Новости за 20.04.2022

Президент Садыр Жапаров Азербайжанга иш сапары учурунда азербайжандык бизнес өкүлдөрү менен жолугуп, Кыргызстанга инвестиция салууга чакырды. Бул тууралуу президенттин маалымат кызматы кабарлады.  Жолугушууга мунай өндүрүү, курулуш, туризм, энергетика, телекоммуникация, жогорку технологиялар, айыл чарба, тоо кендерин иштетүү, камсыздандыруу тармагындагы ири компаниялардын жетекчилери катышкан.  Жолугушууда президент Садыр Жапаров келечектүү тармактарга токтолуп, потенциалдуу инвесторлорду Кыргызстандагы... Читать дальше...

Биринчи май райондук сотунда Октябрь окуялары боюнча жараян жүрүүдө. Айыпталуучулардын катарында мурдагы президент Алмазбек Атамбаев баш болгон бир катар саясатчылар бар. Алар иш калыс тергелген жок деп нааразы. Прокуратура Атамбаевдин соттогу акыркы аракеттери мыйзамга каршы келерин эскертти.

Жогорку Кеңештин депутаты Дастан Бекешев Бишкектеги ондон ашуун мектепти “Экспресс-Cтрой КГ” деген компания эч кандай тендерсиз эле курганы жатканын айтып, өкмөттүн токтомун да жарыялады. Мэрия аталган компания менен келишим түзүлбөгөнүн айтууда. Коомчулукта бул Инвестициялар боюнча улуттук агенттиктин башчысы Равшан Сабировдун уулунун компаниясы экенин айткандар да бар. Жогорку Кеңештин депутаты Дастан Бекешев Бишкектеги ондон ашуун мектепти “Экспресс-строй КГ” аттуу компания эч кандай тендерсиз эле курганы жатканын Фейсбукка жазды. Читать дальше...

Баткен облусунун Тажикстан менен чектеш аймагынан эки жарым тонна химиялык жер семирткич жана үч тонна суу майды чек арадан мыйзамсыз алып өтүүгө аракет кылгандар кармалды. Бул тууралуу УКМКнын Чек ара кызматы 20-апрелде кабарлады. Маалыматка караганда, аткезчилик менен кармалгандар Кыргызстандын жарандары. Мыйзамсыз жүк жалпысынан  1 млн. 700 миң сомго бааланып, андан ары тергөө иштерин жүргүзүү үчүн тиешелүү кызматтарга өткөрүлүп берилген. Апта башынан бери Тажикстан менен чек арада аткезчилик... Читать дальше...

20-апрелдин таңында Орусиянын күчтөрү "Азовсталь" заводуна чабуул коюуну улантты. Жогорку Кеңеш 2020-жылдын республикалык бюджетинин аткарылышын бекиткен мыйзамды кабыл алуудан баш тартты. Өкмөт сырттан ташылып келген байланыш аппараттарын милдеттүү каттоону сунуштады.

Бир катар медиа каражаттар быйыл жайда өтүүчү теннис боюнча Уимблдон ачык чемпионатына орус жана беларус спортчуларына катышууга тыюу салынарын жазышты. 20-апрелде The Times жана Sportico басылмалары өз булактарына таянып маалымдашкандай, турнирди өткөрүп келген AELTC уюму бул эки өлкөнүн оюнчуларына тыюу салуу чечимин британ өкмөтү менен сүйлөшүп жатат. Эгер бул ишке ашып кала турган болсо, учурда дүйнөдө экинчи орунду ээлеген Даниил Медведев жана сегизинчи орунда турган Андрей Рублев мелдештерге катыша албай калышат. Читать дальше...

Тemirov LIVE компаниясынын негиздөөчүсү, иликтөөчү Болот Темировго дагы кылмыш иштери козголду. Ал 20-апрелде шаардык милицияга сурак берип чыкты. Шаардык милиция анын баңгизат сактоо боюнча кылмыш ишин иликтөөнүн жүрүшүндө башка дагы мыйзамсыз иштер аныкталганын билдирүүдө. Журналист муну Улуттук коопсуздук комитетинин (УКМК) төрагасынын туугандарынын аты аталган иликтөөлөрү менен байланыштырып жатат.  Бишкек шаардык милициясы журналистке Кылмыш-жаза кодексинин 379-беренеси ("Документти жасалмалоо")... Читать дальше...

