Новости за 04.03.2022

Пакистандын Пешавар шаарындагы шииттердин мечитинде  4-мартта болгон жардыруу үчүн жоопкерчиликти «Ислам мамлекети» террордук тобу өз мойнуна алды. Аталган топ жарыяган билдирүүдө жанкечтинин жардыруусунан кеминде элүү киши мерт болуп, 200дөн ашууну жаракат алганы белгиленген. Пакистандын полициясы буга чейин кандуу калаба 56 адамдын өмүрүн алып, жүздөгөн адам жарадар болгонун билдирген. Маалыматка ылайык, эки жанкечти мечитте жума намазы окулуп жатканда алгач туш келди ок чыгарып, андан кийин өздөрүн жардырып жиберишкен. Читать дальше...

Орусиянын Роскомнадзор мамлекеттик мекемеси Facebook социалдык түйүнү бөгөттөлгөнүн расмий кабарлады. Аталган тармакка орусиялык жарандар 4-марттын таңынан баштап кире албай жатышкан, бирок анын жабылганы расмий маалымдала элек болчу. Facebook социалдык түйүнүнө ээлик кылган Meta компаниясы азырынча муну комментарийлек элек. Көзөмөл органдын маалыматына ылайык, сайтты бөгөттөөгө Facebook компаниясынын Орусияга таандык 26 жалпыга маалымдоо каражаттарынын баракчаларын жапканы себеп болгон. Мурдараак... Читать дальше...

Орусиянын Федерациялык Кеңешинин депутаты Людмила Нарусова 4-мартта палатанын жыйында орус аскерлеринин Украинадагы жоготуулары жөнүндө маселе көтөрдү. Ал согуштук аракеттерге аскерде милдеттүү кызмат өтөөгө чакырылгандар да тартылганын белгилеп, алар менен мажбур түрдө келишим түзүлүп жибергенин билдирди. “Кечээ салгылаш жүрүп жаткан зоналардан милдеттүү кызмат өтөгөндөр чыгарылыптыр. Аларды келишимге кол коюуга мажбурлашыптыр же алар үчүн өздөрү эле кол коюп салышыптыр. Бирок жыйынтыгында 100... Читать дальше...

АКШнын Жогорку соту Бостондогу теракт үчүн айыпталган Жохар Царнаевди кайрадан өлүм жазасына өкүм кылды. Мындай чечим 4-марттагы сот отурумунда чыгарылган. Чечен улутундагы Царнаев 27 жашта, Кыргызстанда туулган. 2013-жылдын апрелинде Бостон марафону учурунда 3 кишинин өмүрүн алган, жүздөгөн кишини жарадар кылган теракт үчүн 2015-жылы айыптуу деп табылган. Агасы Тамерлан жардыруу болгондон кийин полиция менен атышууда окко учкан. Сот арачылары Жохар Царнаевди 30 беренеден турган бардык айыптар боюнча күнөөлүү деп таап... Читать дальше...

Орусия басып кирген 24-февралдан 4-мартка чейин 1 млн. 200 миңден ашуун адам Украинадан сыртка чыгып кетти. Бул тууралуу Бириккен Улуттар Уюмунун (БУУ) Качкындар иштери боюнча агенттиги кабарлады. Качкындардын көпчүлүк бөлүгүн Польшада жана Молдова кабыл алды. Мындан сырткары Румыния, Венгрия, Словакияга да көп тургундар чыгып кетишкен. Качкындар андан ары башка мамлекеттерге да өтүүдө. Орусиянын президенти Владимир Путиндин "Донбасстагы калкты коргоо" тууралуу билдирүүсүнөн кийин орус аскерлери 24-февралда Украинага басып кирди. Читать дальше...

Орусиянын Мамлекеттик Думасы 4-мартта бир добуштан "Орус армиясы тууралуу фейк маалыматтар" боюнча мыйзамга толуктоолорду кабыл алды. Кылмыш-жазык кодексине кирген жаңы берене боюнча орус армиясы тууралуу жалган же бурмаланган маалыматтарды тараткандар 15 жылга чейин эркинен ажыратылышы мүмкүн. Ал эми кээ бир басылмалардын жана социалдык тармактардын сайттары бөгөттөлүп, ачылбай калды. Орусиянын Мамлекеттик Думасы "орус армиясы жөнүндө фейк маалыматтарды таратуу" тууралуу мыйзамга толуктоо киргизип... Читать дальше...

