Новости за 11.04.2022

Кыз-келиндер күрөшү боюнча Кыргызстандын жаш балбан кыздары АКШда өткөн эл аралык мелдеште күмүш жана коло медалды жеңип алды. Бул тууралуу “Азаттыкка” аларды коштоп барган машыктыруучу Үсөн Рыскулов билдирди. Анын маалыматына караганда, мелдеш 10-апрель күнү АКШнын Нью-Йорк штатынын Олбани шаарында өттү. 55 килограмм салмакта күрөшкөн Арууке Кадырбек кызы күмүш, 58 килограмм салмакта Таңчолпон Кыбалбекова коло байгени уткан. Окуу жана машыгуу менен коштолгон эл аралык медешке 19 мамлекеттин спортчулары катышууда. Читать дальше...

Кытайдын ири бизнес борбору – Шанхай шаарынын бийлиги айрым чөлкөмдөрдө коронавируска байланышкан чектөөлөр акырындык менен алынарын 11-апрелде билдирди. Үйүнөн чыгууга тыюу салынган жергиликтүү тургундар тамак-аш, дары-дармек тартыш болгонуна нааразылыгын айтууда.  Ээн калган көчөлөр, учактар менен ташылып келген жүк, жабык турган кеңселер менен дүкөндөр, катаал карантинден чаалыгып-чарчаган эл. Дүйнөнүн башка бөлүктөрүндө мындан эки жыл мурун өкүм сүрүп келген көрүнүш Кытайдын эң ири шаары Шанхайга жетти. Читать дальше...

Казакстан 15-апрелден 15-июнга чейин буудай жана ун экпорттоого чектөө киргизди. Бул тууралуу онлайн брифингде айыл чарба министринин орун басары Айдарбек Сапаров билдиргенин Tengrinews.kz жазды. Сапаровдун айтымында, мындай чара ички базарда ун азыктарына таңкыстыкты болтурбоо үчүн кабыл алынды. Ал учурда мамлекетте 118 миң тонна ун бар экенин билдирди. Марттын орто ченинде Орусия буудайды Евразия экономикалык биримдигине кирген мамлекеттерге экспорттого чектөө киргизген. Мындан улам ун азыктарына болгон баа кескин көтөрүлүп кеткен. Читать дальше...

Чек ара кызматы бүгүнтөн тартып Казакстан чек арасындагы жүргүнчүлөргө чектөө алынганын билдирди. Эми кыргызстандык жарандар коңшу өлкөгө эч тоскоолдуксуз өтө алат. Бирок, коронавируска байланыштуу ПЧР-тест тапшыруу керек. Ал арада "Ак-Тилек" кыргыз-казак унаа өткөрүү пунктунда оор жүк ташуучу машиналардын узун кезеги пайда болду. 300дөн ашуун унаа турган чек арада айрым айдоочулар үч суткадан бери өтө албай турат.

Казактандын чек арасындагы "Ак-Тилек-Карасу" өткөрмө бекетинде ушул тушта 300дөй жүк ташыган машине кезекте турат. Айдоочулар алты чакырымга созулган кезекти өздөрү көзөмөлдөп жатышат. Алардын айтымында, чек арадагы абалдын себебин эч ким түшүндүргөн эмес. Айдоочу Николай Дмитриченконун машинеси “Ак-Тилек” өткөрмө бекети тараптагы алты чакырымга созулган узун кезектин аягында турат. Ысык-Көлдөн Орусияга алма ташып бара жаткан айдоочу таң атканча 200 метр гана жылганын айтууда. “Таңкы алтыдан бери түшкө чейин ордуман жылган жокмун. Читать дальше...

Белгилүү журналист, публицист, Кыргыз Республикасынын маданиятына эмгек сиңирген ишмер Баратбай Аракеев 11-апрелде 72 жашында көз жумду. Бул тууралуу маркумдун кесиптештери билдирди. Кесиптештеринин айтымында, ал мындан эки-үч ай мурун инсульт болгон. Аракеев Кыргызстандагы бир катар эркин басылмаларда журналист болуп эмгектенип, саясий курч макалаларды жазган. Ошондой эле жазуучу катары дагы ысымы белгилүү эле. Анын сөөгү 13-апрелде өзү туулган Ысык-Көл облусунун Жети-Өгүз районунун Жон-Булак айылында жерге берилет.

