Новости за 31.03.2022

31-мартта Орусиянын президенти Владимир Путин "дос эмес мамлекеттер" үчүн газдын акысын төлөөнүн жаңы тартибин аныктаган жарлыкка кол койду. Жарлыктын толук тексти Кремлдин сайтына жарыяланды. Путиндин айтымында, Орусиядан газ алган Батыш өлкөлөрү көгүлтүр отундун акысын төлөө үчүн "Газпромбанкта" рубль эсебин ачышы керек. Алар газдын акысын чет элдик валюта менен жөнөтсө, анда "Газпромбанк" аны Москва биржасында алмаштырып, рубль түрүндө кардардын эсебине салат. Бул эреже 1-апрелден тарта күчүнө кирет. Читать дальше...

Бүгүн 31-мартта Балыкчы–Кочкор темир жолунун курулушу расмий түрдө башталды. Буга байланыштуу “Балыкчы” станциясында өткөн салтанатту иш-чарага президент Садыр Жапаров катышып, чогулгандар алдында сүйлөгөн сөзүндө жаңы темир жол түйүнүнүн пайдубалы түзүлүп жатканын, ал өлкөнүн келечеги үчүн зор мааниге ээ экенин белгиледи. Мамлекет башчынын маалымат кызматы билдиргендей, “бул долбоор биринчи кезекте күз-кыш мезгилинде Бишкек шаарынын калкын жана Жылуулук электр борборун көмүр менен камсыз кылуу... Читать дальше...

Вашингтон президент Путиндин кеңешчилери чындыкты айтуудан коркуп, ага жалган маалымат берип жатканын билдирди. Ысык-Көл облусундагы "Эдельвейс" окуу борборунда “Байрактар” учкучсуз учактарын менен тактикалык машыгуу өттү. Кыргызстандын жарандыгын алууну каалагандар соңку эки жылда кескин көбөйдү.

Балыкчы-Кочкор темир жолунун курулушунун башталышына старт берилди. Президент Садыр Жапаров “башталган иш аягына чыгарын” убадалап, темир жолду төшөө бара-бара андан ары уланып, Макмал аркылуу Жалал-Абадга жетип, өлкөнүн түндүк-түштүк бөлүгүн бириктириши керектигин айтты. Балыкчы менен Кара-Кече көмүр кенин байланыштырган темир жолду курууга даярдык башталганы өткөн аптада жарыяланган. Президент Жапаров темир жолду бир-эки жыл аралыгында Кочкорго жеткирип, андан ары Кара-Кечеге чейин куруу планы бар экенин билдирди... Читать дальше...

Экономика жана коммерция министрлиги Кыргызстанда кумарканаларды ачууга уруксат берген мыйзам долбоорун коомдук талкууга алып чыкты. Өкмөт муну менен туризмди жандандырып, казынаны байытууну көздөп жатканын айтып, мыйзам долбоорунун талабына ылайык, казинолорго Кыргызстандын жарандары киргизилбейт деп ишендирип жатат. Экономика жана коммерция министрлиги коомдук талкууга койгон мыйзам долбоорунда кумарканаларды жергиликтүү жана чет өлкөлүк юридикалык тараптар ача алары жазылган. Ага Кыргызстандын... Читать дальше...

Токио Курилдин түштүгүндөгү аралдарды расмий түрдө “Жапониянын Орусия мыйзамсыз оккупациялап турган түпкүлүктүү аймагы” деп атаганга өтөт. Мындай түшүнүк жапон өкмөтүнүн “Дипломатия боюнча көк китеп” аттуу жылдык баяндамасынын жаңы долбоорунда айтылат. Бул тууралуу "Эркин Европа / Азаттык" радиосунун орус кызматы Жапониянын "Киодо" жаңылыктар агенттигине шилтеме кылып кабарлады. Жапония менен Орусия Курил аймагындагы Итуруп, Шикотан, Кунашир жана Хабомаи аттуу төрт аралды талашып келет. Советтер... Читать дальше...

Москва НАТОнун же АКШнын аскердик түзүмдөрүн Борбор Азияга жайгаштыруу аракеттерин кабыл алынгыс деп эсептейт. Бул тууралуу Орусиянын тышкы иштер министри Сергей Лавров 31-мартта Кытайдын Туньси шаарында Ооганстанга коңшулаш өлкөлөрдүн форумунда айтты. "АКШ менен НАТОнун же аларга кызмат кылган оогандардын аскердик инфраструктурасын коңшу мамлекеттердин аймагына, биринчи кезекте Борбор Азияга жайгаштырууну кабыл алынгыс деп эсептейбиз. Мындай ойлор биздин мамлекеттердин коопсуздугуна жана Жамааттык... Читать дальше...

