Новости за 26.08.2022

“Медиа Полиси Институту” уюму 24.kg маалымат агенттигинин сайты бөгөттөлгөн окуяны фейктерге каршы деп аталган, бирок иш жүзүндө жалпыга маалымдоо каражаттарына (ЖМК) каршы административдик ресурска айланган мыйзамдын кесепети деп атады. Уюм 26-августта жарыялаган билдирүүсүндө бул мыйзамды фейктерге эмес, чындыкка каршы мыйзам деп сыпаттап, бийлик коррупция менен непотизмге караганда чындыкты жазган журналисттерди алда канча кооптуу деп эсептей баштаган учурлар буга чейин да болгонун белгиледи.... Читать дальше...

Кыргыз өкмөтү Кумтөрдү сырттан башкаруу тартибин жокко чыгарып, кенди буга чейин башкарып келген Теңгиз Бөлтүрүктөн отчет талап кылды. Ал эми Кумтөрдө былтыр өндүрүлгөн 14 тоннадан ашык алтын кайда сакталганы боюнча суроого так жооп жок болууда. Министрлер кабинети Бөлтүрүктөн отчет сурады Министрлер кабинетинин төрагасы Акылбек Жапаров "Кумтөр Голд Компани" ишканасын сырттан башкарууну тартибин жокко чыгарган буйрукка кол койду. Бул тууралуу аталган компаниянын басма сөз кызматы кабарлады. ... Читать дальше...

Тоо туризми Кыргызстандын келечектүү тармактарынын бири. Жыл сайын жүздөгөн турист тоо койнунда эс алууну тандайт. "Азаттык+" Суусамыр жана Соң-Көл жайлоолорунда токтогон туристтер менен таанышып кайтты.

Беларустун лидери Александр Лукашенко беларус учактары кайра жабдылганын, эми алар өзөктүк курал да алып жүрө алышарын айтты. Бул тууралуу ал Орусиянын президенти Владимир Путин менен 2022-жылдын июнь айынын аягында макулдашкан. Бирок анда сөз башка учактар тууралуу болгон. “Путин экөөбүз буга чейин Санкт-Петербургда Беларустун Су-24 учагын да өзөктүк курал алып жүрүүгө ыңгайлаштырабыз деп айтканбыз. Бизди жөн гана сүйлөп койгон деп ойлойсуңарбы? Мына эми баары даяр болду”, - деди Лукашенко. ... Читать дальше...

Жогорку Кеңештин мурдагы депутаты Рыскелди Момбековдун жогорку билим алгандыгы тууралуу дипломун Билим берүү жана илим министрлигинде түзүлгөн комиссия жараксыз деп тапканын 26-августта “Азаттык” радиосуна мекеменин басма сөз кызматы билдирди. Маалыматка караганда, дипломдун аныктыгын териштирген комиссиянын колуна Кыргыз улуттук университетинен ал 1997-2003-жылдары окууга кабыл алынбаганы тууралуу маалымкат тийген. Момбековдун дипломунун аныктыгын текшерүү үчүн комиссия түзүү өтүнүчү менен министрликке... Читать дальше...

Маданият, маалымат, спорт жана жаштар саясаты министрлиги 24.кg маалымат агенттигинин сайтын убактылуу жабуу тууралуу чечимин жокко чыгарды. Мунун алдында аталган сайт “Анык эмес (жалган) маалыматтан коргоо жөнүндө" мыйзамга ылайык, "Амбасадор" мейманканасынан түшкөн арыздын негизинде убактылуу блоктолгону белгилүү болгон. Медиа коомчулук бул окуяны сөз эркиндигине карата кезектеги чабуул катары сыпаттап жатат. 24.кg маалымат агенттигинин сайты 25-августтан тартып айрым интернет провайдерлерде ачылбай калган. Читать дальше...

Чолпон-Ата шаарында 26-августта өткөн Евразия экономикалык биримдигинин (ЕАЭБ) өкмөт башчыларынын жыйынында ич ара соода жүгүртүүдө мүчө мамлекеттердин улуттук валюталарынын үлүшүн көбөйтүү сунушталды. Евразия экономикалык комиссиянын маалыматында, кыргыз сомунун ЕАЭБдин соода жүгүртүүсүндөгү үлүшү эки жылдан бери 0% түзөт. Улуттук валютанын көлөмүн көбөйтүү кандай ишке ашат жана анын өлкөгө пайдасы кандай? Евразия өкмөттөр аралык кеңешинин кезектеги жыйында Кыргызстандын Министрлер кабинетинин... Читать дальше...

