Новости за 19.04.2022

Казакстандын экс-президенти Нурсултан Назарбаев январь окуяларынан бери биринчи жолу өлкө ичиндеги иш-чаралардын бирине катышты. Бул тууралуу 19-апрелде Назарбаевдин расмий сайты (elbasy.kz) эки сүйлөм менен кабарлады. Анда Назарбаевдин "Биринчи президент музейинде" уюштурулган "Менин Казакстаным - менин жерим" аттуу жаш балдардын көргөзмөсүнө барып, жаш сүрөтчүлөр менен баарлашканы гана айтылган. Сайттан Назарбаевдин өспүрүмдөр менен түшкөн бир нече сүрөтүн табууга болот. Бирок иш-чарадан эч кандай видео жарыяланган жок. Читать дальше...

Талас облусунун Бакай-Ата райондук сотунун судьясы пара алууга шектелип кармалганын Улуттук коопсуздук боюнча мамлекеттик комитети билдирди. Маалыматка караганда, судья айдоо жерлерин бөлүштүрүү боюнча каралып жаткан жарандык иш боюнча оң чечим чыгаруу үчүн сот отурумунун катчысы аркылуу 10 миң сом алганы аныкталган. Жалпысынан 25 миң сом пара талап кылган.  Шектүү 16-апрелде паранын калган суммасын алып жаткан учурда кармалганы айтылды. Аталган факты Кылмыш-жаза кодексинин 343-беренеси ("Опузалап пара алуу") боюнча катталып... Читать дальше...

Президент Садыр Жапаровдун Азербайжанга расмий сапары башталды. Расмий Бишкек кыргыз-азери мамилесин чыңдап, алака-катышты күчөтүүгө кызыкдар экенин билдирди. Жолугушууда Стратегиялык өнөктөштүк жөнүндө декларация кабыл алынып, мамлекет башчыларынын Кеңешин түзүү меморандуму жана өкмөт аралык макулдашуулар сыяктуу маанилүү документтерге кол коюлары күтүлүүдө. Расмий сапардагы күтүлгөн макулдашуулар Мамлекет башчысы Садыр Жапаров президент Ильхам Алиевдин чакыруусу боюнча расмий сапар менен Азербайжанга барды. Читать дальше...

20-22- апрель күндөрү Бишкекте IX эл аралык музыка жана бий конгресси башталат. Маданият, маалымат, спорт жана жаштар саясаты министрлигинен билдиришкендей, иш-чарага оффлайн жана онлайн режиминде 100дөн ашуун илимпоздор илимий баяндамалары менен катышат. Аны министрлик Улуттук илимдер академиясынын А.Алтымышбаев атындагы Философия, укук жана социалдык-саясий изилдөөлөр институту, Ч.Айтматов атындагы Тил жана адабият институту, “Кыргыздын салттуу музыкасы” фонду, Туркиянын Саккарья университети менен биргеликте уюштурууда. Читать дальше...

Президент Садыр Жапаров бүгүн, 19-апрелде расмий сапары менен Азербайжандын борбору Баку шаарына барды.  Президенттин басма сөз кызматы маалымдагандай, сапардын алкагында Садыр Жапаров Азербайжандын президенти Илхам Алиев менен эки тараптуу сүйлөшүүлөрдү өткөрөт. Мамлекет башчылары эки жана көп тараптуу кызматташуунун актуалдуу маселелерин талкуулашат. Ошондой эле Азербайжандын Милли Межлисинин төрайымы Сагиба Гафарова менен эки тараптуу жолугушуу да пландалган. Мындан тышкары азербайжандык ишкер чөйрөнүн өкүлдөрү менен жолугушуп... Читать дальше...

Улуттук банк акча которуу тармагына өзгөртүү киргизип, Кыргызстандан чет өлкөгө АКШ долларын алып чыгууга чектөө киргизүүнү сунуштады. Ошондой эле валюта рыногунда жасалма доллар көбөйүп кеткенин эскертүүдө. Кыргызстанда акча которуулар системасы боюнча которууларды жүзөгө ашыруу эрежелерине убактылуу өзгөртүүлөр киргизилди. Улуттук банк 18-апрелде таркаткан маалыматка ылайык, өлкө аймагындагы төлөм системасы штаттык режимде иштеп жатат. Киргизилген өзгөртүүлөр Кыргызстандын экономикалык коопсуздугун... Читать дальше...

