Новости за 05.04.2022

Кыргызстан менен Өзбекстандын чек арасындагы куралдуу чыр-чатакта эки адам көз жумду. Окуя 5-апрелде кечке жуук болгонун Кыргызстандын Улуттук коопсуздук мамлекеттик комитетинин Чек ара кызматы билдирди. Каза болгондордун бири 37, экинчиси 31 жашта. Алар Өзбекстанда туулуп өскөнү, 2012-жылы Кыргызстандын жарандыгын алганы, өзбек паспортун да сактап жүрүшкөнү кабарланды. Баштапкы маалыматтарга ылайык, Жалал-Абад облусунун Аксы районуна караштуу Дейрес айылында бир нече кыргыз жараны атчан Өзбекстандын аймагына жүк алып өтүүгө аракет кылып... Читать дальше...

Президент Садыр Жапаров “Кумтөрдү” өткөрүп алуу кыргыз тарапка пайдалуу шартта ишке ашканын билдирди. Ал “Центерра” менен узакка созулчу соттошуулардан баш тартып, мамлекеттин кызыкчылыгын сактаган макулдашууга жетишилгенин айтты. Талдоочулар муну моралдык утуш катары таанып, бирок кыргыз өкмөтү эми кендеги экологиялык коопсуздук үчүн жоопкерчиликти дагы өзүнө алганын белгилешти. Соттошууларды алдын алган мунаса Президент Садыр Жапаров кайрылуусунда “Центерра” менен талаш-тартыш жөнгө салынып... Читать дальше...

"Ихсан" кооперативи каржылык чыр-чатактар тууралуу түшүндүрмө берди. 5-апрелде "Ютубдагы" IHSAN GROUP LTD деген каналга компаниянын негиздөөчүсү Акинай Бекмурзаеванын видеокайрылуусу жарыяланды. Бекмурзаева компания менен кардарлардын ортосунда өз ара түшүнүшүү бар экенин, ишмердик кадимки нукта уланып, кардарлардын жапырт нааразылыгы жоктугун белгиледи. Турак жай сатып алуучулардын тизмеси камтылган онлайн портал иреттелип жатканын билдирди. Ошондой эле "журналисттер, блогерлер туура эмес маалымат таратып жаткандыктан... Читать дальше...

Кыргыз бийлиги менен Канаданын “Центерра Голд” компаниясынын ортосундагы талаш-тартышты чечкен макулдашууга кол коюлду. Президент Садыр Жапаров кайрылуу жасап, Кыргызстан эң чоң алтын кенине толук ээлик кыларын жарыялады. Өлкө эгемендик алгандан бери чуусу басылбаган кен боюнча келишимдин шарттары кандай? Кыргызстанга толугу менен өткөн Кумтөр кантип иштетилет? Бул суроолорду "Эксперттер талдайт" программасында талкуулайбыз. Талкууга Министрлер кабинетинин төрагасынын орун басары Эдил Байсалов, Жогорку Кеңештин депутаты Акылбек Түмөнбаев... Читать дальше...

Лейлек районундагы Максат айылынын тургуну тамаркасындагы жерин айдай албай жатканын айтып даттанды. Короосундагы жерди айдап баштаганда кошуна тажик айлынын айрым тургундары каршылык көрсөтүп, иш токтогон. Президенттин Баткен облусундагы ыйгарым укуктуу өкүлү маселе сүйлөшүү жолу менен жайгарыларын айтууда. Максат - Баткендин эң четки айылдарынын бири. Айыл тургуну, 48 жаштагы Дастанбек Марипов өзүнө таандык тамаркасына эгин айдай албай жатканын мындайча түшүндүрдү: “Мага кошуна тажикстандыктар... Читать дальше...

2021-жылы Кыргызстанда кыздарды уурдоо жана никеге мажбурлоо боюнча 560 факты катталды. Бул тууралуу 5-апрелде башкы прокурор Курманкул Зулушев билдирди. "Соттун кароосуна 82 иш жиберилип, 460 иш кыскартылды, ал эми 14 иш каралууда, - деди ал. Зулушев Жогорку Кеңештин Конституциялык мыйзамдар, мамлекеттик түзүлүш, сот-укуктук маселелер жана парламенттин регламенти боюнча комитетинин жыйынында көзөмөл органынын ишмердүүлүгү тууралуу маалымат берди. Жыйында депутаттар Айзада Канатбекованын иши... Читать дальше...

