Новости за 09.03.2022

Орусиянын Борбордук банкы коммерциялык банктарга накталай рублге чет элдик валюталарды сатууга тыюу салды. Бул тууралуу аталган мекеменин билдирүүсүндө айтылды. Башкы каржы көзөмөл мекемеси киргизген чектөөлөргө ылайык, Орусиянын жашоочулары башка валюталык эсеп ачып, доллар, евро же башка акча сала алат. Бирок андан кайра акча алса рубл менен гана акча алууга мүмкүнчүлүгү болот. Валютаны рублга чектөөсүз алмаштыра алат. Мурдагы банктын эсебинен 10 миң долларга чейин гана акчаны чыгара алат. Калган сумма рубл менен гана берилет. Читать дальше...

Жамааттык коопсуздук боюнча келишим уюмунун (ЖККУ) жобосуна киргизилчү өзгөртүүлөр дале иштелип жатканына карабай, Украинадагы согуш уюмдун алкагында Орусия эмне каалап жатканын көрсөттү. Жаңы өзгөртүүлөрдө “координациялоочу мамлекет” же “көзөлдөөчү мамлекет” деген түшүнүк киргизилгени турат. Орусиялыктарча ратификация 3-мартта Орусиянын президенти Владимир Путин ЖККУнун Бейпилдик орнотуу ишмердиги жөнүндө макулдашуусун ратификациялоо үчүн Мамлекеттик Думага жөнөттү. Киргизилип жаткан өзгөртүүлөргө ылайык... Читать дальше...

Кыргызгидромет борбору эртең, 10-мартта бардык аймактарда жаан-чачын болорун кабарлады. Тоолуу райондорго кар түшөт. Абанын табы: Чүй өрөөнүндө түнкүсүн 1...6, күндүз 9...14, Ош, Баткен, Жалал-Абад облустарында түнкүсүн 4...9, күндүз 12...17, Талас дубанында түнкүсүн -1...+4, күндүз 6...11, Ысык-Көл жергесинде түнкүсүн -2...+3, күндүз 7...12, Нарын облусунда түнкүсүн 0...-5, күндүз 4...9, Бийик тоолуу райондордо түнкүсүн -10...-15, күндүз 0...-5°. Бишкек шаарында түнкүсүн жана эртең менен жамгыр жаайт. Читать дальше...

Айыл чарба министрлиги 9-мартта Жер кодексине жана “Жайыттар жөнүндө” мыйзамга өзгөртүүлөрдү киргизүү тууралуу” мыйзамдын долбоору тууралуу түшүндүрмө таратты. Анда мыйзам долбоорунун концепциясы жайыттарды сарамжалдуу пайдалануу максатында өздөштүрүүгө берүүгө багытталганы айтылган. Кыргызстанда 9 миллион гектар жайыт бар. Чөп жакшы чыкпаган жайыттар 500 миң гектарга чейин. Министрлик анын 10% бакча катары өздөштүрүлөрүн, бул Кыргызстандагы жемиш бактары тигилген жерден эки эсе көп экендигин айтууда. Читать дальше...

Жогорку Кеңештеги "Бүтүн Кыргызстан" фракциясынын лидери, депутат Адахан Мадумаровдун ишине байланыштуу түзүлгөн комиссия Башкы прокуратуранын аны жоопко тартуу үчүн уруксат берүү сунушун четке какты. Бул тууралуу "Азаттыкка" депутат Исхак Масалиев билдирди. Эми комиссия чечимдин долбоорун Жогорку Кеңештин жалпы жыйынына алып чыгат. "Комиссиянын чечимин Жогорку Кеңешке жөнөтүп жатабыз. Ал жактан кандай чечим кабыл алынат алдын ала айткандан корком", - деди Масалиев. Башкы прокуратура февралда... Читать дальше...

Нарын районунда сууга агып кеткен 9 жаштагы баланы издөө иштери уланууда. Бул тууралуу облустук милициянын басма сөз кызматы билдирди. Маалыматка ылайык, 2013-жылы туулган Темирлан Түмөнбаев 7-мартта Орто-Нура айылынын "Кабак" аймагынан Нарын дарыясынын жээгинде муз тээп жүрүп сууга түшүп кеткен. Чогуу ойноп жаткан классташтары аны куткара албай калган. Учурда Өзгөчө кырдаалдар министрлигинин аймактагы куткаруучулары, райондук милиция, жергиликтүү тургундар менен чогуу үч топко бөлүнүп, издөө иштерин улантууда. Читать дальше...

