Новости за 14.08.2022

Жума күнү бычактан жараат алган жазуучу Салман Рушди өз алдынча дем алып, сүйлөй баштады. Бул тууралуу маалыматты 13-августта анын агенти Эндрю Уайли ырастады. Буга чейин Рушди ИВЛ жабдуусуна туташтырылган. Анын алдында Нью-Йорк штатынын Чаутоква округунун бийлиги 75 жаштагы британиялык жазуучунун өмүрүнө кол салган кишиге айып тагылганын билдирген. Полициянын маалыматына караганда, Нью-Жерсинин 24 жаштагы тургуну Хади Матар камакка алынды. Анын ата-энеси АКШга Ливандан көчүп барганы белгилүү болду. Читать дальше...

Европа Биримдиги “инклюзивдүү саясий система түзө албагандыгы” үчүн “Талибан” кыймылын сындады. “Этникалык жана диний топтор, асыресе хазарлар менен шийилер экономикалык, социалдык, маданий, жарандык жана саясий укуктары тебеленип жатканынан жапа чегүүдө”, - деп билдирди 14-августта талибдердин бийликке кайтып келишинин бир жылдыгын утурлай шаркеттин тышкы иштер боюнча өкүлүнүн маалымат катчысы Набила Массрали. Билдирүүдө ооган аялдардын укуктары бузулуп жатканы, кыздардын билим ала албай калганы... Читать дальше...

Кыргызстан менен Казакстандын чек арасындагы "Кең-Булуң автожол" өткөрүү бекетинде жүк ташыган автоунаалардын узун кезеги көбөйдү. Мамлекеттик чек ара кызматы 50гө жакын машине турганын, аларда жүк жоктугун 14-августта  "Азаттыкка" маалымдады. Өткөрүү пункту штаттык режимде иштеп жатат. Жүк ташуучу унаалардын топтолуп калышынын негизги себеби катары туристтик сезонго байланыштуу жүргүнчү ташуу жана сезондук азыктарды ташуу көбөйгөнү айтылууда. Чек ара кызматы кыргыз-казак мамлекеттик чек арасындагы... Читать дальше...

Президент Садыр Жапаров Жетим-Тоодогу кенди иштетүүгө байланыштуу элге кайрылуу жолдоду. Мамлекет башчынын текст түрүндөгү кайрылуусу 14-августта Фейсбуктагы баракчасына жарыяланды. Бул кайрылуу коомчулукта Жетим-Тоого байланыштуу талаш-талкуу күчөгөн учурда жасалды. Кайрылууда Cадыр Жапаров өткөн президенттик шайлоодо “Жетим-Тоону 100 пайыз өзүбүз иштете турган болсок, сырткы карызыбызды жаап коет” деп айткан сөзүн эске салып, “бирок азыр Жетим-Тоону иштетели деген эч ким жок” деп билдирди. “Эгер Жетим-Тоону иштетип калсак... Читать дальше...

Армениянын борбору Еревандагы "Сурмалу" соода борборундагы жарылуудан бир киши өлүп, 26 адам жараат алды. Алардын бир тобу ооруканага түштү. Бул тууралуу "Азаттык" радиосунун армян кызматы Саламаттык сактоо министрлигине таянып билдирди. Мурдараак Өзгөчө кырдаалдар министрлиги бир киши каза таап, 20сы жараат алганын кабарлаган. Окуя 14-августта борбордун пиротехникалык кампасында болду. Баштапкы маалыматтарга ылайык, эки күчтүү жарылуудан кийин өрт чыккан. Урандылардын астында дагы деле адамдар болушу мүмкүндүгү айтылган.

15-августтан тарта Бишкек-Балыкчы-Бишкек багытында поезд каттамы жанданат. Бул тууралуу “Кыргыз темир жолу” ишканасынын басма сөз кызматы билдирди. Поезд борбордон саат 7:40та чыгып, Балыкчыга түшкө жакын жетет. Кечинде ал жактан Бишкекке кайтат. Боом капчыгайында 30-июлдагы селден улам аталган каттам убактылуу токтотулган. Билет сатып алып, бирок өзгөчө кырдаалдан улам сапарга чыга албай калгандар "Бишкек-2" станциясынын кассасынан билеттеринин датасын алмаштырса болот. Жөнөкөй вагондордо билет баасы чоңдор үчүн 150 сом, балдарга 73 сом.