Азербайжандын президенти Илхам Алиев өлкөнүн куралдуу күчтөрү Лачын шаарына жайгашып, Забух жана Сус айылдары толук көзөмөлгө алынганын билдирди. Бул тууралуу ал Твиттердеги баракчасына жазды. Лачын району 2020-жылдын 1-декабрында Бакунун көзөмөлүнө өткөн. 2020-жылы Карабакта согуш аяктагандан кийин кол коюлган үч тараптуу билдирүүдө Тоолуу Карабак менен Арменияны байланыштырган туурасы 5 чакырым болгон Лачын коридору “Орусиянын тынчтык орнотуучу күчтөрүнүн көзөмөлүндө калат” деп айтылган. Расмий... Читать дальше...

Бишкекте милиция бөлүмүнүн башчысы пара талап кылганы үчүн кармалганын 26-августта Улуттук коопсуздук боюнча мамлекеттик комитет (УКМК) билдирди. Мекеменин басма сөз кызматынын маалыматына караганда, милициянын Ленин райондук ички иштер башкармалыгына караштуу шаардык бөлүмдөрүнүн биринин башчысы жергиликтүү тургундардан түшкөн арыз-даттанууларды кароодо коррупциялык схема уюштурган деп шектелүүдө. Шектүүгө карата Кылмыш-жаза кодексинин 343-беренесинин (“Опузалап пара талап кылуу”) негизинде иш козголгону... Читать дальше...

Өзбекстандын курамына кирген Каракалпакстан автономдук республикасынын жетекчиси июль айындагы тополоңдон кийин алмашты. Өзбекстандын президентинин басма сөз кызматы Каракалпакстандын Жогорку Кеңешинин кезексиз сессиясында мурдагы ички иштер министри Аманбай Оринбаев парламенттин төрагасы болуп шайланганын билдирди. Оринбаевге чейин Каракалпакстандын Жогорку Кеңешин 2020-жылдын октябрь айынан бери Мурат Камалов жетектеп келген. Ал “ден соолугуна байланыштуу” кызматтан кеткени кабарланган. Каракалпакстан... Читать дальше...

Мамлекеттик салык кызматы сентябрь айында транспорт каражатына, турак жайга жана жер участогуна салык төлөбөгөндөрдү аныктоо боюнча рейддик иш-чараларды жүргүзөт. Аталган мекеменин басма сөз кызматы билдиргендей, белгиленген мөөнөттө салык төлөөгө үлгүрбөй калгандар салыктан тышкары административдик айып төлөп, кечиктирилген ар бир күн үчүн туум төлөйт. Салык кызматы 1-сентябрга чейин транспорт каражатына, турак жай имаратына (ишкердик иш үчүн пайдаланылбаган, үй, батир) жана үй, короо-жайдын жанындагы... Читать дальше...

27-августта түнкүсүн Ысык-Көл облусунун айрым жерлеринде өткүн өтүп, күн күркүрөйт, калган аймактарда жаан-чачын жаабайт. Күндүз Ысык-Көл облусунун айрым жерлеринде, Ош облусунун тоолуу райондорунда өткүн өтүп, күн күркүрөйт, калган аймактарда жаан-чачын болбойт. Батыш тараптан келген шамалдын ылдамдыгы секундасына 4-9 метрге жетет. Абанын температурасы: Чүй облусунда түнкүсүн 9...14, күндүз 26…31; Талас жергесинде түнкүсүн 6...11, күндүз 23…28; Баткен, Ош, Жалал-Абад дубандарында ​түнкүсүн 12…17... Читать дальше...

Маданият, маалымат, спорт жана жаштар саясаты министрлиги 24.kg сайтын убактылуу жабуу тууралуу чечимин жокко чыгарды. Бул маалыматты министрдин орун басары Чынгыз Эсенгул уулу "Азаттыкка" ырастады. Мунун алдында аталган сайтты “Анык эмес маалыматтан коргоо жөнүндө" мыйзамга ылайык, "Амбасадор" мейманканасынын түшкөн арыздын негизинде убактылуу жабуу тууралуу чечим чыкканы белгилүү болгон. Аталган маалымат агенттиктин сайты 25-августтан тартып айрым интернет провайдерлерде ачылбай калган. Санариптик... Читать дальше...

