Новости за 15.04.2022

Ур-токмоктон чарчап калган эки жарым жаштагы наристе кыздын соту эң жогорку инстанцияга жетти. Маркумдун адвокаттары наристенин өлүмүнө айыпталып камалган өгөй атасынын жазасы жеңил болуп калганын айтып, Жогорку Сотко апелляция арызын берген. "Баланын боору эзилип, бөйрөгү жарылып кетиптир..." Эки жарым жашында киши колдуу болгон наристе кыз - Асия экинчи турмуш курган апасы менен чогуу өгөй атасынын колуна барган. Таятасы (ысымын айтууну каалаган жок) неберси өгөй атасынан дайыма коркуп жашап жүргөнүн айтып берүүдө. Читать дальше...

"Эркечтам" аркылуу Кытайдан товар ташыган ишкерлер бажы төлөмдөрү өсүп, сырттан товар алып келүү кымбатка түшүп жатканына нааразы. Алар ташылып келген товардын көлөмүнүн азайышы ички базарлардагы баага терс таасирин тийгизгенин айтып, өлкө бийлигине кайрылуу жолдошту. Бирок Бажы кызматы төлөм баасы өзгөргөн жок деп эсептейт.   Жүк ташуучулар ассоциациясынын мүчөсү Эмил Султангазиев бажы төлөмдөрү көтөрүлгөндөн кийин Кытайдан товар ташуу азайып, баа кымбаттаганын билдирди. “Мисалы, чарба буюмдарына тоннасына 700 доллар төлөп келсек... Читать дальше...

Кыргызстандын президенти Садыр Жапаров Тажикстан менен чек аранын 664 чакырымы такталганын айтып, тактоо иштери жай жүрүп жатканын белгиледи. Бул тууралуу мамлекет башчысы Фейсбуктагы баракчасына жазды. “Кыргызстан менен Тажикстандын ортосунда жалпысынан 972 км. чек ара тилкеси бар. Анын 664 км. тилкесин такташып бүттүк. 308 км. калды. Албетте, иштер тез жүрүп, баарын эртерээк такташып алсак жакшы болмок. Бирок менин көз карашымда иштер жай жүрүп жатат. Себеби, бир топ тилкелерде талаштуу жерлер калды. Читать дальше...

Ушул күндөрү Казакстандагы Январь окуяларына байланыштуу эки кыргыз жараны камакта жатат. Камактагылардын биринин апасы Нур-Султанга чейин барып, уулун бошотууну талап кылууда. Тышкы иштер министрлиги кыргыз жарандарынын иши тергөөдө экенин, тергөөнүн жыйынтыгын күтүп жатканын билдирди

Билим берүү министрлигинин 12 жылдык окуу жөнүндө сунушу коомдо эки ача пикирди жаратты. Демилгеге каршы чыккандар тармакта мындан башка реформалоого муктаж көйгөйлөр толтура экенин айтса, министрлик муну замандын талабы деп түшүндүрүүдө. "Азаттык+" ушул теманы талкуулады.

Мамлекет башчы Садыр Жапаров 15-апрелде президенттин администрациясынын Бишкек шаарындагы жаңы имаратынын курулушуна капсула салды. Президент аянты 21 миң чарчы метрди түзө турган жаңы имарат сапаттуу салынышы керектигин айтты. Өлкө башчынын басма сөз кызматы жаңы административдик комплекс курулуп мамлекеттик органдар бир жерге жайгашса, чечимдерди иштеп чыгуу процесси тездеп, Бишкектин борбордук бөлүгүндөгү автожолдогу жүк азаярын билдирди. “Административдик имараттардын азыркы жайгашуусу –... Читать дальше...

"Москва" кемесинин чөгүп кетишине байланыштуу ар түрдүү версиялар айтылууда. Бишкектин "Тазалык" ишканасынын жумушчулары иш таштады. Машинанын маңдайкы жана алдыңкы каптал айнектерин акы төлөп караңгылатып алууга уруксат берилди.

