Новости за 04.08.2022

Эстониянын өкмөтү коомдук жайларда советтик эстеликтерди алып салуу жөнүндө чечим кабыл алды. Бул тууралуу "Коммерсантъ" басылмасы бул өлкөнүн бийлигине таянуу менен кабарлады. Эстон мамлекетинде советтик мезгилде курулган жалпы 400дөй монумент бар. “Министрлер кабинетинин отурумунда биз оккупациялык бийликтин символикалары бар мемориалдарды жок кылуу маселесин кеңири талкууладык. Башкысы чечилди – кызыл монументтер коомдук мейкиндиктен алынат, муну биз жакын арада ишке ашырабыз”,- деп жарыялады Эстониянын премьер-министри Кая Каллас. Читать дальше...

Москванын жакасындагы Химки шаарынын соту америкалык баскетболчу Бриттни Грайнерди тогуз жылга колонияга кести. Ал баңгизатты контрабандалык жол менен ташууга күнөөлүү деп табылды. Грайнерди быйыл 17-февралда Москванын Шереметьево аэропортунда кармашкан. Тергөөчүлөрдүн айтымында, багажында электрондук тамекинин кара куурайдын майы менен толтурулган картриждери табылган. 7-июлда Химки райондук сотунда өткөн жараянда ал күнөөсүн моюнуна алып, бирок мыйзам бузуу ниети болбогонун айткан. Ал алып жүргөн заттар Орусияда жүгүртүүгө тыюу салынган... Читать дальше...

Кызматынан убактылуу четтетилген саламаттык сактоо министри Алымкадыр Бейшеналиевдин кеңешчиси Мээрим Тилекова үй камагына чыгарылды. Бул тууралуу 4-августта "Фейсбук" баракчасына анын адвокаты Кайсын Абакиров билдирди. Жактоочунун айтымында, 4-августта Каракол шаардык сотунун токтому менен камактагы бөгөт чарасы өзгөртүлүп, ал 11-сентябрга чейин үй камагына чыгарылды. Тилекова Кылмыш-жаза кодексинин 343-беренесинин (опузалап пара алуу) негизинде кармалганын 17-майда Улуттук коопсуздук боюнча... Читать дальше...

Кыргызстанда жаныбарлар катышкан циркке жана коммерциялык зоопарктарга тыюу салуу сунушталганы жатат. Бул тууралуу 4-августта “Азаттык” радиосуна Жаратылыш ресурстары, экология жана техникалык көзөмөл министрлигинен билдиришти. Мекеменин маалыматына караганда, бул боюнча тийиштүү ченемдик-укуктук актылар иштелип чыгууда жана алардын максаты – жаныбарларга катаал мамиле жасалышына жол бербөө. Министрлик Жогорку Кеңештин депутаттарынын ача туяктуу жапайы жаныбарларга аңчылык кылууга мораторий жарыялоо... Читать дальше...

“Араб координациялык тобунан” Кыргызстандын билим берүү тармагына 100 миллион доллар бөлүнмөй болду. Бул тууралуу 4-августта Кыргызстандын Билим берүү жана илим министрлиги билдирди. Мекеменин маалыматына караганда, тийиштүү макулдашуу Чолпон-Ата шаарында аталган топтун төртүнчү жыйынында жетишилди. Жыйында Кыргызстанды өнүктүрүүнүн 2022-2026-жылдарга карата улуттук программасы талкууланды. Жетишилген макулдашууга ылайык, Кыргызстан билим берүү тармагын өнүктүрүүгө грант түрүндө 15 миллион... Читать дальше...

Борбордук Тянь-Шандагы Ак-Шыйрак, Сары-Жаз, Эңилчек кырка тоолорунда жана Сырт өрөөнүндө жапайы жаныбарлар, анын ичинде кайберендер быйыл июнь айынын башындагы табият кырсыгынан кырылган учурлары белгилүү болду. 4-августта "Азаттык" радиосуна Жаратылыш ресурстары жана экология министрлигинен билдиришкендей, быйыл туут маалында "Сары-Чат – Ээр-Таш" мамлекеттик коругунда жана анын жака-белиндеги тилкелерде 786 кайберен өлгөнү ырасталды. Алардын 540ы аркар-кулжа, 246сы тоо теке. Көз карандысыз экологдор... Читать дальше...

