Новости за 27.04.2022

Казакстан Мажилисинин төрагасы Ерлан Кошанов Баш мыйзамды өзгөртүү боюнча бийлик сунуштаган өзгөртүүлөр кирсе, биринчи президент Нурсултан Назарбаевге кол тийбестик камсыздаган конституциялык мыйзам күчүн жоготорун билдирди. Бул тууралуу ал 27-апрелде журналисттерге комментарий берип жатып айтты. “Бул өзгөртүүлөр Элбашынын макамын, анын артыкчылыктарын жоёт. Конституцияда анын мамлекетти негиздөөчүсү катары тарыхый ролу калат. Эгер ал норма кирсе, биринчи президент тууралуу мыйзам күчүн жоготот”,-деди ал. Читать дальше...

Президент Садыр Жапаров ушул аптада кеңири маек берип, өлкөдөгү талкууга түшкөн маселелер боюнча өз пикирин билдирди. Жапаровдун маеги  президенттик башкарууну жактаган Конституция күчүнө киргенинин бир жылдыгына туш келди. "Эксперттер талдайт" программасында президенттин соңкү билдирүүлөрүн талдайбыз. Көрсөтүүгө президенттин алдындагы башкаруу академиясынын ректору Алмазбек Акматалиев, саясатчы Бектур Асанов, журналист Аскер Сакыбаева жана юрист, активист Канат Мидин уулу катышты.

Кыргызстанда “Коомдук кеңеш” деп аталган уюм түзүлүп, ага элүүдөй саясатчы, коомдук ишмер кирди. Алар тараткан билдирүүдө уюм бийликке да, оппозицияга да жан тартпай турганы, ар кандай маселе боюнча өкмөткө сунуш берери айтылат. “Коомдук кеңеш” деп аталган уюмдун курамында саясатчы Исмаил Исаков, Курманбек Осмонов, Элмира Ибраимова, Жылдызкан Жолдошева, Айданбек Акматов сыяктуу саясий жана коомдук ишмерлер бар. Коомдук кеңештин негиздөөчүлөрдүн бири, саясатчы Исмаил Исаков уюм радикалдуу кадамдарга барбайт дейт. Читать дальше...

Кыргызстандын Акыйкатчысы Атыр Абдрахматова каржы пирамидасынан алдангандар менен жолугуп, абалды талкуулады. 27-апрелдеги жолугушууга 40тан ашык жабыркаган жаран келген. Бул тууралуу Омбудсмен Атыр Абдрахматова “Азаттыкка” кабарлады. Анын айтымында, Акыйкатчы институту каржы пирамидасынын схемасы, аларга бөгөт коюу жана чара көрүү боюнча атайын баяндама даярдайт. Омбудсмен аны Жогорку Кеңешке алып чыгып, каржы пирамидасы миңдеген адамдарды сызга отургузган көйгөйгө айланганын белгилөөнү максат кылууда. Читать дальше...

Кыргызстандын Ички иштер министрлиги (ИИМ) учурда Интернетте орозо айтты майрамдоого, ал күнү мал союуга тыюу салынганы тууралуу тарап жаткан аудиолор жалган экенин маалымдады. “Коомчулукту чындыкка дал келбеген маалыматтарды таратуу менен адаштырбоону эскертебиз. Жалган, чагымчыл маалыматтарды тараткандар Кыргыз Республикасынын мыйзамдарына ылайык жоопко тартыларын эске салабыз”, - деп айтылат билдирүүдө. Милиция кандайдыр бир шектүү маалыматтарды билбей тараткандар да кылмыш жоопкерчилигинен куткарбай турганын кошумчалаган. Читать дальше...

SpaceX компаниясынын "Фалькон-9" ракетасы Эл аралык космостук станциясына миссия менен бараткан экипажды орбитага алып чыкты. АКШнын Флорида штатындагы Канаверал космодромунда ишке ашкан учуруу процессин НАСАнын расмий каналы түз эфирде көрсөтүп турду. Freedom (“Эркиндик”) деген аталыш алган кеменин экипажына НАСАнын астронавттары Челл Линдгрен, Роберт Хайнс, Жессика Уоткинс жана Европа космостук агенттигинин өкүлү, италиялык Саманта Кристофоретти кирди. Алар орбитада алты айга чейин жүрүшөт. ... Читать дальше...