Кыргызстандык балбан Үзүр Жусупбеков Монголиянын Улан-Батор шаарында өтүп жаткан күрөш боюнча Азия чемпионатында коло байгеге ээ болду. Дүйнөлүк күрөш уюмунун сайтындагы маалыматка таянсак, Жусупбеков бүгүн, 20-апрелде грек-рим күрөшүнөн 97 килограмм салмакта 3-орун үчүн беттеште түштүк кореялык Жиу Паркты 10:1 эсебинде жеңип алды. Жусупбеков буга чейин эки беттеш өткөргөн. Алгач, чейрек финалда индиялык Рави Равини 3:1 эсебинде утуп, жарым финалда ирандык Мехди Мохаммад Балихамзехдеге жеңилген эле (1:4). Читать дальше...

Тажикстандын Тоолуу Бадахшан автоном облусунун активисттери жана Башкы прокуратуранын тергөөчүлөрү 19-апрелде онлайн режиминде Хорогдогу окуяларды талкуулашты. Былтыр ноябрда болгон окуялардан кийин түзүлгөн «Комиссия 44» кыймылынын өкүлү Хужамри Пирназаровдун айтымында, жыйынга ондогон журналисттер катышкан. Бирок аларга суроо берүүгө мүмкүнчүлүк берилген жок. Кыймылдын мүчөлөрү Башкы прокуратуранын өкүлдөрү ошол кезде өлтүрүлгөн үч адамдын өлүмү тууралуу үн катпаганын айтып, тынчсыздануусун билдиришти. Читать дальше...

"Кыргызстандын бириккен демократиялык кыймылы" оппозициялык уюму иликтөөчү журналист Болот Темировго карата кылмыш ишинин козголушуна, суракка чакырылышына байланыштуу кайрылуу жасады. Кайрылууда Болот Темировго карата жаңы иш козголушун Улуттук коопсуздук мамлекеттик комитетинин төрагасы Камчыбек Ташиевдин балдарынын тендерлерди утуп баштаганы тууралуу журналисттик иликтөөсүнүн чыгышына байланыштырган. Мындай аракетти журналисттерге каршы куугунтук катары баалап, бийликке бир катар талаптар коюлган. Читать дальше...

Бишкектеги “Ала-Арча” көрүстөнүндө бүгүн, 20-апрелде белгилүү төкмө акын, комузчу, обончу Элмирбек Иманалиевдин эстелиги орнотулду. Маркумду эскерүүгө бийлик жана коомчулук өкүлдөрү, жакындары катышты. Туура эки жыл мурда көз жумган Элмирбек Иманалиев 1978-жылы Токтогул районунун Өзгөрүш айылында төрөлгөн. Төрт жашынан тамга таанып, жети жашынан комуз кармап ырдай баштаган. 13 жашында устаты Тууганбай Абдиевдин чакыруусу менен Бишкек шаарына келип, адегенде филармонияга караштуу эки жылдык студияны... Читать дальше...

Быйылкы ажылык сапарга Сауд Арабиясы Кыргызстан үчүн 2766 квота бөлгөнүн бүгүн 20-апрелде Кыргызстандын Мусулмандарынын диний башкармалыгы (муфтият) билдирди.   Муфтият 2019-2020-жылдары ажылык сапарга баруу үчүн электрондук тизмеге катталып, кезек күтүп турган талапкерлер 25-апрелден тартып беш күн ичинде төлөм жүргүзүшү керек экенин эскертти.  Ажыга барчулардын жаш курагы 65 жашка чейин, COVID-19га каршы эмдөөдөн өткөн жана бул инфекциядан таза экенин тастыктаган тести бар адам болушу керектиги белгиленди. Читать дальше...

Эски жана жаңы тобокелчиликтерди, универсал жана эксклюзивдүү чакырыктарды айырмалай билишибиз зарыл. Баардык өлкөлөргө мүнөздүү, орток көйгөйлөр менен катар айрым гана өлкөлөргө таандык, алар үчүн гана актуалдуу коркунучтар бар. Эгемендүү деп эсептелген 31 жыл ичинде Кыргызстандагы өзгөрүүлөр татаал окуялар , социалдык, саясий оор сыноолор, азаптуу коллизиялар менен коштолду. Дүйнөдө миграциянын, маданий карама-каршылыктардын, конфликттердин, агрессиянын жана көңүл калуунун, ишенбөөчүлүктүн жана социалдык фрустрациянын масштабы кеңейүүдө... Читать дальше...

