынын мурдагы орун басары Даулет Ергожинди камакка алууга санкция берди. "Жаңы акимди эл кабыл алгысы келбей турат” Алматыда... Читать дальше...

Этникалык уйгур тектүү чаңгычы Динигеер Йиламуцзян Бээжинде өтүп жаткан Кышкы Олимпиада оюндарында байгелүү орунду албаганы менен, эң көп талкууланган спортчулардын катарына кирди. Бээжин Олимпиадасы "Кытайдын Шинжаң аймагындагы мусулман азчылыктарына кысым көрсөтүлүп жатат" деген дооматтар жана Батыштын сыны күчөгөн шартта өтүүдө. АКШ, Улуу Британия, Канада, Эстония, Жапония жана Австралия Кышкы Олимпиада оюндарына дипломатиялык бойкот жарыялап, Бээжинге расмий делегациясын жөнөтүүдөн баш тартышкан. Читать дальше...

Ооганстандын Кунар провинциясында кар көчкүнүн астында калган кеминде 15 кишинин сөөгүн алып чыгышты. Расмий өкүлдөрдүн айтымында, көчкүнүн алдында 20дан көп киши калган. "Азаттыктын" ооган кызматы өлкөнүн бир топ аймактарында калың кар жааганын, кээ бир кан жолдор буулуп калганын кабарлады. Кунардын маалымат жана маданият департаментинин жетекчиси Мавлави Нажибулла кар кече кечинде көчкөнүн, жаратылыш кырсыгынан жакындарын кар туткунунан алып чыгуу аракетин көргөн жергиликтүү тургундар жабыркаганын Германиянын кабар агенттигине айтып берди. Читать дальше...

2002-жылы Жогорку Кеңештин депутаты Азимбек Бекназаровдун камакка алынышына жана Үзөңгү-Кууштун Кытайга берилишине каршы саясий ачкачылык кармап жатып кайтыш болгон Шералы Назаркулов 7-февралда эскерилди. Бишкектеги иш-чарага маркумдун жакындары жана Акыйкатчынын аппарат башчысы Аскат Азарбеков катышты. Расмий бийликтен өкүлдөр барган жок. Эскерүү иш-чарасы Назаркулов узак мөөнөттүү ачкачылык акциясына отурган жерде - Айыл чарба, тамак-аш өнөр жайы жана мелиорация министрлигинин имаратынын жанындагы аянтчада жыл сайын өткөрүлүп келет. Читать дальше...

Ара-Көл Кочкордун борборунан 30 чакырымдай алыстыкта, Чолпон айылынан ары жайгашкан. Кышкысын толугу менен тоңот. Муздун калыңдыгы 60 см.

Дүйнө лидерлери Украинанын тегерегиндеги кырдаалды жайгаруунун дипломатиялык жолун издөөнү улантышууда. 7-февралда Франциянын президенти Эммануэл Макрон Москвага барып, Орусиянын лидери Владимир Путин менен жолугат. Ал эми Германиянын канцлери Олаф Шольц АКШ президенти Жо Байденге жолугуу үчүн Вашингтонго сапар алды. Америка Орусия Украинага жакын арада кол салышы мүмкүн экенин эскертип жатат. Жарандык коргонуу боюнча машыгуулар Украинанын башкалаасы Киевден анча алыс эмес жердеги токойлордун... Читать дальше...

Президенттик аппараттын мурдагы башчысы Медет Садыркуловдун өлүмүнө шек саналып жаткан Санжар Сапарбековго Кылмыш жаза кодексинин (2021-жылдагы редакциясы боюнча) бир нече беренеси менен айып тагылды. Прокурордун айыптоо актысы боюнча, Сапарбековго Кылмыш жаза кодексинин 40-беренеси “Кылмышты аткаруучу”, 122-беренеси “Адам өлтүрүү”, 165-беренеси “Адамды уурдоо”, 207-беренеси “Каракчылык”, 262-беренеси “Кылмыштуу коомдоштукту түзүү же ага катышуу”, 211-беренеси “Автомототранспорт каражаттарын айдап качуу”... Читать дальше...

Мамлекеттик бажы кызматы Сокулук районундагы “РИОМ Авто” машине базарынын аймагындагы кампада турган 57 автоунаанын ээсин издейт. Маалыматка караганда, ал транспорт каражаттары бажылык тариздөөдөн өткөн эмес жана узак мөөнөттөн бери турат. Ал автоунаалардын тизмесин бул жактан көрүңүз. Бажы кызматы транспорт каражаттары 14-февралга чейин бажы тариздөөдөн өткөрүлбөсө мамлекеттин менчигине алуу үчүн сотко кайрылаарын эскертет. 2020-жылы 1-январдан тарта Евразия Экономикалык Биримдигинен (ЕАЭБ)... Читать дальше...

Бээжин Олимпиадасында орусиялык спортчулар көркөм муз тебүү боюнча командалык жарышта алтын медал утушту. Экинчи орунду АКШнын, үчүнчүнү Япониянын спортчулары алды. Алар алтынды мелдештин биринчи күнү эле камсыздашкан. 15 жаштагы Камила Валиева төрт жолу чимирилип секирген көнүгүүнү Олимпиадада кыз-келиндер арасында биринчи болуп аткарган спортчу катары тарыхка кирип калды. Ал бул сезондо бир да жолу утула элек. Орусиялык команда Бээжинде былтыр Токиодогудай эле Орусиянын Олимпиада комитетинин желеги астында мелдешип жатат. Читать дальше...

