Новости за 03.03.2022

3-мартта Бишкектеги "Бишкек Арена" спорт комплексинде хоккей боюнча IV дивизиондогу I Дүйнө чемпионаты башталды. Ага Кувейт, Малайзия, Кыргызстан, Иран жана Сингапурдун командалары катышууда. Оюндар 8-мартка чейин уланат. Мелдеш жыйынтыгында көч башын жетектеген команда III дивизиондо ойноого жолдомо алат.

Украинанын президенти Владимир Зеленский 3-марттын кечинде кенен басма сөз жыйынын өткөрүп, Батыш өлкөлөрүн Киевге аскердик жардамын күчөтүүсүн өтүндү. Ал ансыз Орусия баскынчылыгын уланта берерин жана анын соңу Европанын калган бөлүгүнө чейин уланарын билдирди. “Кудай анын бетин салбасын, эгер Украина Орусияга туруштук бере албаса, анда кийинки кезекте Латвия, Литва, Эстония турат. Мага ишенип койгула”, - деди Зеленский. Украин лидери Орусиянын президенти Владимир Путинди түздөн-түз сүйлөшүүгө үндөп... Читать дальше...

Орус-украин делегацияларынын Беларустун Брест облусунда өткөн 3-марттагы сүйлөшүүсүнүн экинчи айлампасында тараптар гуманитардык коридорлорду уюштурууну, ал аткарылып жаткан учурда ок атышууну убактылуу токтото турууну макулдашты. Бул тууралуу Украинанын президенти Владимир Зеленскийдин кеңешчиси Михаил Подоляк сүйлөшүүдөн кийин журналисттерге билдирди. Ал украин делегациясы башка талаптары боюнча жыйынтык ала албаганын кошумчалап, алар үчүнчү раундда сүйлөшүүгө даяр экенин билдирди. Сүйлөшүүнүн... Читать дальше...

Молдова менен Грузия 3-мартта Европа Биримдигине кирүүгө арыз берди. Бул тууралуу расмий документтерге Молдованын президенти Майя Санду менен Грузиянын премьер-министри Ираклий Гарабишвили кол коюшканы жарыяланды. Грузиянын жетекчилиги Евробиримдикке кирүү тууралуу арызга 2024-жылы кол коюну пландап жаткан. Бирок бийликтеги партиянын өкүлдөрү “дүйнөдөгү өзгөргөн кырдаалга” байланыштуу чукул чечим кабыл алынганын айтышты. Орус армиясы менен күрөшүп жаткан Украина да Европа Биримдигине кирүү үчүн арызын Брюсселге 28-февралда жолдогон. Читать дальше...

Евробиримдик президент Путиндин жакын санаалашы саналган орусиялык 26 атактуу олигархка катаал санкцияларды салды.

Орусиянын президенти Владимир Путин 3-марттын кечинде Украинадагы согуштук аракеттер жөнүндө кайрылуу жасап, ал план боюнча жүрүп жатканын, дагы улантыларын билдирди.  Путин аны мурдагыдай эле “атайын аскердик операция” деп атап, ал Украинанын башындагы “неоулутчулдарга каршы багытталганын, ал бул өлкөнү куралсыздандырууга” алып келерин айтты. Президент орус аскерлери баатырдык менен салгылашып жатканын белгилеп, каза болгон жоокерлердин жакындарына ири суммада компенсация төлөнүп берилерин кошумчалады. Читать дальше...

Беларустун Брест облусунда орус-украин делегацияларынын сүйлөшүүсүнүн экинчи айлампасы башталды. Бул тууралуу "РИА Новости" маалымат агенттиги Беларустун Тышкы иштер министрлигине таянуу менен жазды. Сүйлөшүүнүн алдында Украинанын президенти Владимир Зеленскийдин кеңешчиси Михаил Подоляк Киев биринчи кезекте ок атышууну дароо токтотуу, тынчтык келишимине келүү жана жайкын тургундарды эвакуациялоо үчүн гуманитардык коридор ачуу маселелерин коёрун билдирди. Украина менен Орусиянын делегацияларынын... Читать дальше...

Улуу Британия орус аскер күчтөрү Украинага термобардык куралдардын системасын алып келгенин билдирип, бул согуштун масштабын кеңейтип, чоң жоготууларга алып келерин эскертти. Бул тууралуу Британиянын коргоо министри Бен Уоллес 3-мартта НАТОдогу өнөктөшү Эстонияга келген учурда билдирди. “Алар өз максаттарына жетүү үчүн кандай куралдарды пайдаланып, каерге чейин барары белгисиз. Бирок биз аябай чоң артиллерияны колдонгонун көрдүк. Ошондой эле термобардык артиллериялык системаларды жайгаштырып... Читать дальше...

3-мартта түркиялык "Демирөрен" кабар агенттиги кыргызстандык келинди чогуу жашаган түркмөнстандык мууздап кеткени тууралуу маалымат таратты. Анда Стамбул шаарынын Үмрание районунда жашаган кыргыз келин каргашалуу окуя болгонго чейин шектүүгө каршы бир канча жолу полицияга арыз менен кайрылганы, ал тергөө абагынан чыккан кийин мыкаачылык менен өлтүргөнү жазылат. Шектүү кармалып, ага "атайлап киши өлтүрүү" беренеси менен кылмыш иши козголгон. Маалыматты Кыргызстандын Стамбулдагы Башкы консулдугу "Азаттыкка" ырастап... Читать дальше...