Орусиянын Түштүк Сахалин шаарында убактылуу кармоочу жайында отурган Кыргызстандын сегиз жараны жакын арада мекенине депортация болот. Алардын үчөө апрель айынын аягына чейин өлкөгө жөнөтүлөт деп күтүлүп жатат. Бул тууралуу 13-апрелде Кыргызстандын Орусиядагы элчилигинин кызматкерлери камакта жаткан кыргызстандыктардан кабар алганда белгилүү болду. Алар эмне себептен кармалып жатканы, жалпы канча кыргыз жараны бар экени айтылган жок. Башкы прокуратура 2021-жылы чет мамлекеттерде соттолгон 66... Читать дальше...

Орусиянын Ульяновск облусундагы Димитровград шаарындагы түрмөдө орозо кармаган жети адам кыйноого алынган. Бул тууралуу адам укуктарын коргоо жаатындагы Gulаgu.nеt. долбоору кабарлады. Укук коргоочулардын айтымында, жабыркагандардын бири-Расанбек Бекмурзаев шаардык ооруканага жаткырылды. Орозо туткандардын кыйноого алынышына нааразы болгон камактагы жүздөй адам ачарчылык жарыялап, кан тамырын кесип салышкан. Укук коргоочулар билдиргендей, жабыркагандардын көбү чечен жана ингуш улутундагылар болгон. Читать дальше...

Кыргызстандагы медициналык жогорку окуу жайлардын ректорлору 15-июнга чейин Саламаттык сактоо министрлиги тарабынан берилчү №6 формага байланыштуу талаштуу маселени чечиши керек. Мындай чечим 15-апрелде билим берүү жана илим министри Алмазбек Бейшеналиев медициналык адистерди даярдаган окуу жайлардын ректорлору менен өткөргөн кеңешмеде кабыл алынды. Мындан тышкары мугалимдердин окуу жүгүн белгиленген чектен ашырбоо, жогорку окуу жайларды клиникалык база (көп профилдүү клиника) менен камсыздоо маселесин чечүү... Читать дальше...

Мамлекеттик тарых музейинде 15-апрелде “Жусуп Абдрахманов - кыргыз мамлекетинин негиздөөчүсү” аттуу тарыхый даректүү тасмасынын бет ачары болду. Бул тарыхый тасманынын сценарийин тарых илимдеринин доктору, профессор Асан Ормушев жазып, фильмге Мырзабек Айдаралиев режиссёрлук кылган. Тасмада биринчи жолу тарыхый документтердин негизинде Жусуп Абдрахмановдун ата-теги, уялаш бир туугандары, орус-тузем мектебинде окуган учурлары чагылдырылган. Ошондой эле Алматыдагы, Москвадагы, Оренбургдагы, Самарадагы... Читать дальше...

Бишкек шаарынын мэриясы борбор калаадагы Кыргыз-Түрк ооруканасы муниципалитеттин карамагына өткөрүлгөнүн билдирди. Түрк кызматташтык жана координация агенттигинин (ТИКА) колдоосу менен 2017-жылы курулган оорукана 72 кишиге эсептелген. Анын ичинен 21 реанимация керебети, ангиограф, компьютердик томография, магниттик-резонанстык томография, маммография, рентген жабдуулары, УЗИ, гастроскоп, эхокардиограф жана башка диагностикалык аппараттар бар. Оорукананы башкаруу боюнча эки тараптуу келишим ратификация болбогондуктан... Читать дальше...

АКШнын Мамлекеттик катчысынын жарандык коопсуздук, демократия жана адам укуктары боюнча орун басары Узра Зея Кошмо Штаттары Кыргызстан менен кызматташуу жөнүндө жаңы келишимге кол коюуга даяр экенин билдирди. Бул тууралуу ал 15-апрелде Министрлер кабинетинин төрагасынын орун басары Эдил Байсалов менен жолугушууда айтканын өкмөттүн басма сөз кызматы кабарлады. Жолугушууда Эдил Байсалов Кыргызстан адамдын негизги укуктары менен эркиндиктерин, мыйзам үстөмдүгүн жактай тургандыгын, өлкө жетекчилиги... Читать дальше...

