Новости за 14.03.2022

Украинага басып киргени үчүн бир катар өлкөлөр Орусияга катаал санкцияларды салды. Анын таасири тууралуу Москвада эмгектенген ​айрым мекендештердин пикирин топтодук. "Жумушсуз калгандар бар" 21 жаштагы Нуриза Кыдырканова Москвадагы KFC тез татым ресторанында эки жылдан бери иштеп жаткан. Экономикалык санкциялардан улам жумушсуз калып, күйөөсү иштеген жерге убактылуу жумушка орношуп жатканын айтып берди. “Күйөөм суши-роллы жасап чыгарган жапон ресторанында тамак жеткирген курьер болуп иштейт. Читать дальше...

“WikiGap. Кыргызстандын айымдары” долбоорунун алкагында "Википедия" кыргызстандык мыкты жүз айымдын ысымы менен толукталды. Эми өз тармагында ийгилик жараткан айымдар тууралуу көпчүлүк кенен маалымат ала алат. Бул долбоордун максаты – ийгиликке жеткен кыргызстандык аялдар жөнүндө кеңири маалыматты коомчулукка жеткирүү.

Украина менен Орусиянын ортосундагы сүйлөшүүлөрдүн төртүнчү айлампасы “техникалык тыныгуудан” кийин 15-мартта кайра уланат. Тынчтыкка жетишүү маселеси эртең жыйынтыктала турган болду. Бул тууралуу эки тараптын делегация мүчөлөрү ырасташты. Украинанын президенти Владимир Зеленскийдин улук кеңешчиси Михайло Подоляктын айтымында, бул тыныгуу "жумушчу топтор иштеп, кеңешүүсүнө кошумча убакыт берүү жана аныктамаларды тактоого" мүмкүндүк берет. Подоляк сүйлөшүүдө ок атышууну дароо токтотуу, орус аскерлерин... Читать дальше...

14-мартта Украинанын куралдуу күчтөрүнүн Башкы штабы "Орусия жаңы агрессия уюштуруу үчүн Сириядан жалданма топторду тартууну баштады" деп билдирди. "Келип түшкөн маалыматтарга караганда, Сирияда жалданмаларды кабыл алуу борборлору ачылып, миңден ашуун адам тартылган. Анын ичинен 400гө жакын адам Орусияга келген. Ростов (Россия Федерациясы) жана Гомел (Беларусь Республикасы) облустарындагы Украинанын чек арасына жакын жерлерде аларды жайгаштыруу жана машыгуу лагерлери түзүлдү", - деп жазылган Украинанын... Читать дальше...

Киевдин түндүгүндөгү конушта көп кабаттуу турак үй аткыланганда андан кеминде эки киши каза тапты. Украинадагы окуяларга байланыштуу азык-түлүк базарында ажиотаж башталганы белгилүү. Кыргызстандын бийлиги ишкерлер менен “жигиттик келишим” түздү.

Улуттук коопсуздук боюнча мамлекеттик комитет (УКМК) жергиликтүү жана чет өлкөлүк окуу жайлар тарабынан берилген дипломдорду текшерүү иштерин улантууда. Бул жасалма дипломдорду аныктоо иштеринин алкагында жасалып жатканын УКМКнын басма сөз кызматы билдирди. Төмөндө кайсы жогорку окуу жайда канча диплом текшерилип жатканы боюнча маалымат: Ж.Баласагын атындагы кыргыз мамлекеттик/Улуттук университети (КМУ – КМУУ) – 28; К.Скрябин атындагы кыргыз улуттук агрардык университети (КУАУ) - 11; Кыргыз... Читать дальше...

Өткөн аптада "Азаттык" радиосу тасмага тарткан Жумгалдагы он балалуу Асел Сатарованын үйүнө эмгек, социалдык камсыздоо жана миграция министри Кудайберген Базарбаев барды. Ал баатыр энеге күнүмдүк түйшүгүн жеңилдеткен техникаларды белекке берди. Мектепти бүткөндөн кийин окуусун уланта албай калган кыздарынын билим алуусуна жардам бермей болду. Министр менен чогуу барган демөөрчүлөр каржалган бүлөгө жаңы үй салып берүүгө убада беришти.

