Новости за 29.04.2023

د هندوستان غوره لیګ په ۳۹مه سیالۍ کې ګجرات ټایټانز لوبډلې د ۷ وېکټو په توپیر کلکته نایټ رایډرز لوبډلې ته ماتې ورکړه. دغه سیالي چې د اپرېل په ۲۹مه نېټه ترسره شوه په دواړو لوبډلو کې درې افغان لوبغاړي هم ولوبېدل چې رحمن‌الله ګربز په کې د اغېزناک لوبغاړي جایزه وګټله. ګربز چې پیلیزه توپوهنه یې کوله، د ۷ شپږیزو او ۵ څلوریزو پر مټ یې په ۳۹ توپونو ۸۱ منډې وکړې. دا په یاد لیګ کې د نوموړي دویمه نیمه سلیزه وه. دغه راز په دې سیالۍ کې د ګجرات لوبډلې په ګټه نوراحمد ۲ لوبغاړي وسوځول، هغه په ۴ اورونو کې ۲۱ منډې ورکړې. Читать дальше...

له ملګرو ملتونو څخه د طالبانو د حکومت د رسمیت نه پېژندلو لپاره د یو شمېر افغانانو په تېره بیا د ښځینه فعالانو د پرله‌پسې غوښتنو سره همهاله د دغه حکومت ویاند ذبیح‌الله مجاهد وايي، دغه سازمان باید د دوحې په غونډه کې د افغانستان واقعیتونه په پام کې ونیسي. مجاهد د جعمې په ورځ ازادي راډیو سره په خبرو کې د دوحې له غونډې د طالبانو د تمې په اړه داسې وویل: "له دې غونډې زموږ تمه دا ده چې د افغانستان واقعیتونه په پام کې ونیول شي. هغه امنیت او ثبات چې دلته رامنځته شوی دی غنیمت وشمېرل شي او د همکاري لپاره ورڅخه ګټه پورته شي. Читать дальше...

ځینو ښځو نن په کابل کې د یوه لاریون په ترڅ کې قطر کې د ملګرو ملتونو دوه ورځني ناستې پر خلاف، اعتراض وکړ. دغه اعتراض کوونکې اندېښنه څرګندوي چې د دوحې ناسته ښايي د نړېوالې ټولنې لخوا د طالبانو د حکومت رسمیت پېژندنې ته لاره پرانیزي. ټاکل شوې چې د دوشنبې او سې شنبې په ورځو په دوحه کې د ملګرو ملتونو په نوښت ناسته جوړه شي. د دوحې ناستې اصلي موخه د افغانستان وضعیت او له طالبانو سره د نړېوالو تعامل دی. که څه هم ملګرو ملتونو ویلي چې دغه ناسته به د طالبانو د حکومت په رسمیت پېژندنې متمرکزه نه وي، خو اعتراض... Читать дальше...

د غزني ولایت د یو ځوان شاعر ذبیح‌الله عیار کورنۍ وايي چې هغه د طالبانو حکومت نیولی دی. د غزني ولایت د یوه ځوان شاعر ذبیح‌الله عیار د کورنۍ غړي وايي، له کله نه چې د طالبانو حکومت هغه نیولی نو دوی ته یې په اړه معلومات نه ورکول کېږي. د ذبیح‌الله عیار ورور احمد عیار ازادي راډيو ته وویل چې د طالبانو حکومت د هغه ورور د کوچني اختر د لومړۍ ورځې ماښام مهال نیولی دی. احمد عیار د خپل ورور د نیول کېدو د علت په اړه جزییات ورنه کړل، خو ویې ویل چې دوی نه پوهېږي ذبیح‌الله عیار دا مهال د طالبانو په حکومت کې په کوم ارګان کې زنداني او کوم برخلیک سره مخ دی. Читать дальше...

د سوډان په جګړه کې ښکېلو خواوو دې ته تیاری ښودلی چې خبرې اترې وکړي او منلې ده چې جګړه دوام نه شي موندلای. دغه خبره د سوډان لپاره د ملګرو ملتونو ځانګړي استازي فولکر پیرټس رویترز خبري اژانس ته کړې ده. د رویترز د راپور پر بنسټ، د جګړې د دوام سربېره دا ډول څرګندونې د احتمالي هیله مندې نښه کېدلی شي. پیرټس زیاته کړې، ښکېلو خواو د مذاکراتو د پیل لپاره خپل استازې معرفي کړي دي. د مذاکراتو ځای د عربستان جدې ښار او د سوډان جوبا وړاندیز شوي دي. خو د پیرټس په وینا، اصلي پوښتنه دا ده چې مذاکره کوونکي... Читать дальше...

