Новости за 16.04.2023

د هندوستان غوره لیګ يا آي پي ایل په۲۳مه سیالۍ کې راجستان خپلې سيالې ګجرات لوبډلې ته د ۳ وېکټو په توپیر ماتې ورکړه. دغه سیالي چې د یکشنبې ماښام ناوخته ترسره شوه، ګجرات د ۷ وېکټو په تاوان د ۱۷۸ منډو هدف ټاکلی و. د ګجرات په توپوهونکو کې ډېوېډ میلر او شبمن ګیل په ترتیب سره ۴۶ او ۴۵ منډې وکړې. راجستان لوبډلې ته په توپ اچونه کې سندیپ شرما ۲ لوبغاړي وسوځول. که څه هم په دې سیالۍ کې تر وروستۍ شېبې د لوبې اړخ نه معلومېده، خو د شیمرن هېټمایر او سانجوسامسون نیمه سلیزو راجستان ته یوه بله بریا ورکړه او د نومرو په جدول کې یې لومړی مقام خپل کړ. Читать дальше...

پکتیکا کې وسله وال کس د یوې کورنۍ غړي برمته کړي چې په کې د ښځو او ماشومانو په ګډون ۹ تنه وژل شوي. پکتیکا لپاره د طالبانو والي ویاند ویلي، پېښه د دوو کورنیو خپلمنځي ستونزو له امله رامنځته شوې.

راپورونه وايي چې پاکستان بېرته خپل شارژدافېر افغانستان ته استوي. پاکستان څه باندې څلور میاشتې مخکې خپل شارژدافېر عبیدالرحمن نظاماني وروسته له هغه اسلام اباد ته ور وغوښت چې په هغه باندې د داعش ډلې لخوا برید وشو. په هغه برید کې نظاماني روغ ووت، خو یو ساتونکی یې سخت ټپي شو. تازه د پاکستان د حکومت سرچینو رسنیو ته ویلي چې پرېکړه شوې همدا اوونۍ شارژدافېر بېرته کابل ته ولېږل شي. کابل ته د پاکستاني شارژدافېر د بېرته تګ پرېکړه وروسته له هغه شوې چې د شنبې په ورځ د پاکستان د بهرنیو چارو وزیر بلاول بوټو... Читать дальше...

د امریکا په الاباما ایالت کې د ډله ییزو ډزو په پایله کې لږ تر لږه څلور کسان وژل شوي دي. فرانس پریس خبري اژانس راپور ورکړی چې ډزې د کلیزې په یوه جشن کې شوي چې لسګونه نور کسان په کې ټپیان شوي هم دي. تر اوسه د بريدګر د هويت او د دې پېښې د انګېزې په اړه څه نه دي ويل شوي. دا پېښه پر ځايي وخت د شنبې په شپه د ډېوېل په ښار کې د نڅا په یوه سټوډیو کې چې د زوکړې جشن جوړ شوی و، رامنځته شو. پولیسو ویلي چې په دې اړه څېړنې پیل شوي دي.

د طالبانو مخالفې ډلې د افغانستان ازادۍ جبهې د یکشنبې په ورځ د یوې اعلامیې په خپرولو سره وویل، اکمل امیر په جنوبي سالنګ کې له طالبانو سره د نښتې له کبله وژل شوی. د طالبانو د دفاع وزارت پنځه ورځې وړاندې یوه اعلامیه کې خبر ورکړی و چې اکمل امیر یې له شپږ تنو نورو سره په یو لړ عملیاتو کې وژلی دی.

احتمال شته، چې په هند کې د سیدجمال الدین افغان ښوونځی چې افغان زده کوونکي په کې زده کړې کوي وتړل شي. هندۍ ورځپاڼې انډین ایکسپریس د هند د بهرنیو چارو وزارت په حواله راپور ورکړی چې د سیدجمال الدین افغان ښوونځی به د بودیجې د نشتوالي له امله چې مخکې به یې د افغان حکومت لخوا مالي ملاتړ کېده، د مې میاشتې په پای کې وتړل شي. د ورځپاڼې په حواله د دغه ښوونځي زده کوونکي به هندي ښوونځیو ته ولېږدول شي. د سید جمال الدین افغان لېسې مسوولانو په دې اړه له ازادي راډیو سره له خبرو کولو ډډه وکړه. خو له موضوع... Читать дальше...