Кыргызстандык балбан Жоламан Шаршенбеков Монголиянын борбору Улан-Батор шаарында өтүп жаткан күрөш боюнча Азия чемпионатында алтын медал тагынды. Дүйнөлүк күрөш уюмунун сайтындагы маалыматка таянсак, Шаршенбеков бүгүн, 20-апрелде грек-рим күрөшүнөн 60 килограмм салмакта финалда ирандык Мехди Сейфоллах Мохсен Нежадди 4:0 эсебинде жеңди. Аталган балбан менен Шаршенбеков 2020-жылы Индияда өткөн Азия чемпионатынын жарым финалында да беттешип, 9:2 эсебинде жеңишке жеткен. Финалдык беттешке чейин Шаршенбеков эки атаандашын утту. Читать дальше...

«Элиза үй буюмдары» уюмуна алданганын айткан адамдар тобу бүгүн 20-апрелде Бишкекте пресс-конференция уюштуруп, соттук териштирүү создугуп жатканын билдиришти. Алар жалпысынан бул уюмга 46 миңдей адам алданганын айтышты. Иш Бишкектин Свердлов райондук сотунда каралып жатканы белгилүү болду. Мекеме азырынча бул боюнча комментарий бере элек. Свердлов райондук ички иштер башкармалыгы "Элиза үй буюмдары" деп аталган “каржылык пирамидага” байланыштуу кылмыш ишин Жазык кодексинин “Каржы пирамидаларын уюштуруу” деген 214-беренеси менен козгогон. Читать дальше...

Быйылкы Орозо айт майрамы 2-майга белгиленди. Бул тууралуу бүгүн 20-апрелде Кыргызстан Мусулмандарынын дин башкармалыгы билдирди. Ислам шариатына ылайык, Орозо айынын аяктоосу жаңы чыккан айдын көрүнүүсүнө карап аныкталат. Айт майрамы Аалымдар кеңешинин чечиминин негизинде белгиленет. Жалпы мусулмандар ыйык тутуп, ниет кылган Орозо айы Кыргызстанда быйыл 2-апрелде башталган. 28-апрелге караган түн Кадыр түн болот. Май майрамдарына байланыштуу быйыл Кыргызстанда 1-майдан 9-майга чейин дем алыш күндөр болорун өкмөт маалымдаган. Читать дальше...

Кримтөбөл Азиз Батукаевди мыйзамсыз бошотууга шек саналып, издөөдө жүргөн УКМКнын мурдагы төрагасы Бусурманкул Табалдиев былтыр күздө Бишкекке тергөөгө келгени ушул айда ачыкка чыкты. Эки жылдан ашуун издөөдө жүргөн Табалдиевди камоо боюнча бөгөт чарасы үй камагына алмашып, анын иши өзүнчө каралды. Анын кылмыш иши жакында сотко өткөнү айтылды. Кримтөбөл Азиз Батукаевди 2013-жылы мөөнөтүнөн мурда бошотууга катышы бар деп шектелгендердин бири, 2,5 жылдай издөөдө жүргөн УКМКнын мурдагы төрагасы Бусурманкул... Читать дальше...

Казакстанда Январь окуялары маалында кармалып, кыйноого кабылган кыргызстандык Чолпонбек Сыдыковдун укугун Кыргызстандын жана Казакстандын «Кыйноого каршы коалиция» уюмдарынын адвокаттары коргомой болду. Бул тууралуу бүгүн 20-апрелде «Азаттык» радиосуна Кыргызстандагы уюмдун басма сөз катчысы Нагима Озокеева билдирди. Анын айтымында, комплекстүү соттук-психологиялык-психиатриялык жана соттук-медициналык экспертизалар дайындалып, экспертиза жүргүзө турган комиссиянын курамы аныкталды. Сыдыковду... Читать дальше...

Түркмөнстандын Балкан облусунда жаңы президент Сердар Бердымухамедовду даңазалаган ырлардын сынагы жарыяланды. Жеңүүчүлөргө «чоң сыйлыктар» убада кылынганын «Азаттыктын» түркмөн кызматынын журналисти билдирди. Жергиликтүү тургундардын айтымында, облус бийлиги бүтүндөй Түркмөнстан боюнча хит боло турган ырлар жазылат деп ниет кылып жатат. Аткаминерлер белгилегендей, жакында президент Балкан облусуна келгенде аны мактап-даңктаган ырлар көп айтылбагандыктан, жергиликтүү бийликке сөз тийген. Сердар... Читать дальше...