Тоолуу Карабак аймагында атышуу болуп, жарым-жартылай аскердик мобилизация жарыяланды. Эки тараптан тең курмандыктар катталып, расмий Баку менен жикчилдер бири-бирин айыптады. Европа Биримдиги касташкан тараптарды тез арада согуштук аракеттерди токтотуп, сүйлөшүүлөрдү улантууга чакырды. Жамааттык коопсуздук келишими уюму да соңку кырдаалга тынчсыздануусун билдирди. Тоолуу Карабак жикчил аймагынын бийлиги 3-августта Азербайжандын пилотсуз учактарынын соккусунан эки аскер кызматкери мерт болуп, 14 жоокер жараат алганын билдирди. Читать дальше...

Кыргызстандын Малайзиядагы элчиси Азимбек Бекназаров жергиликтүү медианын бирине курган маегинде Кумтөр кенине байланыштуу жаңы келишимди сындап чыкты. Анда Кыргызстан канадалык "Центерра Голд" компаниясына коррупциялык схемалардан улам күнөө кое албаганын, экологиялык доодон баш тартканын "утулуу" катары сыпаттады. Өткөн аптада президенттик администрация "Кумтөрдү" өткөрүп берүү жараяны биротоло аяктаганын билдирген. Жаңы келишимди жактагандар Кыргызстан бул жагдайда чоң утушка ээ болгонун айтып келишет. Читать дальше...

Кыргызстанда көпчүлүк ири суммадагы соода-сатык, насыя, бизнес долларга байланган. Учурда накталай доллар тартыштыгы, банктардагы чектөөлөр, кошумча комиссия акысы ишкерлерге түйшүк жаратып, айрымдарынын кирешесин азайтты. Каржы базарындагы олку-солку кырдаалда коммерциялык банктар кирешеге туйтунуп, ал эми валюта рыногунда көмүскө базар пайда болду.

4-августта Австриянын борбору Венада Тегерандын өзөктүк программасы боюнча Иран менен дүйнөлүк державалардын сүйлөшүүлөрүнүн жаңы раунду башталды. Бул - мартта сүйлөшүүлөр токтоп калгандан берки биринчи жолугушуу. Ирандын делегациясынын башчысы Али Багери Кани кайрадан Венага кайтып барганын 3-августта кабарлаган. АКШнын Иран боюнча атайын чабарманы Роберт Малли да Австрияга баратканын билдирип, "Кошмо Штаттары келишим түзүүгө даяр экенин, Тегеран ага даярбы, даяр эмеспи жакын арада билине турганын" айткан. Читать дальше...

Кыйноолорго каршы улуттук борбор аскер кызматкери каза болгон №27 колониядагы моралдык-психологиялык абалга кылдат көз салып жатканын мекеменин басма сөз кызматы билдирди. Маалыматта айтылгандай, эгер абак кайтарган аскер кызматкерлеринин укугу бузулганы тууралуу кайсы бир факт аныкталса чукул арада Жаза аткаруу кызматына, Аскердик прокуратурага жана коомчулукка кабар берилет. Борбордун өкүлдөрү өз алдынча иликтөө жүргүзүп, абак кызматкерлери жана каза болгон жоокер  менен чогуу кызмат өтөгөндөр арасында сурамжылоо жүргүзүп жатышканы... Читать дальше...

Тоолуу Карабактагы этникалык армяндардын түзүмү Азербайжандын аскерлери менен атышуудан кийин аталган жикчил аймакта кырдаал турукташканын маалымдады. Алар эки аскери өлгөнүн, 14 аскери жарадар болгонун билдирди. Өз кезегинде Азербайжандын бийлиги армян тараптын ок атуусунун улам Лачын районунда бир жоокери каза болгонун маалымдады. Аймакта чыңалуу 1-августтан тартып күчөй баштаган. Тараптар 3-августта атыша кеткен. Баку менен жикчилдер бири-бирин айыптаган. Азербайжандын Коргоо министрлиги... Читать дальше...

АКШдан Кыргызстанга билим жаатында жардам берүү үчүн келген ыктыярчылар бүгүн 4-августта Бишкекте ант беришти, алар менен билим берүү жана илим министри Алмазбек Бейшеналиев жолукту. Бул тууралуу мекеменин басма сөз кызматы билдирди. Маалыматта айтылгандай, “Тынчтык корпусу” аркылуу Кошмо Штаттардан 11 мектеп директору, 11 мугалим жана 11 ыктыярчы келген, алыр кыргызстандыктарга англис тилин үйрөтүшөт. Өз сөзүндө министр Бейшеналиев ыктыярчыларга ийгилик каалап, Кыргызстанга буга чейин келип иштеп кеткендер жергиликтүү мугалимдерди окутуу... Читать дальше...