د سوډان په پلازمېنه کې نن سهار هم جګړه روانه وه چې دې موضوع غبرګونونه پارولي دي. پرون هم د چټک ملاتړ د ځواکونو په نوم د ملېشه ځواکونو او عادي پوځ تر منځ په وژونکو شخړو کې لږ تر لږه ۵۶ کسان وژل شوي او نږدې ۶۰۰ تنه نور ټپیان شوي دي. نن د دویمې ورځې په مخه هم د هغو دوو رقیبو جنرالانو ترمنځ جګړې دوام لري چې د ۲۰۲۱م کال له کودتا وروسته په قدرت کې دي. دغو شخړو په نړیواله سطحه اندېښنې ولاړې کړې دي. د پلازمېنې خرطوم له شمال چې ګڼ مېشتې سیمې په کې دي، دغه راز د جنوب له ځینو برخو د سختو چاودنو او د وسلو د ډزو غږونه اورېدل شوي دي. Читать дальше...

د اختر په رارسېدو سره یو شمېر کورنۍ وایي، د خپل کورونو د بڼې بدلولو کوم پلان نه لري. د کندز ولایت اوسېدونکې کریمه عزم د درېیو ماشومانو مور او د خپلې کورنۍ یواځنۍ سرپرسته ده. نوموړې وايي، د یوې نادولتي ادارې په کلينيک کې ډاکټره وه، خو شاوخوا پنځه مياشتې وړاندې د طالبانو د بنديزونو له امله وزګاره شوه. هغه زیاتوي: "هر کال په اختر کې به مو د کور نوي وسایل اخیستل، لکه فرش، پردې، ظرفونه. زه ډاکټره وم او کار مې درلود، خو اوس بې کاره یم. ذخیره شوي پیسې مې په دې وروستیو ٥، ٦ میاشتو کې وخوړې. اوس اختر... Читать дальше...

د بلوچستان په کوټه کې حاجي عبدالله هر کال د بې وزلو لپاره روژه ماتی برابروي. نوموړي دا کال هم دغسې کړي دي. هغه وايي پر لاره تيريدونکي مسافر او وس نه لرونکي خلک کولی شي وړيا روژه ماتی وکړي. په دې اړه د عبدالصمد شبنم ويډيو راپور وګورئ.

د خیبر پښتونخوا په سوات کې په جينايي پېښو کې ۸ او په بلوچستان کې په ټرافیکي پېښه کې ۶ کسان وژل شوي دي.  د سوات پولیسو او ځايي خلکو مشال راډیو ته ویلي چې د اپرېل پر ۱۵مه د سوات په اسلام پور کې د لارې پر سر شخړه کې د دوو ډلو ترمنځ په ډزو کې یوې خواته دوه او بلې هغې ته درې وژل شوي چې پکې یوه ښځه هم ده. په پېښه کې درې تنه ټپي شوي هم دي. پولیسو مشال راډيو ته د یوې بلې پېښې په اړه هم معلومات ليږلي. د خبرپاڼې ترمخه د سوات د کبل په ټال سیمه کې په یوه کورنۍ شخړه کې یو تن وژل شوی دی. همداراز په درېیمه پېښه... Читать дальше...

د بې پولې ډاکټرانو ټولنه یا ایم ایس ایف وايي، تېر میلادي کال د خوست په نسايي ولادي روغتون کې د دوی ټیمونو له څه باندې ۱۹زره ۷۰۰ زېږونونو سره مرسته کړې ده. د دې ټولنې د افغانستان څانګې نن په خپل ټویټر کې خبر ورکړی چې په لیرې پرتو ولسوالیو کې دوی د اتو ولسي روغتیايي مرکزونو ملاتړ کړی چې ډاډمن شي د ښځو لپاره په لیرې پرتو سیمو کې د زېږون پر مهال د وړ روغتیايي څارنې بهتره زمینه برابره شي. د روغتیا نړیوال سازمان تېره میاشت په یوه راپور کې ویلي وو، په افغانستان کې په ۲۰۲۰ ميلادي کال کې ۸۷۰۰ ښځې د زېږون پر مهال مړې شوې دي.