3-апрелде Кыргыз Эл акыны Омор Султановдун өмүрдөн өтүшү менен кыргыз адабиятынын бир капталы эңшерилсе, 4-апрелде Кыргыз Эл артисти Марат Алышпаевдин акка моюн сунушу менен кыргыз театр жана кино дүйнөсү оор жоготууга учурады. Атактуу актёр Марат Алышпаев соңку жылдары ооруп жүргөн. 2021-жылы жайында омурткасында шишик пайда болуп операция болгонун "Азаттыкка" курган маегинде билдирген. Ошону менен катар ал 50 жылдык актёрлук карьерасында көксөгөн бардык ролдорду ойной алганын, тагдырына ыраазы экенин кеп кылган... Читать дальше...

Орусияга салынган экономикалык санкциялардан улам Өзбекстандагы инвестициялык долбоорлорду каржылоо үзгүлтүккө учурашы мүмкүн. Бул тууралуу Өзбекстандын Борбордук банкынын төрагасы Мамаризо Нурмуратовго таянып "Азаттыктын" өзбек кызматы жазды.  «Негизги соода өнөктөштөрдүн улуттук валюталарынын куну качканы, сумдун да кыска мөөнөттүү девальвациясына алып келүүдө», - деген банкир АКШ доллары менен акча которуулар азайганын кошумчалады.  Нурмуратовдун айтымында, Өзбекстан импорттогон товарлардын... Читать дальше...

Улуттук коопсуздук боюнча мамлекеттик комитет (УКМК) 183 мамлекеттик кызматкердин диплому жасалма экени аныкталганын айтты.  УКМК тараткан маалыматка ылайык, тизмеде Жогорку Кеңештин 3 депутаты, 1 министр, 2 судья, ички иштер органдарынын 15 кызматкери, билим берүү тармагында эмгектенген 40 кызматкер, Президенттин облустагы ыйгарым укуктуу 1 өкүлү, 2 мэр жана вице-мэрлер бар деп билдирди. Тизмеде ошондой эле өлкөдөгү ведомстволордо жана муниципалдык кызматтарда бир нече жыл иштеген адистердин да жасалма диплому бар экени жазылган. Читать дальше...

Ошто мыйзамсыз маңзат соодасына байланыштуу милиция кызматкерлери кармалган бир күндө эки окуя катталды. Атайын кызмат 4-апрелде Ош шаардык, ага удаа эле Ички иштер министрлиги (ИИМ) облустук милициянын кызматкерлери колго түшкөнүн билдирди. Бул окуялар ички иштер органдарында иштегендер маңзат соодасына аралашканы тууралуу талкууга жем таштады. Атайын кызмат Ош шаардык ички иштер башкармалыгынын кызматкери, милициянын полковниги менен старшинасы 1-апрелден 2-апрелге караган түнү кармалганын билдирди. Читать дальше...

Кыргызстан эгемендик алгандан бери үчүнчү ирет эл жана турак жай каттоо жүрүүдө. Ош жана Бишкек шаарларында эл каттоо өнөктүгү 3-апрелде жыйынтыкталды. Статистика комитети ырастагандай, 4-6-апрелинде толуктоо иштери болот. Ал эми өлкөнүн алыскы аймактарында эл каттоо 23-апрелден 2-майга чейин өткөрүлөт. Эл каттоонун жүрүшү Ири шаарларда эл каттоонун биринчи этабы 3-апрелде аяктаганы менен айрымдар ага катышпай калганын айтууда. Алардын бири 47 жаштагы Жумамидин мындан он жыл мурун Баткенден үй-бүлөсү менен келип, Бишкекке отурукташып калган.

Кыргызстанда 2021-жылы 10 151 үй-бүлөлүк зомбулук фактысы катталды. Бул тууралуу башкы прокурор Курманкул Зулушев 5-апрелде парламенттеги жыйында айтып, балдарды, аялдарды, майыптыгы бар кишилерди жана улгайган адамдарды үй-бүлөлүк зомбулуктан коргоо өлкөнүн актуалдуу маселеси бойдон калып жатканын билдирди. "Тактап айтканда, 9038 аял, 311 эркек жабыр тарткан. Алардын 264ү балдар. Зомбулукка кабылган балдардын 140ы эркек, 124ү кыздар",- деди Зулушев. Зомбулук фактыларынын арасынан сегиз миңден ашууну сотко чейинки өндүрүшкө алынган. Читать дальше...

