Новости за 18.08.2022

17-августта Ош шаарындагы Ички иштер министрлигинин (ИИМ) 703-аскер бөлүгүндө кызмат өтөп жаткан аскер каза болду. Алдын ала маалыматтар боюнча ал жүрөк оорудан көз жумган. Бирок анын атасы уулунун ден соолугу чың болгонун билдирүүдө. "Жалгыз уулумдан айрылдым" Жогорудагы сүрөт 14-августта Ош шаарындагы 703-аскер бөлүгүнүн алдынан тартылган. Анда Баткен шаарындагы Булак-Башы айылынын тургуну Мавлан Жусупов аскерде кызмат өтөп жүргөн уулу Алканбек менен турат. Ата-баланын жолугушуусунан үч күн өткөндөн кийин... Читать дальше...

Өзбекстандын Ташкент шаарында 18-августта өткөн Шанхай кызматташтык уюмуна (ШКУ) мүчө мамлекеттердин ички иштер жана коомдук коопсуздук министрлеринин төртүнчү жыйынында Кыргызстандын ички иштер министри Улан Ниязбеков Бишкек шаарында эл аралык уюшкан кылмыштуулукка каршы күрөшүү борборун түзүүнү сунуштады. Ниязбеков бул борбор ШКУга мүчө мамлекеттердин коопсуздугун камсыздоого жана коркунучтарга каршы турууда механизмдердин бири болорун белгилеп, ИИМдин демилгесин колдоого чакырды. Мекеменин маалыматына караганда... Читать дальше...

Мурдагы президент Алмазбек Атамбаевдин адвокаттары аны кримтөбөл Азиз Батукаевди мыйзамсыз бошотууга айыптаган өкүмдү жокко чыгаруу үчүн Жогорку сотко арыз жазганын билдиришти. Алар буга чейин Жогорку сотко кассациялык даттануу укугу четке кагылып келгенин, азыр бул укуктан пайдаланышканын белгилешти. Жогорку Соттун басма сөз кызматы даттануу түшкөнүн, катталганын ырастай элек. Даттануу укугу: ишти кайра кароого табылган жол Мурдагы президент Алмазбек Атамбаевдин адвокаттары аны кримтөбөл Азиз... Читать дальше...

Министрлер кабинетинин төрагасы Акылбек Жапаров Орусиянын өкмөт башчысы Михаил Мишустин менен телефондон сүйлөшүп, соода-экономикалык катыш, бирге ишке ашырып жаткан долбоорлорду талкуулашты. Бул тууралуу маалымат орус өкмөтүнүн сайтында жазылды. Анда эки тарап 25-26-августта Кыргызстандын Чолпон-Ата шаарында өтүүчү Евразия өкмөттөр аралык кеңештин жыйынына даярдыктарды дагы талкуулашканы жазылган. Азырынча Министрлер кабинетинин басма сөз кызматы бул сүйлөшүү жөнүндө кабарлай элек. 2022-жылы... Читать дальше...

Аткаруу бийлигиндеги бардык мамлекеттик органдардын жетекчилери социалдык тармактар аркылуу жума сайын отчетун жарыялап, жарандардын суроолоруна жооп берет. Бул тууралуу президенттик администрациянын маалыматтык саясат кызматы кабарлады. Ага ылайык, 19-августта мамлекеттик органдар Facebook жана Instagram аркылуу түз эфирге чыгып, суроолорго жооп берет. Эфирлердин графиги Министрлер кабинетинин сайтына жарыяланды. Президент Садыр Жапаров 4-июлда күч түзүмдөрүнүн, айыл чарба жана башка мекемелердин... Читать дальше...

Бир жылдан бери Ооганстанды "Талибан" кыймылы бийлеп келатат. 20 жылдан кийин бийликке кайтып келген талибдердин башкаруусуна кандай баа берсе болот? Алар бир жыл мурун берген убадаларын канчалык аткара алды? Дүйнө өлкөлөрү талибдердин бийлигин таанышы керекпи? Ошол эле маалда "Талибан" кызматташууга умтулуп, Борбор Азияга ооган тараптан коркунуч болбойт деп ишендирүүдө. Ал эми чөлкөмдөгү өлкөлөр Ооганстандын жаңы бийлиги менен мамиле түзүүдө эки башка позицияда турат. Талибдер менен кызматташып... Читать дальше...