Кыргызстандын Казакстандагы элчиси Дастан Дүйшекеев Нур-Султан шаарынын акими Алтай Кульгинов менен жолугуп, эки тараптуу кызматташтык жана дипломатиялык мамилелердин түзүлгөндүгүнүн 30-жылдыгына карата иш-чараларды талкуулашты. Бул тууралуу Тышкы иштер министрлиги кабарлады. Тараптардын жолугушуусунда Кыргызстандын элчилигинин жаӊы имаратын куруу үчүн жер тилкесин бөлүп берүү маселеси көтөрүлдү. Эки мамлекет ортосундагы дипломатиялык мамилелер 1992-жылдын 15-октябрында түзүлгөн. Эгемендүүлүк... Читать дальше...

Кыргызстандын Балдардын укугун коргоо боюнча ыйгарым укуктуу өкүлү Асел Чынбаева менен Европа Биримдигинин (ЕБ) өкүлчүлүгүнүн делегаттары менен жолугуп, балдардын укугун коргоо жаатында кызматташтык талкууланды. Бул тууралуу президенттин сайтында жазылды. Евробиримдиктин Кыргызстандагы өкүлчүлүгүнүн долбоорлор боюнча жетекчиси Йотам Лерер “Адилеттүүлүк бардыгы үчүн” жана башка программалардын алкагында балдарга ар тараптуу колдоо көрсөтүүгө даяр экендигин белгиледи. ЮНИСЕФтин маалыматына ылайык... Читать дальше...

Орусия баңгизат ташууга шектелип АКШда соттолгон учкуч Константин Ярошенкону Москвада соттолгон, америкалык мурдагы аскер Тревор Ридге алмаштырды. Бул тууралуу 27-апрелде Орусиянын Тышкы иштер министрлиги кабарлады. “Интерфакс” маалымат агенттиги Ярошенконун адвокатына таянып жазгандай, алмашуу үчүнчү өлкөдө өткөн. “РИА Новости” агенттиги үчүнчү өлкө Түркия экенин тактады. Константин Ярошенко 2010-жылы Африканын батышындагы Либерия мамлекетинде америкалык атайын кызматтары тараптан кармалып, АКШга экстрадицияланган. Читать дальше...

Казакстандын экс-президенти Нурсултан Назарбаевдин макамын Баш мыйзамда бекитүү сунушу коңшу өлкөдө кызуу талкууда. Бул сунушту Назарбаев өзү мүчө болгон Конституциялык кеңешме карайт.  "Артыкчылыктары алынып, тарыхый ролу калды" Конституцияга өзгөртүү киргизүү боюнча жумушчу топ Баш мыйзамга экс-президент Нурсултан Назарбаевдин “Көз карандысыз Казакстандын негиздөөчүсү” деген макамын киргизүүнү сунуштады. Бул тууралуу жумушчу топтун мүчөсү Эрмек Абдрасылов билдирди: "Жумушчу топ бул макамды Конституцияда бекитүүнү чечти. Читать дальше...

2021-жылы апрель айында кыргыз-тажик чек арасында жаңжал чыгып, анда Кыргызстандын 36, Тажикстандын 19 жараны каза болду. Андан бери эки өлкөнүн бийлиги бир катар сүйлөшүүлөрдү жүргүзүп, бирок талаштуу тилкелер боюнча орток пикир табылган жок.

Жогорку Кеңештин мурдагы төрагасы Акматбек Келдибеков 27-апрелде Башкы прокуратурага июнь коогасына байланыштуу күбө катары сурак берип чыкты. Бул тууралуу ал Фейсбуктагы баракчасына жазып, "биз келечекте мамлекетти экиге бөлгүсү келген, канча адамдардын канына забын болгон мындай окуялар кайталанбашы керек десек, анда бул кандуу калабага кечиктирбей мыйзам чегинде баа беришибиз зарыл!", деген билдирүү калтырды. 2010-жылдагы июнь калабасына байланыштуу президент Садыр Жапаров дагы 27-апрелде Башкы прокуратурага сурак берип чыкты. Читать дальше...

Президент Садыр Жапаров Улуу Ата Мекендик согуштун ардагерлерине бир жолку материалдык жардам көрсөтүү үчүн каражат бөлүү жөнүндөгү тескеме чыгарды. Ага ылайык, президенттин фондунан 10 миллион сом бөлүндү жана 100 миң сомдон каражат ардагерлерге, майып болгондорго, фашисттер жана алардын союздаштары түзгөн концлагерлердин, геттолордун жана башка мажбурлап кармоо жайларынын мурдагы жашы жете элек туткундарына берилет. Ошондой эле блокада мезгилинде Ленинград шаарынын ишканаларында, мекемелеринде... Читать дальше...

