چین پرون سهشنبې د یوه ملکي په ګډون د ستورمزلو نوې ډله د ځمکې په مدار کې د خپل هېواد فضايي تمځي، تیانګونګ ته ولېږله. په دې ماموریت کې د فضايي سفرونو د یوه پخواني قوماندان، یوه فضايي انجینیر او د پېکېنګ پوهنتون د یوه استاد ترڅنګ په لومړي وار یو ملکي وګړی فضا ته لېږل شوي دي. چین په ۲۰۲۱ م کال په فضا کې تمځای جوړ کړ، دا هېواد غواړي چې تر ۲۰۳۰ پورې سپوږمۍ ته انسان ولېږي.
د ازادي راډيويي مجلې په دې خپرونه کې به واورئ چې په جرمني کې د کلتوري ودې ټولنې پنځه ویشتمه کالیزه ونمانځل شوه. د جرمني پښتو ګرامر چاپ شو. دغه راز دا به واورئ چې د ځوان کاکړ په کتاب کې کوم موضوعات راغونډ شوي؟ په کندهار کې پر موسیقي نوي بندیزونو په اړه راپور او د راک موسیقۍ ملکې له نړۍ سترګې پټې کړې، په دې اړه هم معلومات اورېدلی شئ. ازادي راډيویي مجله چې هره اوونۍ یې احمد شیبر چمتو کوي، د لاندې غږیز فايل په کېکاږلو یې اورېدلی شئ:
د افغانستان د فوټبال ملي لوبډله پرون سهشنبې په تمريناتي کمپ کې د ګډون او د مرکزي اسيا سياليو ته د چمتووالي په موخه سعودي عربستان ته روانه شوه. د طالبانو تر کنټرول لاندې د باختر اژانس د راپور له مخې په دې کمپ کې چې پنځه ورځې به دوام وکړي، ټول ۲۴ لوبغاړي ګډون کوي چې ٧ تنه يې له افغانستان څخه بهر ژوند کوي. له دغو لوبغاړو به د مرکزي اسيا سياليو ته غوره لوبغاړي او لوبډله وټاکل شي. غوره لوبډله به وروسته د مرکزي اسيا په سياليو کې د ګډون لپاره قرغزستان ته سفر وکړي او هلته به د دې سیالیو په ب ګروپ کې له ايران او قرغزستان سره لوبې ترسره کړي.
د کډوالۍ نړیوال سازمان یا 'آی او ایم' په بدخشان کې له یو شمېر هغو کورنیو سره د لازمو مرستو خبر ورکوي چې د طبعي پېښو له خطرسره مخ دي. د دې سازمان د افغانستان څانګې پرون سهشنبې په یوه ټویټ کې وویل، چې ټیمونو یې له کورنیو سره چې شمېر یې نهدی ښودل شوی، د کمپلو، د کورنیو خېمو، ترپالونو او سولري تختو مرستې د دې لپاره کړي چې هغوی د طبیعي پېښو د خطرونو په وړاندې ښه چمتووالی ولري. یاد سازمان ویلي، د بارانونو د موسم له پیلېدو سره د افغانستان په اکثره سیمو کې سېلابونه راځي او د ځمکې ښویېدنې پېښې رامنځته کېږي. Читать дальше...
د خوړو نړیوال پروګرام یا 'ډبلیو ایف پي' په نورستان کې د لویو کورنیو له ۱۵۰ هغو مېرمنو سره چې د خپلو کورنیو ډوډۍ ګټونکې دي، د وزو د مرستې خبر ورکوي. د دې پروګرام د افغانستان څانګې پرون سهشنبې په یوه ټویټ کې وویل، هرې کورنۍ ته یې یوه بلاربه وزه او یو وزګوړی ورکړي دي. د خوړو نړیوال پروګرام وایي، دغو ښځو د څارویو نسل پالنه او د خپلو لبنیاتو تولید پیل کړی او زیاتوي، دا د دې سبب کېږي چې د کورنیو په غذایي رژیم کې تنوع او هغوی ته ګټه وټه رامنځته کړي. د خوړو نړیوال پروګرام د اروپایي ټولنې، جرمني او... Читать дальше...
د روغتیا نړیوال سازمان یا 'ډبلیو ایچ او' په افغانستان کې پر خوارځواکۍ د اخته ماشومانو د درملنې لپاره د لسګونو روغتیاپالانو د روزنې خبر ورکوي. د دې سازمان د افغانستان څانګې پرون سهشنبې په یوه ټویټ کې وویل چې د جنوبي حوزې د ۱۲ روغتونونو ۲۸ روغتیایي کارکوونکو او یوولسو نرسانو ته یې د سختې خوارځواکۍ د مرکزونو په بستري برخو کې پر خوارځواکۍ د اخته ماشومانو د درملنې یو روزنیز کورس پای ته ورساوه. د روغتیا نړیوال سازمان ویلي چې په اوس وخت کې په افغانستان کې د درملنې دا ډول ۱۳۰ مرکزونو ملاتړ کوي. د... Читать дальше...