Президенттин администрация мамлекет башчы Садыр Жапаровдун “Элдик курултайды чакыруу жөнүндө" жарлыгы жөнүндө кенен түшүндүрмө таратты. Билдирүүдө курултай чакыруу эмнеге жарлык менен бекитилгени Конституциядагы беренелер менен көрсөтүлгөн. Кыргызстандын Конституциясына жана мыйзамдарына ылайык жарандар мыйзамдарды, республикалык жана жергиликтүү маанидеги чечимдерди талкуулоого жана кабыл алууга катышууга укуктуу экени айтылат. “Конституциянын 7-беренесинде, элдик курултай - коомдук жыйын. Ошол эле учурда элдик курултай кеңешүүчү... Читать дальше...

Кабулда мечиттеги жардыруудан 21 киши мүрт кетип, дагы 30дан ашуун киши жабыркаганы кабарланды. Ички иштер министрлигинин Оштогу аскер бөлүгүндө кызмат өтөгөн жоокер каза болду. Муфтият 2019-жылдан ушул кезге чейин ажылык сапарга акчасын төлөп, кезекке тургандардын каражатын кайтарып берет.

Казакстандын Башкы прокуратурасы жети айдан кийин Январь окуяларында каза болгондордун тизмесин жарыялады. Анда 238 кишинин гана аты-жөнү, инициалы жазылган. Деталдар толук эмес. Мурдараак “Азаттыктын” казак кызматы курмандыктардын тизмесин өз алдынча аныктап, коомчулукка сунуштаган. Кечиккен жана так эмес тизме Казакстандын Башкы прокуратурасынын сайтында коюлган тизмеде буга чейин каза болгону айтылган 238 адамдын фамилиялары келтирилди. Алардын ысымдары кыскартылып, баш тамгасы менен гана берилген. Читать дальше...

Улуттук коопсуздук боюнча мамлекеттик комитет (УКМК) Бишкек шаардык мэриясынын “Тазалык” муниципалдык ишканасынын жооптуу кызматкери айлык акыны эсептөөдө кызмат абалынан пайдаланып, акча каражаттарын чыгарып кетүү үчүн коррупциялык схема түзгөнү аныкталганын маалымдады. Иликтөө иштеринин жүрүшүндө муниципалдык ишканада иштебеген же жумуштан кеткен жана чет өлкөдө жүргөн адамдарга эмгек акы ыйгарылып турган схема иштеп турганы аныкталган. Ал аркылуу чыгарылып кеткен каражаттарды схеманын уюштуруучулары... Читать дальше...

Орусиядагы оппозициялык саясатчы Алексей Навальныйдын YouTube каналына шилтеме кылып билдирүү жазганы үчүн Екатеринбургда 14 күнгө камакка алынган журналист Елена Шукаева ачкачылык жарыялады. Бул тууралуу “ОВД-Инфо” басылмасы жазды. Журналист  “ачкачылык жарыялоону милициянын өзүм билемдигине каршы нааразылык” деп түшүндүргөн. Елена Шукаева “Азаттык” радиосунун орус кызматы жана башка көз карандысыз маалымат каражаттары менен кызматташат. 17-августта Екатеринбургдун соту аны экстремисттик уюмдардын... Читать дальше...

Акыйкатчы институту Бишкектеги № 1 тергөө абагында киши колдуу болгон Чыңгыз Жумагуловдун өлүмү боюнча ички иликтөө жүргүзүүнү талап кылды. Бул тууралуу мекеменин басма сөз кызматы кабарлады. Омбудсмен институту өлкөдө бардык адамдар мыйзам алдында бирдей экенин белгилеп, маркумдун өлүмү боюнча тергөө ишинен сырткары мындай окуялар кайталанбашы үчүн мекеменин кызматкерлеринин жоопкерчиликсиз мамилесине баа берүү үчүн ички иликтөө жүргүзүлүшү керек деп эсептейт. Мекеме тараткан маалыматка ылайык... Читать дальше...

