Новости за 24.08.2022

Бүгүн, 24-августта “Манас” кинотеатрында  “Манастын уулу Семетей” (“Так мураскери”) тасмасынын бет ачары өттү. Тасманы продюсер Өмүрзак Төлөбеков Эл акыны Жалил Садыковдун “Манастын уулу Семетей” драмасынын негизинде тарткан. Анын бюджети 1 млн. долларды түзүп, президент Садыр Жапаровдун колдоосу менен тартылганы айтылган. Көркөм тасмага Эл артисти Эгемберди Бекболиев жана казакстандык режиссер Дархан Кожохан режиссерлук кылган. Каныкейдин ролун актриса Албина Имашова, Чыйырдыны Калича Сейдалиева... Читать дальше...

Тажикстандын бийлиги соңку күндөрү кеминде тогуз ооган жаранын өз мекенине депортация кылды. Бул тууралуу 24-августта “Азаттыктын” тажик кызматынын бийликтеги булактары кабарлады. Анда айтылгандай, коопсуздук органдарынын кызматкерлери качкындарды мекеменин бөлүмдөрүнө чакырган, айрымдарын үйлөрүнөн кармап кеткен. Андан соң аларды чек арага чейин жеткирип, Ооганстанга өткөрүп беришкен. Журналисттер качкындардын биринин аялы менен да анонимдүү шартта байланышкан. Ал күйөөсү Ооганстанга өткөрүлүп жибергенин... Читать дальше...

Орусияда жол кырсыгында мерт болгон 14 кыргызстандыктын сөөгү мекенине алып келинип, жерге берилди. Бул кырсык кыргызстандыктардын үрөйүн учуруп, мигранттардын маселесин кайрадан көңүл борборуна чыгарды. Учурда коомдо мигранттардын көйгөйү, коопсуздугу кызуу талкууланып жатат.

Орусияда, казак-орус чек ара тилкесине жакын аймакта кыргызстандыктар кол салууга кабылган окуя боюнча Орусиянын Кылмыш кодексинин «Мүлктү атайылап жок кылуу же талкалоо” деген беренесинин негизинде кылмыш иши козголду. Бул тууралуу 24-августта Кыргызстандын Тышкы иштер министрлиги (ТИМ) Орусиядагы элчиликке таянып билдирди. Мекеменин маалыматына караганда, кылмышкерлерди аныктап, кармоо боюнча ыкчам тергөө иштери жүрүп жатат. Окуя Саратов облусунда автомобилдик «Озинки» өткөрмө пункту тараптагы жолдо болгон. Читать дальше...

"Кумтөр" ишканасында финансылык мыйзам бузуулар аныкталып, ишкананы жетекчиси менен анын финансылык директору кызматынан четтетилди. Эсеп палатасынын аудитинин негизинде укук коргоо органдары да текшерүү иштерин баштаганын кабарлады. "Кумтөр" компаниясынын тышкы башкаруучусу Тенгиз Бөлтүрүк менен финансылык директору Рыспек Токтогулов 23-августта ээлеген кызматынан четтетилди. Министрлер кабинети таркаткан маалыматка караганда, буга Эсеп палатасынын май айындагы текшерүүлөрүнүн жыйынтыгы себеп болду. Читать дальше...

Таиланддын Конституциялык соту төңкөрүштөн кийин бийликке келген Прают Чан-Очанын өкмөтүнүн ыйгарым укуктарын токтотту. Мындай чечим оппозициянын петициясын кароонун алкагында кабыл алынды. Bangkok Post басылмасы кабарлагандай, оппозиция өкмөт мыйзамда каралгандан узагыраак иштеп жиберди деп сотко кайрылган. Чан-Оча – Таиланддын армиясынын мурдагы командири. 2014-жылы өлкөдө аскердик төңкөрүш болгон. Генерал алгач аскердик өкмөттү жетектеп, кийин Министрлер кабинетинин башчы боулп калган. Ошол... Читать дальше...