2022-жылдын 1-октябрынан тартып пенсиянын базалык бөлүгүн 50% чейин көтөрүү пландалууда. Бул тууралуу бүгүн, 9-мартта Жогорку Кеңештин жыйынында Социалдык фонддун төрагасы Бактияр Алиев билдирди. Анын айтымында, пенсиянын базалык бөлүгү азыр 2,5 миң сомду түзөт. Керектөөчү минимум бир айга бир кишиге 6200 сом деп эсептелген. 2020-жылдан бери азык-түлүктүн баасы бир нече эсе жогорулады.  Кыргызстанда ушу тапта 713 миң пенсионер бар. (BCh)

Активист Мирлан Ураимовду үй камагына чыгаруу боюнча анын жактоочуларынын өтүнүчүн бүгүн, 9-мартта Бишкек шаардык соту канааттандырды. 9-мартта Бишкек шаардык коллегиалдык соту Мирлан Ураимовдун бөгөт чарасын карады. Жактоочулары анын кармалышы мыйзамсыз экенин айтып жатат. “8-февралда тергөөчү Ураимовду кармап, 378-берене менен айып койгон. Бул берене “жапырт башаламандык” деп айтылат, бирок тергөөчү Ураимовдун кылган иши, жүрүм-турумунда мындай чакырыктар бар экенин түшүндүрө алган жок. Читать дальше...

Бүгүн, 9-мартта Жогорку Кеңештин жыйынында Кумтөрдүн абалы жана "Центерра Голд" менен келишим каралат. Бул тууралуу президенттин парламенттеги ыйгарым укуктуу өкүлү Алмазбек Абытов билдирди. "Кыргыз өкмөтү менен "Центерра Голд" компаниясынын ортосундагы өз ара дооматтарды жөнгө салуу боюнча 4-мартта кабыл алынган токтомду күн тартибине киргизип, бүгүн 14:00дө жабык эшик артында карап берүүңүздөрдү суранабыз".  Абытовдун сунушунун негизинде Кумтөр маселеси жабык карала турган болду. Ал ошондой... Читать дальше...

Бүгүн, 9-мартта Министрлер кабинетинин төрагасынын биринчи орун басары Арзыбек Кожошев баш болгон топ Бишкектеги "Айчүрөк", "Чынар" өңдүү бир катар ири соода борборлорунда соода кылгандар көзөмөл-кассалык аппараттарын (ККМ) кантип колдонуп жатканын текшеришти. Натыйжада, текшерүүгө катышкан Арзыбек Кожошев соода түйүндөрдү басымдуу бөлүгү салык мыйзамын аткарбай, ККМ аппараттарын туура эмес колдонуп же колдонбой жатканын айтты. "Бүгүн биз алдын ала эскертилбеген рейд жүргүздүк. Борбордун чок... Читать дальше...

Хоккей боюнча Кыргызстандын курама командасы дүйнө чемпионатынын 4-дивизионунун алтын байгесин утту. 8-мартта Кыргызстандын курамасы Кувейттен келген хоккейчилерди 14:0 менен утуп, жалпы жыйынтыкта биринчи орунга чыкты.

Саламаттык сактоо министрлигинин 9-марттагы маалыматына караганда, акыркы суткада коронавирустан дагы бир адам көз жумду. Расмий эсепте пандемия башталган туура эки жыл ичинде вирустан каза болгондордун жалпы саны 2969​ адамга жетти. Соңку бир күндө вирус дагы 13 ​адамдан табылды. Өлкөдө оору жуккандардын расмий катталган саны 200 671​.​ Бир күндө 21 ​адам айыгып чыкты. Азыр ооруканада 146 адам жатат, дагы 244 ​бейтап үйүнөн дарыланууда. Жалпы айыккандардын саны 195 734 киши. (BCh)

Кыргызстандын хоккей боюнча улуттук курама командасы IV дивизиондогу дүйнө чемпионатында жеңүүчү болду. Дене тарбия жана спорт департаментинин маалыматына караганда, 8-мартта борбор калаадагы "Бишкек-Арена" спорт комплексинде мелдештин акыркы турунда Кыргызстан Кувейт командасын 14:0 эсебинде жеңип, аталган дивизиондун чемпиону болду. Буга чейин кыргыз хоккейчилери Иранды 13:1, Малайзияны 22:1 жана Сингапурду 15:0 эсебинде жеңген. Чемпионаттын жыйынтыгы менен Кыргызстан хоккей боюнча III дивизиондогу дүйнө чемпионатына жолдомо алды. Читать дальше...