Кыйноолорду алдын алуу боюнча улуттук борбордун кызматкерлери 14-апрелде №47 абакта отурган мурдагы президент Алмазбек Атамбаевден кабар алып чыкканын айтышты. Мурдагы президент анда бели ооругандыктан туруп же отура албай жатканын, бир аз кыймылдаса эле аба жетишпей, колу-буту уюп калып атканын айткан. Ал буга байланыштуу бир нече жолу кат жүзүндө сотко катышуудан баш тартканын, бирок ага карабастан эки жолу отурумга күч менен алынып келип ден соолугу начарлаганын билдирген. №47 колониянын башкы... Читать дальше...

Улуттук банк адамдарды виртуалдык активдерге жамынып алып, “коин”, “криптовалюта”, “криптомонета”, “криптоактив” сөздөрдү колдонуп, айрым активдерди сатып жаткан шылуундардан сак болууга чакырды. Мекеме, анда финансы пирамидасынын белгилери катылган алдамчы схемалар бар экенин, алар ушундай жол менен кишилердин акчасын алып коёрун эскертти. Өлкөнүн негизги банкы алдамчылар Интернетте, айрым жалпыга маалымдоо каражаттарында, социалдык тармактар менен мессенжерлерде өздөрүн жарнамалап, “адамдарга... Читать дальше...

Бишкектеги “Манас айылынын" жетекчиси Дөлөт Сыдыков маданий-этнографиялык комплекстин жерин мыйзамсыз басып алуу аракети болуп жатканын айтып чыкты. Президенттин иш башкармалыгы комплекстин имараттарына жана объектилерине эч кандай зыян келтирилбей турганын, келечекте комплекстин аймагын реконструкциялоо жана көрктөндүрүү планы бар экенин билдирди. “Манас айылынын” жетекчиси, манасчы Дөөлөт Сыдыков маданий-этнографиялык комплекстин жерин басып алуу аракети болуп жатканын 12-апрелде жазып чыккан. Читать дальше...

Пакистандагы уруулар байырлаган Түндүк Вазиристан аймагында болгон согушкерлердин чабуулунан жети аскер курман боду. Бул тууралуу аймактагы жогорку даражалуу аткаминерлердин бири «Азаттык» радиосунун пакистан кызматына билдирди. Азырынча бир да топ 14-апрелде болгон кол салуу үчүн жоопкерчилик ала элек. Бул аймак негизинен пакистандык талибдер же тыюу салынган "Техрик-и-Талибан Пакистан" тобунун уюгу катары саналат. 13-апрелде Шаам менен Мирали Хади райондорундагы эки башка кол салуудан эки аскер курман болгон. Читать дальше...

Улуттук статистика комитеттин маалыматы боюнча, быйыл январь-март айларында Кыргызстандын Ички дүң өнүмү (ИДӨ) өткөн жылдын ушул мезгилине салыштырганда 4,5% жогорулап, 146 млрд. сомго жакындады. “Кумтөр” ишканасын эсепке албаганда, ИДӨнүн көлөмү 138 млрд. сомго чамалап, 2021-жылдын алгачкы үч айына караганда 3,8% көбөйдү. Статком Ички дүң өнүмдүн жогорулашы негизинен товардык өндүрүш жана кызмат көрсөтүү тармактарынан улам болгонун билдирди. ИДӨнүн эң чоң үлүшү тейлөө секторуна туура келип, - 46,3% түздү. Читать дальше...

Улуттук коопсуздук мамлекеттик комитети (УКМК) 15-апрелде Коргоо министрлигинин эки аскер кызматкери баңгизат сатууга айыпталып кармалганын билдирди. УКМКнын басма сөз кызматы тараткан маалыматта аскер кызматкерлери Бишкек шаарындагы жарандарга "гашиш" баңгизатын сатуу боюнча системалуу канал түзүп алганы айтылат. Шектүүлөргө карата Кылмыш-жаза кодексинин "Баңгизат каражаттарын, психотроптук заттарды жана алардын аналогдорун сатып өткөрүү максатында мыйзамсыз даярдоо" беренеси менен иш козголуп... Читать дальше...