Бишкектин Биринчи май райондук соту 5-апрелде Октябрь окуялары боюнча ишти кароону улантты. Бул ирет да айыпталуучулардын бири, мурдагы президент Алмазбек Атамбаев мажбурлап алып келинди. Бул тууралуу Социал-демократтар партиясынын лидери Темирлан Султанбеков “Азаттыкка” билдирди. Анын айтымында, Атамбаевдин абалы начарлаганын жубайы Раиса Атамбаева байкап, "Тез жардам" чакыртылды.  Султанбеков Жаза аткаруу кызматы “Тез жардамды” күтпөй эле Атамбаевди кайра абакка алып кеткенин кошумчалады. ... Читать дальше...

Бишкектин мэриясы шаарды өнүктүрүүгө байланыштуу эки стратегиялык документти иштеп чыгууда. Бул тууралуу аталган мекеменин басма сөз кызматы кабарлады. Программада  баш калааны жашыл жана жагымдуу чөйрөсү бар заманбап шаарга айлантуу каралган. Мындан сырткары капиталды жана туристтерди тартуу борбору катары өнүктүрүү милдети турат. Программа эксперттик коомчулуктун, Бишкек шаардык кеңештин депутаттарынын жана эл аралык уюмдардын катышуусунда алкууланды. Мэриянын басма сөз кызматы муну менен... Читать дальше...

Бүгүн, 5-мартта Таласта "Апрель Элдик революциясы: себептери, сабактары жана тарыхый мааниси" аттуу илимий-практикалык жыйын өтүп жатат. Ага ыңкылаптын катышуучулары жана коомдук уюмдардын өкүлдөрү чакырылган. Анда жогорку жана орто окуу жайлардын мугалимдери революциянын себептери жана тарыхий мааниси тууралуу илимий докладдарды окушту. Иш-чаранын соңунда Апрель революциясы тууралуу так маалыматтарды окуу жайлардын программасына киргизүү боюнча резолюция кабыл алынат. Иш-чараны шаардык мэрия... Читать дальше...

Бишкекте 2021-жылы уурдалып, киши колдуу болгон Айзада Канатбекованын өлүмүнө байланыштуу укук коргоо органдарына чара көрүү маселеси парламентте көтөрүлдү. 5-апрелдеги жыйында депутат Жанарбек Акаев Айзаданы зөөкүрлөрдүн колунан куткарууга аракет жасабаган милиция кызматкерлери ошол маалда кызматтан алынып, кийин кайра жумушка орношконун сындады. Депутат муну маркумдун апасы Назгүл Шакенованын "Азаттык" радиосуна сүйлөп берген сөздөрүнө таянуу менен айтты. Жыйынга катышкан  ички иштер министринин... Читать дальше...

Башкы прокурор Курманкул Зулушев прокуратура мугалимдердин дипломун текшерүү менен алектенбегенин билдирди. Бул тууралуу 5-апрелде парламенттин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин регламенти комитетинин жыйынына катышкан учурда айтты. Анын алдында депутат Жанарбек Акаев айылдарда мектеп мугалимдери диплом текшерүү шылтоосу менен район борборуна - прокуратурага чакыртылып жатканын айтып, мындай жорукту токтотуу керектигин белгилеген. "Кочкордо... Читать дальше...

Пхеньян согушка каршы, бирок Түштүк Корея чабуул койсо, алардын армиясын “жок кылуу” үчүн өзөктүк куралды колдонушу мүмкүн. Бул тууралуу Түндүк Кореянын лидери Ким Чен Ындын өлкөдө таасирдүү саналган карындашы 5-апрелде билдирди. Ким Ё Чжондун бул сөздөрүн мамлекеттик медиа мисал келтирген. Үч күндүн ичинде ал ушуну менен экинчи жолу Түштүк Кореянын коргоо министринин комментарийине каардуу эскертүү жасап жатат. Со Ук 1-апрелде алардын армиясында “Түндүк Кореядагы буталарга тез жана таамай тийүүгө... Читать дальше...

Ошто турак үйдүн дубалы урап, 75 жаштагы тургунду басып калган. Кырсык 5-апрелге караган түнү катталды. Өзгөчө кырдаалдар министрлигинен маалымдашкандай, пенсионер жакындары менен байланышка чыкпай, үйүнө келгендерге эшик ачкан эмес. Куткаруучулар каалганы бузуп кирген кезде үйдүн бир жак капталындагы ички дубалы урап, ээсин басып калганын аныкташкан. Каза болгон эркек кишинин сөөгү урандылардын астынан чыгарылып, милицияга өткөрүлдү. Милиция окуянын чоо-жайын аныктап жатат. 26-мартта Бишкекте курулуштун дубалы урап... Читать дальше...

