Бишкекте түндүк айланма жолун куруу талкууланды
Транспорт жана коммуникациялар министрлиги Бишкек шаарындагы узундугу 34 километрди түзгөн түндүк айланма жолун куруу долбоорун сунуштады. Ал долбоордо транспорт түйүндөрү, тротуар, жөө жүргүнчүлөр үчүн бир катар өтмөктөр каралган. Жолдун долбоору Министрлер кабинетинин төрагасы Акылбек Жапаров катышкан кеңешмеде талкууланды. Жыйында шаары жетекчилиги жана бардык тийиштүү органдар катышты.
Жапаров долбоорду мамлекеттик жеке өнөктөштүк вариантын иштеп чыгып, техника-экономикалык негиздемени даярдоону тапшырды.
Бишкекте түндүк айланма жолу тууралуу кеңири маалымат берилген жок. (TSh)