Новости за 27.08.2022

Сербиянын президенти Александр Вучич борбор калаа Белградда 12-18-сентябрга пландалган эл аралык EuroPride иш-чаралары өтпөй турганын билдирди. 27-сентябрдагы пресс-конференцияда ал өлкөдөгү сексуалдык азчылык өкүлдөрүнүн укуктарына карата коркунуч жаралган учурлар бар экенин мойнуна алды, бирок өкмөт оңчул топтордун жана өлкөнүн православ чиркөөсүнүн өкүлдөрүнүн иш-чараны болтурбоо максатында жасаган катуу басымына туруштук бере албай калганын айтты. Вучич иш-чара кийинчерээк өткөрүлүшү ыктымал... Читать дальше...

Мындан он жыл илгери Жаңыл Жусупжан экөөбүз Муса Мураталиевдин чыгармачылыгы жайында “Азаттыкта” сукбат курган элек. Убакыт дегениң ушу экен, андан бери он жыл билинбей өтүп кетиптир. Ушу тапта Мусакең өмүрдүн дагы бир кырына чыгып, көркөм чарбасын түгөлдөп, чыгармачылыктын кызык кезин башынан кечирип турган чагы. Эки тилде эркин жазган сүрөткердин чыгармачылык диапазону кеңейип, кыргыз турмушунан Орусиянын кең мейкинине өттү, окурман журтун кеңейтти. Андан дагы бир жакшы жышаан кийинки жылдары Мусаке социалдык айылга кошулуп... Читать дальше...

Ноокен районунун Достук айыл аймагынын тургундары 20 көчөгө гүлдүн он чакты түрүн өстүрүп жатат. Жергиликтүү бийлик көчөлөргө гүл койгуч жасап, атайын идиштерди орнотуп берген. Көз жоосун алган гүлдөрдү негизинен жол боюндагы үйлөрдүн жашоочулары карайт.

Бийликтин аракеттерине каршы саясий билдирүүлөрү менен таанылган ишкер, активист Илгиз Шаменовдун машинасынан табылган темир боюм РГД-5 гранатасы экенин экспертиза тастыктады. Бул тууралуу 27-августта “Азаттык” радиосуна Бишкектин Ленин райондук милициясынын басма сөз кызматы билдирди. Мекеменин маалыматына караганда, экспертиза граната заводдо жасалган, ичинде тротил жана тетрил деген жардыргыч заттары бар ок-дары экенин аныктап чыкты, бирок ал колдонууга жараксыз экени белгилүү болду, себеби адистер текшерип көргөндө иштеген эмес. Читать дальше...

Казакстанда Өзбекстандан Кыргызстанды көздөй келатып жол кырсыгына кабылган автобустун ичиндеги жүргүнчүлөрдүн арасындагы бир кыргызстандыктын абалы канааттандырарлык экенин 27-августта “Азаттык” радиосуна Кыргызстандын Алматыдагы башкы консулу Назарали Арипов билдирди: “Баштапкы маалымат боюнча, жалпысынан сегиз адам ооруканага кайрылыптыр, арасында Өзбекстандын, Франциянын жарандары болгон. Кыргызстандан бир кызыбыз да болгон экен. Азыр баары жайында, ал ооруканадан чыкты. Бул баштапкы гана маалымат. Читать дальше...

Кыргызстан Евразиялык экономикалык биримдигинин шарттары менен жашай баштаганына жети жыл толду. Быйыл 25-26-августта ЕАЭБге мүчө мамлекеттердин өкмөт башчылары Чолпон-Атада жыйналып, жалпы газ рыногун жана кооперацияларды түзүүнү талкуулады. Биримдик ага мүчө өлкөлөргө товарлардын, кызмат көрсөтүүлөрдү, капиталды жана жумушчу күчүн эркин жүгүртүү кепилдигин берген. Ошондой эле 184 миллиондук калкы бар чоң рынокко кирүү шарты көрсөтүлгөн. Кыргызстандын ЕАЭБге киргендеги үмүттөрү канчалык акталды? Читать дальше...

