Новости за 21.06.2023

اوکرایني چارواکي وايي، ځواکونو یې د هېواد په جنوب کې له روسيې څخه نورې سیمې نیولي. د اوکراین د دفاع وزارت مرستیالې هانا مالیار پرون د جون شلمه وویل اوکرایني ځواکونه په سوکه، خو ډاډمنو ګامونو سره د پلان په اساس دفاعي حملو ته دوام ورکوي. مېرمن مالیار زیاته کړه چې دوی پر مخ روان دي او حتی لیدل کېږي چې اوکرایني سرتېري د خپلې خاورې یو یو متر له دښمن څخه نیسي. هغې پر خپل ټلېګرام پاڼه په یوه بیان کې یادونه کړې چې خلک د فلمونو په شان چټک پرمختګ غواړي، خو دا زیاتوي چې هسې امکان نه لري. مېرمن مالیار... Читать дальше...

سټمفورډ ایډوکېټ: په امریکا کې خپرېدونکې سټمفورډ ایډوکېټ ورځپاڼې په خپله وروستۍ ګڼه کې، په پاکستان کې د دېره افغان کډوالو د خپلسرو نیولو په اړه د بخښنې د نړیوال سازمان اندېښنو ته کتنه کړې. د بخښنې نړیوال سازمان پرون سه شنبې پر اسلام اباد غږ وکړ چې په پاکستان کې د دېره افغان کډوالو خپلسرې نیونې بندې کړي. ویل کېږي چې په دې ترڅ کې یو شمېر داسې کسان هم نیول شوي چې په پاکستان کې د استوګنې ویزې لري. ورځپانې د مطلب په دوام په پاکستان کې د افغانانو د کډوالۍ تاریخ ته کتنه کړې او لیکي د ۱۹۷۹ او ۱۹۸۹... Читать дальше...

د انګلستان په برمنګهم ښار کې د ایشیز لوبلړۍ لومړۍ لوبه چې د جون په ۱۶مه نېټه پیل شوې وه، د وروستۍ ورځې په وروستیو شېبو کې د اسټرالیا په ګټه پای ته ورسېده. د دې لوبې پچه انګلستان ګټلې وه او توپوهنه یې غوره کړه، کوربه لوبډلې په لومړۍ پاڼۍ کې د ۸ لوبغاړو په سوځېدو سره ۳۹۳ منډې وکړې او تر یوې حیرانونکې پرېکړې وروسته یې کپتان خپله پاڼۍ ونه غځوله او اسټرالیا ته یې د توپوهنې بلنه ورکړه. په لومړۍ پاڼۍ کې انګلنډ ته جو روټ سلیزه ووهله او په ۱۱۸ منډو ناسوځېدلی پاتې شو. د اسټرالیا په توپ اچونکو کې نتن لاین ۴ لوبغاړي وسوځول. Читать дальше...

اروپايي ټولنه وايي، اوکراین ته د راروانو څلورو کلونو لپاره د نږدې ۵۰ ميلیارد یورو په اندازه د مرستې وړاندیز کوي. د اروپايي کمېسیون مشرې له اوکراین سره د اروپايي ټولنې د مرستو د دوام ژمنه وکړه او ویې ویل چې د مرستې لپاره د زیاتې بودیجې برابرول دې ته زمینه برابروي، چې له اوکراین سره کېدونکې مرستې په سیمه کې تحولاتو ته په پام سره تنظیم شي. اورزلا وان دیرلین پرون سې شنبه د بلجیم په پلازمېنه بروکسل کې په دې اړه په خبرو کې وویل: "موږ د څلورو کلونو لپاره د ۵۰ میلیارد یورو یا (۵۴ اعشاریه ۶ میلیارد ډالرو) په اندازه د مالي مرستې د ورکړې وړاندیز کوو. Читать дальше...

د ازادي راډیويي مجلې په دې خپرونه کې درته د افغان ښځينه او نارینه لیکوالو پر ليکه ادبي غونډو حال درکول کېږي چې نقد هم په کې ځای شوی. د خپرونې په دوام درته د نویو چاپ شويو کتابونو په اړه مالومات درکول کېږي. د کیسې ترڅنګ شعر هم درته وړاندې کېږي. ازادي راډیويي مجله چې هره اوونۍ یې احمد شیبر چمتو کوي د لاندې غږیز فايل په کېکاږلو یې اورېدلی شئ:

د سره صلیب نړیواله کمېټه وايي، هره میاشت زرګونو معلولیت لرونکو کسانو ته خدمات وړاندې کوي. نبي الله وايي، د ماین چاودنې یې غبرګې سترګې ړندې کړي، اته کسیزه کورنۍ ورترغاړې ده، چې اوس د ګټې وټې هېڅوک نه لري. د کونړ دغه اوسېدونکی له اوسنیو واکمنو غواړي چې تر وسه یې لاسنیوی وکړي. نوموړی وايي: "له ډېرو ستونزو سره مخامخ یو. بچي مو واړه دي، د مزدورۍ هم نه یو. په ډېرو ستونزو کې یو. له رییس الوزرا او ټولو وزارتونو، بیا خصوصاً له شهیدانو او معلولینو چارو وزارت نه غواړو چې زموږ معاش راکړل شي." سفر محمد... Читать дальше...

