Новости за 23.04.2022

Журналист Арзыгүл Галымбетованын өлүмүнө шек саналып жаткан блогер Батмакан Жолболдуеванын бөгөт чарасы 21-апрелде Ош шаардык сотунда каралды. Анда жактоочунун үй камагына чыгаруу өтүнүчү четке кагылып, блогер 26-майга чейин камакта калтырылды. Батмакан Жолболдуева ушул жылдын 28-мартында журналист Арзыгүл Галымбетованын өлүмүнө шек саналып, камакка алынган. Блогер Баткендеги убактылуу кармоочу жайда отурган кезде өз өмүрүнө кол салууга аракет кылып, бул кадамын камактагы кысымга байланыштырган. Читать дальше...

Чүйдүн Таш-Дөбө айылынын айрым тургундары таза суу көйгөйүнөн улам 23-апрелде Бишкек митинг өткөрүштү. Бир катар маалымат каражаттары тынчтык акциясына 20дай адам Максим Горький атындагы гүлбакка чогулуп, президент Садыр Жапаровго кайрылганын жазышты. Алар айылдын элинин саны жылдан жылга көбөйүп, таза суу жетпей жатканын, суу түтүктөрү оңдоого муктаж экенин билдиришти. Ошондой эле өкмөт бул көйгөйдүү чечүүгө убада бергени менен көп жылдан бери аны аткарбай келатканын сындашты. Таш-Дөбө айылы Аламүдүн районунда жайгашкан. Читать дальше...

Кыргызстандык балбан Арсалан Будажапов Монголиянын Улан-Батор шаарында өтүп жаткан күрөш боюнча Азия чемпионатында коло байге алды. Бүгүн, 23-апрелде эркин күрөштөн 79 килограмм салмакта 3-орун үчүн түркмөнстандык Гурбанмурад Овезбердиев менен күрөшмөк. Түркмөн балбаны таймашка чыгуудан баш тартканы үчүн жеңиш Будажаповго ыйгарылды. Арсалан Будажапов буга чейин эки беттеш өткөргөн. Алгач түштүк кореялык Сео Бумгуени 11:0 эсебинде уткан. Жарым финалда индиялык Гоурав Балянга жеңилген (5:8). ... Читать дальше...

Казакстандын Башкы прокуратурасы январдагы кандуу окуялардын айрым катышуучуларына “20 доллардан 100 долларга чейин төлөнүп берилген” деген билдирүү таратты. Нааразылык акциясына чыккандар бул бийликтин курулай жалаасы экенин айтышууда.  Бейшембиде Казакстандын Башкы прокуратурасынын басма сөз катчысы Элдос Килымжанов январдагы кандуу окуяларды "теракт" деп сыпаттап, ага катышкан митингчилерге кимдир бирөөлөр акча таратканын билдирди. "Алматы облусунда О. жана Н. аттуу жарандар аныкталды. Алар Талды-Коргонду талкалоого... Читать дальше...

Кыргызстандык балбан Эрназар Акматалиев Монголиянын Улан-Батор шаарында өтүп жаткан күрөш боюнча Азия чемпионатында күмүш медал тагынды. Ал бүгүн, 23-апрелде эркин күрөштөн 70 килограмм салмакта финалда жапонияык Тайши Нарику менен беттеште жеңилди. Таймаштын 1-айлампасында ал 3:1 эсебинде алдыга чыккан. 2-айлампада жапон балбаны эки упай алууга үлгүрүп, эсепти теңеп жеңишке жетти. Акматалиев чейрек финалда индиялык Навен Навенди 6:3, жарым финалда монголиялык Темуулен Энхтуяны 12:6 эсебинде уткан. Читать дальше...

АКШ жана Европа Биримдигинин расмий өкүлдөрү Еврошаркетке Орусиядан мунай импортун чектөө жана Москванын чийки зат сатуудан алган кирешесин азайтуу жаатында мүмкүн болгон чараларды талкуулап жатат. Бул тууралуу Bloomberg анонимдүү булактарга таянуу менен билдирди. Сүйлөшүүлөрдүн максаты - Орусиянын президенти Владимир Путинге карата "эң күчтүү соккуну" аныктоо экени кабарланды. Евробиримдик эмки аптада шаркетке мүчө мамлекеттердин талкуусуна сунуштарды киргизиши ыктымал. Биримдиктин мунай импортуна... Читать дальше...

Кыргызстандык балбан Алмаз Сманбеков Монголиянын Улан-Батор шаарында өтүп жаткан күрөш боюнча Азия чемпионатында коло байге алды. Ал 57 килограмм салмакта өзбекстандык Гуломжон Абдуллаев беттешип, 9:7 эсебинде утту. Мелдештин алгачкы эки күнүндө грек-рим күрөшү боюнча таймаштар өтүп, кыргызстандык балбандар Тынар Шаршенбеков, Акжол Махмудов жана Жоламан Шаршенбеков алтын уткан. Роман Ким, Адилхан Нурланбеков, Үзүр Жусупбеков коло байге алышкан. 23-апрелде дагы бир балбан Эрназар Акматбеков алтын үчун күрөшөт. Читать дальше...