28-августта түнкүсүн Кыргызстан боюнча Баткен облусунун айрым жерлеринде өткүн өтөт,  калган аймактарда жаан-чачын жаабайт. Күндүз Талас, Баткен облустарынын айрым жерлеринде, Ош, Чүй облустарынын тоолуу райондорунда өткүн өтөт, Ош облусунун өрөөндөрүндө, Чүй облусунун дыйканчылык аймактарында, Жалал-Абад, Ысык-Көл, Нарын облустарында жаан-чачын болбойт. Батыш тараптан келген шамалдын ылдамдыгы секундасына 4-9 метрге жетет.​ Абанын температурасы: Чүй облусунда түнкүсүн 11...16, күндүз 26…31; Талас жергесинде түнкүсүн 8...13... Читать дальше...

Орусияда кыргызстандык жаран жергиликтүү тургундун  колунан каза тапканын Кыргызстандын Тышкы иштер министрлиги (ТИМ) 27-августта билдирди. Мекеменин маалыматына караганда, окуя 26-августка караган түнү Москванын Зеленоград административдик округундагы кафелердин биринде болгон. Чырдаша кеткен эркектердин бири ок атып, өзү окуя болгон жерден качып кеткен. Ок жеп, каза болгон адам Кыргызстандын 33 жаштагы жараны экени аныкталды. Жараат алган дагы бир кыргызстандык ооруканада жатат. Кылмыш иши козголуп, шектүү адам кармалды. Читать дальше...

Жалал-Абад облусунун Чаткал районундагы алтын кен компанияларынын биринин жетекчиси мыйзамсыз казылып алынган 1,5 килограмм алтынды машинасында ташып бараткан жеринен колго түшүрүлгөнүн 27-августта Улуттук коопсуздук боюнча мамлекеттик комитет (УКМК) билдирди. Мекеменин маалыматына караганда, УКМКнын облустук башкармалыгы райондун кызмат адамдарына карата кылмыш ишин козгоп, алардын алтын казуучу компаниянын кызматкерлери менен бирге алтын казуудагы мыйзамсыз иштерди жана алтын чайкоону жашырып жүрүшкөнүн иликтеп жатат. Читать дальше...

Президент Садыр Жапаров элдик курултай уюштуруу чечимин кабыл алууга былтыр журналисттерге өткөргөн жылдык пресс-конференциясы түрткү болгонун бүгүн 27-августта “Кабар” улуттук маалымат агенттигине курган маегинде билдирди. Жапаров ошондо “Үч саат жөн эле ушактарга жооп берип олтурганын” белгилеп, “Анан ошондон кийин Баш мыйзамдын негизинде курултай чогултуп, элдин алдында бир жылда кандай иштер аткарылгандыгы жөнүндө маалымат берели деп чечтим” деп айтты. “30 жылдан бери эле президенттер өздөрүнө караштуу журналисттерди топтоп алып... Читать дальше...

25-августта Чехиянын Прага шаарында «Ибарат» этно-фольклордук ансамблинин чакан концерти өттү. Кыргызстандын Эгемендик күнүнө арналган мындай концерттер аталган ансамблдин өз демилгеси жана Европадагы кыргыз диаспораларынын көмөгү менен Чехиядан тышкары Германияда жана Францияда уюштурулуп жатат.

2016-жылы Москвадагы өрттө 14 кыргызстандык кыз-келиндин көз жумганына быйыл 27-августта туура алты жыл болот. Алдына койгон изги тилектерин ишке ашыруу максатында Москвага кетип, өлүмгө дуушар болгон маркумдардын улуусу 45, кенжеси 17 жашта болчу. Кыздарын илгери үмүт, жакшы тилек менен Ош жана "Манас" аэропортторунан Москвага узаткан жакындары алардын сөөгү салынган табыттарын тосуп алышкан. "Ошол күнү Бишкекке учмак" 2016-жылы 27-августта Москва шаарындагы Алтуфьев шоссесинде жайгашкан типографияда өрт чыгып... Читать дальше...