د ایران سفارت وايي، په افغانستان کې د ملګرو ملتونو د مرستندوی ماموریت یا یوناما مرستیال د کابل لپاره د ایران له سفیر سره د همکاریو پر زیاتېدو خبرې وکړې. کابل کې د ایران سفارت پرون په یوه اعلامیه کې ویلي، د افغانستان لپاره د ایران سفیر او ځانګړي استازي حسن کاظمي قُمي له مارکوس پوتزل سره له افغانانو سره د مرستې لپاره د همکاریو پر زیاتېدو بحث وکړ. د کډوالو په چارو کې د ملګرو ملتونو د لویې کمېشنرۍ د تازه شمېرو له مخې دا مهال په ایران کې اووه نیم سوه زره افغان کډوال ژوند کوي او پنځه لکه او شپږاتیا... Читать дальше...

د افغانستان پخواني ولسمشر حامد کرزي له هېواده د لوستو ځوانانو او علمي کادرونو وتل د افغانستان لپاره یوه لویه ضایعه بللې ده. د کرزي دفتر په یوه مطبوعاتي اعلامیه کې ویلي، چې نوموړي دغه څرګندونې پرون سې شنبه د بېلابېلو ولایتونو له ځینو ځوانانو سره په کتنه کې وکړې. د اعلامیې له مخې، کرزي د نجونو پر وړاندې د ښوونځیو او پوهنتونونو د دروازو د بیا پرانیستلو غوښتنه وکړه. پخواني ولسمشر له افغان ځوانانو غوښتنه وکړه، چې له هېوادونه لاړ نه شي او د خپل هېواد په ابادۍ او پرمختګې برخه واخلي.

د ژورنالیستانو د خوندیتوب کمېټې یا 'سي پي جی' پرون سې شنبه د کډوالو نړیوالې ورځې په مناسبت د نړۍ په بېلابېلو برخو کې هغو ژورنالیستانو ته د پاملرنې غوښتنه وکړه، چې د خپلې دندې له کبله له خپلو هېوادونو تښتېدلي دي. دغې ادارې افغان ژورنالیست شېراز نوراني ویډیو خپره کړې، چې په ۲۰۲۱م کال کې پر افغانستان د طالبانو د ولکې له ټینګولو وروسته د امریکا متحدوایالتونو ته په کډې کولو مجبوره شوی دی. پرون د جون میاشتې شلمه د کډوالو نړیواله ورځ وه او سږکال داسې مهال نمانځل کېږي، چې په زرګونو افغانان لا هم په ګاونډیو هېوادونو کې نورو ځایونو ته د تګ په تمه دي.

د اسراییل روغتیايي کارکوونکي وايي، یوه فلسطیني سړي په لوېدیځه غاړه کې په ډزو سره لږ تر لږه ۴ کسان وژلي او ګڼ نور ټپیان کړي دي. بلخوا یو فلسطینی چې د اسراییل په یوه حمله کې په ډزو ټپي شوی و، پرون سې شنبه ساه ورکړه. د فلسطین روغتیا وزارت تر دې مخکې په اشغال شوې لوېدیځه غاړه کې د یوه بل فلسطیني د وژل کېدو اعلان هم کړی دی. دغه وزارت په یوه اعلامیه کې ویلي، امجد عارف جاس چې د لوېدیځې غاړې په جنین ښار کې د اسراییل په ډزو سخت ټپي شوی و، ساه ورکړه له دې سره له تېرې دوشنبې د اسراییل د پوځ په حملو کې د وژل شویو فلسطینیانو شمېر شپږو ته ورسېد. Читать дальше...

د چین صدراعظم ویلي، هېواد غواړي له جرمني سره خپلې دوه اړخیزې اړیکې نوي پړاو ته ورسوي. د چین د دولتي راډیو په حواله، لي چیانګ پرون سې شنبه په برلین کې د جرمني له صدراعظم اولاف شولڅ سره په کتنه کې دا خبره کړې ده. لي چیانګ ویلي، دواړه لوري باید دې ته په شدت کار وکړي، چې د خلکو ترمنځ په راکړه ورکړه کې اسانتیاوې رامنځته شي. د چین صدراعظم جرمني او فرانسې ته خپل سفر د دوشنبې په ورځ داسې مهال پیل کړ، چې اروپا هڅه کوي پر چین په خپله اقتصادي اتکا کې توازن رامنځته کړي.