د سوات په کبل تاڼه کې د اپرېل پر ۲۴مه تر چاودنو وروسته هلته مظاهرې پېل شوي دي. مظاهرین په سیمه کې د امن ټینګښت او د کبل د چاودنو رڼې پلټنې غواړي. حکومت دریځ لري چې د تاڼې په څنګ لوري کور کې د برېشنا د شارټ سرکټ له وجې په تاڼه کې بارود ډزېدلي وو. مظاهرې په مټه او منګلور کې شوې دي. تفصیل د نیاز احمدخان په وېډیو کې.

په وارسا کې د روسیې سفیر خبرداری ورکړ چې روسیه به خپل غچ له پولنډ څخه واخلي. په پولنډ کې د مسکو سفیر نن د روسیې دولتي خبرې اژانسونو ته وویل، روسیه به په وارسا کې د پولنډي چارواکو له لوري د خپل سفارت د ښوونځي د غیرقانوني نیولو په خاطر خپل رسمي دیپلوماتیک اعتراض وړاندې کړي. د روسیې سفیر سرګي اندرییف وویل، د پولنډ د حکومت له لوري دا د ویانا د کنوانسیون له مخې د دیپلوماتیکو روابطو خلاف هڅه ده. اندرییف ټاس اژانس ته وویل، نن د پولنډ چارواکو پرېکړه وکړه چې په زوره دا ښوونځی ونیسي او د دې سربېره یې دا کار کړی دی چې دا یوه دیپلوماتیکه ودانۍ ده. Читать дальше...

په سعودي عربستان کې مېشت یو شمېر افغانان افغانستان ته د هوایي ټکټونو له لوړو بیو شکایت کوي. عزت ګل منګل د سعودي په جدې ښار کې موټر چلوي. هغه وایي، له تېر نږدې یو نیم کال راهیسې یې خپله کورنۍ مخامخ نه ده لیدلې. دی وايي، مسافري سخته خواري ده، خو مجبوریت بد دی، له همدې امله یې د سعودي سختې ګرمۍ ته ځان ټینګ کړی تر څو یې کورنۍ په افغانستان کې نسبتاً ښه ژوند ولري. د ده په خبره، له تېر نږدې یو نیم کال راهیسې هڅه کوي وطن ته د خپلې کورنۍ لیدلو ته لاړ شي، خو د هوايي ټکټونو د بیو د لوړوالي له امله یې وسه نه پرې رسېږي. Читать дальше...

په کابل کې معترضو ښځو له اوونیو چوپتیا وروسته او د دوحې غونډې په درشل کې نن د شنبې په ورځ د نړیوالې ټولنې او ملګرو ملتونو له خوا د طالبانو په رسمیت نه پېژندلو په موخه لاریون وکړ. په کابل کې یوه معترضه مېرمن ژولیا فارسي وايي، دا لاريون د شنبې په ورځ له غرمې وروسته وشو، چې ښځو په کې د ملګرو ملتونو له خوا د طالبانو په رسمیت نه پېژندلو غوښتنه وکړه. نوموړې ازادي راډيو ته وویل: "د دې لاريون دليل دا و چې طالبان بايد د ملګرو ملتونو له خوا په رسميت ونه پېژندل شي، که نه نو لاريون کوونکي ښځې به د دوحې غونډه تحریم کړي. Читать дальше...

په اروپايي هېواد سپېن کې په روانه اپرېل مياشت کې په غیر عادي ډول سختې ګرمۍ ولس پرېشانه کړی دی. هلته د تودوخې درجه ۴۰ سېنټي ګرېډ ته لوړه شوې ده. د هغه هېواد اوسېدونکي وايي، د زياتې ګرمې له وجې ځان ته سیوری لټوي او زياتې اوبه څښي. په دې اړه د فرانس پرېس خبري اژانس ویډیو وګورئ

د ملګرو ملتونو سازمان وايي، په افغانستان کې پاتې کېږي او د بشري اصولو او خپل منشور پر بنسټ مرستو ته دوام ورکوي. د ملګرو ملتونو سازمان ویاند سټیفن دوجارېک د اپرېل په ۲۸مه یوه خبري کنفرانس ته وویل چې په افغانستان کې خپل ماموریت ته دوام ورکوي. هغه وویل چې امنیت شورا یې سیاسي ماموریت تایید کړی او په یوه ارزونه کار کوي چې څنګه خپل کارونه مخکې یوسي. نوموړی زیاتوي: "موږ ژمن یو چې په افغانستان کې پاتې شو او د بشري اصولو او خپل منشور پر بنسټ مرستې ورسوو. موږ د یوه سیاسي ماموریت له لارې چې د امنیت شورا لخوا تایید شوی په افغانستان کې یو. Читать дальше...