Пакистандын Жогорку соту премьер-министр Имран Ханды кызматтан кетирүү аракетине тоскоолдук түзүүнүн мыйзамдуулугун кароону улантмакчы. Өкмөт башчы парламентте көпчүлүктөн ажырагандан кийин оппозиция ага ишеним көрсөтпөө маселесин 3-апрелде колго салмак. Бирок Улуттук ассамблеянын вице-спикери, башкаруудагы партиянын мүчөсү сунушту четке кагып, аны Конституцияга каршы келген кадам, чет өлкөлөрдүн кутуму деп атаган. Ошондон кийин Бириккен оппозиция Жогорку сотко арыз жолдогон. 220 миллион калктуу... Читать дальше...

Казакстанда январь окуяларынан кийин козголгон иштер боюнча 152 киши соттолуп, алардын 17си эркинен ажыратылды. Бул тууралуу 4-апрелдеги брифингде Башкы прокуратуранын өкүлү Элдос Кылымжанов билдирди. Анда “курал-жаракты уурдоо, сактоо өңдүү оор кылмыштарды жасагандар, буга чейин соттолуп, жаза мөөнөтүн өтөп бүтө электер” кесилди. Кылымжановдун айтымында, жалпы 262 иш козголгон. Алардын ичинен 44 "террордук аракет", 47 "массалык баш аламандык" боюнча иштер. Азыр 733 киши кармоочу жайларда отурат. Читать дальше...

Кумтөр алтын кени боюнча юридикалык маселелердин бардыгы апрель-май айларында жөнгө салынып, кыргыз алтынын дүйнөгө сатууга жол ачылат. Бул тууралуу Министрлер кабинетинин төрагасы Акылбек Жапаров "Азаттык" радиосуна курган маегинде билдирди. Анын айтымында, бул үчүн саясий маселелер аягына чыгышы керек. "Апрель-май айынын ичинде юридикалык маселелердин баары жөнгө салынышы абзел. Алтынды эл аралык биржаларга сата турган LBMA деген белги болот. Аны дагы толугу менен чечкенбиз. Азыр саясий маселелер... Читать дальше...

"Ихсан групп ЛТД" турак жай кооперативине 2021-жылы кылмыш иши козголгон. Иш Кылмыш-жаза кодексинин "Алдамчылык" беренеси менен тергелип жатканын Ички иштер министрлигинин басма сөз кызматы билдирди. Сотко чейинки өндүрүштү министрликтин Тергөө кызматы жүргүзүп жатат. “Ихсандын” мүчөлөрү 4-апрелде ишкананын Бишкектеги кеңсесине чогулуп, нааразылык билдиришкен. Алар үй алууга акча берип, бирок турак жай  албай калганын билдирип, акчаны кайтарып берүүнү талап кылган. Кооперативдин өкүлдөрү нааразылык тууралуу комментарий бере элек. Читать дальше...

“Коопсуз шаар” долбоорунун алкагында эки кылмыш иши тергелип жатат. Бул тууралуу 5-апрелде Жогорку Кеңештин Транспорт, коммуникациялар, архитектура жана курулуш боюнча комитетинин жыйынында маалымдалды. Санариптик өнүктүрүү министри Талантбек Имановдун баяндамасынын алдында президенттин өкүлчүлүгү жүргүзүлүп жаткан тергөө иш-чараларына байланыштуу маселени жабык эшик артында талкуулоону сунуштаганы айтылды. Аталган комитеттин төрагасы Бактыбек Сыдыков эки кылмыш иши жүрүп жатканын билдирди. Читать дальше...

Эл аралык санкцияларга кабылган Орусиянын ЕАЭБ ичинде жана союздаштары менен сооданы рубль менен жүгүртүү сунушу ара жолдо турат. Москва рубль зонасын түзүүгө киришип, ЕАЭБ ичинде бажы төлөмдөрү рубль менен бөлүнөт дегенин Казакстан жокко чыгарып, бул азыр Орусия менен Беларуска гана тиешелүү экенин айтты. Орусиянын калган өнөктөштөрү толук макулдук бере элек. Орусиянын экономика министри Максим Решетников жакында ЕАЭБге кирген өлкөлөр бирдиктүү рубль мейкиндигин түзүүгө кирише баштаганын жарыялаган. Читать дальше...