Көз карандысыз Next TV телеканалынын кызматкери Адилет Али Мыктыбек 11-апрелде Бишкектин Биринчи май райондук милициясы тарабынан кармалып, сурак берип жатат. Бул тууралуу каналдын ээси, саясатчы Равшан Жээнбеков билдирди. “Next TV каналында видео тартып иштеп жатканына 2-3 ай болуп калды. Мага “байке мени эки милиция кармап кетип баратат” деп жазыптыр. Милиция эмнеге кармаганы азырынча белгисиз”. Адилет Али Мыктыбек өзү “массалык башаламандыкка чакыруу” боюнча айып коюлганын жана милицияда материалдар менен таанышып жатканын билдирди. Читать дальше...

Бишкек-Торугарт багытында жүк ташып иштеген айдоочулар “Иствэй” компаниясына каршы 11-апрелде Токмок шаарында нааразылык акция өткөрүштү. Акцияга катышкандардын бири Канатбек Мусабековдун айтымында, айдоочулар Торугарттан жүк алып, аны Бишкекке чейин 1400 долларга жеткирет. Анын 50 доллары “Иствэй” компаниясына калат. Күйүүчү май, машиненин тетиктери кымбаттагандыктан алар ишканага бааны көтөрүп берүүнү суранышкан. Мусабеков мындан башка жүк ташуудагы кезек боюнча да пикир келишпестик чыкканын кошумчалады. Читать дальше...

Казакстан пандемияга байланыштуу эки жыл мурун киргизилген чек арадагы чектөөнү алды. 11-апрелден тарта кыргыз-казак чек арасында жүргүнчүлөргө жол ачылганы менен жүк ташыган машинелерге тоскоолдук күчөдү. Азыркы тапта "Ак-Тилек" өткөрмө бекетинде 300дөй машине турат. Эки жылдан кийин ачылган чек ара Бишкек шаарынын тургуну Наргиза Калыбек кызы Казакстанга турмушка чыгып, ошол жакта көз жумган эжесинин жылдыгына барууга даярданып жаткан кезде чек ара ачыларын уккан. Чектөөлөр алынбаса, анын үй-бүлөсү... Читать дальше...

Казакстандын Башкы прокуратурасынын өкүлү Елдос Килымжанов 11-апрелде өткөн брифингде Январь окуяларына 12 кылмыштуу топ катышканын айтты. Бул тууралуу Tengrinews.kz жазды. "Атайын прокурорлор башаламандыкка 12 кылмыштуу топ катышканын аныктады. Алардын арасында "Дикий Арман" деген каймана ат менен белгилүү Арман Жумагелдиев, "Айшуак-Жантугел" жана башка топтор да бар. Кылмыш топторунун 23 мүчөсү, төрт "авторитет" камакка алынды"-деди Елдос Килымжанов. Ал ошондой эле 547 кишиге "жапырт башаламандык уюштурду" деген айып тагылып... Читать дальше...

11-апрелде Москва биржасында бир доллар 78,1 рублга бааланды. Бир евро болсо учурда 84,7 рубль турат. Буга чейин Орусияга каршы салынган санкциялардан улам рублдин куну кескин түшүп, андан соң бир тепкичте кармалып турган. Буга Борбордук банк киргизген чектөөлөр түрткү болгону маалымдалган. 8-апрелде Борбордук банк бир катар чектөөлөрдү алып салды. Тактап айтканда, чет элдик валютаны брокерлерден сатып алуудагы 12% комиссия алынды. Андан тышкары, банктарга 18-апрелден тартып калкка чет элдик валютаны накталай сатууга уруксат берилди. Читать дальше...

Абакта жаткан активист Мелис Аспековдун иниси Азамат Аспеков тергөө аяктаганга чейин камалды. Мындай чечимди 11-апрелде Бишкектин Свердлов райондук соту чыгарды. Ал “президент менен байланышым бар” деп Бишкектеги “Сары-Өзөн” базарынан чоң жер тилкесин алып берүүнү убада кылып жабырлануучудан 44 миң доллар алган деп шек саналууда. Ишти Свердлов райондук милициясы “Алдамчылык” беренеси менен иликтеп жатат. Шектүүнүн адвокаты менен жакындары комментарий бере элек. Мелис Аспеков 2020-жылдын Октябрь... Читать дальше...