Президент Садыр Жапаров 14-мартта өлкөнүн коопсуздугун камсыздоо маселелери боюнча жумушчу кеңешме өткөрдү. Бул тууралуу президенттик администрациянын басма сөз кызматы билдирди. Кеңешмеде дүйнөдө түзүлгөн кырдаалдан улам келип чыккан маселелер, анын социалдык-экономикалык таасири, өлкөнүн аймагындагы эпидемиологиялык кырдаалды мындан ары турукташтыруу маселелери каралды. Орусия 24-февралда Украинада согуш баштагандан бери доллар кескин кымбаттап, Орусияга карата катаал экономикалык санкциялар киргизилүүдө. Читать дальше...

Мариупол шаарынын мэринин кеңешчиси Петро Андрющенко курчоодо турган шаардан жайкын тургундарды чыгаруу үчүн "жашыл коридор" ачылганын билдирди. Анын жыйынтыгында шаардан кеминде 50 автоунаа сыртка чыгарылганын кошумчалады. "Бизде Мариупол багыты боюнча жеке транспорт үчүн гуманитардык коридор ачуу ок атышууну убактылуу токтотуп, "жымжырттык режимин" сактоого жетиштик. Муну биз иш жүзүндө ырастай алдык. Учурда 50дөн ашуун жеке менчик автоунаа Бердянсктан өтүп, Запорожье таратапы көздөй багыт алды. Читать дальше...

Кыргыз улуттук “Манас” театрына өкмөт тарабынан имарат берилди. Маданий жайдын жетекчиси Азиз Биймырза уулунун айтымында, театрдын курамында манасчылар жана дастанчылар мектеби, Элмирбек Иманалиев атындагы төкмө акындар мектеби да түзүлдү. Улуттук "Манас" театрына кеңсе катары берилген үй Жогорку соттун мурдагы судьясы Камил Осмоналиевге таандык болгон. Осмоналиев 2020-жылдын аягында мыйзамсыз баюу боюнча айыпталып камакка алынган. Жогорудагы үйү мамлекеттин балансына өткөн. Маданият, маалымат... Читать дальше...

Украинанын чыгышындагы Орусия "Донецк Элдик республикасы" деп тааныган шаардын чок ортосуна абадан кол салуу болгонун жикчилдердин жетекчилиги билдирди. Анын айтымында, аба соккулары Донецк шаарынын борборундагы Университет жана Артем көчөлөрүнүн ортосуна жана жергиликтүү өкмөт үйүнүн жанына урулган. Орусиялык "РИА Новости" агенттиги бул тууралуу "ДЭРдин" коргонуу штабына таянып маалымат таратып, бул аба соккусунан 17 адам каза болуп, 28 киши жаракат алганын билдирди. Орусиянын ТАСС агенттигинин кабарчысы... Читать дальше...

Бишкектин административдик соту бүгүн, 14-мартта Свердлов округундагы кайра шайлоодо биринчи орунду алган талапкер Абдурахманхажи Муртазалиевдин арызын карады. Борбордук шайлоо комиссиясы (БШК) 9-марттагы отурумунда Муртазалиевдин каттоосун жокко чыгарган. Боршайком ага добуш сатып алуу фактысы себеп болгонун белгилеген. Адвокат Таалайгүл Токтакунованын айтымында, соттук отурумда арыз берген тарап жана БШК өкүлү сүйлөп, териштирүү 15-мартта уланмай болду. Анда Боршайкомдун өкүлү Муртазалиевдин... Читать дальше...

“Мегакомдун” мурдагы жетекчиси Акылбек Жамангулов №21 тергөө изоляторуна эки айга камалды. Мындай токтомду 14-мартта Бишкектин Биринчи май райондук соту чыгарды. Шектүүнүн коомдук жактоочусу Канат Хасанов “Азаттыкка” ал Түштүк Кореянын эки жаранынын ортосундагы каржылык маселеге байланыштуу шек саналып жатканын айтты. Жамангуловго ким арыз жазганы жана иштин-чоо жайы тууралуу азырынча кенен маалымат бериле элек. Ал 12-мартта Башкы прокуратурага суракка чакырылып, ошол эле күнү кармалган. Жогорку... Читать дальше...