Иерусалимдеги Аль-Акса мечитинде израил полициясы менен кагылышууда 152 палестиналык жабыркады. Бул тууралуу Палестинадагы Кызыл Жарым Ай коому билдирди. Жөөттөр жана мусулмандар үчүн ыйык деп эсептелген жай бир нече жолу израил-палестин кагылышуусунун борборуна айланган. Израил полициясы билдиргендей, жүздөгөн палестиндер таңкы намаздан кийин жөөттөрдүн сыйынуучу жайын көздөй таш ыргытышкан. Билдирүүдө "полиция Аль-Аксанын аймагына жаалданган топту таратып, башка зыяратчыларды коопсуз чыгарып кетүү максатында" киргени... Читать дальше...

Жаш түгөйлөр Нурсултан Кадыр уулу менен Зульфия Жумалиева Шаршен Термечиков атындагы Чүй облустук театрынын актёрлору. Жубайлар театрдан алган 7 миң сомдун тегерегиндеги маянасы менен турмуш арабасын сүйрөп келе жатышат. Таланттуу үй-бүлөнүн күнүмдүк турмушу менен тааныштырабыз.

Бишкек мэриясы “Тазалык” муниципалдык ишканасында бир катар каржылык мыйзам бузуулар аныкталганын билдирди. Мекеменин басма сөз кызматы тараткан маалымат боюнча, Эсеп палатасы жана мэриянын Ички аудит башкармалыгы жүргүзгөн текшерүүдө ишкананын 2019-2020-жылдардагы ишинде мыйзам бузуулар аныкталган. Бул убакыт аралыгында “Тазалыкты” Рысбек Сарпашев жетектеген. Бишкек шаардык кеңешинин 2009-жылдын 29-октябрындагы №136 токтомун аткарууда мыйзам бузулуп, 7 млн. 340 миң сом зыян келтирилген деген жыйынтык чыккан. Читать дальше...

Кыргызгидромет борбору кабарлагандай, 16-апрелде жаан-чачын жаабайт. Бийик тоолуу райондордо жолдор тайгак болот. Абанын температурасы: Чүй өрөөнүндө түнкүсүн 8…13, күндүз 23…28, Талас жергесинде түнкүсүн 7…12, күндүз 22…27, Баткен, Ош, Жалал-Абад аймактарында түнкүсүн 11…16, күндүз 25…30, Ысык-Көл дубанында түнкүсүн 3…8, күндүз 17…22, Нарын облусунда түнкүсүн 2…7, күндүз 16…21, Бийик тоолуу аймактарда түнкүсүн -7…-12, күндүз 3…7. Бишкекте жаан жаабайт. Абанын табы түнү 10…12°, күндүз 26…28° болот. Читать дальше...

Бишкек милициясы шаардагы кеңселердин биринде жогорку жана орто билим тууралуу жасалма диплом даярдаган эки адам аныкталганын билдирди. Тинтүүнүн жүрүшүндө орто кесиптик билим тууралуу 47 жасалма диплом табылган. Ошондой эле 40ка чукул ар кандай мамлекеттик мекеме-органдардын, жеке ишканалардын, нотариустардын мөөрү болгон. Ошондой эле компьютердик техникалар алынган. Бул фактыга байланыштуу кылмыш иши козголду, сот шектүүлөрдүн бөгөт чарасын карап үй камагына чыгарды. Улуттук коопсуздук комитети... Читать дальше...

Саламаттык сактоо министрлиги кыргыз-тажик чек арасындагы 12-апрелдеги чыр-чатакта жараат алган аскер кызматкери Ош шаарындагы аскер госпиталына которулганын билдирди. Анын абалы орточо оор деп бааланууда. Маалыматта жараат алган отуз жаштагы дагы бир тургундун Раззаков шаарындагы ооруканада дарыланып жатканы айтылат. Анын абалы да орточо оор, жакында операция жасалары күтүлүүдө. Саламаттык сактоо министрлиги кыргыз-тажик чек арасындагы соңку чыр-чатакта жалпы алты кыргызстандык жараат алганын билдирген. Читать дальше...