АКШнын делегациясы Тайванга келип кеткенден кийин Кытай аралдын айланасындагы алты акваторияда ок атуу менен аскердик машыгууларды баштады. The Guardian басылмасы жазгандай, машыгуу өтүп жаткан айрым жерлер Тайвандын аймагына кирген суу зоналары менен кесилишет жана айрым деңиз портторуна жакын турат. Тайвандын атын атоодон карманган аткаминеринин айтымында, Кытайдын аскердик-деңиз күчтөрүнүн ондогон кемеси өлкөлөрдүн аймагын бөлгөн линияны кесип өтүштү. Мындан сырткары линиядан кытай аскердик учактары да өтүп... Читать дальше...

Казакстанда куландар 1930-жылдары толугу менен жок болуп кеткен эле. Өткөн кылымдын орто ченинде бул жандыктарды реинтродукциялоо, б.а. кайра жайылтуу боюнча чоң иш башталган болчу. Беш жыл мурун Казакстандагы биоартүрдүүлүктү сактоо ассоциациясынын (КБСА) адистери Казакстандын борбордук чөлкөмүндө, табигый жашоо аймагында куландардын санын көбөйтүү боюнча долбоорду ишке киргизишти. Костанай облусунун түштүгүндөгү КБСА реинтродукция борборун корук жай десе болот: тегереги жалаң талаа, мобилдик байланыш жок... Читать дальше...

Кыргызстандын Улуттук банкы Telegram-каналдар аркылуу валюта алмаштыруу операциялары жүргүзүлүп жатканына байланыштуу күч органдарына кайрылганын бүгүн, 4-августта мекеменин басма сөз кызматы билдирди. Маалыматта айтылгандай, укук тартибин коргоо органдарына айрым адамдардын ишмердүүлүгү мыйзамга канчалык туура келерин карап чыгуу тууралуу кат жөнөтүлдү жана бул боюнча тийиштүү чара көрүү каралууда. Чет өлкөлүк валютага болгон сурамдын жогорулашы “валюта алмаштыруу боюнча жөнгө салынбаган ар... Читать дальше...

Кыргызгидромет кызматы кабарлагандай, 5-августка караган түнү Ысык-Көл облусунун кээ бир райондорунда өткүн өтөт.  Күндүз Ысык-Көл, Нарын облустарынын көпчүлүк аймактарында,  Чүй, Талас, Ош, Баткен  облустарынын кээ бир райондорунда, Жалал-Абад облусунун тоолуу жерлеринде жамгыр жаайт.  Батыш тараптан жел согуп турат. Абанын температурасы: Ош, Баткен, Жалал-Абад облустарында түнкүсүн 18...23, күндүз 31...36, Чүй өрөөнүндө түнкүсүн 14...19, күндүз 28...33, Талас жергесинде түнкүсүн 11...16... Читать дальше...

Орусиянын Москва облусундагы өрттө кыргыз жарандары жабыркаган жок. Бул тууралуу Кыргызстандын Орусиядагы элчилиги кабарлады. Маалыматка караганда, Истра районундагы Петровское айылында "Озон" онлайн-ритейлердин кампасында өрт чыгып, миңден ашуун адам эвакуацияланган.  ТАСС жана Риа Новости кампадагы өрт 17 саатта өчүрүлгөнүн, 11 адам жабыркаганын, экөө орто оор абалда ооруканага түшкөнүн жазышты.  Имараттын 40 миң чарчы метри күйүп, чатыры кулап түшкөн.  28-июлдан 29-июлга оогон түнү Москва... Читать дальше...

Жалал-Абаддын Ноокен районунда алты жаштагы кызды зордуктоого шектелген 28 жаштагы жарандын иши боюнча сот уланууда. Кийинки отурум 15-августта болот. Кыздын жакындары аны өмүр бою камоону суранып жатышат. Тергөөнүн маалыматтарына караганда, шектүү 2022-жылдын 26-майында кызды мектептен келе жатканда үйүнө алып кирип зордуктаган. Облустук ички иштер башкармалыгынан кабарлашкандай, факты Ноокен райондук милициясында каттоого алынып, Кылмыш-жаза кодексинин 154-беренеси (зордуктоо) менен кылмыш иши козголуп, экспертиза дайындалган. Читать дальше...