روسیې پر مسکو د وروستیو بېپیلوټه الوتکو د بریدونو تور پر اوکراین پورې کړ. د کریملین ویاند دیمیتري پیسکوف پرون سهشنبې په یوه خبري کنفرانس کې وویل: "دا کاملاً واضح ده چې دا د اوکراین د پرېکړو پر مرکز زموږ د یکشنبې د ورځې د پیاوړي برید په وړاندې د کییف د رژیم غچ اخیستونکي اقدامات دي." د روسیې په پلازمېنه مسکو کې د سهشنبې د ورځې د بېپیلوټه الوتکو یا ډرون په بریدونو کې څو ودانۍ په نښه شوي دي. تر اوسه یې د احتمالي ځاني اومالي زیانونو په اړه راپورونه نهدي ورکړل شوي.
ناټو کاسوو ته د نورو ۷۰۰ سرتېرو د لېږلو پرېکړه کړې، ترڅو د دې هېواد په ختیځ کې د قهرجنو اعتراضونو مخه ونیسي. د ناټو عمومي منشي ینس سټولټنبرګ دغه راز پرون سهشنبې خبرداری ورکړ چې د ناټو ځواکونه به له ټولو لازمو اقداماتو کار واخلي چې په سیمه کې د کاسوو ټولو اوسېدونکو ته د امن فضا یقیني کړي. د امریکا متحدوایالتونو هم وروسته له هغې چې د دې هېواد په ختیځ کې د البانیایي ټبرو چارواکو او د اکثریت سربیانو ترمنځ شخړې وشوې، د ناټو په روانو تمرینونو کې د کاسوو ګډون وځنډاوه. د مې په ۲۹مه په شخړو کې د ناټو د پوځي ماموریت دېرش غړي ټپیان شوي. Читать дальше...
ټاکل شوې سبا په اسټرالیا کې د دې هېواد د ځانګړیو ځواکونو هغه سرتېری په افغانستان کې د جنګي جنایتونو په تور په یوه محکمه کې ودرول شي چې په افغانستان کې د ښه خدمت په خاطر د اسټرالیا یو لوړ مډال هم ورکړل شوی دی. د اسټرالیايي ځانګړیو ځواکونو سرتېری بن رابرتز سمیت چې په افغانستان کې یې د اسټرالیا د پوځي ماموریت په موده کې پنځه ځلې ماموریتونه ترسره کړي، د جنګي جنایتونو په تور سبا پنجشنبې د جون په لومړۍ نېټه محاکمه کېږي. نوموړي ته د یوه اتل په څېر د ښکاره مېړانې په نوم د دې هېواد د پوځ تر ټولو لوړ مډال... Читать дальше...
نیویارک ټایمز: نیویارک ټایمز ورځپاڼې پر هغو افغان ښځو تمرکز کړی چې د امریکا له پوځ سره همکارې وې او اوس په امریکا کې د پناه غوښتنه کوي. د ورځپاڼې په وینا، دا ښځې د هغو ۷۰ زره افغان کډوالو له ډلې دي چې غواړي په امریکا کې ومنل شي. په ورځپاڼه کې زیاته شوې چې د دغو پناه غوښتونکو موقتي اسناد بشپړ شوي او اوس له ناڅرګند راتلونکي سره مخامخ دي. نیویارک ټایمز د افغان پوځ د یوې پخوانۍ سرتېرې نازدانه حسیني په اړه هم لیکلي، چې دغې ۲۴ کلنې ښځې د طالبانو په لاس د کابل له سقوط څو ورځې مخکې د ۲۰۲۱ کال په اګست میاشت کې له خپلې مور سره وروستی ځل لیدلی و. Читать дальше...
د طالبانو د حکومت د بهرنیو چارو سرپرست وزیر وایي، نړیوال باید پر افغانستان لګول شوي بندیزونه لرې کړي. د طالبانو د حکومت د بهرنیو چارو سرپرست وزیر امیرخان متقي پر نړیوالو غږ وکړ چې پر افغانستان لګول شوي بندیزونه لرې کړي تر څو افغانان وکولای شي، په کور دننه او بهر خپلو اړتیاوو ته لاسرسی ولري. متقي دغه غوښتنه پرون په بهرنیو چارو وزارت کې د هغو اتلسو افغانانو د فاتحې په مراسمو کې وکړه چې له بلغاریا نورو اروپایي هېوادونو ته په لاره یې په یوه کانټینر کې د هوا د کمښت له کبله خپل ژوند له لاسه ورکړی و. Читать дальше...
Мы не навязываем Вам своё видение, мы даём Вам объективный срез событий дня без цензуры и без купюр. Новости, какие они есть — онлайн (с поминутным архивом по всем городам и регионам России, Украины, Белоруссии и Абхазии).
103news.com — живые новости в прямом эфире!
В любую минуту Вы можете добавить свою новость мгновенно — здесь.
Музыкальные новости