Тышкы иштер министринин милдетин аткаруучу Жээнбек Кулубаев Жогорку Кеңеште депутаттардын суроолоруна жооп берип жатып, кыргыз тарап Түркиядан “Байрактар” сокку уруучу учкучсуз учактарын коңшу мамлекеттерге сатпоону суранганын билдирди. “Биз ал маалыматты алдык, азыр элчилик жана башка органдарга тапшырма берип, тактап жатабыз. Түрк тарапка дагы айтылган болчу, “муну этияттагыла анткени ортобузда көйгөйлөр чечиле элек” деп. “Байрактарды” бизден башка коңшуларга сатууда абайлап мамиле кылыңыздар дегенбиз. Читать дальше...

Президент Садыр Жапаров Фейсбуктагы расмий баракчасындагы билдирүүсүндө 2023-жылы 1-январдан тартып Ысык-Көлдүн айланасындагы саркынды суулардын тазалоочу жайлары жок пансионат, эс алуучу жайлардын иштөөсүнө тыюу салынарын эскертти. Ысык-Көлдө пансионат, конок үй кургандарга талапты катаалдаткан жарлыкка кол койгонун белгиледи. Аларды быйылкы жылдан баштап курулушка каражат бөлүүгө чакырды. “Алдын ала эскертип коёюн, 2023-жылдын 1-январынан тартып, Ысык-Көлдүн айлана-тегерегиндеги пансионаттардын... Читать дальше...

Бул тууралуу Айыл чарба министрлигине караштуу Жайыт департаментинин башчысы Жаныбек Керималиев 27-апрелде Жогорку Кеңештин жыйынында билдирди.  "Алтыгананы биологиялык, химиялык жана механикалык жол менен жоготуу боюнча иштерди жүргүзгөнбүз. Бирок Илимдер академиясынын экологдору химиялык жол менен жок кылганга болбосун айтып каршы чыгышты. Биз Талас жана Чүй облусунун жайыт комитеттери менен бирге алтыгананы чапкан жабдуу сатып алдык. 28-майда семинар өткөрүп, түшүндүргөндөн кийин ошондой жабдууларды... Читать дальше...

Европа Биримдиги орусиялык мамлекеттик энергетикалык гигант “Газпром” компаниясынын Польша менен Болгарияга газ берүүсүн токтотконун “Москванын шантажы” деп баалады. Аталган эки өлкөгө көгүлтүр отун берилбей калганы 26-апрелде белгилүү болгон. "Газпром" 27-апрелде билдирүү таратып, Польша менен Болгария жаңы схема менен төлөм жүргүзбөгөнү үчүн ушундай кадамга барганын маалымдады. Орусиянын президенти Владимир Путин өткөн айда киргизген схемага ылайык, “дос эмес өлкөлөр” мындан ары газды рубль менен сатып алышы керек. Читать дальше...

Ош шаардык сотунун чечими менен 41 жаштагы киши Укук бузуулар кодексинин 70-беренеси (“Үй-бүлөлүк зомбулук”) менен тогуз суткага камалды. Бул тууралуу Ош облустук ички иштер башкармалыгы маалымдады. Милициянын билдирүүсүндө, 41 жаштагы Төлөйкан айылынын тургуну аялына зомбулук көрсөтүп, коркуткандыгына байланыштуу кармалган. Ал жаран буга чейин мас абалында аялына кол көтөрүп, эки жолу эскертүү алганы аныкталган. Кыргызстанда 2021-жылы 10 151 үй-бүлөлүк зомбулук фактысы катталганын башкы прокурор... Читать дальше...

Жогорку Кеңеште 27-апрелде "Элдик" депутаттар тобунун сунушу менен мамлекеттик үлүшү бар акционердик коомдорду жана улутташтырылган объектилерди башкаруунун натыйжалуулугун иликтеген убактылуу депутаттык комиссия түзүлдү. Ушул айдын ортосунда "Элдик" депутаттар тобу бул маселени караган жана анда жыл ичинде бир дагы мамлекеттик мүлк менчиктештирилбегени белгилүү болгон. Анда Мамлекеттик мүлктү башкаруу фонду мындай ишканалар былтыр жалпысынан 11,097 миллиард сом киреше тапканын билдирген. Анын... Читать дальше...