Кыргызстандын аракеттеги медиа платформасынын мүчөлөрү иликтөөчү журналист Болот Темировго байланышкан жагдайды бийликтин куугунтугу жана кесиптик ишмердикке бут тосуу деп мүнөздөйт. Аталган платформа 23-апрелде ушундай билдирүү таратты. Анда Болот Темировдун 2020-жылы сабалышы, 2022-жылдын январында Temirov LIVE командасынын кеңсесин күч органдарынын кызматкерлери тинтип, техникаларын алып кетиши өңдүү окуялар мисал келтирилген. Кыргызстандын аракеттеги медиа платформасынын мүчөлөрү бийликтен... Читать дальше...

Польшанын түштүгүндөгү Зофювка шахтасында катуу жер титирөөдөн кийин байланыш үзүлгөн 10 шахтерду куткаруучулар издеп жатышат. Бул тууралуу кенге ээлик кылган JSW Group компаниясынын басма сөз кызматы 23-апрелде билдирди. Окуя саат жергиликтүү убакыт менен 03:40та 900 метр тереңдикте болгон. "Кырсык болгон жерде 52 кызматкер бар эле, алардын 42си өздөрү сыртка чыгышкан", - деп айтылат билдирүүдө. Шаршемби күнү да эртең менен Польшанын түштүк-батышындагы Пневек көмүр кенинде метан жарылып, ондогон шахтер урандылардын астында калган. Читать дальше...

Бишкекте 23-апрелде CREATE4 чыгармачыл индустриялардын биринчи фестивалы өттү. Иш-чарага ар кыл курактагы чыгармачыл кишилер, чыгармачылыкка кызыккандар катышып, аларга Кыргызстандын, АКШнын, Орусиянын, Казакстандын IT, санариптик кесиптер, искусство жана башка тармактардын өкүлдөрү креативдүү ой-пикирлерин бөлүштү. Фестивалга Кыргызстандын президенти Садыр Жапаров, БУУнун Өнүктүрүү программасынын туруктуу өкүлү Луиза Чемберлен катышты. Жапаров чыгармачыл экономиканы мамлекеттик деңгээлде өнүктүрүү маанилүү экенин айтты. Читать дальше...

Босния жана Герцоговинадагы зилзалада бери дегенде бир киши каза болду. 23-апрелге караган түнү Мостар шаарынан алыс эмес жерде кеминде 30 жолу жер силкингенин серб телерадиоканалы кабарлады. Эң күчтүү силкинүү 4,4 баллга жеткен. Жараат алган жергиликтүү аял ооруканада көз жумган. Бир катар райондор олуттуу зыян тартканы айтылууда. Жердин титирегени кошуна өлкөлөрү Хорватия менен Словенияда да сезилген.

Тышкы иштер министринин милдетин аткаруучу Жээнбек Кулубаев 23-апрелде эмгек жамаатына тааныштырылды. Расмий кабарга ылайык, министрлер кабинетинин төрагасынын биринчи орун басары Арзыбек Кожошев Кулубаевди кесипкөй жана тажрыйбалуу экенин белгилеп, тышкы саясатты президент белгилегендей жүргүзөрүнө ишенерин айтты. 22-апрелде мурдагы тышкы иштер министри Руслан Казакбаев башка ишке өткөнүнө байланыштуу кызматынан кеткен. 59 жаштагы Жээнбек Кулубаев 2021-жылдын август айынан бери президенттин... Читать дальше...

Талас шаарында 22-апрелде кечке жуук мөндүр аралаш жамгырдын кесепетинен үйлөрдүн короолорун суу каптады. Бул тууралуу "Азаттыкка" облустук Өзгөчө кырдаалдар башкармалыгынан билдиришти. Он турак жайдын короо-сарайларына, үч турак жайдын жертөлөсүнө, үч көп кабаттуу үйлөрдүн подъезддерине суу кирген. Жолчубек уулу Урмат атындагы №9 орто мектептин айланасын суу каптаган. Өзгөчө кырдаалдар министрлигининин ыкчам тобу, Талас шаардык куткаруу кызматынан автоунаа жана төрт куткаруучу тартылып, суу сордурулган. Читать дальше...

Бишкекте “Заманбап коомдогу улгайган адамдардын ролу” аттуу кайрымдуулук көргөзмөсү өтүүдө. 23-апрелде ачылган көргөзмөгө жаш сүрөтчүлөрдүн эмгектери коюлган. Бул тууралуу иш-чараны уюштурган "Бабушка Эдопшн" фондунан билдиришти. Программада сүрөтчү Мария Титованын жаш артисттерге билим берүү боюнча мастер-классы, концерт жана искусство сынагынын жеңүүчүлөрүн сыйлоо аземи камтылган. Иш-чаранын максаты - жигердүү узак жашоо идеясын жайылтуу жана  улгайган адамдардын ролунун маанилүүлүгүн коомчулукка жеткирүү. Читать дальше...