Орус армиясынын чабуулунан кийин Украинанын Запорожье АЭСинде чыккан өрт өчүрүлдү. УКМК көз карандысыз NEXT TV телеканалын эфирден өчүрүп, анын жетекчиси Таалай Дүйшембиевди “улут аралык кастыкты козутту” деген шек менен 48 саатка камакка алды. Президент Садыр Жапаров укук коргоо органдарынын кызматкерлерине соттордун ишине кийлигишпөөнү эскертти.

Маянанын аздыгына, оор шарттарга карабай, мамлекеттик кызматтарда иштеген жаштар арбын. Жаштарды мамкызматта эмне кармайт? Аларды эмне кызыктырат? "Азаттык+" бул чыгарылышта мамлекеттик кызматтагы жаштарды көрсөтөт.

Улуттук коопсуздук боюнча мамлекеттик комитет 3-мартта NEXT TV телеканалын эфирден өчүрүп, анын жетекчиси Таалай Дүйшембиевди "улут аралык кастыкты козутту" деген шек менен 48 саатка камакка алды. Буга каналдын социалдык түйүндө тараткан маалыматы негиз болду. Каналдын колдоочулары 4-мартта атайын кызматтын алдына нааразылык акция өткөрдү. Медиа эксперттердин айрымдары бул сөз эркиндигине болгон кысым десе, кээ бирлери жалпыга маалымдоо каражаттарынын жоопкерчилиги боюнча маселени көтөрүп жатат.

Кыргыз сомунун курсун туруктуу кармоо үчүн Улуттук банк 4-мартта валюта базарына дагы 55,35 миллион доллар чыгарды. Анын 26,80 миллиону накталай сатылганын башкы каржы мекемесинен кабарлашты. 4-мартта коммерциялык банктарда жана менчик акча алмаштыруучу жайларда 1 АКШ долларынын баасы 98 сом 50 тыйынга чейин сатылды. Улуттук банк 5-мартка карата расмий курсту 97 сом 67 тыйын деп белгиледи. Украинадагы согуштан улам орус экономикасы басымга учураган сайын кыргыз сомунун куну дагы төмөндөйт деген кооптонуу айтылып жатат. Читать дальше...

Кыргызстандын тышкы иштер министри Руслан Казакбаев 5-мартта Москвага барып, орус тышкы иштер министри Сергей Лавров менен жолугушат. Бул расмий визит орус тараптын чакыруусу менен уюштурулуп жатканын Москва расмий кабарлады. Орусиянын Тышкы иштер министрлигинин "Фейсбуктагы" баракчасына эки өлкөнүн тышкы иштер министрлери дайыма байланышта экени, Кыргызстан менен Орусиянын ортосунда дипломатиялык алака орнотулганына 20-мартта 30 жыл болору тууралуу маалымат жарыяланды. Кыргызстандын Тышкы иштер министрлигинен бул маалыматты тастыктап... Читать дальше...

НАТО уюмуна мүчө өлкөлөр аскер күчтөрүн жана учактарын Украинага жөнөтпөйт. Бул тууралуу уюмдун баш катчысы Йенс Столтенберг 4-мартта Брюсселде уюмга мүчө мамлекеттердин тышкы иштер министрлеринин олтурумунан кийин билдирди. Ал уюм Орусия менен согушууга умтулбай турганын айтып, эгер НАТО Украинадагы конфликтке түздөн-түз аралашса анда мындай согуштун тобокелчилиги жараларын белгиледи. Столтенберг НАТО Орусияны Украинанын аймагынан аскерлерин тез арада чыгарып кетүүгө жана сүйлөшүүлөрдү баштоого үндөй турганын... Читать дальше...

Next TV телеканалынын кабарчысы Перизат Саитбуркан кызы Улуттук коопсуздук мамлекеттик комитетине (УКМК) суракка чакырылды. Ал 4-мартта кечки саат жетилерде суракка кирип кеткенин, жанында адвокат бар экенин кесиптештери кабарлады. "Азаттык" журналисттин суракка чакырылышынын чоо-жайын азырынча атайын кызматтан тактай алган жок. УКМК Next TV телеканалына "улуттар аралык кастыкты козутту" деген негизде кылмыш иши козголгонун 3-мартта билдирген. Ошол күнү каналдын директору Таалай Дүйшембиев эки суткага камалган. Читать дальше...