Президент Садыр Жапаров Жетим-Тоодогу кенди иштетүүгө байланыштуу элге кайрылуу жолдоду. Мамлекет башчынын текст түрүндөгү кайрылуусу 14-августта Фейсбуктагы баракчасына жарыяланды. "Эсиңиздерде болсо, президенттик шайлоодо “Эгер Жетим-Тоону 100 пайыз өзүбүз иштете турган болсок, сырткы карызыбызды Жетим-Тоо эле жаап коет” деп айткан сөзүм бар. Бирок азыр Жетим-Тоону иштетели деген эч ким жок", - деп белгилеген Жапаров "бүгүн эле Жетим-Тоону иштетип жиберүүгө даярдык жоктугун, геологиялык иштер жүргүзүлүп... Читать дальше...

Үркүн окуяларына арналып, Бишкектен башталган эскерүү жүрүшү 14-августта Ысык-Көлдүн Жети-Өгүз районунда жыйынтыкталды. Бул тууралуу уюштуруучулардын бири Айбек Сарыгулов "Азаттыкка" билдирди. Алар Тосор айылынан беш чакырым аралыктагы Кыргын-Сай деген жерге барып, ошол жерде кыргындын курмандыктарын эскеришти. Демилгечилер тарыхчылардын изилдөөлөрүнө таянып тараткан маалыматтарга ылайык, 1916-жылы кеч күздө дал ушул Кыргын-Сай деген жерде орус падышачылыгынын жазалоочу аскерлери алардан жашынып... Читать дальше...

Кытайдын түштүк-батышындагы Сычуань провинциясында селден жети адам каза болду. Бул тууралуу жекшемби күнү аймактык өзгөчө кырдаалдар башкармалыгы билдирди. Буга чейин "Сина" порталы төрт киши каза таап, тогуз адам жаракат алганын жазган. Окуя 13-августта түштөн кийин Чэнду шаарынын түндүк бөлүгүндө туристтер көп барчу паркта болгон. Жергиликтүү бийлик издөө-куткаруу иштерине 150гө жакын адамды тартты. Жабыркагандардын бардыгына медициналык жардам көрсөтүлүп, айрымдары жергиликтүү ооруканага жаткырылган.

13-августта АКШнын Пенсильвания штатынын Бервик шаарында кайрымдуулук иш-чарасы өтүп жаткан бардын жанында чогулган элди машине сүзүп, бир адам каза таап, кеминде 15 киши жарадар болду. Fox News телеканалы кабарлагандай, эки адам реанимацияга түшкөн. Жабыркагандардын арасында беш бала бар. Шектүү Нескопек шаарында дагы жол кырсыгына кабылып, полицияга колго түштү.

14-августта Индонезияда Молукк деңизинин жээгинде күчү 5,7 баллга жетке жер титирөө болду. Европа-Жер Ортолук деңиз сейсмологиялык борбору билдиргендей, силкинүүнүн очогу 451 миңдей калкы бар Манадо шаарынан 165 чакырым алыста, 49 км. тереңдикте болгон. Жабыркагандар жана цунами коркунучу тууралуу айтылган жок.

"Так мураскери" ("Манастын уулу Семетей") тасмасын кайрадан көрөрмандарга тартуулоо демилгесине каршы бийликке кайрылуу жолдонду. "Манас" театрынын көркөм жетекчиси, манасчы Замирбек Баялиевдин бул жааттагы пикири жана Кыргызстандын эмгек сиңирген артисти Самат Көчөрбаевдин бийликке кайрылуусу "Манас" театрынын Фейсбуктагы баракчасына жарыяланды. Муну аталган театрдан "Азаттыкка" ырасташты. "Так мураскери" фильминин сценарийи эпостун салттуу вариантынын мазмуну менен шайкеш келбей турганын айтып... Читать дальше...

Кыргызгидромет кызматы 15-августка караган түнү өлкө аймагында жаан-чачын болбойт деп кабарлады. Күндүз Ысык-Көл, Нарын облустарынын кээ бир райондорунда, Чүй, Талас, Ош облустарынын тоолуу жерлеринде өткүн өтөт. Дыйканчылык аймактарда жаан-чачын болбойт. Абанын температурасы: Чүй өрөөнүндө түнкүсүн 16...21, күндүз 31...36, Талас облусунда түнкүсүн 12...17, күндүз 30...35, Баткен, Ош, Жалал-Абад дубандарында түнкүсүн 19...24, күндүз 32...37, Ысык-Көл облусунда түнкүсүн 13...18, күндүз 26...31... Читать дальше...