د کډوالو په چارو کې د ملګرو ملتونو لویه کمېشنري وايي، له افغانانو سره به د دوی بشري مرستې دوام کوي. د یو این ایچ سي آر د اروپايي ټولنې د چارو استازولۍ پرون په یوه ټویټ کې ویلي، افغان وګړي به له یاده ونه ایستل شي. ملګري ملتونه وايي، په افغانستان کې روان ۲۰۲۳م کال د ریکارډ تر کچې ۲۸ میلیونه او درې لکه کسان بشري مرستو او د خوندیتوب لپاره لاسنیوي ته اړتیا لري. د دې ادارې په وینا، له چلنجونو سره سره د کډوالو په چاو کې د ملګرو ملتونو لویه کمېشنري په دغه هېواد کې پاتې کېدو او میلیونونو اړو کسانو ته د مرستو رسولو ته ژمن ده. Читать дальше...

په بدخشان کې یوه ۲۵ کلن ځوان د هغه څه له کبله چې کورنۍ ستونزې بلل شوي، ځان زیندۍ کړی دی. د فیض اباد د ولایتي روغتون سرطبیب ډاکټر شفق اله همدرد ویلي، کله چې دغه ځوان روغتون ته ولېږدول شو، ساه یې ورکړې وه. د هغه په وینا، دغه ځوان د تېرې شپې په نیمايي کې ځان زیندۍ کړی دی. د بدخشان لپاره د طالبانو د اطلاعاتو او فرهنګ ریس معزالدین احمدي ویلي، د دې ځانوژنې انګېزه کورنۍ ستونزې وې. د هغه په وینا، دغه ځوان چې د پرزو دکان درلود، یوه اوونۍ مخکې له خپلې مېرمنې جلا شوی و.

د ارزګان ولایت په مرکز ترینکوټ کې نن سهار یوې څاه ته د لوېدو له کبله د یوه ماشوم د مړینې خبر ورکړل شوی دی. د ارزګان لپاره د طالبانو د اطلاعاتو او فرهنګ رییس قاري اغا ولي قریشي نن ازادي راډیو ته وویل، دغه ماشوم تر دوه ساعته هڅو وروسته وژغورل شو، خو روغتون ته پر لار یې ساه ورکړه. دغه پېښه د ترینکوټ په چرمګر دښت سیمه کې شوې ده. ځايي اوسېدونکي وايي چې د اوبو د کمښت له کبله د ژورو څاه ګانو شمېر زیات شوی او له دې سره دا ډول پېښې هم زیاتې شوې دي.

د سوډان په پلازمېنه کې نن سهار هم جګړه روانه وه. پرون هم د ملېشه ځواکونو او عادي پوځ تر منځ په وژونکو شخړو کې لږ تر لږه ۵۶ کسان وژل شوي او نږدې ۶۰۰ تنه نور ټپیان شوي دي. د فرانسې خبري اژانس راپور ورکړی چې عیني شاهدانو ویلي، وروسته له هغې چې ملېشه ځواکونو وویل چې دوی د ولسمشرۍ ماڼۍ، د خرطوم هوايي ډګر او نور مهم بنسټونه ونیول، د خرطوم پر لارو سړکونو د چاودنو او ډزو غږونه اورېدل کېدل. د سوډان پوځ دغه ادعاګانې رد کړي او پرون ناوخته د سوډان هوايي ځواک له خلکو وغوښتل چې په کورونو کې دننه پاتې شي،... Читать дальше...

د جرمني د بهرنیو چارو وزیره وايي، د نړۍ د اوو لویو صنعتي هېوادونو یا G7 ډله به پر اوکراین د روسیې د یرغل شدید مخالفت ته دوام ورکړي. انالینا بایربوک د اوو لویو صنعتي هېوادونو د غونډې په درشل کې نن یکشنبه په سیول کې جاپان ته تر روانېدو مخکې ویلي: "اوس د روسیې ولسمشر ولادمیر پوتین ته زموږ د هوډ د ښوولو موضوع مطرح ده، چې له ستړیا سره- سره به خپل اهداف ترلاسه نه کړي." هغې په خپلو خبرو کې ویلي: "د نړۍ اووه لوی صنعتي هېوادونه چې د یو بل تر څنګ وي، پیاوړي دي، ځکه موږ پوهېږو چې د څه لپاره مبارزه کوو."... Читать дальше...

