Новости за 09.04.2022

Европа тышкы байланыш кызматынын Чыгыш Европа, Борбор Азия боюнча директорунун орун басары Люк Пьер Девин Бишкекте өкмөттүн өкүлдөрү менен жолугуп, эки тараптуу кызматташтыкты талкуулады. Ал Европанын Кыргызстанга карата мындан аркы саясаты, Орусияга болгон санкциялардын Кыргызстанга таасири тууралуу "Азаттыкка" маек курду.

Кыргызстанда былтыр жыл аягында күчүнө кирген жаңы кодекстерге ылайык, гумандаштыруу жараянынын алкагында абакта отурган жарандардын иши кайра каралып жатат. Юстиция министрлиги мындан улам февраль айында соттолуучуларга юридикалык жардам көрсөтүү долбоорун Чүйдүн Степное айылындагы аялдар абагынан баштаган.

Лейлек районундагы Жаңы-Жер айыл өкмөтүнүн тургундары камактагы мурдагы жана азыркы айыл өкмөт башчылары Саатбек Эгембердиев менен Бекжан Жалиловго байланыштуу президентке жана Улуттук коопсуздук мамлекеттик комитетинин башчысына кайрылуу жолдоду. Анда камалган Эгембердиев менен Жалилов Баткен облусунун прокурорунун коррупциялык иштерге байланышы бар экенин айтып чыкканы үчүн куугунтукка кабылганын билдиришкен. Прокурорлор тарабынан аларга 1 млн. 20 миң сом зыян келтирген деген кине коюлганына карабай... Читать дальше...

Ат-Башы районундагы Ак-Сай өрөөнүнө барчу Кында ашуусу жабык турганына байланыштуу кыштоодогу малчылар менен эки жумадан бери байланышууга мүмкүн болбой жатат. Бул тууралуу район тургуну Бектурган Асанов "Азаттык" радиосуна билдирди. Атбашылыктар Өзгөчө кырдаалдар министрлигинен жана облустук бийликтен жардам сурап кайрылышты. “Мен бир ай мурда жумуштап район борборуна келгем. Кайра кетейин деп камынып жатканда жол жыбылып калды. Үй-бүлөм ошол жакта. Кат-кабар жок. Тамак-ашы түгөндү. Жете албай жатам”, - дейт Асанов. Читать дальше...

Президент Садыр Жапаров "Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндө" жарлыкка кол койду.  Президенттин расмий сайтына жарыялангандай, жер басып алууга жол бербөө үчүн бийлик органдарына бир катар тапшырмалар берилди. "Соңку жылдары бийлик органдары жер басып алууга каршы чараларды көргөнүнө карабастан, айыл чарба багытындагы жерлерди өзүм билемдик менен ээлеп алуу, жер тилесин көчөнүн, бак-дарак тигилген жерлердин, үйлөргө жанаша... Читать дальше...

10-апрелде түнкүсүн көпчүлүк аймакта жаан жаап, тоолуу райондорго кар түшөт. Ашууларда, тоолуу капчыгайларда кар көчкү түшүү коркунучу бар. Түштүк-батыштан жел согуп турат. Абанын температурасы: Чүй өрөөнүндө түнкүсүн 7…12°, күндүз 22…27° Таласта түнкүсүн 6…11°, күндүз 21…26° Баткен, Ош, Жалал-Абад дубандарында түнү 10…15° күндүз 25…30° Ысык-Көл облусунда түнкүсүн 7…12°, күндүз 17…22° Нарындын дыйканчылык аймактарында түнкүсүн 2…7°, күндүз 17…22° Бийик тоолуу аймактарда түнкүсүн -2…-7°... Читать дальше...

Айтылуу түрк жазуучусу Азиз Несин - азан чакырылган аты Мехмет Нусрет жамы дуйнөгө курч сатиралык чыгармалары аркылуу белгилүү. Анын бир топ чыгармалары кыргыз тилине которулган. Бул ирет жазуучунун “Кайсы партия шайлоодо жеңет?” аңгемеси тууралуу кеп кылмакчыбыз. Азиз Несиндин азан чакырган аты-жөнү Мехмет Нусрет, 1915-жылы төрөлүп, 1995-жылы дүйнө салган. Түркияда жарандардын аты-жөнүн ыраатка салуу кезинде Азиз Несин деген атты жактырып, ошондой ысым менен гезиттерге макала жазып, чыгармаларын жарыялап, соңунда адабий ысымына көчүп алган.

Саламаттыкты сактоо министрлиги Кыргызстанда коронавируска каршы эмдөө 20% жете электигин билдирүүдө. Мындай төмөн көрсөткүчкө медиктер арасында өздөрү эмдөөнү толук түшүнбөй, калкка жеткиликтүү маалымат бербей жатканы себеп экени айтылды.  Ушундан улам азыркы тапта дарыгерлер менен медайымдарга эмдөөнүн маанисин калкка жеткиликтүү тилде түшүндүрүү ыкмаларын үйрөткөн семинарлар  өтүп жатат. Бишкектин четиндеги Көлмө жаңы конушунун үй-бүлөлүк дарыгери Акылай Эсенгелдиева коронавирустун вакцинасы... Читать дальше...