د روسیې دفاع وزیر وایي، په افغانستان کې دېره وسله والو ډلو د منځنۍ اسیا په هېوادونو کې خپل فعالیتونه زیات کړي دي. سیرګي شویګو د جمعې په ورځ د هند په پلازمېنې نوي ډیلي کې د شانګهای سازمان د دفاع وزیرانو غونډې ته د خبرو پرمهال دا ادعا وکړه. نوموړي زیاته کړه چې د داعش، القاعده، د ازبکستان اسلامي تحریک او د ختیځ ترکستان اسلامي تحریک په څېر ډلې ښایي د منځنۍ اسیا په هېوادونو کې نفوذ وکړي. روسیې مخکې هم ورته اندېښنې څرګندې کړې وې. طالبان بیا وایي چې دوی د دوحې د تړون له مخې دې ته ژمن دي چې هیچا... Читать дальше...

د میدان وردګ ولایت په سیداباد کې د ناچاوده موادو د چاودېدو له کبله یو شمېر ماشومانو ته مرګژوبله اوښتې ده. په دغه ولایت کې د طالبانو د اطلاعات او کلتور رییس حبیب اله مجاهد ازادي راډیو ته وویل چې درې ماشومان وژل شوي او دوه ټپيان شوي دي. د میدان وردګ د عامې روغتیا رییس محمد ځیرک بیا سیمه ییزو رسنیو ته ویلي چې دې چاودنې د پنځو ماشومانو ژوند اخیستی او دوه یې ټپیان کړي دي. دا پېښه پرون د ماسپښین د درې نیمو بجو خوا ته د دښت توپ په سیمه کې وشوه.

ټاکل شوې ده د مې پر لومړۍ او دویمه نېټه د قطر په پلازمېنه دوحه کې د ملګرو ملتونو د مشر انتونیو ګوتېرېش په کوربه توب غونډه وشي. په غونډه کې د افغانستان لپاره د ګڼو هېوادونو ځانګړي استازي ګډون کوي.

اوکرایني ځواکونو نن وویل چې روسي ځواکونه د باخموت پر ښار لا هم بریدونه کوي او دوی د اوکراین په ختیځ کې له دې ښاره دفاع کوي. د اوکراین د لوی درستیز دفتر په خپل ورځني راپور کې ویلي چې په دونیڅک کې د جګړې د لومړۍ کرښې په اوږدو روسیي ځواکونو په باخموت، ادفیفکا او مارینکا کې پرون تر اته څلوېښت ډېر ناکامه تهاجمي بریدونه وکړل. روسیې ځواکونو له تیر اوړي راپه دې خوا باخموت کلابند کړی او تر اوسه یې په ډېرو تلفاتو د دې ښار په ځینو برخو کې پرمختګ کړی دی.

په پاکستان کې سږنۍ سرشمېرنه د هغه هېواد د تاریخ اوومه سرشمېرنه ده. دا د مارچ پر لومړۍ نېټه پيل شوې وه. ټاکل شوې وه چې سرشمېرنه به د مارچ تر پايه بشپړه شي خو وروسته دغه نېټه وغځول شوه.

بلخوا د پي ټي ای د مذاکراتي ډلې غړي شاه محمود قريشي هم په اسلام اباد کې خبریالانو ته وویل چې په خبرو کې پر شوي پرمختګ د ګوند مشر عمران خان په اعتماد کې اخلي.

په خوست کې د کوچني اختر په مناسبت د پکتیا او خوست ورزشکارانو تر مينځ د نیزه وهنې سیالۍ وشوې. خوست د ورزش برخې مسوولین وايي، په راتلونکي کې افغانستان د بېلابېلو ولایتونو ترڅنګ پاکستانیو لوبډلو ته په هغو سیالیو کې د ګډون بلنه ورکوي. تفصیل د نجیب الله الوخېل په ویډیوکې.

د افغانستان کرکټ بورډ ادارې له لوري نن شنبه د زرغون جام په نوم یو ورځنۍ کورنۍ سیالۍ پیل شوې. دغه سیالۍ چې په خوست ولایت کې ترسره کېږي، څلور لوبډلې په کې د لیګ په بڼه سیالۍ کوي. د افغانستان کرکټ بورډ ادارې ازادي راډیو ته ویلي چې د زرغون جام پرمهال به ټولټال ۱۳ سیالۍ ترسره شي او پایلوبه به یې د مې میاشتې په ۱۷مه نېټه وي. د دې جام لومړنۍ سیالۍ د هندوکش سټرایکرز او میوند ډیفینډرز ترمنځ پیل شوې چې سټرایکرز لوبډلې د پچې په ګټلو سره د توپ اچونې پرېکړه کړې ده. دغه راز د دې لیګ دویمه سیالي به سبا د پامیر لیجینډز او جونیز چمپینز لوبډلو ترمنځ وي. Читать дальше...