Элдик курултай өткөрүү жана делегат тандоонун жобосу президенттин расмий сайтында жарыяланды. Анда бул жобо «элдик курултайдын укуктук макамы мыйзамдуу жөнгө салынганга чейин кыргыз элинин тарыхый салты болуп саналган элдик курултайды уюштуруу жана ишин жүзөгө ашыруу тартибин аныктайт” деп айтылат. Жобо үч бөлүктөн турат. Биринчи жалпы жоболор, курултайга делегат шайлоо жана курултайды өткөрүү тартиби. Жобонун тексти бул жакка жайгаштырылды. 17-августтун кечинде президент Садыр Жапаров элдик... Читать дальше...

Өзбекстандын Энергетика министрлиги жана Сауд Арабиянын Энергетика министрлиги менен компаниялардын ортосунда 12 миллиард долларлык үч ири келишимге кол коюлду. Өзбекстандын Энергетика министрлигинин маалыматы боюнча, келишимдер эки өлкөнүн отун-энергетикалык комплексиндеги кызматташтыкты өнүктүрүү үчүн аянтча болуп калат деп болжолдонууда. Биринчи документ Каракалпакстанда ACWA Power компаниясы тарабынан 1,5 ГВт шамал электр станциясынын курулушуна тиешелүү. Маалыматка караганда, ал аймактагы эле эмес... Читать дальше...

Өзгөчө кырдаалдар министрлиги 20-22-августта күн салкындай турганын маалымдады. Чүй, Ысык-Көл облустарынын тоолуу райондорунда кар түшүшү мүмкүн. Батыштан соккон шамалдын ылдамдыгы секундасына 4-9 метрден, күндүз кээ бир райондордо 15-20 метрге чейин жетет. 19-августка карата абанын температурасы: Чүй өрөөнүндө түнкүсүн 11…16, күндүз 24…29, Талас облусунда түнкүсүн 7…12, күндүз 22…27, Баткен, Ош, Жалал-Абад дубандарында түнкүсүн 16…21, күндүз 29…34, Ысык-Көл облусунда түнкүсүн 8…13, күндүз 21…26... Читать дальше...

Тоолуу Бадахшандык жарандык активист жана блогер Максуд Гаёсов 17-августта Москвада кармалды. Ал жарым жылдан ашык убакыттан бери Орусияда жашап жаткан. Бул тууралуу “Азаттыктын” тажик кызматына Максуд Гаёсовдун достору жана тааныштары билдиришти. Москва полициясы окуя тууралуу маалымат бере элек. Укук коргоо кызматкерлери Гаёсовду кайда алып кеткени да белгисиз. Жакындары ал Тажикстанга экстрадицияланышы мүмкүн деп кооптонушууда. Алардын айтымында, 2021-жылы ноябрда Хорогдо Рошткала районунун... Читать дальше...

Соң-Көл жайлоосунда быйыл Нарын районундагы эки айылдын бала бакчасы иштеди. Мындан он жылдай мурда тарбиячы эжекеси менен жалгыз боз үйдү айланчыктап жүргөн жайлоодогу балдар эми өзүнчө китепканасы, ашканасы бар бала бакчага барууда.

Бишкек шаарында Улуттук коопсуздук боюнча мамлекеттик комитеттин жана ардагерлер кеңешинин мүчөлөрү үчүн жаңы имарат ачылды. Анын ачылыш иш-чарасына атайын кызматтын жетекчиси Камчыбек Ташиев катышканын мекеменин басма сөз кызматы кабарлады. “Жаңы курулган имарат кызматкерлердин иштөөсү үчүн талапка жооп бере турган, керектүү заманбап жабдуулар менен толук камсыздалган”, - деп айтылат маалыматта. Май айында дагы Бишкекте атайын кызматтын жаңы имараты ачылган. Анын ачылышына катышкан президент... Читать дальше...

Ооганстандын баш калаасы Кабулда 17-августта кечки намаз маалында ибадат кылуучуларга жык толгон мечитте жардыруу болуп, 21 киши мүрт кетти. Бул тууралуу Кабул полициясы бейшемби күнү билдирди. Reuters агенттиги Кабулдагы талибдердин полициясынын өкүлү Халид Задран жардыруудан дагы 33 киши жараат алганын айтканын жазды. Күбөлөр агенттикке Кабулдун түндүгүндөгү конуштарда катуу жардыруу угулуп, жанындагы имараттардын терезелери талкаланганын айтышкан. “Талибан” кыймылынын (Кыргызстанда тыюу салынган)... Читать дальше...