Бишкек шаардык Травматология жана ортопедия илимий борборунун айланасындагы окуяларды иликтөө боюнча атайын комиссия иштеп жатат. Бул тууралуу президенттин басма сөз кызматы маалымдады. Жакын арада анын жыйынтыгы белгилүү болору кабарланды. 4-февралда министр Алымкадыр Бейшеналиев аталган борбордун директору Сабырбек Жумабековду кызматтан бошотконун жарыялаган. Жумабеков президент Садыр Жапаров айтмайынча кызматынан кетпей турганын билдирген. Саламаттык сактоо министрлиги мындай чечимди мыйзамдын негизинде борборду жоюп... Читать дальше...

АКШнын БУУдагы элчиси Линда Томас-Гринфилд Кытай Олимпиада отун күйгүзүүгө уйгур улутундагы атлетти тандоо менен коомчулуктун көңүлүн адам укуктарын бузуулардан "алагды кылууну көздөйт" деп билдирди. Томас-Гринфилддин айтымында, “уйгурлар кыйноолорго туш болууда, алардын укуктары тебеленүүдө”. Элчи 6-январда CNN телеканалынын эфиринде Вашингтон “Кытайда адамзатка каршы кылмыш жасалып жатканын айтып келатканын” билдирип, АКШ бул ойду карманарын кошумчалады. Кытай бийлиги Шинжаң аймагында уйгурларды жана башка мусулман азчылыктарды басмырлап... Читать дальше...

Кыргызстанда балдардын укугун коргоо боюнча бир айлык жарыяланды. Бул тууралуу 7-февралда Бишкекте өткөн маалымат жыйында Акыйкатчы аппаратынын жетекчиси Аскат Азарбеков билдирди. Социалдык өнүктүрүү министрлигинин маалыматына караганда, 2021-жылы өлкөдө 4 миңден ашуун бала оор абалда жашаганы аныкталган. Аларга жардам көрсөтүлгөн. Азыр 1500дөй баланын маселеси чечиле элек. Акыйкатчы институнунун билдирүүсүндө, өткөн жылы укук коргоо органдарына балдардын зомбулукка кабылганы жөнүндө 417 арыз түшсө... Читать дальше...

Кыргызстан Кытайга электр энергиясын экспорттоо маселесин изилдөө сунушун берди, кытай тарап аны карап көрүүгө даяр экенин билдирди. Бул тууралуу президент Садыр Жапаров менен Кытайдын төрагасы Си Цзинпиндин биргелешкен билдирүүсүндө айтылат. Анда аймактын социалдык-экономикалык өнүгүүсү үчүн жаңы темир жолдорун куруу, анын ичинде “Кытай-Кыргызстан-Өзбекстан” темир жолу маанилүү экени жазылган. Тараптар бул долбоорду илгерилетүү үчүн аракеттерди көрүшөт. Садыр Жапаров Кытайдын лидери Си Цзинпинди... Читать дальше...

Чүйдүн Аламүдүн райондук сотунда 7-февралда президенттик аппараттын мурдагы башчысы Медет Садыркуловдун өлүмүнө шек саналып жаткан Санжар Сапарбековдун соттук иши башталды. Сотко жабырлануучу тараптан - Медет Садыркуловдун жубайы Айнагүл Садыркулова жана аны менен кошо өлтүрүлгөн эл аралык стратегиялык изилдөөлөр институтунун директору Сергей Слепченко менен айдоочу Кубат Сулаймановдун жакындары катышууда. Ишти Аламүдүн райондук сотунун судьясы Бакыт Касымалиев карап жатат. Сотто 25-январда иш боюнча алдын ала угуу өткөнү белгилүү болду. Читать дальше...

Казакстандын соту Улуттук коопсуздук комитетинин төрагасынын мурдагы орун басары Даулет Ергожинди камакка алууга санкция берди. Бул тууралуу 7-февралда жергиликтүү маалымат каражаттары кабарлашты. Ергожин бул кызматты 2016-жылдын ноябрынан бери аркалап, ушул жылдын январында иштен алынган. Жыл башында өлкөнүн түндүгүндө тутанган нааразылык акциялары башка аймактарга да жайылып, айрым жерлерде башаламандыктар кан төгүү менен коштолгон. 6-январда Улуттук коопсуздук комитетинин жетекчиси, тунгуч... Читать дальше...

Сокулукта сабалган 1 жаш 8 айлык Егор Бишкектин №3 балдар ооруканасына которулду. Бул тууралуу Акыйкатчы аппаратынын жетекчиси Аскат Азарбеков Бишкекте өткөн маалымат жыйында билдирди. “Ишембиде дарыгерлер баланын абалын орто оор деп маалымат беришкен. Ал жакта дарыланууга апасы, атасы жана кызыкдар тараптардан тоскоолдук жаралып жаткандыктан, Бишкек шаардык №3 балдар ооруканасына которуу жөнүндө сунуш бергенбиз. Ошол сунуш орундалды. Бул баланын саламаттыгын жана укуктарын коргоодо тоскоолдуктар болуп жатат”. Читать дальше...