Мариуполдо төрөт үйүнө урулган аба соккусунан жаракат алган кош бойлуу аялдардын бири курсагындагы баласы менен кошо каза болду. Жаш келиндин өлүмү тууралуу алгач "Америка абазы" радиосунун журналисти Ася Долина Фейсбуктагы баракчасына жазып чыкты. "Мариупол шаарындагы №3-балдар ооруканасына жана төрөт үйүнө урулган соккуларынын кесепеттери тартылган видео жана фотолордо чагылдырылган кош бойлуу келин көз жумду. Ал эми анын курсагындагы баласы дагы тирүү калган эмес",- деп жазды Ася Долина. Бул... Читать дальше...

Президент Садыр Жапаров бүгүн, 14-мартта ата мекендик бизнестин өкүлдөрү менен жолугушту. Анда "Жеке жактардын активдерин легалдаштыруу жана мунапыс жөнүндө" мыйзам долбоору талкууланганын президенттин басма сөз кызматы кабарлады. Расмий маалыматта өлкө экономикасынын учурдагы абалы, өлкөнү өнүктүрүү үчүн өз ара аракеттенүү жолдору талкууланганы кабарланды.  Мамлекет башчысы мыйзам долбоору биринчи кезекте көмүскө экономиканын үлүшүн кыскартууга, активдердин сакталышын камсыздоого жана алардын... Читать дальше...

Башкы прокуратура 14-мартта таңга маал Орусиянын куралдуу кол салуусунун кесепетинен 90 бала каза таап, 100дөн ашууну жарадар болгонун билдирди. Маалыматка ылайык, балдардын өлүмү Киев, Харьков, Донецк, Чернигов, Сумы, Херсон, Николаев жана Житомир облустарында көп катталган. «Кечээ эле Николаев облусунда жарандык турак жайларды аткылоонун натыйжасында эки бала чарчап, дагы экөө жарадар болгон. Жардыруу жана аткылоодон 379 билим берүү мекемеси жабыркап, анын 59у толугу менен талкаланган. Кыйроонун... Читать дальше...

Казакстандын экс-президенти Нурсултан Назарбаевдин маркум инисинин уулу Кайрат Сатыбалды кармалды. Ага "кызмат абалынан кыянат пайдалануу" фактысы боюнча кылмыш иши козголгону кабарланды. Ал эми Назарбаев өзү Түркиядан Казакстанга кайта элек. Казакстандын антикоррупциялык кызматы 13-мартта Кайрат Сатыбалдыга "кызмат абалынан кыянат пайдалануу жана "Казахтелеком" акционердик коомунун каражатынын уурдоо" фактысы боюнча кылмыш иши козголгонун кабарлады. "Шектүү катары Кайрат Сатыбалды кармалып, убактылуу кармоочу жайга киргизилди. Читать дальше...

2040-жылга чейин Кыргызстандын калкынын саны 9 миллионго жакындашы мүмкүн. Калктын өсүү динамикасы социалдык-экономикалык абалга шайкеш келеби? Өкмөт кандай тобокелдиктерди эске алышы керек? Калктын демографиялык абалы, сапаттуу жашоосу, бакубат келечеги эмнеден көз каранды? “Арай көз чарай” талкуусу ушул жана башка суроолорго жооп издеди. Талкууга Улуттук статистика комитетинин төрагасынын орун басары Зайнидин Жумалиев, калк таануу адиси Чоро Сейитов, коомдук ишмер Алмаз Кулматов, Бириккен улуттар... Читать дальше...

Кардиолог, профессор Калдарбек Абдраманов Жалал-Абаддагы Түштүк аймактык жүрөк-кан тамыр хирургиясы илимий борборунун башчылыгынан алынганы тууралуу "Азаттыкка" комментарий берди. Ал кызматтан алынганы тууралуу кабарды маалымат каражаттарынан билгенин жана өзүнүн ишинде мамлекетке зыян алып келе турган каржылык мыйзам бузуу жок экенин билдирди. "Министрдин чечимин талкуулап, ага каяша айткан адамдардан эмесмин. Эгер жетекчи туура деп эсептесе, аны аткаруу керек. Аны колдоп, буйругун аткарыш керек. Читать дальше...