Кумтөр кенине 19-апрелде Жогорку Кеңештин Отун-энергетикалык комплекс, жер казынасын пайдалануу жана өнөр жай саясаты боюнча комитетинин депутаттары барып келди.  Аларга "Улуу көчмөндөрдүн мурасы" улуттук холдингинин башкармалыгынын төрагасы Тенгиз Бөлтүрүк маалымат берип, кендеги келечектеги пландар жөнүндө айтканын "Азаттык” радиосуна комитет мүчөсү Алишер Козуев билдирди: “Көптөгөн пландары бар экен. Мурда бир цех иштесе, алдына дагы бир фабрика салам деген планын айтты. Мурда бир эле жерди... Читать дальше...

Президент демилгелеген "Жашыл мурас" улуттук долбоорунун алкагында быйыл кеминде 5 миллионго жакын көчөт отургузуу планы каралган. Ушул күндөрү өлкөнүн бардык аймактарында миңдеген көчөттөр тигилүүдө. Айрымдар ирригация, сугат маселеси көңүлгө алынбай, бийлик эски система менен ишембилик өткөрүп жатат деп сын айтып жатышат. Миңдеп тигилген көчөттөр Соңку бир айдан бери дээрлик бардык министрлик, мамлекеттик мекеме-органдар "Жашыл мурас" өнөктүгүн колдоп, жапырт көчөт тигип жатат. Айрым жерлерде жаңы эс алуу бакчалары да түптөлүүдө. Читать дальше...

Жогорку Кеңештин тармактык комитети УКМКнын ишине байланыштуу беш мыйзам долбоорун экинчи окууда колдоп берди. Февралдагы биринчи окууда мыйзам долбоорлорунун пакети кызуу талкуу жаратып, бир катар өзгөртүүлөр депутаттарды чочулаткан. Бул жолу дагы айрым депутаттар "мыйзамдар Орусиядан көчүрүлгөн жана кээ бир беренелер адам укугун бузат" деп сынга алышты. Улуттук коопсуздук комитетинин (УКМК) ишине байланыштуу мыйзамдардын пакетин парламенттин тармактык комитети февралда биринчи окууда караган. Читать дальше...

Кыргызстанда пальма майы менен жасалган таттуулар, балмуздак кеңири сатылып, өсүп келе жаткан балдар арасында ашыкча салмак, жугуштуу эмес оорулар көбөйүүдө. Дүйнөлүк саламаттыкты сактоо уюмунун Кыргызстандагы кеңсесинин жетекчиси Назира Артыкова тамак-аш коопсуздугу, көчөдө сатылган азык-түлүктүн курамындагы кооптуу заттар тууралуу "Азаттыкка" курган маегинде айтып берди. Ал өз сөзүн балмуздак, сникерс, чипсы сыяктуу дүкөндөрдө кеңири сатылган тамак-аштын курамын талдоодон баштады. - Биздин... Читать дальше...

2020-жылдагы Октябрь окуяларындагы башаламандыктардын чыгымы 372 млн. сом деп эсептелип, ондогон курал-жарактар жоголгону белгилүү болду. Бийлик алмашуусуна алып келген тополоңго байланыштуу мурдагы президент Алмазбек Атамбаев баш богон бир нече саясатчыга кылмыш иши козголгон.

Кыргызстанда рулу оң жактагы машина менен такси кызматын көрсөтүүгө тыюу салуу сунушталууда. Бул тууралуу 19-апрелде Жогорку Кеңештин Транспорт, коммуникациялар, архитектура жана курулуш комитетинин жыйынында Ички иштер министрлигинин (ИИМ) Жол кыймылынын коопсуздугун камсыз кылуу башкармалыгынын башчысы Азамат Исраилов билдирди. Исраилов эгер мыйзам колдоо тапса такси болуп иштөөнү каалаган айдоочулар лицензия алууга милдеттүү болорун, «Автомобиль жана суу транспорту жаатындагы иштин айрым түрлөрүн... Читать дальше...

Кыргызстандык балбан Акжол Махмудов Монголиянын Улан-Батор шаарында өтүп жаткан Күрөш боюнча Азия чемпионатында алтын байгеге ээ болду. Дүйнөлүк күрөш уюмунун сайтындагы маалыматка таянсак, 19-апрелде Акжол Махмудов 77 килограмм салмакта Азия чемпионатынын финалында казакстандык Максат Ережепов менен күрөшүп, 3:1 эсебинде жеңишке жетти. Махмудов финалдык таймашка чейин алгач ирандык Ареф Мозафар Хабиболлахини 9:1, жарым финалда түштүк кореялык Олимпиада чемпиону Ким Хён Уну 4:1 эсебинде жеңип алган. Читать дальше...