Улуттук коопсуздук мамлекеттик комитети (УКМК) жергиликтүү NEXT телеканалына "улуттар аралык кастыкты козутту" деген негизде кылмыш ишин козгоду. Бул тууралуу 3-мартта УКМКнын басма сөз кызматы билдирди. Аталган каналга "Кыргызстан Орусияга аскердик жардам көрсөтөт" деген жалган кабарды Казакстандын атайын кызматынын мурдагы башчысынын айтканына шилтеме берип, социалдык түйүндөрдө таратканы үчүн кылмыш иши ачылды. Экспертиза бул маалыматта "кастык козутуучу белгилер бар" деп тапкан. Кылмыш иши Жазык кодексинин 330-беренеси (Расалык... Читать дальше...

Жогорку Кеңештеги "Бүтүн Кыргызстан" фракциясынын лидери Адахан Мадумаровдун ишине байланыштуу түзүлгөн комиссия 10-мартка чейин жумушун улантат.  Бул тууралуу "Азаттыкка" депутат Исхак Масалиев билдирди. Комиссиянын 3-марттагы жабык жыйыны кечки саат тогузда аяктады.  Депутат Дастан Бекешевдун айтымында, комиссия а дегенде Адахан Мадумаровдон кол тийбестикти албоо чечимине келген. Бирок кийинчерээк баш прокурордон Мадумаровдун ишин “Мамлекетке чыккынчылык” беренесинен “Кызмат абалынан кыянаттык... Читать дальше...

Сулайман-Тоодо бадам гүлдөдү. Ошондой эле, жаздын келиши менен байчечекей баштаган гүлдөр ачты.

Орусиялык "Дождь" телеканалы ишин убактылуу токтотту. Бул тууралуу телеканалдын 3-марттагы эфиринде башкы директор жана каналдын ээси Наталья Синдеева билдирди. Наталья Синдеева мындай чечим кызматкерлер менен чогуу кабыл алынганын, алар редакциянын жумушун жаңы шарттарга карап кайра карап чыгышы керектигин айтты. Анын артынан кызматкерлер чыгып, соңку окуяларга байланыштуу ойлору менен бөлүштү. Мунун алдында Башкы прокуратуранын талабы менен Роскомнадзор Украинадагы согушту чагылдырганы үчүн телеканалдын сайтын жапкан болчу. Читать дальше...

Орусия Киев баш болгон Украинанын бир катар ири шаарларын бомбалоону улантып жатат. Согуштук аракеттерден улам Украинада чет мамлекеттерге качууга аргасыз болгондордун саны миллиондон ашты. Украинадагы абалга байланыштуу Кыргызстандын Коргоо министрлиги өлкөнүн Куралдуу күчтөрү чет мамлекеттерде кандайдыр бир аскердик операцияларга катышуусу мүмкүн деген божомолдорду четке какты. Бишкек шаарынын көчөлөрүн оңдоого бөлүнгөн 772 миллион сомдун 520 миллион сому кайда сарпталганы белгисиз экенин вице-мэр билдирди. Читать дальше...

Украина менен Орусиянын делегацияларынын согуштук аракеттерди токтотуу боюнча сүйлөшүүсүнүн экинчи айлампасы өтөт. 3-мартта украин тарап Беларуска келди. Бул тууралуу украиналык жана орусиялык басылмалар жазды. Мунун алдында Украинанын президенти Владимир Зеленскийдин кеңешчиси Михаил Подоляк өзүнүн тик учакка түшүп жаткан сүрөтүн жарыялап, сүйлөшүүдө гуманитардык коридор талап кылышарын айткан. Ал аркылуу атышуу болуп жаткан аймактардан аялдарды, балдарды жана кары-картаңдарды коопсуз чыгарып жиберүү ишке ашырылмакчы. Читать дальше...

Кыргызстандын Министрлер кабинетинин төрагасы Акылбек Жапаров Орусиянын премьер министри Михаил Мишустин менен 3-мартта телефондо сүйлөштү. Кыргыз тарап тараткан расмий маалыматта Жапаров Мишустинди туулган күнү менен куттуктаганы айтылат. Ошондой эле эки тараптуу кызматташтык  талкууланганы белгиленген. Эки мамлекеттин өкмөт башчыларынын бул сүйлөшүүсү Орусия Украинага басып кирип, дүйнө өлкөлөрүнүн көбү Москванын кадамын сындап турган учурга туш келди.

Кыргызстандын Улуттук статистика комитетинин соңку изилдөөсүндө, улгайган адамдардын бир бөлүгү кемсинтүү, басынтуу сыяктуу эмоционалдык зомбулукка дуушар болору айтылды. Сурамжылоого катышкандардын көбү мындай катаал мамиле жакын тааныштары, кошуна-колоңдор тарабынан болорун белгилешкен. Дискриминациядан баш тартуунун эл аралык күнүнө карата "Азаттык" Кыргызстандагы улгайган адамдардын абалы, аларга карата жасалган басмырлоонун ачык жана кыйыр түрлөрүнө токтолду. Жанымгүл Белекова учурда 73кө таяды. Читать дальше...