د سوریې د بهرنیو چارو وزیر فیصل مقداد سبا دوشنبه تونس ته په رسمي سفر ځي. د تونس د بهرنیو چارو وزارت نن په خپل رسمي فېسبوک حساب کې لیکلي، دغه سفر د هغه د تونسي ساري په بلنه کېږي. د مقداد دا سفر له عربي نړۍ سره د سوریې اړیکې پیاوړې کوي چې څه باندې یوه لسیزه منزوي شوې وه. د سوریې د بهرنیو چارو وزیر پرون الجزایر ته لاړ او وروسته به تونس ته ځي.

د جمعیت علما اسلام (ف) او د پاکستان واکمنو ګوندونو اتحاد، جمهوري غورځنګ مشر مولانا فضل الرحمان د سپریم کورټ په وروستیو پریکړو نيوکې کړې او ویلي یې دي چې هغه اداره د ''تضاداتو'' ښکار ده. د اپرېل پر ۱۵مه په اسلام اباد کې خبري غونډې ته نوموړي وویل، یو خوا عدالت په ۹۰ ورځو کې د انتخاباتو حکم او له بلې خوا ورته ویل کیږي چې په خپلو کې کښیني او د انتخاباتو د نېټې مقررولو لپراه یوې نتیجې ته ورسیږي. مولانا فضل الرحمان پوښتنه وکړه چې که حکومت او اپوزیشن د خبرو له لارې په اکتوبر کې انتخاباتو کولو ته سلا... Читать дальше...

د طالبانو حکومت د استخباراتو له‌خوا د زابل په شاه‌جوۍ ولسوالۍ کې پاکستان ته د قاچاق کېدونکو وسلو نیولو یو ځل بیا اندېښنې او غبرګونونه را پورته کړي دي. په زابل ولایت کې د طالبانو حکومت د استخباراتو ریاست خبر ورکړی چې په شاه جوۍ ولسوالۍ کې یې عملیات کړي او په پایله کې یې په ډېر شمېر وسلې او مهمات نیولي دي. په دې اړه د استخباراتو ریاست اعلامیه چې د دې ولایت د اطلاعاتو و کلتور ریاست د اطلاعاتو امر عبدالحنان جابر نن ازادي راډیو ته رالېږلې په کې لیکل شوي، په دې وسلو کې ۲ امریکايي ایم‌فور ټوپک، ۲۴۳بېلابېل... Читать дальше...

د طالبانو مخالفې ډلې د افغانستان د ازادۍ جبهې د خپل مهم قوماندان اکمل امیر وژنه تایید کړه، خو دا یې هم ویلي چې په سالنګ کې د دوی او طالبانو ترمنځ د شوې جګړې په پایله کې د دوی د وژل شویو ځواکونو جسدونه لا هم د هغوی کورنۍ ته نه‌دي سپارل شوي.   د طالبانو مخالفې ډلې د افغانستان د خپلواکۍ جبهې ومنله چې یو مهم قوماندان یې اکمل امیر شپږ ورځې وړاندې طالبانو سره په جنوبي سالنګ کې د نښتې پر مهال وژل شوی دی. د طالبانو د حکومت د دفاع وزارت پنځه ورځې وړاندې یوه اعلامیه کې خبر ورکړی و چې اکمل امیر یې له شپږ تنو نورو سره په یو لړ عملیاتو کې وژلی دی. Читать дальше...