Евразия өкмөттөр аралык кеңешинин Чолпон-Ата шаарында өткөн жыйыны аяктады. Кыргызстандын Министрлер кабинетинин төрагасы Акылбек Жапаров кеңешмеде талкууланган маселелер тууралуу жалпыга маалымдоо каражаттарынын өкүлдөрү үчүн билдирүү жасады. Анын айтымында, жыйындын жүрүшүндө Евразиялык кайра камсыздандыруу компаниясын түзүү жөнүндө макулдашуунун долбоору каралып, талкууланды. Мындан сырткары тараптар биримдиктеги өнөр жай кооперациясын каржылоо, алкоголдук рынокту жөнгө салуу жөнүндө макулдашуу... Читать дальше...

Дача СУ каргашасын иликтеген коомдук комиссия 25-августтагы жыйынында мамлекеттик органдардан, ишканалардан, жергиликтүү бийлик, күч органдарынан алынып, жыйналган материалдарды анализдеп, видео жана фото материалдар менен таанышты. Анда кырсык болгондон кийин учак кулаган жерден ок-дарылар жыйналып жатканы тартылган видеолор көрүлгөнүн комиссиянын төрагасынын орун басары Мавлян Аскарбеков "Азаттыкка" билдирди. "Видео материалда кызыктуу фактылар аныкталды, мисалы ок-дарылар жыйналып жатканы тартылган. Читать дальше...

Латвиянын борбору Риганын Жеңиш гүлбагындагы советтик жоокерлердин эстелиги толугу менен талкаланды. Акыркылардан болуп 79 метрлик стела, ага чейин Кызыл Армиянын жоокерлерин чагылдырган эстелик алынган. Шаршемби күнү Латвиянын полициясы эстеликтин айланасына барып, аны бузууга каршы чыккан 14 адамды кармаган. Орусиянын Ригадагы элчилиги скульптуралык композициянын бузулушуна жооп катары дипломатиялык жана экономикалык чараларды камтыган сунуштарды даярдаганын билдирген. Риганын Жеңиш гүлбагындагы “Советтик Армиянын жоокерлерине ... Читать дальше...

Дача СУ каргашасын иликтеген коомдук комиссия кезектеги жыйынына мурдагы өкмөт башчы Мухаммедкалый Абылгазиевди чакырат. Бул тууралуу комиссиянын төрагасы Алмамбет Шыкмаматов "Азаттыкка" кабарлады. Комиссиянын кийинки отуруму сентябрдын башына белгиленген. "Буга чейин жабыркагандарга деп чогултулган каражат бюджетке ишетилип кеткен деген маалыматтар болгон. Мурдагы премьер ушул тууралуу маалымат бериши керек", - деди ал. Комиссия 25-августта жыйын өткөрүп, мамлекеттик органдардан, ишканалардан... Читать дальше...

Министрлер кабинетинин төрагасы Акылбек Жапаров Евразия экономикалык биримдигине мүчө мамлекеттердин товар жүгүртүүсүндө улуттук валюталарды колдонуу боюнча бардык багытта талкуулашканын билдирди. Бул тууралуу Жапаров 26-августта Чолпон-Ата шаарында Евразия өкмөттөр аралык кеңешинин кезектеги жыйында айтты. Анда Министрлер кабинетинин төрагасы биримдиктеги мүчө мамлекеттердин улуттук валюта төлөм карталарын камсыздоо боюнча иштер аныкталганын белгиледи. “Бул сунуштардын ишке ашыруу менен анын... Читать дальше...

Кыргызстандын Малайзиядагы мурдагы элчиси, Убактылуу өкмөттүн мүчөсү Азимбек Бекназаров 2010-жылдагы Июнь окуясы боюнча 25-августта Башкы прокуратурага сурак берип чыкканын "Азаттыкка" билдирди. Ал Жалал-Абаддагы өзбек улуттук маданий борборунун мурдагы президенти, экс-депутат, маркум Кадыржан Батыровдун Кыргызстандан чыгып кетишине байланыштуу күбө катары суралган. Улуттук коопсуздук комитети (УКМК) былтыр жазында Убактылуу өкмөттүн мүчөлөрүнө козголгон кылмыш иши кайра тергеле баштаганын маалымдаган. Читать дальше...