Эгер Дүйшөмбү Ооганстандын ички ишине кийлигишүүнү токтотпосо, талибдер Тажикстанды бир апта ичинде басып алышы мүмкүн. Мындай эскертүүнү "Талибан" (Кыргызстанда тыюу салынган) кыймылынын кол башчыларынын бири 2-августта жасаганын жергиликтүү басылмалар жазышты. Дүйшөмбү​ мындай билдирүүгө эч кандай жооп кайтара элек. Оогандардын "Хашт-е собх" басылмасы өз булактарына таянып 2-августта жазгандай, талибдердин "Омари" корпусунун жетекчисинин орун басары, "Мулла Жан" деген ысым менен белгилүү молдо... Читать дальше...

"Санарип технологиялар" ишканасы каржылык маселеден улам Талас жана Нарын облустарында 1-августтан тарта он чакты жеке менчик телеканал өчүрүлгөнүн билдирди. Арасында 3-канал, Next TV, Super TV, NewTV өңдүү каналдар бар. Учурда көйгөйдү чечүү аракети көрүлүүдө. Аталган ишканадан кабарлашкандай, жалпы карыз 6 миллион сомго жакын. Мындан улам Телекөрсөтүү жана радиоуктуруу боюнча радиорелейдик магистралдык республикалык өндүрүштүк бирикмесине каналдарды өчүрө туруу сунушу берилген. Кыргызстан 2015-жылы санарип телеберүүгө өткөн. Читать дальше...

Москвадан Ошко бараткан учак техникалык мүчүлүштүктөн улам Бишкекке конду. Окуя 4-августта эртең менен болгонун "Манас" эл аралык аэропортунун сурап-билүү кызматы билдирди. Учак "Урал авиа жолдору" компаниясына таандык. Техникалык мүчүлүштүктүн себеби айтыла элек. Жүргүнчүлөр мейманканага жайгаштырылды. Учак Ошко качан учары азырынча белгисиз. Кыргызстандын Бишкек жана Ош шаарларынан Орусиянын бир канча калаасына жергиликтүү жана орусиялык компаниялар күнүгө үч-төрт каттам аткарышат. (SE)

Жогорку Кеңештин депутаты Жанарбек Акаев Ош аэропортундагы жана "Достук" чек ара өткөрүү пунктундагы такси айдоочулары менен Өзбекстандын жарандарынын ортосундагы жагдайга байланыштуу Министрлер кабинетинин төрагасы Акылбек Жапаровго кайрылды. Депутат 4-августта бул тууралуу Фейсбукка жазып, такси айдоочуларынын өкүмзордугун уят иш катары сыпаттады. Ал кошуна өлкө жарандарынын Кыргызстандын аэропорту аркылу учушу, чек арадан ары-бери катташынын экономикага кошкон салымын белгиледи.   Өзбекстандын... Читать дальше...

Экономика жана коммерция министринин орун басары Айнура Усенбекова аталган мекемеге караштуу Монополияны жөнгө салуу кызматынын төрагасынын орун басары Акжолтой Тукуновго эскертүү берди. Мунун алдында анын соода жайлардын биринде анда иштегендер менен талашып-тартышып жатканы тартылган видео тараган. Жарандык активист катары таанымал Тукунов бул кызматка мындан бир ай мурда гана дайындалган. Окуя жекшембиде, 31-июлда кечки саат 10дор чамасында Чүй облусунун Аламүдүн районуна караштуу Маевка айылындагы ири дүкөндөрдүн биринде болгон. Читать дальше...

Жапониянын Хонсю аралында нөшөр жана жер көчкү коркунучунан улам 100 миңден ашуун адамга убактылуу жай которуу сунушталды. Бул тууралуу 4-августта NHK телеканалы билдирди.  Үйлөрдөн чыгып, эвакуациялоо борборлоруна көчүү буйругу Ниигата, Ямагата, Аомори, Фукусима префектураларынын бир катар аймактарына да тиешелүү. Бул жерлерде жаандан улам бир нече дарыялар жээгинен ашып кетти. Ямагатада нөшөрлөп жааган жамгырдан улам ылдам поезд каттамдары токтоп турат, бир нече жол жабылган.  Жүзгө жакын үйдү суу каптаганы кабарланды. Читать дальше...