“Кыргызстан Бириккен Демократиялык Кыймылы” деген оппозициялык жаңы уюм түзүлдү. Кыймыл демократиялык институттарды жана баалуулуктарды калыбына келтирүү, сот реформасын ишке ашыруу, кризиске жана жакырчылыкка каршы күрөш боюнча бийликке альтернативдүү сунуштарды берет. Бийликке оппозициялык көз караштагы саясатчылар, укук коргоочулар менен жарандык коомдун айрым өкүлдөрү биригип, “Кыргызстан Бириккен Демократиялык Кыймылын” түздү. Алар 31-мартта оппозиция үчүн өзгөчө мааниси бар Бишкектеги Горький паркында биринчи жолугушуусун өткөрүп... Читать дальше...

Иликтөөчү журналист Болот Темиров менен төкмө акын Болот Назаровго карата козголгон кылмыш иши боюнча тергөө аяктай элек. Бул тууралуу “Азаттык” радиосуна Бишкек шаардык Ички иштер башкармалыгынын басма сөз кызматы билдирди. Мекеменин маалыматына караганда, тергөө иштери уланууда. Темировду жана Назаровду милиция быйыл 23-январда кармаган. Эртеси күнү экөөнү тең чет жакка чыкпоо тууралуу тилкаттын негизинде бошоткон. Ошол эле күнү Улуттук коопсуздук боюнча мамлекеттик комитеттин (УКМК) төрагасы... Читать дальше...

Баткенде Лейлек районунун Жаңы-Жер айылында жер тилкелеринин мыйзамсыз менчиктештирилгени боюнча кармалган Бекжан Жалилов менен Саатбек Эгембердиевдин бөгөт чарасы  Лейлек сотунда каралмай болду. Бул тууралуу 31-мартта “Азаттык” радиосуна алардын адвокаты Асылбек Конгуров билдирип, прокуратура органдары койгон айып жана далилдер негизсиз экенин, баштапкы берене өзгөртүлүп жатканын айтты: “Далилдери жетишсиз, ынанымдуу эмес. Соттук-бухгалтердик, соттук-курулуш-техникалык жактан мамлекеттик экспертизанын... Читать дальше...

Бишкектин Биринчи май райондук соту пара алууга шектелип кармалган Бишкектин мурдагы вице-мэри Азамат Сагындык уулуна 260 миң сом айып пул салды. Бул тууралуу райондук соттун басма сөз кызматы билдирди. Улуттук коопсуздук мамлекеттик комитети (УКМК) 2021-жылы 24-июлда Бишкектин ошол кездеги вице-мэри Азамат Сагындык уулун кармаган. Анда мурда алынган параны кайтарып берүү учурунда кармалган мэрия кызматкери вице-мэр Азамат Сагындык уулуна каршы көрсөтмө бергени айтылган. Биринчи май райондук соту ал кыздын ишин 4-февралда карап... Читать дальше...

Орусия Ооганстандагы "Талибан" кыймылы түзгөн өкмөттүн алгачкы дипломатын аккредитациядан өткөрдү. Бул тууралуу орус тышкы иштер министри Сергей Лавров 31-мартта Ооганстанга коңшулаш өлкөлөрдүн башкы дипломаттарынын Кытайдын Туньси шаарында өткөн жыйынында билдирди. Ал талибдердин дипломаты Москвага февраль айында эле келгенин айтты. "Биз эл аралык коомчулук Ооганстандын жаңы өкмөтү менен активдүү кызматташууга тийиш деп эсептейбиз", - деди Лавров. Ал дүйнөлүк коомчулук "Талибан" өкмөтүн таанышы... Читать дальше...

Активист Төрөхан Жунусбеков Бишкек шаардык Аза кызматын көрсөтүү агенттигинин директору болуп дайындалды. Бул тууралуу мэриянын басма сөз кызматы билдирди. Төрөхан Жунусбеков 2020-жылы Октябрь окуяларынан кийин Бишкек шаарын башкара турганын жарыялаган, кийин мэрдин милдетин аткаруучу болуп дайындалган Балбак Түлөбаевди колдогон. Андан кийин "Мегаком" компаниясынын жетекчисинин кеңешчиси болуп дайындалган. Жунусбеков 2020-жылы өткөн парламенттик шайлоодо "Мекенчил" партиясынын тизмеси менен шайлоого катышкан. Читать дальше...