Пакистан парламенти оппозициядагы партиянын лидери Шахбаз Шарифти өкмөт башчылыкка дайындады. Ал - мурдагы премьер-министр, коррупция үчүн соттолгон Наваз Шарифтин бир тууган иниси. Добуш берүүнүн алдында мурдагы өкмөт башчы Имран Хандын партиялаштары залдан чыгып кетишти. Үч жылдай бийликте отурган Ханга 10-апрелде парламент ишенбөөчүлүк көрсөтүп, кызматтан кетүүгө аргасыз болгон. Ал кийинки өкмөттү тааныбай турганын билдирген. Хан саясий кризистин тутанышын АКШдан көрүп келет. Ал муну Кытай... Читать дальше...

Кыргыз-тажик чек арасын тактоо боюнча эки өлкөнүн өкмөттүк делегацияларынын топографиялык жумушчу топторунун Тажикстандын Дүйшөмбү шаарындагы сүйлөшүүсү 10-апрелде жыйынтыкталды. Бул тууралуу өкмөттүн басма сөз кызматы билдирди. 5-апрелде башталган сүйлөшүүдө эки өлкөнүн өкүлдөрү тактала элек тилкелердеги чек ара сызыктары боюнча пикир алмашып, кийинки жолугушууну Кыргызстандын аймагында өткөрмөй болушту. Сүйлөшүүгө кыргыз делегациясын Министрлер кабинетинин чек ара маселелери боюнча атайын өкүлү Назирбек Бөрүбаев баштап барган. Читать дальше...

Грузияга караштуу жикчил Түштүк Осетияда президенттик шайлоодо ат салышкан беш талапкердин бири да 50% дык босого ченден өтө алышкан жок. Аймактын Боршайкомунун башчысы 11-апрелде билдиргендей, бюллетендердин 95% саналып бүткөндөн кийин, добуш бергендердин 33,5% азыркы де-факто президент Анатолий Бибиловду колдогону маалым болду. Ал эми анын башкы атаандашы, "Ныхас" партиясынын лидери Алана Гаглоева добуштардын 36,9% алды. Эми расмий жыйынтык чыгарылгандан 15 күндөн кийин шайлоонун экинчи айлампасы өтүшү керек. Читать дальше...

1917-жылдын февраль айындагы революция Орусия империясынын акыркы императору Николай IIни тактан кулаткан. Падышалык бийликтин кулагандыгы тууралуу алгачкы кабар кыргыз жергесине март айынын башында гана жетти. Революциянын шарапаты менен Кыргызстандын Пишпек жана Ош сыяктуу уезддик борборлорунда, ошондой эле аймактарда байма-бай демонстрациялар жана митингдер өтүп, бир топ талаптар коюлган. Мына ушундай окуялардан кийин март айынын башында Пишпектеги, Караколдогу жана Оштогу түрмөдө жаткан 500гө жакын саясий туткун эркиндикке чыгат. Читать дальше...

XX кылымда Федерико Феллини, Микеланжело Антониони, Андрей Тарковский ж.б. дүйнөлүк залкарлардын катарында кино өнөрүндө аты легендага айланган атактуу сценарист Тонино Гуэрра (1920-2012) мыкты акын-жазуучу да, архитектор да, ал гана эмес укмуштуудай аңгемечи да болгон. 55 жашында орусиялык Элеонора Яблочкинага (кийинки аты-жөнү Лора Гуэрра) ышкысы түшүп, ошол кездеги катуу тоскоолдуктарга карабай экөө баш кошкон. Лора Гуэрра акындын өмүрүнүн акырына чейин чыныгы музасына, эргүүсүнө, жашоосунун ак жарыгына айланган. Читать дальше...

Жарасул Абдураимов “Кыргызалтын” ачык акционердик коомунун башкармалыгынын төрагасы болуп дайындалды. Бул тууралуу маалымат ишкананын расмий сайтына жарыяланды. Анда кадрдык дайындоону Мамлекеттик мүлктү башкаруу фонду 11-апрелде Министрлер кабинетинин жетекчиси менен макулдашып жасаганы айтылат. Жаңы жетекчини ушул эле күнү “Кыргызалтындын” жамаатына премьер-министрдин орун басары Бакыт Төрөбаев тааныштырды. 62 жаштагы Жарасул Абдураимов Ош облусунун Алай районундагы Гүлчө айылында туулган.... Читать дальше...