Орусиялык S7 Airlines авиакомпаниясы бардык эл аралык каттамдарын, анын ичинде Кыргызстанга болгон учууларын токтотту. Бул тууралуу компаниянын телеграм-каналында кабарланды. “Аткарылбай калган каттамдардын жүргүнчүлөрү авиакомпания кабарлама алышат. S7 Airlines авиакомпаниясынын бардык филиалдарында биздин адистер алар менен иш алып барууда. Алар туристтерге биздин өнөктөш-авиакомпаниялардын каттамдары аркылуу үйүнө кайтуусуна жардамдашууда. Аткарылбай калган эл аралык каттамдардын жүргүнчүлөрү... Читать дальше...

2009-жылы Кыргызстандын 173 мектебинен туш келди иргөө ыкмасы менен тандалган 4986 окуучу биздин өлкөнүн атынан PISA сынагына – Экономикалык кызматташуу жана өнүгүү уюму (Organization for Economic Development and Cooperation – OECD) өткөрүп [1] келаткан Окуучулардын деңгээлин эл аралык мааниде баалоо программасына (Program for International Student Assessment – PISA) катышты. Ар үч жылда PISA ар кайсы өлкөлөрдүн 15 жаштагы окуучуларынын математика, так илимдер жана окуу боюнча билимдерин турмуштук... Читать дальше...

Травматология жана ортопедия илимий борбору Клиникалык тез жардам ооруканасы болуп Юстиция министрлигинен кайра каттоодон өттү. Бул тууралуу Саламаттык сактоо министрлиги билдирди. Оорукананын башкы дарыгери Памир Муратов укуктук маселелер чечилип, кийинки кадам жаңы бөлүмдөрдү ачуу экенин белгиледи. "Кардиология, неврология жана башкалар. Учурда Саламаттык сактоо министрлиги жана милдеттүү камсыздандыруу фонду менен биргеликте каржылоого байланышкан маселелердин үстүндө иштеп жатабыз. Жакынкы... Читать дальше...

Орусиянын авиациялык күчтөрүнүн соккуларынан Украинанын Чернигов шаарында каза болгон жайкын тургундардын саны 47 адамга жетти. Бул тууралуу Чернигов облустук администрациясынын басма сөз кызматы кабарлады. Жергиликтүү бийликтер кабарлагандай, орус учактары турак жайларды да аткылап жатышат. Орусиянын бийлиги согуштук аракеттер башталгандан бери Украинанын аскердик объектилери гана аткыланып жатканын, турак жайларга кол салынбай турганын маалымдап келет. Бирок алардын октору, ракеталары жана... Читать дальше...

Кыргызстандагы бал аарычылык жөнүндө мыйзам долбоору иштелип чыкты. Бул тууралуу Айыл чарба министрлигинин басма сөз кызматы билдирди. Маалыматта мыйзам аарычылык ишин жүзөгө ашыруунун, бал аарыларын коргоонун жана көбөйтүүнүн, аары чарбасынын өндүрүмдүүлүгүн жогорулатуу үчүн шарттарды түзүүнүн жана балчылыкты интенсивдүү өнүктүрүүнүн укуктук негиздерин белгилери айтылган. "Аары чарбасы жөнүндө" мыйзам долбоору 5 бөлүмдөн жана 24 беренеден турат. Анда балчылык иштин негизги эрежелерин, бал аарычылыктын... Читать дальше...

Украинанын Коргоо министрлиги 4-мартка карата орус армиясынын жоготуулары 9 166 жоокерди түзөрүн маалымдады. Мунун ичинде өлгөндөр, колго түшкөндөр, жарадарлар кошо саналып жатат. Мекеме жаңы маалыматында, Орусиянын 33 учагы, 37 тик учагы, 251 танкы, 939 чопкутталган транспорту, 404 автоунаасы, 105 артиллериялык системасы, 74 замбиреги (пушка), 1 “Бук” зениттик-ракеталык комплекси, 50 ракета атуучу системасы, 60 цистернасы, үч учуучу аппараты, эки кемеси, беш абадан коргонуу системасы жок кылынганын кабарлады. Читать дальше...