Кыргыз эл артисти, дирижер жана композитор Насыр Давлесовду эскеребиз. Ал ХХ кылымдагы кыргыздын эң көрүнүктүү уулдарынын бири. Кыргызстан эгемендүүлүк алгандан кийин өлкөнүн гимнинин обонун Калый Молдобасанов менен бирге жазган. Давлесов 2011-жылы дүйнө салды. "Аста-секин колукту" 1998-жылы Бүбүсара Бейшеналиева атындагы Кыргыз мамлекеттик искусство институтунда иштеп жүргөндө Насыр агай таягына сүйөнө басып, жумасына бир келип кетчү эле. Ошол жылы февралда ага жолугуп калдым. Ал-акыбал сурашып... Читать дальше...

Бул тууралуу Ички иштер министрлигинин (ИИМ) өкүлү Улукбек Балагазыев 31-мартта басма сөз жыйынында билдирди. Ага ылайык, катталган фактылардын 44ү сотко жиберилген жана басымдуу бөлүгүн кыргызстандык жарандарды чет өлкөлөрдө жумушка орноштурууну убада кылып, алдап кеткендер түзөт. Быйыл жыл башынан бери мыйзамсыз миграцияны уюштурууга байланыштуу 32 кылмыш иши козголгон. Расмий маалыматка ылайык, Кыргызстанда чет мамлекеттерде жумушка орноштуруу менен алектенген 118 жеке агенттик бар. Эмгек... Читать дальше...

Кыргыз Республикасынын эл жазуучусу, мамлекеттик жана коомдук ишмер Султан Раев Эл аралык ТҮРКСОЙ уюмунун баш катчысы болуп дайындалды. Бул тууралуу бүгүн, 31-мартта Түркиянын Бурса шаарында өтүп жаткан ТҮРКСОЙ уюмунун кезектеги жыйынында белгилүү болду. 2022-жылы Бурса шаары түрк дүйнөсүнүн маданий борбору деп белгиленген. Аталган жыйынга Кыргызстандын Маданият, маалымат, спорт жана жаштар саясаты министри Азамат Жаманкулов менен жазуучу Султан Раев катышкан. Жыйында Жаманкулов ТҮРКСОЙ уюмунун... Читать дальше...

Президент Садыр Жапаров 31-мартта Ысык-Көл облусунда Куралдуу күчтөрдүн "Калкан-2022" атайын тактикалык машыгуусуна катышты. Анда сөз сүйлөп, аймактагы ар кандай коркунучтардын алдын алуу иш-аракеттерин коңшу мамлекеттер менен чогуу жүргүзүү керек деп эсептерин билдирди. "Өзүңүздөр билесиздер, азыркы замандын чакырыктары менен коркунучтары көп кырдуу жана аймактар аралык мүнөздө. Борбор Азия өлкөлөрүндөгү, айрыкча Ооганстандагы кырдаалга байланыштуу террордук жана диний-экстремисттик коркунучтардын... Читать дальше...

Талас районунун Кырк-Казык айылында велосипедчен фельдшерди айылдын баары тааныйт. Жарым кылым бою бул айылда иштеген Күлийпа Абылаева пенсияга чыкса да андан жардам сурап келгендердин аягы үзүлө элек. Өсүп келе жаткан жаш муунга үлгү болгон адистин бир күндүк иши тууралуу баян.

1-апрелде Кыргызстандын аймагында жаан-чачын жаабайт. Тоо этектеринде жана тоолуу райондордо жолдор тайгак болот. Түштүк-батыш тараптан келген шамалдын ылдамдыгы секундасына 3-8 метрге жетет. Абанын температурасы: Чүй облусунда түнкүсүн 1...6, күндүз 17…12; Талас жергесинде түнкүсүн 0...5, күндүз 16…21; Баткен, Ош, Жалал-Абад дубандарында ​түнкүсүн 3…8, күндүз 18…23; Ысык-Көл жана Нарын облустарында түнкүсүн -3…+2, күндүз 10…15; Бийик тоолордо түнкүсүн -12…-17, күндүз 0…5 градус. Бишкекте жаан-чачын жаабайт. Читать дальше...