ارزګان د افغانستان هغه څلورم ولایت دی چې ډېر کوکنار په‌کې کرل کېږي، خو په دې ولایت کې د لسګونو زرو معتادینو د درملنې لپاره يوازې يو شل بستريز مرکز فعال دی. په دې مرکز کې بستري شوي معتادین وايي، که څه هم دوی په مشکل سره وکولای شوای چې په دې مرکز کې ځانونه بستري کړي، خو اوس اندېښنه لري چې له دې مرکز څخه تر رخصت کېدو وروسته بېرته معتاد نه‌شي. غلام ولي په دې مرکز کې تر (۴۵) ورځو تېرولو وروسته رخصت شوی دی، دی دا اندېښنه لري چې، په ارزګان کې د زرګونو معتادینو موجودیت، د نشه يي موادو اسانه او ارزانه... Читать дальше...

نېشنل هرالډ: نېشنل هرالډ اوونیزې چې چلوونکي یې د یونان او امریکا وګړي دي، پرون د ملګرو ملتونو د امنیت شورا پر هغه پرېکړه‌لیک د اسوشېټېد پریس اژانس لیکنه خپره کړې چې د پنجشنبې په ورځ تصویب شو او له طالبانو په‌کې پر ښځو او نجونو د لګول شویو سختو محدودیتونو د لیرې کېدو غوښتنه شوې ده. د لیکنې په حواله، د طالبانو دغه محدودیتونه د دې سبب شوي چې په افغانستان کې ښځې او نجونې په تعلیمي، کاري، ورزشي او نورو برخو کې تر ډېره حذف شي. د نېشنل هرالډ خپرونې د لیکنې په یوه برخه کې راغلي چې امنیت شورا د ملګرو... Читать дальше...

شپاړس ایټالیایي ګرځندویان غور ولایت ته تللي دي، د دې کسانو عکسونه پرون په خواله رسنیو کې خپاره شول. دا کسان په داسې وخت کې افغانستان ته تللي دي چې د فایننشل ټایمز ورځپاڼې د راپور له مخې د امریکا د بهرنیو چارو وزارت خبرداری ورکړی چې په افغانستان کې د اختطاف او تشدد خطر شته او د بریتانیا د بهرنیو چارو وزارت له خپلو اتباعو غوښتې دي چې افغانستان ته سفر ونه کړي. ټاکل شوې ده چې د مې په شپږمه هم د ګرځندویانو یوه ډله کابل، کندهار، هرات او بامیان ته سفر وکړي. یو شمېر لوېدیځو هېوادونو په افغانستان کې... Читать дальше...

د خوړو نړیوال پروګرام وایي چې په افغانستان کې له بې وزلو سره د مرستې لپاره په راتلونکو شپږو میاشتو کې نهه سوه میلیونه ډالرو ته اړتیا لري. د خوړو نړیوال پروګرام پرون په ټویټر کې ولیکل، په داسې حال کې چې په افغانستان کې لوږه ده، نړیواله ټولنه باید له دغه هېواد سره مرسته وکړي. تر دې مخکې د خوړو نړیوال پروګرام خبرداری ورکړی و که چېرته مرستې په وخت تر لاسه نه کړي، پر نهه میلیونه افغانانو به خپلې مرستې بندې کړي. د خوړو د نړیوال پروګرام د شمیرو له مخې په افغانستان کې نهه ویشت میلیونه کسان نن سبا خوراکي موادو ته ضرورت لري.

د ملګرو ملتونو د سرمنشي ویاند وایي چې د دوحې په غونډه کې یې د طالبانو استازیو ته د ګډون بلنه نه ده ورکړې. د سرمنشي ویاند سټیفان دوجاریک پرون وویل چې سرمنشي انټونیو ګوټېرېش طالبانو ته بلنلیک نه دی استولی. ټاکل شوې ده چې د دوشنبې او سې شنبې په ورځو د ملګرو ملتونو د سرمنشي په ګډون د افغانستان لپاره د قطر په پلازمېنه کې غونډه جوړه شي. په دې غونډه کې به د افغانستان لپاره د نورو هېوادونو ځانګړي استازي له ملګرو ملتونو سره یوځای د افغانستان پر وضعیت خبرې وکړي.

د اوکراین دفاع وزیر وایي، د روسیې ځواکونو پر ضد د پسرلنیو عملیاتو لپاره د اوکراین چمتووالی د بشپړېدو په حال کې دی. اولیکسي ریزنیکوف پرون په کییف کې خبرې غونډې ته وویل چې د تهاجمي عملیاتو لپاره لا هم یو څو وړو شیانو ته اړتیا شته. نوموړي زیاته کړه چې د امنیتي دلایلو له امله په دې برخه کې اوس جزییات له رسنیو سره نه شي شریکولای. د اوکراین دفاع وزیر دا خبرې په داسې ورځ وکړې چې د اوکراین پر بېلابېلو ښارونو روسي ځواکونو بریدونه وکړل او د څو ماشومانو په ګډون یې اوولس تنه ووژل.