Новости за 09.08.2022

Улуттук коопсуздук боюнча мамлекеттик комитет (УКМК) Бишкектеги №61 мектептин директору Юрий Низовский коррупцияга шек саналып кармалганын ырастады. Мекеме тараткан маалыматта директор окуучулардын ата-энелеринен туруктуу акча алып турган коррупциялык схема аныкталганы айтылат. “Балдарды мектепке чейинки билим берүү мекемелерине жана биринчи класска киргизүүдө көрсөткөн жардамы үчүн каражат алган фактылар аныкталды. Ошентип, Х.Ю.Н. системалуу негизде пара алып, ошондой эле окуучулардын ата-энелеринен акча талап кылгып турган”... Читать дальше...

Улуттук коопсуздук боюнча мамлекеттик комитет (УКМК) Бишкектеги №61 мектептин директору Юрий Низовский коррупцияга шек саналып кармалганын билдирди. Мекеме тараткан маалыматка караганда, ал окуучулардын ата-энелеринен туруктуу акча алып турган коррупциялык схема түзгөнү аныкталды. “Балдарды мектепке чейинки билим берүү мекемелерине жана биринчи класска киргизүүдө көрсөткөн жардамы үчүн каражат алган фактылар аныкталды. Ошентип, Х.Ю.Н. системалуу негизде пара алып, ошондой эле окуучулардын ата-энелеринен акча талап кылгып турган”... Читать дальше...

Тайвандын өкмөтү Кытай "аралга кол салууга даярдык көрүп, ири аскердик машыгуу өткөрүп жатканын билдирди. Бээжин машыгууларды "чагымчылдарга" жана "Тайвандагы жикчил күчтөргө эскертүү" деп атоодо. Тайвандын тышкы иштер министри Жозеф Ву эл аралык коомчулукту өздөрүн колдоого чакырды. "Алар ири аскердик машыгууларды өткөрүп, ракеталарды учуруп, киберчабуулдарды уюштуруп, жалган маалымат таратып, тайвандыктардын демин түшүрүү үчүн экономикалык басым жасап жатат",- деди Ву. Буга чейин ал CNN... Читать дальше...

Бишкектеги №61 мектептин директору Юрий Низовскийдин 30га жакын тарапташы Улуттук коопсуздук боюнча мамлекеттик комитеттин алдында чогулушту. "Азаттыктын" кабарчысы жеринен билдиргендей, чогулгандар Низовский "атайын кызматтын шаардык башкармалыгында экенин" айтышып, ошол жакка жөнөп кетишти. Алар УКМКдан Юрий Низовский эмнеге камалганын жана анын ден соолугу тууралуу маалымат берүүнү талап кылып жатышат. Өзүн Ирина Попова деп тааныштырган жаран нааразы болуп топтолгондордун арасында №61 мектепти бүтүргөндөр... Читать дальше...

Америка Кошмо Штаттары Беларустун дагы 100 чиновнигине жана беларус лидери Александр Лукашенконун режими менен байланышы бар адамдарга визалык санкция киргизди. Бул тууралуу АКШнын мамлекеттик катчысы Энтони Блинкендин 9-августта жарыяланган билдирүүсүндө айтылат. Мамлекеттик катчы бул чаралар Беларуста “демократиялык институттарды жок кылууга же зыян келтирүүгө” тиешеси бар адамдарга карата кабыл алынганын билдирди. Визалык санкция Лукашенконун администрациясынын, Ички иштер министрлигинин (ИИМ)... Читать дальше...

Бишкектеги № 61 мектептин директору Юрий Низовский УКМКда сурак берип жатканын укук коргоо органдарындагы ишенимдүү булактар "Азаттыкка" билдиришти. Анын атайын кызматка чакырылганын жергиликтүү маалымат сайттары да жазып чыгышты. Маалыматтарга караганда, директор УКМКга суракка чакырылган, азырынча чыга элек. Ал “мыйзамсыз баюуга” шектелүүдө. Азырынча УКМК жана башка тиешелүү мекемелерден бул кабарды тактоого мүмкүнчүлүк боло элек. Атайын кызматтын имаратынын алдында Низовскийдин 20дай жактоочусу чогулуп турат. Читать дальше...