Министрлер кабинетинин төрагасынын орун басары Эдил Байсалов Бириккен Улуттар Уюмунун (БУУ) Европа экономикалык комиссиясынын аймактык форумунун жабылышында сүйлөп жатып, Орусиянын эл аралык уюмдарга катышуусун токтотуу аракетине каршы чыкты. Бул тууралуу өкмөттүн сайтында жарыяланды. Байсалов БУУнун аймактык комиссиясынын быйылкы форумуна төрагалык кылды. "Төрага катары мен сиздерди Европа экономикалык комиссиясынын өзгөчө ролун жана мандатын сактап калууга жана коргоого чакыргым келет. Бардык трагедиялуу жагдайларга... Читать дальше...

Бишкек шаарына жүргүнчүлөрдү ташуучу автобустарды сатып алуу маселеси кыска мөөнөттө чечилиши керек. Бул тууралуу Министрлер кабинетинин төрагасы Акылбек Жапаров өкмөттүн кеңешмесинде билдирди. Жапаровдун айтуусунда, Бишкек шаарына жүргүнчүлөрдү ташуучу автобустарды сатып алуу үчүн бюджеттен акча бөлүнгөнү менен маселе чечилбей турат. Мындан улам шаар тургундары кыйынчылык тартып жатканын да айтты.  Бишкек мэриясынын эсебине ылайык, баш калаага 1700 автобус зарыл, азыр каттамга жүзгө жетпегени чыгат. Читать дальше...

Саламаттык сактоо министрлигинин маалыматына ылайык, 9-апрелге карата өлкөдө оору жуккан бир гана расмий учур катталды. Пандемия башталган 2020-жылдын мартынан бери оору жугузгандардын саны 200 970 адамга жетти. Коронавирустан 2991 бейтап каза болду. Өткөн аптанын аягында ооругандар жана көз жумгандар катталган эмес. Ушул тушта ооруканаларда 83төй адам жатат, алардын бешөөнүн абалы өтө оор, дагы 30 бейтап орточо оор абалда. Үйлөрүндө 14 киши дарыланууда.

Жалал-Абад облусундагы Ала-Бука районунун Кош-Терек айылында үч киши сабиз сактаган кампадагы иске ууланып каза болду. Бул тууралуу Өзгөчө кырдаалдар министрлиги 9-апрелде билдирди. Учурда каза болгондордун аты-жөнү, иске уулануу себептери такталып жатканы айтылды. Ушул жылдын башында Ысык-Көл жана Ноокат райондорунда көмүрдүн исине ууланып бир нече адам каза болгон.

Бажы кызматы 2021-жылы планды 96,9 пайызга аткарып, 1 млрд. 498 млн. сом аз жыйнады. Бул тууралуу бажы кызматынын төрагасы Самат Исабековдун 8-апрелдеги жыл жыйынтыгын чыгарган маалымат жыйынында белгилүү болду. 2021-жылдагы пландан артта калуунун негизги бөлүгү алгачкы төрт айда болгон. Ага январь-апрель айларындагы эпидемиологиялык кырдаалга байланыштуу импорттун кыскарышы себеп экени айтылды. Бажы кызматы 2021-жылы жалпысынан 46 млрд. 886,5 млн. сом жыйнаган. 2022-жылы Бажы кызматы 98,5 млрд. Читать дальше...

Кыргызстандын бийлиги өлкөдөгү эң чоң алтын кени – Кумтөрдү дээрлик 25 жылдан кийин гана өз колуна алды. Өкмөт мындан ары ири кендерди өзү иштетүүнү мерчемдеп жатат. Кыргызстанда тоо-кенден башка тармактарда, энергетикада, транспорттук-логистикада, транзиттик кызмат көрсөтүүдө даяр долбоорлору бар. Анын ичинде эл аралык темир жол, газ куурлары, электр линиялары, гидроэлектрстанциялар жана башка курулуштар пландалган. “Элдик экономика” түрмөгүндө бул жолу Кыргызстандын экономикасын өргө тартчу улуттук долбоорлор жөнүндө баяндайбыз. Читать дальше...

Кыргыз-казак чек арасында баңгизаттын ири партиясы кармалды. Бул тууралуу Улуттук коопсуздук комитетинин (УКМК) Чек ара кызматы билдирди. Баңгизат 9-апрелде "Кең-Булуң автожол" көзөмөл өткөрүү жайынан Кыргызстандын 1984-жылы туулган С.Ж., аттуу жараны башкарган DAF XF510 үлгүсүндөгү унааны текшерүү учурунда табылган. Алдын ала маалыматтар боюнча, баңгизаттын жалпы салмагы 23 килограмм 500 граммды түзөт. Баңгизат жана кармалган айдоочу тиешелүү органдарга өткөрүлүп берилген. Буга чейин 4-апрелде... Читать дальше...

Кыргызстанда кыз ала качуу өнөкөтү талылуу маселе бойдон калууда. Бир нече ай мурун ишке кирген кодексте ала качууга каршы беренеде да өзгөрүүлөр болгон. “Эже-сиңдилер” берүүсү ушул маселеге арналат.