Кыргызстандык балбан Эрназар Акматалиев Монголиянын Улан-Батор шаарында өтүп жаткан күрөш боюнча Азия чемпионатынын финалына чыкты. Кыргызстандык спортчу 23-апрелде алтын байге үчүн жапониялык балбан Тайши Нарикуни менен беттешет. Эркин күрөш боюнча 70 килограмм салмакта күрөшүп жаткан Эрназар Акматалиев биринчи беттешинде Индиядан келген атаандашы Навин Навинди 6-3 эсебинде жеңди. Жарым финалдык таймашта жергиликтүү монголиялык балбанды 12-6 менен утту. 23 жаштагы Эрназар Акматалиев 2021-жылы... Читать дальше...

Кыргызгидромет борбору 24-апрелде түнкүсүн Чүй, Талас, Жалал-Абад, Баткен облустарынын кээ бир райондорунда жамгыр, тоолуу аймактарында кар жаайт деп кабарлады. Күндүз көпчүлүк облустарда жаан-чачын болот. Батыш тараптан жел согуп турат. Абанын температурасы: Нарын облусунда түнкүсүн 4...9, күндүз 14...19, Ысык-Көл жергесинде түнкүсүн 5...10, күндүз 15...20, Талас облусунда түнкүсүн 7...12, күндүз 16...21, Чүй өрөөнүндө түнкүсүн 8...13, күндүз 18...23, Баткен, Ош, Жалал-Абад дубандарында түнкүсүн 10...15... Читать дальше...

Temirov LIVE каналынын журналисти Актилек Капаров Телеграмдагы аккаунтуна чабуул болгонун билдирди. Бул тууралуу 22-апрелде "Фейсбукка" жазып, бир учурда эки жактан бузуп кирүү аракети болгонун кабарлады. Журналист аккаунтуна жасалган чабуул жөнүндө Телеграмдан келген эскертүүнү кошо жарыялады. Актилек Капаров "Азаттык" радиосуна билдиргендей, буга чейин да анын аккаунтун бузууга аракет жасашкан. Ал муну кимдер жасап жатканын анык билбей турганын, бирок болжол менен күч органдарынын кызматкерлери болушу мүмкүндүгүн айткан. Читать дальше...

Кыргызчаны өз алдынча үйрөнүп алган Лим Ён Шик 14 жылдан бери Ошто жашайт. 74 жаштагы Түштүк Кореядан келген мугалим стол теннисин дагы жакшы ойнойт. Ал өз өлкөсүнөн сакура көчөттөрүн алып келип Ошко эккен.

Бишкекте "Илимдеги кыздар" долбоорунун экинчи баскычын жыйынтыктаган иш-чара өтүп жатат. 23-апрелде "Супара" этнокомплексинде уюштурулган менторлор менен жолугушууга Кыргызстандын экс-президенти Роза Отунбаева, билим берүү жана илим министри Алмаз Бейшеналиев, ЮНИСЕФтин Кыргызстандагы башчысы Кристин Жольм, менторлор жана окуучулар катышууда. "Илимдеги кыздар" долбоору Кыргызстандагы окуучу кыздарды STEM багыттарына кызыктыруу максатын көздөйт. Долбоордун алкагында технология, илим жана маданият... Читать дальше...

Кыргызстан Ооганстандын Мазари-Шариф шаарындагы мечитте болгон жардырууну айыптады. Тышкы иштер министрлиги 22-апрелде билдирүү таратып, Орозо айындагы бул террордук чабуулду мусулмандарды бөлүп-жаруу аракети деп мүнөздөдү. Бишкек каза болгондордун жакындарына жана жакындарына көңүл айтып, Ооганстандын элин биримдикке чакырды. 21-апрелде Ооганстанданын бир катар аймактарында болгон жардырууларда 15 кишинин өмүрү кыйылып, ондогон адам жабыркады. Мазари-Шариф шаарындагы шийилердин мечитиндеги жардыруу 11 адамдын өмүрүн алса... Читать дальше...

"Медиа топтоо – 2022" индустриалдык медиа форуму 4-5-июнь күндөрү Бишкекте өтөт. Бул тууралуу аны уюштуруп келаткан "Интерньюс" уюму кабарлап, журналистика, кино, жарнама, контент жаратуу тармагында иштегендерди ага катышууга чакырды. Бешинчи жолу уюштурулуп жаткан форумда медиа туш болгон маселелерден сырткары, жаңы мүмкүнчүлүктөр, реклама, жаңы форматтарды колдонуу, пландаштыруу, команданы сактап калуу, балдар үчүн контент жаратууга байланыштуу тажрыйбалар, кейстер сунушталып, талкууланат. Ага... Читать дальше...