Активист Мирлан Ураимовду колдогон акция бүгүн, 9-мартта Бишкек шаардык сотунун алдында өтүп жатат. Ураимовдун партиялаштары, тарапташтары жана туугандары соттун алдына чогулуп, аны кое берүү талабын айтышууда. Улуттук коопсуздук боюнча мамлекеттик комитет Ураимовду 8-февралда Кылмыш-жаза кодексинин “Бийликти күч менен басып алууга ачык чакырык” беренеси менен айыптап кармаган. Атайын кызмат тараткан маалыматка ылайык, ал ушул беренеде каралган кылмыштын белгилери бар материалдарды социалдык... Читать дальше...

9-мартка карата Украинада 100дөй кыргызстандык бар. Тышкы иштер министрлиги аларды коопсуз жакка көчүрүү ишин улантууда. Бул тууралуу аталган мекеменин басма сөз кызматы кабарлады. Украинадан коопсуз өлкөлөргө көчүрүлгөн кыргызстандык жарандарды мекенине кайтаруу үчүн Тышкы иштер министрлигинин кызматкерлери Польшага кетти. Консулдук кызматтын дипломаттары Польшадагы убактылуу баш калка жайларына жайгашкан кыргызстандыктардын абалы, тамак-аш менен камсыз болушун көзөмөлдөп, аларды Кыргызстанга алып келүүнү сүйлөшөт. Читать дальше...

АКШ президенти Байден Орусиядан мунай-газ жана көмүрдү импорттоого толук тыюу салганын жарыялады. Буга чейин АКШ, Франция, Германия жана Британиянын лидерлери Орусияны Украинага кол салганы үчүн жазалоону макулдашкан. Бирок орус мунай-газына каршы эмбарго кабыл алууда баарынын позициясы бир кылка эмес. АКШнын Европадагы айрым өнөктөштөрү буга азырынча кошулбай турган болушту. Вашингтон энергетикалык эмбарго жарыялады АКШда мыйзам чыгаруучулар тобу Орусия жана Беларус менен “туруктуу соода... Читать дальше...

Украинанын президенти Владимир Зеленский Америка Кошмо Штаттарынын президенти Жо Байденге орус мунайын импорттоого тыюу салган чечими үчүн ыраазычылык билдирип, бул кадам дүйнөгө таасирдүү белги болот деп эсептерин айтты. "Жеке өзүмдүн атыман АКШнын президенти Байденге ыраазычылык айтам. Бул анын лидерлик сапаты. Мунайдын импортун тыюу - дүйнөгө күчтүү белги. Себеби Орусияга мунай үчүн берилген ар бир цент ок менен бомбага айланып, көз карандысыз башка өлкөлөргө бүлүк салууда", - деди Зеленский шейшембидеги видео кайрылуусунда. Читать дальше...

Орусиянын Украинага кол салганына эки аптадан ашты. Бомбалоо жана аткылоо ондогон шаарларда дале уланууда. Бул согушка байланыштуу Батыш өлкөлөрү Орусияга салган санкцияларын кеңейтти, Москва ага жооп-чараларды кабыл алды. Натыйжада экономикалык кесепеттер АКШ менен Европада дагы, Орусияда дагы сезилди. Бирок эксперттер бул болгону кризистин башталышы экенин эскертишүүдө. Өзгөчө Орусия жана ага тыгыз байланышкан өлкөлөр мурда болуп көрбөгөн көйгөйлөргө кабылышы мүмкүн. “Элдик экономика” түрмөгүндө... Читать дальше...

Татьяна Перебейнос Киевден 20 чакырым турган Ирпен шаарында IT-стартапта иштечү. Ал тестиер уулу жана 10 жаштагы кызы менен шаардан чыгып баратканда орус армиясынын аткылоосуна кабылган. Ирпенден эвакуацияланып жаткандарга минометтон ок атылган. Татьянанын үй-бүлөсү бүт набыт болду. Дагы бир кишинин өмүрү кыйылды.