Президентке караштуу Антикоррупциялык ишкердик кеңеш коррупцияга каршы стратегиянын долбоорун иштеп чыкты. Анын негизинде 2024-жылга карата дүйнөдөгү жемкорлуктун деңгээлин изилдеген Transparency International уюмунун рейтингинде 94-орунга көтөрүүнү көздөөдө. Жогорку Кеңештин тармактык комитетинин бул аптадагы жыйынында кеңештин баш катчысы Нурипа Муканова маалымат берип, муну коррупцияга каршы чараларды күчөтүү, паракорчулуктун деңгээлинин көрсөткүчүн жакшыртуу максаты экенин айтты. "Transparency... Читать дальше...

Пакистандын Карачи шаарындагы университете 26-апрелде болгон жардыруу үчүн "Белужистан боштондук армиясы" деп аталган жикчил топ жоопкерчилик алды. Университеттин видеокамерасы тартып калгандай, терактты жанкечти аял жасаган. Окутуучулар түшкөн автоунаа Кытай тили жана маданияты борборуна жеткен учурда кире бериште турган аял өзүн жардырып жиберген. Карачинин полициясынын башчысы Гулам Наби Мемон жанкечти аял окуу жайда билим алган студент болгонун маалымдады. Теракттан улам окуу жайда иштеген... Читать дальше...

Президент Садыр Жапаровдун басма сөз катчысы Эрбол Султанбаев Орозо айтты белгилөөгө бийлик тыюу салганы тууралуу маалыматтар негизсиз экенин билдирди. Ал 27-апрелде Фейсбуктагы баракчасына: "мессенжерлерде жана социалдык тармактарда "Орозо айтты майрамдоого, бул күнү мал союуга бийлик тыюу салды" делген аудиотасма тарап жатат. Бул аудиожазуу чагымчыл экенин жана чындыкка дал келбестигин билдирем. Коомчулукту адаштырбоону өтүнөбүз жана өлкөнүн тийиштүү мыйзамдарына ылайык жалган, чагымчыл маалыматтарды... Читать дальше...

Ички иштер министрлиги Кыргызстанга синтетикалык маңзат Голландия, Иран, Түркия, Орусия, Казакстан жана Кытайдан "оңой жол" менен ташылып келип жатканын билдирди. Бул өлкөлөрдөн синтетикалык дары-дармектер почта аркылуу бандерол же кат түрүндө жеткирилет. Ташып келүү схемасы жолго коюлган. Маңзатка керектүү химиялык заттар эл керектөөчү товар, тамак-аш азыктарын, айыл чарба продукциялары, курулуш аралашмалары менен кошо келет. Ал химиялык заттарды чек арадан аныктоо кыйын. Өлкөгө ташылып келгенден... Читать дальше...

Баткендин Лейлек райондук ички иштер бөлүмүнүн кызматкерлери издөөдө жүргөн 40 жаштагы тажик жаранын кармашты. Бул тууралуу Ички иштер министрлиги кабарлады. Милициянын маалыматында, 2018-жылы Тажикстандын Согд облусунун тургуну Кыргызстанда “мыйзамсыз ишкерлик жана аткезчилик” беренесине шектелип издөө жарыяланган. Учурда шектүү милициянын убактылуу кармоочу жайына киргизилип, тергөө иштери башталды. Азырынча Тажикстандын расмий органдары Кыргызстанда кармалган  жараны боюнча комментарий бере элек. Читать дальше...

Юстиция министринин орун басары Орозбек Сыдыков менен турак жай кооперативдеринин өкүлдөрү жолугушуп, "Кооперативдер жөнүндө" мыйзамга өзгөртүү киргизүү боюнча талкуу өттү. Бул тууралуу мекеменин басма сөз кызматы 27-апрелде маалымдады. Мекеме тараткан видеодо Орозбек Сыдыков 10-майга чейин "Кооперативдер жөнүндө" мыйзамга өзгөртүү киргизүү боюнча сунуштар кабыл алынарын кабарлады. Анын айтымында, учурда турак жай кооперативдеринин жоболору ачык-айкын так жазылып, мыйзам бузулган учурда жетекчилерин жазага тартуу сунушталды. Читать дальше...