Кыргызстандык балбан Тынар Шаршенбеков Монголиянын Улан-Батор шаарында өтүп жаткан күрөш боюнча Азия чемпионатында алтын медал тагынды. Дүйнөлүк күрөш уюмунун сайтындагы маалыматка таянсак, 19-апрелде Тынар Шаршенбеков грек-рим күрөшүнөн 63 килограмм салмакта финалда казакстандык Мирамбек Айнагуловдун далысын килемге басып, таза жеңишке ээ болду. Ал финалга чейин индиялык Неераж Нееражды 10:4 эсебинде, жарым финалда өзбекстандык Исломжон Бахромовду 13:7 эсебинде утуп алган. Тынар Шаршенбеков 25 жашта. Читать дальше...

Быйыл алгачкы үч ай ичинде Кыргызстанда 1366 жол кырсыгы катталды. Бул тууралуу 19-апрелде Жогорку Кеңештин Транспорт, коммуникациялар, архитектура жана курулуш комитетинин жыйынында Ички иштер министрлигинин Жол кыймылынын коопсуздугун камсыз кылуу башкармалыгынын башчысы Азамат Исраилов билдирди. Анын айтымында, бул кырсыктардан 110 адамдын өмүрү кыйылып, 2079 адам жараат алды. Былтыркы жылдын алгачкы үч айында Кыргызстанда 1572 жол кырсыгы катталып, 134 адам каза болгон, 2345 адам жараат алган. Читать дальше...

Жалал-Абад облусунун башчысы Абсаттар Сыргабаев Чаткал районундагы беш айылды жарыктандырмай болуп, тендерден уткан "Маклер-Фетва" жоопкерчилиги чектелген коомунун (ЖЧК) ишин текшерүүнү тапшырды. Бул тууралуу маалымат президенттин өкүлү райондун жашоочулары менен жолугушканда белгилүү болду. Аталган компания 2018-жылы 13 млн. 754 миң сомдук тендерди утуп, ага жалпы сумманын 80% төлөнүп берилген. Ал Айгыр-Жал, Кайың-Суу, Коргон-Сай, Башкы-Терек, Чакмак-Суу айылдарын жарыктандырышы керек болчу. ... Читать дальше...

Жалал-Абад шаарынын Жеңиш эс алуу багында аттракциондон кулаган 25 жаштагы жигит менен 18 жаштагы кыз ооруканада дарыланып жатканын облустук оорукананын башкы дарыгеринин орун басары Мелис Баймуратов “Азаттык” радиосуна билдирди. Дарыгердин айтымында, жабыркагандар “Клоун” деп аталган аттракционго чыгып, олтургуч сынып кетип, кулап түшкөн. Экөө тең жараат алып, облустук бейтапканага жеткирилген. 18 жаштагы кыз жандандыруу бөлүмүндө жатат. “Ушул тапта жигиттин абалы жакшы, ал эми кыз жандандыруу бөлүмүндө жатат... Читать дальше...

Расмий Ташкент ооган чек арасына жакын жайгашкан Термез районундагы өзбек чек арачылары Ооганстан тараптан аткылоого кабылганы тууралуу маалыматтарды четке какты. Өзбек президентинин басма сөз катчысы Шерзод Асадов мындай кабарлар чындыкка дал келбей турганын Телеграмга жазды жана калкты чагымга алдырбоого үндөдү. "Өзбекстандын Коргоо министрлигинин жана Чек ара күчтөрүнүн маалыматына караганда, өзбек-ооган чек чарасында аскердик аракеттер жок, абал туруктуу",-деп жазды Асадов. Өзбекстандын... Читать дальше...

Президент Садыр Жапаров иш сапардан келгенден кийин өлкөдө жасалып жаткан иштер тууралуу кенен маалымат, маек бере турганын билдирди. Бул тууралуу ал бүгүн, 19-апрелде өзүнүн Фейсбуктагы баракчасына жазды. Анда президент элдин башын айланткандарга жооп болорун айткан. Жапаров 19-20-апрелде расмий сапар менен Азербайжанга барат. Акыркы күндөрү бийликтин жаңы Ак үйдү куруу чечими коомчулукта катуу талкууланып жатат. Буга чейин бийлик 21 миң чарчы метр аянтты ээлеген жаңы Ак үйдүн чыгымын инвесторлор көтөрө турганын... Читать дальше...