Президенттин Бишкектеги жана Чолпон-Атадагы мамлекеттик резиденцияларынын аймагындагы дачаларды жана жер тилкелерин кайрадан мамлекеттин карамагына өткөрүү сунушталууда. Аларды улутташтыруу жөнүндөгү мыйзам долбоорун Жогорку Кеңештин депутаты Жеңишбек Токторбаев иштеп чыгып, 23-августта парламенттин сайтына коомдук талкуу үчүн жайгаштырды.   Депутат президент мамлекеттин башчысы жана Конституциянын гаранты, ал эми анын резиденциясы өлкө жетекчилери убактылуу жашай турган режимдик объект экенин... Читать дальше...

Орусиядагы жол кырсыгынан каза болгон Баткендин беш тургунунун сөөгү жакындарына жеткирлип, жерге берилди. Каза болгондордун арасында үч баланын ата-энеси, жубайлар Каныбек менен Айгүл да бар. Алар куруп баштаган жаңы үйү пайдубалы түптөлгөн боюнча калды.

Орусиядагы кырсыкта каза болгон 46 жаштагы Уулкан Сулайманова 23-августта кичи мекени Кенжегул айылында жерге берилди. Артында үч кызы калды. Маркумдун эжеси Сайрагүл Сулайманова дагы Орусиядагы эмгек мигранттарынын бири. Ал чет жактагы мигранттардын башынан өткөргөн кыйынчылыктары тууралуу айтып бийлик өкүлдөрүнө кайрылды.

Орусиянын Ульяновск облусундагы ири жол кырсыгында каза болгон Ош облусунун тургундарынын сөөгү жерге берилди. Маркумдардын сөөктөрү өздөрү туулуп-өскөн айылдарына коюлду. 21-августтагы өтө катуу жол кырсыгында 14 кыргыз жараны мерт болгон.

23-августта Свердлов райондук сотунда иликтөөчү журналист Болот Темировдун жана Биринчи Май райондук сотунда Next TV телеканалынын директору Таалайбек Дүйшөмбиевдин соту болду. Кечээ Бишкек шаардык соту активист Адилет Балтабайдын бөгөт чарасын карап, камакта калтырган. Мындан башка да онго чукул активисттер менен журналисттерге козголгон кылмыш иштери айлап-жылдап созулуп келет. Бишкектин Свердлов райондук соту 23-августта күбө катары сурак берчү тергөөчүлөр үчүнчү ирет келбегенине байланыштуу... Читать дальше...

Коомдук ишмер, тарыхчы Алмаз Кулматовдун блогу. Автордун пикири "Азаттыктын" көз карашын чагылдырбайт.   Кусейин Эсенкожоевдин “Үчүнчү шары” жана космос "Мен бир шар жасап, ал аркылуу көтөрүлүп, жогоруга учтум эле. Бирок менин шарымда кемчиликтер болгондуктан жана өзүмдүн болжогон жериме бара албай, белгисиз жолго түшүп, суюк абанын арасында гана жогорулап кетип бара жатам. Жарык шооласы да жок, караңгылык, менден башка эч бир жандын бардыгы сезилбейт. Ал караңгылыкты сөз менен айтып, көз менен болжолдоор эмес". Читать дальше...

"Кумтөр Голд Компани" ишканасынын жетекчилиги алмашты. Ал арада Министрлер кабинетинин төрагасы Акылбек Жапаров 24-августта Кумтөр кенине барды. Бир күн мурда "Кумтөр" компаниясын жетектеп келген Тенгиз Бөлтүрүк жана ишкананын финансылык директору Рыспек Токтогулов ээлеген кызматынан четтетилген. "Кумтөр Голд Компани" ишканасынын басма сөз кызматы жаңы жетекчи болуп Алмаз Барыктабасов, ал эми Башкармалыктын төрагалыгына Болотбек Идрисов дайындалганы маалым болду. Алмаз Барыктабасов тууралуу ачык булактарда маалыматтар сейрек... Читать дальше...

Орусиядагы жол кырсыгынан каза тапкандардын бири, сузактык 47 жаштагы Азиз Каныбек уулу үй-бүлөсү менен 15 жылдан ашуун мигрант болуп жүргөн. Анын артында бир уул, эки кызы калды. Маркумдун сөөгү туулуп-өскөн Жыгач-Коргон айылына жеткирилди.