Кыргызстан алтынын кайсы убакта кайсы өлкөгө алып барып сатып жатканы тууралуу маалыматты ачыктабай турганын бүгүн 27-августта “Кабар” улуттук маалымат агенттигине курган маегинде президент Садыр Жапаров билдирди. Мамлекет башчысы алтынды сатуу жагынан “Эч ким мамлекетти алдай албай турганын”, бирок алтын казган компаниянын ишин уюштурууда уурулук болушу мүмкүн экенин айтты. Ал "Кумтөр" баштаган бардык кендердин алтынын "Кыргызалтын" аркылуу Улуттук банк сатып аларын, аны чет өлкөгө алып барып... Читать дальше...

Москвадагы “Печатный экспресс” басмаканасындагы каргашага алты жыл болду. 2016-жылдын 27-августтагы өрт кырсыгынан 17 адам, анын ичинде Кыргызстандын 14 жараны каза болгон. Буга байланыштуу басмакананын башкы директору 2,5 жылга, башкы инженери 3,5 жылга жатак абагына кесилген.

Кыргыздын чыгаан актрисаларынын бири, Кыргыз Эл артисти Мираида Далбаева “Дуэт” аттуу автографиялык китебин чыгарды. Анда актриса өзү жана өмүрлүк жары, Кыргыз Эл артисти Сатыбалды Далбаев жарым кылымдан ашык кызмат кылган кыргыз искусствосунун даңазалуу доорун, сахнадагы жана жеке жашоосундагы урунттуу учурларды эскерген. Актриса Мираида Далбаева менен китептеги эскерүүлөрдүн айрым өңүттөрү тууралуу Бурулкан Турдубек кызы “Азаттыкта” сыябан-маек курду. Маектин биринчи бөлүгүн сунуштайбыз.

Жалал-Абадда 15-16 жаштагы үч окуучунун өмүрү кыйылган жол кырсыгынын чоо-жайы иликтенип жатат. Облустук жол кыймылынын коопсуздугун камсыздоо башкармалыгынын маалыматына караганда, окуя 25-августта Кара-Көл шаарында, Ош-Бишкек автожолунда болгон. 16 жаштагы окуучу бала атасынын Subaru Outback машинасын айдап баратып  жолдун бурулушунда оодарылып кеткен. Анын жанында дагы беш бала бараткан. Үчөө оорукананын жандандыруу бөлүмүндө жан берген. Айдоочу жана дагы эки жүргүнчү дарылануусун улантууда... Читать дальше...

Москвада ишкерлик менен алектенген мекендештеринен акча опузалап, адам уурдап кылмыш кылган деп шектелген кыргызстандыктардын тобу колго түшүрүлгөнүн 26-августта Кыргызстандын Ички иштер министрлиги билдирди. Мекеме Орусиядагы өкүлчүлүгүнө таянып билдиргендей, кылмыштуу топ быйыл май айында Кыргызстандын жаранын күчтөп машинага салып кетип, белгисиз бир батирде кармап турган жана андан 1 миллион рубль талап кылган. Алгач 78 миң рублин, кийин дагы 65 миң рублге бааланган мүлкүн тартып алган. Орусиянын Кылмыш-жаза кодексинин “адам уурдоо”... Читать дальше...

Кыргызстанда балдарга карата зордук-зомбулук токтобой жатканын өз кайрылуусунда 26-августта мамлекеттик катчы Сүйүнбек Касмамбетов билдирди. Ал алсыз балага кордук көрсөткөндөрдү эч аёосуз жазалоо керектигин, ошондой оор кылмыштарды жашырып-жапкандар, айрыкча укук тартибин коргоо органдарынын кызматкерлери кылмыш жообунан тышкары калбашы керек экенин белгиледи. Мамкатчы келтирген маалыматка караганда, 2021-жылы өлкө аймагында 254 жаш кызды мажбурлап никеге тургузуу фактысы катталса, ал иштердин... Читать дальше...