Мухаммед пайгамбардын миражга көтөрүлүшү, б.а. Кудай менен кездешүүсү жөнүндөгү баяндын бир кырын сөз кылалы. Балким, мезгил жагынан түбөлүк, мейкиндик жагынан чексиз жана мааниси өтө терең түшүнүктүн бул макаладагы чечмелениши кээ бир замандаштарга жакпайт. Бирок аалымдардан угуп, китептерден окуган нерселерди ар ким өз алдынча да түшүнүүгө аракеттенип көрсө жаман болбойт деп ойлойм. Чекитке сыйган чексиздик Мухаммед пайгамбардын өзгөчө озуйпасын аңдап билгенден кийин элди жаңы динге киргизүү үчүн көп жылдар бою далай азап-тозокту көрүп... Читать дальше...

Ооганстандын Кабул шаарында хазар тектүү шииттердин конушундагы эркек балдардын мектебинде болгон бир нече жардыруудан кеминде алты киши каза таап, 11и жараат алды. Бул тууралуу Кабулдун полиция башкармалыгынын басма сөз катчысы Халид Задран "Эркин Европа/Азаттык" радиосуна билдирди. Жарылуудан жабыркагандардын арасында балдар бар экени кабарланууда. Бирок алардын саны так белгисиз. Задрандын айтымында, жарылуу 19-апрелде Кабулдун батышындагы Дашти-Барчи конушундагы Абдул Рахим Шахид атындагы... Читать дальше...

Ош облустук соту Баткен облусунун мурдагы прокурору Анарбай Мамажакыповдун өлүмү үчүн айыпталган Мелис Калыковдун ишин карап, чечим чыгарды.  Облустук соттун басма сөз кызматы "Азаттыкка" ырастагандай,  быйыл 31-мартта ишти караган судья Ош шаардык сотунун 2019-жылдын 27-ноябрындагы Мелис Калыков жөнүндө өкүмү өзгөртүлгөн, Андан 3000 (үч миң) эсептик көрсөткүчтөгү кошумча айып пул салуу бөлүгү алынып салынган. Өкүмдүн калган бөлүгү өзгөртүүсүз, апелляциялык даттануу канааттандыруусуз калтырылган. Читать дальше...

Бишкек шаарынын мэриясынын басма сөз кызматы “Тазалык” муниципалдык ишканасына башчы болуп Султан Алыбаев дайындалганын маалымдады.  Шаар мэри Эмилбек Абдыкадыровдун 18-апрелдеги буйругуна ылайык, Койчугул Ибраимов жеке турак жай курулуш департаментинин директору болду. Бишкек мэриясына караштуу "Тазалык" муниципалдык ишканасынын айрым жумушчулары 15-апрелде митингге чыгып, жетекчиси Азат Сагыновдун иштен алынышын талап кылышкан. Алар бул тармакты билген адамдар башкарышы керектигин айтып, жетекчилер... Читать дальше...

19-апрелде Израил Газа тилкесиндеги "ХАМАС" кыймылынын жана башка топтордун лагерлерине абадан сокку урду. Бул тууралуу Reuters жаңылыктар агенттиги палестиналык булактарга шилтеме кылып кабарлады. Азырынча жабыркагандар тууралуу маалымат жок. Анын алдында Израил Газадан учурулган ракетаны атып түшүргөнүн билдирген. Акыркы бир нече айдан берки Израил менен Газа тилкесинин ортосунда эч кандай аткылашуу каттала элек болчу. Газадан учурулган ракета үчүн эч бир кыймыл жоопкерчиликти мойнуна ала элек. Читать дальше...

Чүйдүн Аламүдүн районуна караштуу Ак-Дөбө айыл өкмөтүнүн аймагындагы Алтын-Казык жаңы конушунун тургундары бүгүн, 19-апрелде акция өткөрүп, конуштун тушундагы автожолду бир нече убакыт бууп турушту. Район акими Бактыбек Анаркулов “Азаттыкка” билдиргендей, жүзгө жакын адам конушту Бишкек шаарынын карамагына өткөрүүнү талап кылды. Сүйлөшүү жүргүзүлүп, маселе тийиштүү мекемелер менен талкууланары айтылгандан кийин алар акциясын токтотуп, жол кыймылы кайра калыбына келди. Анаркулов Ак-Дөбө айыл өкмөтү... Читать дальше...