Улуттук коопсуздук мамлекеттик комитетинин академиясынын имараты курула баштады. 3-мартта пайдубалына атайын кызматтын төрагасы Камчыбек Ташиевдин катышуусунда капсула салынганы расмий кабарланды. Маалыматта имарат кайсыл жерге салынып жатканы көрсөтүлгөн эмес.   Президент Садыр Жапаров 2021-жылдын декабрында Жалал-Абаддагы сапарында УКМКнын академиясынын административдик окуу корпусун, киберкоопсуздукту камсыздоо боюнча координациялык борборунун имараттарын куруу пландаштырылып жатканын айткан. Читать дальше...

Украинадагы 36 кыргызстандык Венгрияга бара жатат. Бул тууралуу Кыргызстандын Украинадагы элчиси Идрис Кадыркулов "Фейсбуктагы" баракчасы аркылуу билдирди. Анын айтымында, бул жолу Киев шаарынан 43, Львов шаарынан 25 кыргызстандык эвакуациялоого каалоосун билдирген. Арасында Европанын башка өлкөсүнө кетүүнү каалагандар болгондуктан, элчилик уюштурган автобуска 36 адам түшкөн. Кадыркулов кыргызстандыктар элчиликтин кызматкерлеринин коштоосу менен баратышканын кошумчалады. Буга чейин Украинадагы... Читать дальше...

Украинадагы согуш дүйнөнү терең саясий кризиске кептеди. Учурда коңшу мамлекеттер миңдеген украин качкындарын кабыл алууда. Евробиримдик, АКШ ж.б. мамлекеттер Орусияга биринен сала бири катаал санкцияларды киргизүүдө. Орусиянын лидери Владимир Путин "стратегиялык күчтөрдү аскердик даярдыкта кармап турууга чакырды". Бизди эртең эмне күтөт? Ким жана кандай чара Путинди токтото алат? (Видео орус тилинде)

Армениянын парламенти 3-мартта саясатчы Ваагн Хачатрянды жаңы президент кылып шайлады. Ал экинчи турда 71 депутаттын добушун алды. Хачатрянды башкаруучу "Жарандык келишим" фракциясы жалгыз талапкер катары сунуштаган. Биринчи турда оппозиция добуш берүүдөн баш тартып койгон. Анда талапкер 69 гана добуш алып калган. “Азаттыктын” армян кызматы жазгандай, оппозициялык "Айастан" жана "Намысым бар" фракциялары “процессти легитимдештиргиси келбегендиктен” өз талапкерлерин алып чыгышпаганын жана талкууга катышпаганын билдиришкен. Читать дальше...

Румыниянын чыгышында 2-мартта жоголуп кеткен истребителди издеген тик учак кулап, жети киши каза болду. Бул тууралуу өлкөнүн Улуттук коргонуу министрлиги 3-мартта кабарлады. Чек аралаш аба мейкиндигинде чалгындоо иштерин жүргүзүп жаткан МиГ-21 истребители диспетчердик түйүн менен байланышын кечки саат 20:00 чамасы жоготуп жиберген. Аны издегени чыккан IAR 330-Puma тик учагы Гура Добруги районунда белгисиз жагдайда кулап түшкөн. Кийин тик учактын калдыктары жана борттогу адамдардын сөөктөрү табылды. Читать дальше...

БУУнун Атомдук энергия боюнча эл аралык агенттиги – МАГАТЭнин башчысы Рафаэл Гросси 5-мартта Иранга барып, расмий жетекчилери менен кайрадан жолугушууларды өткөрөт. Бул тууралуу аталган мекеме кабарлады. Гросси дүйнөлүк державалар менен Тегерандын ортосундагы өзөктүк келишимди жаңыртуу боюнча сүйлөшүү өткөрөт. Ал Иранга мурда да келген. Бул келишим кабыл алынбай калышы мүмкүндүгү айтылып жаткан учурга туш келди. Ирандын бийлиги Батыш өлкөлөрүн ыкчам чечим кабыл алууга үндөсө, Тескерисинче, Батыш Тегеранды эртерээк ийге келүүгө чакырууда. Читать дальше...

Украинадагы согуштан улам Орусияга киргизилген каржылык санкциялардан орус рублинин куну кескин түшүп, ал жакта иштеген кыргызстандык мекендештерди убайымга салууда. Эксперттер кырдаал дагы курчуй берсе жумуш орундар кыскарып, ишин жоготкондор дагы көбөйөрүн божомолдоп жатышат. Башка жумуш рыногун издөөнүн убагы келди дегендер да бар. Валюта базарындагы олку-солку абал Соңку маалыматтар боюнча Москва биржасында доллардын баасы 116,6 рублге чыкты. Евронун курсу 124,75 рублге көтөрүлдү. Кырдаалга... Читать дальше...