Улуттук банк быйыл Кыргызстанда инфляция 12% жогору болот деп болжолдоп турат. Бул тууралуу өлкөнүн негизги банкынын расмий өкүлү Аида Карабаева 14-мартта басма сөз жыйынында айтты. Ал муну геосаясатка жана Кыргызстан өнөктөш болгон өлкөлөрдөгү абал менен байланыштырды. “Дүйнөдө абал өзгөрдү. Ошондуктан инфляция 12% жогору болот. Бирок так бир маалыматты азырынча айта албайбыз. Ошого жараша эсептерди кылып жатабыз. Баары бир биз белгилеген 12% жогору болот”. Кыргызстандын Улуттук банкы быйыл инфляция 12% болот деп жаткан. Читать дальше...

14-мартта кырдаалды жөнгө салып, ок атышуунун шарттарын кароо боюнча орус-украин сүйлөшүүлөрүнүн төртүнчү айлампасы өтүүдө. Бул жолу эки тараптын делегациялары бетме-бет жолугушпай, интернет аркылуу онлайн-сүйлөшөт. Украин делегациясынын мүчөсү, президенттик кеңсенин кеңешчиси Михайло Подоляк алдыда татаал сүйлөшүү күтүп жатканын, украин тарап өз талаптарын, анын ичинде ок атышууну токтотуу, аскерлерди чыгаруу жана коопсуздук кепилдигин талап кыларын билдирди. Ал Орусия Украинанын шаарларын тынымсыз бомбалап... Читать дальше...

Улуттук банктын расмий өкүлү Аида Карабаева Кыргызстанда рублдин курсун аныктоо ыкмасынын өзгөртүлүшү тууралуу түшүндүрмө берди. Анын сөзүнө караганда, ушул күндөрү Москва биржасында рублдин курсу реалдуу бааны көрсөтпөй турат. Ушундан улам орус акчасынын жана АКШ долларынын кыргыз сомуна карата чыныгы катышын билүү үчүн Улуттук банк рубл жана доллардын курсун мындан ары Блумберг жана Рейтер маалымат агенттигинен гана алат. “Баары эл аралык рыногдо рублдин курсунун аныкталышына байланыштуу болот. Читать дальше...

Кыргызстандын фармацевтика фирмаларында эки-үч айга жете турган дары-дармектин запасы бар. Бул тууралуу Дары-дармек менен камсыз кылуу департаментинин башчысы Нурдин Кагаздиев Жогорку Кеңештин Социалдык саясат боюнча комитетинин жыйынында билдирди. "Биздин рынокто ажиотаж болуп кетпесин деп өтө зарыл дары-дармектерди каттоосу жок Кыргызстанга алып келүү боюнча долбоор даярдадык. Азыр ал макулдашууга кеткен. Азыр мониторинг жасап жатабыз, дарылар жок болуп кете тургандай көрүнүш жок. Фирмаларда эки-үч айга жете турган дары-дармек бар экен. Читать дальше...

Стокгольмдогу Тынчтыкты изилдөө боюнча Эл аралык институт (SIPRI) жарыялаган изилдөөгө ылайык, Европа соңку беш жылда курал-жарак импортунун өсүшү боюнча дүйнөдө эң алдыга чыкты. Анда 2017-жылдан 2021-жылга чейинки аралыкта дүйнөлүк эл аралык курал-жарак соодасы мурдагы беш жылга салыштырмалуу 4,6 пайызга азайып, бирок Европа өлкөлөрүнүн импорту 19 пайызга өскөнүн көрсөттү.   "Көпчүлүк европалык мамлекеттер менен Орусиянын ортосундагы мамилелердин кескин начарлашы курал-жарак импортунун өсүшүнүн маанилүү кыймылдаткычы болду. Читать дальше...

АКШнын Улуттук коопсуздук боюнча кеңешчиси Жейк Салливан 14-мартта Римде Кытайдын улук дипломаты Ян Цзечи менен жолугуп, Бээжинди Орусияга аскердик жардам көрсөтүүдөн этият болууга үндөдү. Бул тууралуу "Америка абазы" кабарлады. Октябрда Цюрихте өткөн жабык кеңешмеден бери Салливан Зечи менен биринчи ирет жолукту. Салливан кытай дипломаттарына Бээжин Орусиянын Украинага каршы агрессиясын колдосо, Кытай эл аралык обочолонтууга алып келген чараларга кириптер болорун эскерткен. АКШнын дипломаттары... Читать дальше...