Кыргызстан мусулмандар дин башкармалыгы (муфтият) 2019-жылдан ушул кезге чейин акчасын төлөп ажылык сапар үчүн кезекте турган жарандарга кайрылды. Анда алар ажылык сапар үчүн берген акчасын кайтарып алышы керектигин,  ошол эле маалда кезеги сакталып тура берерин билдирди. Быйыл Сауд Арабиясы Кыргызстанга ажылыкка барууга 2766 квота бөлгөн жана сапардын жалпы баасы 5500 доллар болгон. Коронавирус пандемиясына байланыштуу 2020 жана 2021-жылдары зыярат убактылуу токтоп турган.  Муфтият буга чейин... Читать дальше...

Бишкектеги Биринчи май райондук соту Алымкадыр Бейшеналиев саламаттык сактоо министри болуп турганда иштен алган кызматкерлердин арызын канааттандырды. Ага ылайык, аталган министрликте бөлүм башчы болуп иштеген Айнура Акматованы, Гүльмира Ибраеваны жана Азамат Жумакеевди кайра кызматына коюу,  иштен алынган учурдан берки айлыктарын төлөп берүү тууралуу чечими чыкты.  Бейшеналиев буга байланыштуу азырынча комментарий бере элек.  Ушул жылдын май айында саламаттык сактоо министринин орун басарлары... Читать дальше...

Мындан он жыл илгери Топчубек Тургуналиевдин “Оомал-төкмөл дүнүйө” китеби чыккан. Кызыктуу чыгармадагы “Ак шумкар” баяны тууралуу кеп кылсакпы деп турабыз. Жол боюнан жолуккан кыраан Күлүк ат менен алгыр кушка Топчукенин атасы Тургуналы боорун жерден көтөргөнү жакын болуптур. Тургуналы саяпкер, мүнүшкөр экен, төрөлгөн жери кадимки Кожожаштын Авлетим аскасына жуук жерден, анан жаратылышка мамыр-жумур болбогондо кантет?! Ал киши көргөн-билгенин тирикарак уулуна элестүү кылып айтып берчү. Ошол Тургуналынын тестиер кези... Читать дальше...

Билим берүү жана илим министрлиги мектеп директорлорун тандоо сынагынын алкагында өткөрүлгөн Чүй менен Талас облустарындагы компьтердик тестирлөөнүн жыйынтыгын жарыялады. Ага ылайык, Чүйдө сынакка 182 талапкер катышып, керектүү баллды 69у (38%) топтоду. Таласта 73 талапкердин арасынан компьютердик тестирлөөнү 24ү (32%) ийгиликтүү тапшырды. Аталган министрлик , Чүйдө 44, ал эми Таласта 146 бош орун бар экенин билдирген. Буга чейин комьютердик тестирлөө Баткен, Жалал-Абад жана Ош облустарында өткөн. Читать дальше...

Министрлер кабинетинин төрагасы Акылбек Жапаров Кытайдын Кыгызстандагы элчиси Ду Дэвенди кабыл алды. Өкмөттүн басма сөз кызматынын билдиришинче, анда тараптар соода-экономикалык, транспорт-логистикалык тармактарга өзгөчө көңүл буруп, алака-катыштын актуалдуу маселелерин талкуулашты. Негизинен "Кыргызстан-Кытай-Өзбекстан" темир жолун куруу тууралуу сөз болду "Бул темир жолун куруу долбоорун ишке ашырууда олуттуу жылыштар бар. Жакында долбоордун активдүү фазасы башталат деп ишенебиз", - деди Акылбек Жапаров. Читать дальше...

Чүй облустук ички иштер башкармалыгы Сокулук районунда аялын көгала кылып аёосуз сабаган жаран милициянын убактылуу кармоочу жайына киргизилгенин билдирди. Анда кылмышка шектүү Орусияга качып кетүүгө аракет кылып жатканда колго түшкөнү айтылат. Жабырлануучунун арызы Кылмыштардын бирдиктүү реестрине катталып, тергеп-иликтөө башталды жана тиешелүү соттук-медициналык экспертизалар дайындалды. Мунун алдында социалдык тармактарда төрт баланын апасы, 28 жаштагы келиндин денесинин баары көгала болгону тартылган сүрөттөр тараган. Читать дальше...