Саламаттык сактоо министрлиги түзүлгөн атайын комиссия медициналык окуу жайлардын материалдык-техникалык жана клиникалык базасын текшерип, "12 медициналык коллеж талапка жооп бербейт" деген чечим чыгарганын кабарлады. Министрликтин маалыматында, бул окуу жайларга тиешелүү чара көрүү үчүн Билим берүү жана илим министрлигине кат жөнөтүлдү. Тизмедеги окуу жайлар: Ош аймактык медициналык коллежи, К.Ш. Токтомаматов атындагы эл аралык медициналык коллежи, «Авиценна билим» медициналык коллежи... Читать дальше...

“Кумтөр” ишканасынан 2020-жылы Ысык-Көлдүн экологиясын коргоого бөлүнгөн 60 миллион доллардан ашык каражатты ошол кездеги өкмөт башка максатта  колдонгону бүгүн 20-апрелде Жогорку Кеңештин жыйынында айтылды. Депутаттардын кароосуна 2020-жылдын республикалык бюджетинин аткарылышын бекиткен мыйзам долбоору коюлду. Эсеп палатасы "Кумтөр" бөлгөн 64 миллион доллардын 60,1 миллиону бюджетти колдоого жумшалып кеткенин билдирди. Депутат Балбак Түлөбаев бул акча кайра ордуна коюлушуна көзөмөл жүргүзүлөрүн айтты... Читать дальше...

Казакстанда Mudarabaн Capital компаниясынын иши боюнча блогерлер Мейржан Туребаев жана Мейирхан Шерниязов камалды. Бул тууралуу Tengrinews.kz сайты 20-апрелде Алматы сотуна таянып жазды. Маалыматты адвокат Жанна Уразбахова да ырастап, блогерлер соттун чечими менен он күнгө камалганын билдирди. Буга чейин каржы пирамидасын уюштурду деген айып менен Mudarabah Capital компаниясынын дагы төрт өкүлү камалган. 11-апрелде каржы пирамидасына алданып калганын айтып чыккан аял өзүнө өрт койгон. Жергиликтүү маалымат каражаттары жазгандай... Читать дальше...

Кыргызстандын президенти Садыр Жапаров бүгүн, 20-апрелде Баку шаарындагы расмий сапарынын алкагында Азербайжандын президенти Илхам Алиев менен бетме-бет (тет-а-тет), андан кийин кеңейтилген форматта сүйлөшүүлөрдү өткөрдү. Эки өлкөнүн лидерлери эки тараптуу кызматташтыкты, анын ичинде соода-экономикалык, маданий-гуманитардык жана инвестициялык тармактардагы өз ара алаканы талкуулаганын Кыргызстандын президентинин басма сөз кызматы кабарлады. Маалыматка караганда, Илхам Алиев Азербайжан тарап кызматташуунун... Читать дальше...

Шашылыш билдирүү! 20-25-апрелде Кыргызстандын аймагында аба ырайы туруксуз болуп, маал-маалы менен жаан, тоолуу райондордо кар жаайт. Абанын температурасы төмөндөп, кээ бир жерлерде мөндүр жаашы мүмкүн. Айрым облустарда нөшөр жаан жаап, сел жүрүшү, дарыяларда суунун деңгээли көтөрүлүшү ыктымал. Аба ырайы 21-апрелде түнкүсүн көпчүлүк аймактарда жаан жаап, күн күркүрөйт. Тоолуу райондордо кар жаашы мүмкүн. Жалал-Абад облусунун кээ бир райондорунда жаан-чачын катуу жаайт. Күндүз Ош, Жалал-Абад... Читать дальше...

Бишкектеги Ботаникалык бактын жетекчилиги аны мэриянын карамагына өткөрүүгө каршы. Бул тууралуу бүгүн 20-апрелде “Азаттык” радиосуна Кыргыз улуттук илимдер академиясынын Энвер Гареев атындагы “Ботаникалык бак” илимий-изилдөө институтунун директору Гүлайым Дөңбаева билдирди. Ботаникалык бак жөн гана бакча эмес, эл аралык кызматташтык жүргүзүүчү илимий институт экенин белгилеген жетекчи аны шаарга өткөрүү демилгеси кайдан чыкканын билбей турганын, соңку жарым жылда өкмөттөн бул боюнча сунуш берүү тууралуу эки жолу кат келгенин... Читать дальше...