د کابل ښار یو شمېر اوسېدونکي په ښار کې دننه د خپلسرو هدیرو له جوړولو شکایت لري وايي، ډېری هدیرې استوګنیزو سیمو ته څېرمه جوړې شوي. د کابل ولایت اوسېدونکی مجیب الرحمان حمیدي وايي، ډېری داسې ځایونه چې هلته باید د ماشومانو د لوبو ځایونه یا پارکونه وای، خو برعکس په خپلسرو هدیرو بدل شوي دي. نوموړی وایي، که څه هم د وېرې کومه خبره به نه وي، خو بیا هم د چا چې دې هدیرو ته نږدې کورونه دي، ماشومان یې وېرېږي او یوازې له کوره نه وځي. ده ازادي راډيو ته په خبرو کې وویل: "مسوول چارواکي باید دې ټکي ته ډېره پاملرنه وکړي چې هدیره د کورونو منځ کې نه وي. Читать дальше...

له راپورونو سره سم د پاکستان پوځ په خيبر پښتونخوا کې د وسلوالو پرضد د هدفي عملياتو پرېکړه کړې ده. ځينې شنونکي وايي، په شمالي وزيرستان، جنوبي وزيرستان او لکي مروت کې يوشمېر وسلوال موجود دي او په دغو سيمو کې د زياتو پوځي عملياتو امکان دي، خو ځيني نور بيا وايي چې وسلوالو ښارونو ته مخه کړې او ګورېلا (چرکي) جنګ کوي. تر دې وړاندې هم د خيبر پښتونخوا د قبايلي سيمو په شمول په ځينو نورو سيمو کې پوځي عمليات شوي ول او مېليونونه خلک بېکوره کړل شوي ول، خو پوښتنه دا ده چې اوسني هدفي عمليات به څه نتيجې ورکړي؟

واشنګټن پوسټ: واشنګټن پوسټ د افغانستان د پخوانیو امنیتي ځواکونو د صفر امنیتي قطعې د ځینو غړو د ترخه برخلیک په اړه یوه مقاله خپره کړې ده. د دې ډلې یو زیات شمېر غړي اوس په امریکا کې په خورا بدو شرایطو کې ژوند کوي. واشنګټن پوسټ د ځینو دغو کسانو ترخه برخلیک ته په اشارې لیکي چې دوی په افغانستان کې له سي آی اې سره مرسته وکړه، خو اوس په امریکا کې کړېږي. ورځپاڼې د تابش په نوم د پخوانیو افغان امنیتي ځواکونو د یوه غړي کیسه را اخیستې چې تمه یې درلوده امریکا ته په رسېدو د یوه اتل په څېر ترې هرکلی وشي،... Читать дальше...

د امریکا د متحدو ایالتونو د بهرنیو چارو وزیر وايي، په روسیه کې د امریکا د قونسلګرۍ کارکوونکو ته اجازه نه ده ورکړل شوې چې په روسیه کې د والسټریټ ژورنال ورځپاڼې له نیول شوي خبریال سره وګوري. د امریکا د متحدو ایالتونو د بهرنیو چارو وزیر انټوني بلېنکن پرون شنبه د اپرېل ۱۵مه د ویتنام د سفر پر مهال وویل چې تر اوسه د امریکا د قنسولګرۍ هېڅ کارکوونکی نه دی توانېدلی چې روسیه کې د والسټریت ژورنال له نیول شوي خبریال ایوان ګیرشکوویچ سره وګوري. بلېنکن زیاته کړه، چې مسکو باید 'همدا اوس» د دې کتنې زمینه برابره کړي. Читать дальше...

د رسنیو د ملاتړ ځینې بنسټونه وايي، په افغانستان کې پر ازادو رسنیو د فعالیت ساحه تر پخوا ډېره تنګه شوې ده. د رسنیو د ملاتړ ځینې بنسټونه وايي، په افغانستان کې د بیان او د خپلواکو رسنیو فعالیت د زوال خوا ته روان دی. په جرمني کې د افغان خبریالانو د ملاتړ بنسټ وايي، د طالبانو چارواکي د بیان او د رسنیو ازادۍ اصول نه رعایتوي. د دې سازمان مشر حامد عبیدي ازادۍ راډیو ته وویل، په افغانستان کې فعالې رسنۍ تر سختې څارنې لاندې دي. عبیدي زیاته کړه: "د بیان ازادۍ هغه اصلي او اساسي اصول له پامه غورځول شوي دي. Читать дальше...