Бишкек шаардык мэриясы борбордо мектептерди куруу боюнча “Экспресс-Строй KG” компаниясы менен азырынча келишим түзүлбөгөнүн билдирди. Бирок мекеме тараткан маалыматка ылайык, мектептердин курулушуна подрядчы болуу тууралуу ишканадан сунуш түшкөн. Мэрия бардык иштер мамлекеттик сатып алуулар мыйзамдарына ылайык жүргүзүлөрүн, кошумча дагы маалымат берилерин кабарлады. Министрлер кабинетинин 24-марттагы жыйынында Бишкектин мэри Эмилбек Абдыкадыров шаарга мектеп курууга мэрия “Экспресс-Строй KG” компаниясын тандаганын айткан. Читать дальше...

Баласын 1-класска электрондук кезекке тургуза албай жатканын айткан ата-энелер тобу 11-апрелде Билим берүү жана илим министрлигине барып, нааразылыгын билдиришти. Министрлик электрондук системага биринчи күнү катталуучулар көп болуп, системага күч келгенин жана бардык каалоочулар сөзсүз катталарын айтты. 11-апрелде Кыргызстанда мектепке 1-класска электрондук кезекке туруунун алгачкы этабы башталды. Ал 27-июнга чейин уланып, кезек баланын катталган дареги боюнча түзүлөт. Андан кийинки этап 10-сентябрга чейин уланып... Читать дальше...

Октябрь окуялары боюнча жараяндын жүрүшүндө мурдагы президент Алмазбек Атамбаев сот залынан чыгарылды. Буга Атамбаевдин сотко нааразылыгын билдирип, тартип бузганы себеп болду. Буга чейин судья мурдагы президентти мажбурлап сотко катыштыруу чечимин чыгарган.

2010-жылы 7-апрелде өлкөдөн чыгарылып кеткени айтылган 300 млн. доллар орусиялык насыянын 220 миллиону боюнча териштирүү башталды. Ошол учурда Улуттук банктын төрагасынын орун басары болуп, азыр аны жетектеп жаткан Кубанычбек Бөкөнтаев "Бакиевдер ыңкылапка чейин акчаны чыгарып кеткен" деген маалыматты төгүндөгөнү үчүн куугунтук көрүп, камалып чыкканын билдирди. Убактылуу өкмөттүн мүчөсү Азимбек Бекназаров муну "бакиевчил күчтөрдүн актануу аракети" деп баалады. Депутаттын суроосу, банкирдин жообу... Читать дальше...

Башкы прокуратура Чүй облусунун Жол кыймылынын коопсуздугун камсыздоо башкармалыгынын кызматкерлери мас айдоочуларды жашырган фактылар аныкталганын билдирди. Мекеменин маалыматына караганда, Ауди үлгүсүндөгү автоунаанын айдоочусу мас болуп жол кырсыгына кабылган. Укук коргоо кызматкерлери аны жашырып, автокырсыкты “Укук бузуулардын бирдиктүү реестрине” төрт ай өткөндөн кийин гана каттаган. Ушундай эле дагы бир окуя аныкталды. Бул фактылар боюнча Кылмыш-жаза кодексинин “Кызматтык абалынан кыянаттык... Читать дальше...

Президент Садыр Жапаров “Жерлерди өзүм билемдик менен мыйзамсыз ээлеп алууну тыюуга багытталган" мыйзамга кол коюп, өкмөткө, укук коргоо органдарына көзөмөлдү күчөтүү тапшырылды. Ал арада Бишкектин четиндеги конуштарда айдоо жерлерин басып алгандар, мыйзамсыз салынган үйлөргө ээ чыккандар көбөйгөнү айтылууда. Президент Садыр Жапаров "Жерлерди өзүм билемдик менен мыйзамсыз ээлеп алуу фактыларын алдын алуу жана болтурбоо боюнча чаралар жөнүндө" жарлыкка 9-апрелде кол койду. Жарлыкта өкмөт жана... Читать дальше...

Жаңылкан Даирбекова аутизмдин белгилери бар үч эм уулдун энеси. Андан башка дагы эки кыз, бир уулу бар. Алты баласын жалгыз тарбиялап жаткан эненин тиричилиги азык-түлүк кымбаттагандан бери оорлошкон. Кыргыз коомундагы аутизмден жабыркаган балдарга карата мамилеге кыжалат болгон эне үч уулунун билим алышы үчүн каражат издеп жаткан кези. Кыргызстанда апрелден баштап аутизм жана ага байланышкан маселелер тууралуу маалыматтарды таратуу боюнча бир айлык жүрүп жатат.