Өлкөнүн көзгө басар, жападан жалгыз мамлекеттик циркинин абалы азыр кейиштүү абалга келди. Маданий жайдын майда-чүйдө жерлери ондолгонун эске албаганда, ишке берилгенине 50 жылга чукул убакыт өтсө да бир дагы капиталдык ремонттон өтө элек.

Бүгүн, 26-августта Чолпон-Ата шаарында Евразия өкмөттөр аралык кеңешинин кезектеги жыйыны өтүп жатат. Кеңири форматтагы жыйындын башында сүйлөгөн Кыргызстандын Министрлер кабинетинин төрагасы Акылбек Жапаров биримдикте товарларды, жумушчу күчүн жана капиталды эркин жүгүртүүдө тоскоолдуктар болуп жатканын жана аны чечүүнүн механиздерин иштеп чыгуу зарылдыгын белгиледи. 2022-жылы Кыргызстан Жогорку Евразиялык экономикалык кеңешке, Евразиялык өкмөттөр аралык кеңешке жана Евразиялык экономикалык комиссиянын кеңешине төрагалык кылып жатат. Читать дальше...

Президент Садыр Жапаров ЕАЭБ өкмөт башчылары менен жолугушууда мигранттарга шарт түзүү маселесин көтөрдү. 25-августта Чолпон-Ата шаарында Евразия өкмөт аралык кеңешинин жыйыны башталды. Мамлекет башчы Садыр Жапаров Евразия экономикалык биримдигине (ЕАЭБ) мүчө өлкөлөрдүн өкмөт башчыларын 25-августта кабыл алып, биримдиктеги негизги көйгөйлөрдү атады. Жапаров эмгек миграциясы биримдиктеги актуалдуу көйгөй экенин белгилеп, уюмга мүчө өлкөлөрдө жумушчуларга тиешелүү шарт түзүү керек экенин билдирди. Читать дальше...

Евразиялык өкмөттөр аралык кеңештин алкагында Министрлер кабинетинин төрагасы Акылбек Жапаров менен Казакстандын премьер-министри Алихан Смаилов жолугушуп, чек арадан жүктү тоскоолдуксуз өтүшүнө байланыштуу маселени талкуулашты. Бул тууралуу өкмөттүн басма сөз кызматы кабарлады. Расмий маалыматка караганда, жолугушууда “Ак-Тилек” жана “Кара-Суу” өткөрүү пункттарынын аймагындагы Өнөр жай-логистикалык комплексин куруу долбоорун ишке ашыруу, Казакстанда дизелдик отунга болгон баанын көтөрүлүшү талкууланды. Читать дальше...

Министрлер кабинетинин токтомуна ылайык чет элдик жарандарга «Санариптик көчмөн» («Digital nomad») макамын ыйгаруу боюнча пилоттук долбоор башталды. Экономика жана коммерция министрлигинин маалыматына караганда, “Санариптик көчмөн" макамын алгандар Кыргызстандын аймагына жашаган жери боюнча каттоосу жок, иштөөгө уруксаты жок визасыз кирүүгө жана жүрүүгө мүмкүндүк берет. Ошондой эле жеке идентификациялык номер (ЖИН) жөнүндө маалыматты камтыган документтер талап кылынбайт. ⠀ "Дүйнө жүзүндө Digital... Читать дальше...

Бүгүн, 26-августта Чолпон-Ата шаарында Евразия өкмөттөр аралык кеңешинин кезектеги жыйыны өтөт. Анда интеграциялык биримдик алкагындагы талылуу маселелер каралып, бир катар документтерге кол коюлат. 2022-жылы Кыргызстан Жогорку Евразиялык экономикалык кеңешке, Евразиялык өкмөттөр аралык кеңешке жана Евразиялык экономикалык комиссиянын кеңешине төрагалык кылып жатат. Жыйынга катышуу үчүн Азербайжандын премьер-министри Али Асадов, Армениянын өкмөт башчысы Никол Пашинян, Беларустун премьер-министри Роман Головченко... Читать дальше...