Оштун Кара-Суу районундагы Нариман айылдык кеңешинин депутаты мыйзамсыз жер сатуу фактысына шектүү катары кармалды. Аны менен кошо Нариман айыл өкмөтүнүн юристи жана Суу пайдалануучулар ассоциациясынын жетекчиси колго түшкөнүн Улуттук коопсуздук мамлекеттик комитетинин басма сөз кызматы 4-мартта кабарлады. Алар жер тилкелерин жең ичинен сатуу боюнча сотко чейинки өндүрүштүн алкагында кармалган. УКМКнын маалыматына караганда, алар туруктуу коррупциялык схема түзүп документтерди мыйзамсыз бүтүрүп, айыл чарба багытындагы жерлерди сатышкан. Читать дальше...

Пакистандын бийлиги 4-мартта Пешавар шаарындагы мечиттеги теракттан кеминде 30 киши каза болуп, 50дөй адам жаракат алганын кабарлады. Пешавар шаарындагы оорукананын өкүлү Мухаммад Асим жаракат алгандардын абалы оорлору көп экенин белгилеп, курмандыктар дагы өсүшү мүмкүндүгүн маалымдады. Расмий маалыматта айтылгандай, эки жанкечти-террорчу мечитке киргенге чейин полиция кызматкерлерин аткылашкан. Алардын бирин өлтүрүп, андан соң намаз учурунда мечитте өздөрүн жардырып жиберишкен. Чабуулга эч бир топ жоопкерчилик ала элек. Читать дальше...

4-мартта Кыргызстандык коммерциялык банктарда жана менчик акча алмаштыруучу жайларда 1 АКШ доллары 98 сом 50 тыйынга чейин сатылууда. Улуттук банк 5-мартка карата расмий курсту 97 сом 67 тыйын деп белгиледи. Украинадагы согуштан улам орус экономикасы басымга учураган сайын кыргыз сомунун куну дагы төмөндөйт деген кооптонуу айтылып жатат. 25-февралга чейин 1 доллардын наркы 85 сомдун тегерегинде болгон. Улуттук банк жыл башынан бери сомдун курсун туруктуу кармоо үчүн үч жолу интервенция жасап, 169 млн. Читать дальше...

Жогорку соттун төрагасы Замирбек Базарбеков судьяларга кайрылып, отурумдардагы түрдүү тыюу салууларды токтотууга чакырды. Мындай пикирин 4-мартта судьялардын курултайында айтты: "Иштерди эч себеби жок эле жабык кароону, видеожазууларды жүргүзүүгө тыюу салууну токтоткула. Жалпыга маалымдоо каражаттары менен байланышты чыңдап, өркүндөтүү өтө маанилүү. Сотторду өз учурунда калыс жана туура маалымат берүүгө үндөйм". Базарбеков бул талап сот адилеттигинин ачыктыгын камсыздоо боюнча мыйзамдын талабы экенин белгиледи. Читать дальше...

NEXT TV телеканалынын колдоочулары Улуттук коопсуздук комитетинин (УКМК) алдына митингге чыкты. Чогулгандар телеканалдын директору Таалай Дүйшембиевди бошотууну, козголгон кылмыш ишин токтотууну, эфири токтотулган каналдын ишин калыбына келтирүүнү талап кылышууда. Телеканалдын негиздөөчүсү, саясатчы Равшан Жээнбеков телеканалга козголгон кылмыш ишин саясий буйрук деп атады. "Мен ойлойм бул ишти президент кылган жок, бул ишти Ташиев кылып жатат, УКМК кылып жатат. Анткени эки айдан бери артымдан аңдышып, камайбыз деп даярданып жүрүшөт. Читать дальше...

Президент Садыр Жапаров күч органдарынын кызматкерлерин соттордун ишине кийлигишпөөгө чакырды. Мындай пикирин 4-мартта судьялардын курултайында айтты: "Башкы прокуратуранын, Улуттук коопсуздук боюнча мамлекеттик комитеттин, Ички иштер министрлигинин кызматкерлерине кайрылам, соттордун ишине кийлигишип, судьяларга кысым көрсөтүп, өзүңөргө керектүү иштерди өткөрүү тажрыйбаңарды токтоткула! Бул менин сиздерге катуу эскертүүм болсун!". Президент жүрүм-туруму шек жараткан, мыйзамга каршы келген чечим... Читать дальше...