Бишкекте "Кыргызстан бириккен демократиялык кыймылы" аттуу оппозициялык уюм түзүлдү. Аталган кыймылдын мүчөлөрү алгачкы жыйынын Бишкектеги Горький аянтында өткөрүп, программасын жарыялады. Кыймыл демократиялык институттарды жана баалуулуктарды калыбына келтирүү, адилеттүү укук системасын түзүү, кризиске каршы экономикалык программаны иштеп чыгуу жана жакырчылыкка каршы күрөш боюнча бийликке альтернативдүү сунуштарды берет. Оппозициялык кыймылда саясатчылар Равшан Жээнбеков, Клара Сооронкулова... Читать дальше...

Ысык-Көл облусундагы "Эдельвейс" окуу борборунда “Байрактар” сокку уруучу учкучсуз учактарын колдонуу менен тактикалык машыгуу өтүүдө. Бул тууралуу президенттин басма сөз кызматы билдирди. "Калкан - 2022" аттуу атайын тактикалык машыгууга президент Садыр Жапаров катышууда. "Машыгуунун негизги максаты - мамлекеттик чек ара тилкесинен өтүп келген шарттуу душманды жок кылуу боюнча күч түзүмдөрүнүн иш-аракеттеринин ырааттуулугун иштеп чыгуу", - деп айтылат маалыматта. Өткөн жылы декабрда Улуттук... Читать дальше...

Журналист Арзыгүл Галымбетованын өлүмүнө байланыштуу 28-мартта камакка алынган ”Батма-бат” YouTube каналынын автору Батмакан Жолболдуева бир айга камакта калды. Бул тууралуу Баткен облустук ички иштер башкармалыгы билдирди. Милиция каза болгон журналист Арзыгүл Галымбетова жергиликтүү милицияга 25-мартта кайрылып, ”Батма-бат” YouTube каналынын автору Батмакан Жолболдуева аны каралап жатканын айтып, арыз жазганын билдирген. Журналисттин өлүмүнөн кийинжабырлануучунун арызынын негизинде Кылмыш-жаза... Читать дальше...

Бишкектин Жаш Гвардия көчөсүндөгү жаңы салынып жаткан көп кабаттуу үйдүн дубалы урап, жанындагы эки кабаттуу турак жайга кулаганы боюнча кылмыш иши козголду. Бул тууралуу Бишкек шаардык милициясынан билдиришти. Ленин райондук милициясынын тергөө кызматынын иликтөөсүндө аталган имаратты курууда коопсуздук эрежелери сакталбаганы аныкталган. 27-мартта курулушу жүрүп жаткан көп кабаттуу үйдүн кум кышынан (пескоблок) тургузулган дубалы ураган. Натыйжада жанында жайгашкан үйдүн чатыры талкаланып, 64 жаштагы кожойкени басып калып... Читать дальше...

Кыргызстанда 1-апрелден 30-апрелге чейин эркектер арасында "Жооптуу бол" аттуу бир айлык өтөт. Бул тууралуу Саламаттык сактоо министрлиги билдирди. Бир айлык Чүй, Талас, Нарын жана Ысык-Көл облустарында жугуштуу эмес ооруларды аныктоо үчүн 18 жаштан жогорку эркектер арасында өтөт. Бир ай ичинде эркектер жергиликтүү саламаттык сактоо уюмуна кайрылып, медициналык кызматкерден бекер медициналык кеңеш алса болот. Аталган бир айлык "Кыргызстандагы жугуштуу эмес ооруларды эффективдүү башкаруу жана... Читать дальше...

25-мартта "Кумтөр" ишканасы 2021-жылдагы ишинин отчётун жарыялап, былтыр кенден 251 млн. доллардан ашуун таза киреше алынганын айтты. Ошол эле күнү Министрлер кабинети “канадалык Centerra Gold компаниясы менен кыргыз тараптын ортосундагы өз ара дооматтарды жөнгө салуу боюнча чаралар жөнүндө” токтомун чыгарды. Документте эки тараптын келишиминин мазмуну бекитилип, өкмөт башчы Акылбек Жапаровго кол коюу укугу берилген. “Кумтөр" ишканасынын 25-мартта жарыялаган отчётунда 2021-жылы алтын сатуудан түшкөн жалпы киреше 856 млн. Читать дальше...