Ош облусунда мектеп директорлугуна талапкерлердин сынагына катышкан 359 кишинин 88и компьютерлик тестирлөөдөн ийгиликтүү өттү. Бул көрсөткүч жалпы талапкерлердин 25% түзгөнүн Билим берүү жана илим министрлиги билдирди. Облустагы мектептердин директорлук кызматына 541 жаран талапкерлигин көрсөткөн. Биринчи этапта 169 кишинин документтери толук эмес болгондуктан, экинчи айлампага өтпөй калышкан. 13-августтагы тестирлөөгө катышууга 372 талапкер катталып, алардын 13ү келбей, 359у катышты. Буга... Читать дальше...

УКМКнын тергөө абагында каза болгон саясат таануучу Марат Казакпаев менен “Айыл банктын” төрагасынын мурдагы орун басары Бакыт Асанбаевдин өлүмүнүн себебин иликтеген комиссия ишин жыйынтыктады. Комиссия Асанбаев менен Казакпаевдин күтүүсүз өлүмүнө "трагедиялуу жагдайлардын жыйындысы алып келген" деген алдын-ала корутундусун чыгарган. Комиссияны жетектеген Министрлер кабинетинин төрага орун басары Эдил Байсалов ал эки адамдын өлүмү "киши колдуу болбогонуна алардын жакындары өз көзү менен көрүп, ынандыра турган шарттар түзүлгөнүн" белгиледи. Читать дальше...

Өзбекстанда дагы бир каржы пирамидасы уюштурулуп, жүздөгөн адам алданганы белгилүү болду. Habar.uz басылмасынын маалыматына караганда, үч жүзгө жакын кишиге үй жана унаа алып берүүнү убада кылган Rayona Qutlug каржы пирамидасынын негиздөөчүлөрүнүн бири акчаны алып, чет өлкөгө качып кеткен. Жабырлануучулар орто эсеп менен ар бири автоунаа үчүн 4-5 миң доллар, үй үчүн 15-17 миң доллардан төлөгөнү, бул тууралуу алардын үй-бүлө мүчөлөрү, жакындары кабардар эместигин билдиришкен. 2022-жылдын 10-январында... Читать дальше...

Бишкекте төкмө акындардын медиасабаттуулукка арналган "Билим айтыштын" финалында Кутман Садыбакасов 1-орунду алып, ага 85 миң сом сыйлык ыйгарылды. 2-орунду ээлеген Жылдызбек Төрөканов 65 миң сом, 3-орунду алган Баян Акматов 45 миң сом алды. Андан тышкары, бардык катышуучуларга 15 миң сомдон берилди. Ошондой эле "Ак таңдай" коомдук фонду жасатып келген "Алтын комуз" сыйлыгы Жылдыз Төрөкановго тапшырылды. Internews уюмунун Кыргызстандагы өкүлчүлүгү уюштурган иш-чара 13-августта кечинде "Ынтымак-2" эс алуу багында өттү. Читать дальше...

Улуттук коопсуздук боюнча мамлекеттик комитеттин (УКМК) мурдагы төрагасы Абдил Сегизбаев Жетим-Тоодогу темир кенин иштетүүгө каршы пикирин билдирди. Анын видеокайрылуусу 13-августта Фейсбуктагы "Новости Кыргызстана 24\7" деген баракчага жарыяланды. Кенди иштетүүнү азыркы бийликтин катасы катары сыпаттаган Сегизбаев "Жетим-Тоону иштетүү аракетинин артында мурдагы президенти Курманбек Бакиевдин жакындары турган жокпу?" деген өңүттө суроо салды. "Азаттык" азырынча анын өзүнө байланыша алган жок. ... Читать дальше...

Түркиянын Конья шаарында өтүп жаткан V Ислам шериктештиги оюндарында кыргызстандык балбандар 13-августта үч алтын, бир күмүш жана эки коло байгеге ээ болушту. Дене тарбия жана спорт агенттигинин маалыматына караганда, алтын байгелерди кыз-келиндер күрөшүнөн Мээрим Жуманазарова (68 кг) жана грек-рим күрөшүнөн Жоламан Шаршенбеков (60 кг) менен Акжол Махмудов (77 кг) алды. Кыз-келиндер күрөшүнөн 68 килограмм салмакта күч сынашкан Мээрим Жуманазарова финалда казакстандык Жамиля Бакбергенованы жеңди. Читать дальше...