Бишкек-Балыкчы поезд каттамы белгисиз мөөнөткө жабылды. Бул тууралуу “Кыргыз темир жолу” мамлекеттик ишканасы билдирди. Каттам 30-июлдагы селден кийин жабылып, 10-августта жанданары айтылган.  Селдин айынан Боом аркылуу өткөн автожол дагы бир нече жолу убактылуу жабылып, кайра ачылган. Акыркы жолу капчыгайда 5-августта сел каптаган. Натыйжада Бишкек–Нарын–Торугарт жолунун 136 жана 138-чакырымдары кум-шагылга толуп калган. Бишкек-Балыкчы поезди жайкы сезондо иш күндөрү беш, дем алышта тогуз жолу каттайт. Читать дальше...

Кыргызстандын Орусиядагы элчилиги “Шереметьево” аэропортундагы чек ара көзөмөлүнөн өтүүдө жаңы үлгүдөгү биометрикалык кыргыз паспорту кошумча текшерилип жатканы тууралуу кабарларды иликтеп жатканын билдирди.  “Кыргыз Республикасынын жаңы биометрикалык паспорту 2021-жылы киргизилгенин, белгиленген тартипте чет мамлекеттерде легалдаштыруу жол-жоболорунан өткөнүн жана Эл аралык жарандык авиация уюмунун стандарттарына туура келгенин маалымдайбыз”, - деп айтылат билдирүүдө. Буга чейин жергиликтүү... Читать дальше...

Бокс боюнча Бүткүл дүйнөлүк бокс ассоциациясынын версиясында (WBA) жарым оор салмакта Дүйнө чемпиону Дмитрий Бивол Кыргызстанга келди. Мушкер алдыдагы машыгууларын Ысык-Көлдө өткөрүп, күзүндө болчу беттешине даярданат. 31 жаштагы Дмитрий Бивол Орусиянын жараны. Ал Токмок шаарында төрөлүп, бокс менен алты жашынан баштап машыга баштаган.

Москвада суу коллекторун тазалоо учурунда Кыргызстандын эки жараны каза болду. 23 жаштагы Кайрат Баймурза уулу, 20 жаштагы Баястан Карыбек уулу Алай районунун Бүлөлү айылынын тургундары. Туугандык байланышы бар жигиттер Москвага былтыр күздө акча табуу максатында барып, люк тазалоочу болуп ишке орношкон экен. Алардын өмүрүн алган каргашалуу окуя 7-августта Москва шаарынын Люблино районунда болгон. Катуу жааган жаандан улам суу топтолгон коллекторду 15 жумушчу тазалап жаткан маалда суунун агымы дароо көбөйүп кетип, үч адам агып кеткен. Читать дальше...

Бишкекте 2021-жылы уурдалып, киши колдуу болгон Айзада Канатбекованын өлүмүнө байланыштуу анын жакындарына кенемте төлөө боюнча иш 10-августта Жогорку сотто каралат. Бул тууралуу жактоочу Нурбек Токтакунов “Азаттыкка” маалымдап, кенемтенин өлчөмүнүн аз экенине нааразы болду. “Кенемте боюнча арыз бергем. Мыйзамда кенемте төлөп берүүчүнүн ар биринин суммасы 100 миң сомдон ашпасын деп айтылган экен. Бул сумма боюнча өзүнчө маселе. Ал эми бул жерде соттор жабырлануучуга төлөнчү кенемте 100 миң сомдон ашпашы керек деп карап жатышат. Читать дальше...

Оштогу кыргыз-өзбек чек арасындагы “Достук” өткөрмө жайы жаңы терминалга көчүп жатканына байланыштуу 10-августта эртең мененки саат 9дан түшкү 1ге чейин жабылат. Кыргызстандын Чек ара кызматы жарандарды жана автоунаа айдоочуларды сапарды алдын ала пландап алууга чакырат. Эки өлкөнүн чек арасында жалпысынан 15 өткөрмө бекет бар. “Достук” бекети Ош облусунун Кара-Суу районунда жайгашкан.  Андан эки өлкөнүн жарандары ары-бери каттап турушат. Өзбекстандыктар Кыргызстандын аймагы аркылуу башка мамлекетке кетишет... Читать дальше...

Ысык-Көлдүн Балыкчы шаардык ички иштер башкармалыгы тогуз жаштагы кызга ыплас аракет кылган деген шек менен 28 жаштагы жаран кармалганын маалымдады. Мекеменин маалыматына караганда, 29-июлда жергиликтүү тургун анын тогуз жаштагы кызына адепсиз жорук жасалганын айтып, милицияга арыз менен кайрылган. Арыз ээси ошол күнү саат 18:30дар чамасында белгисиз киши кызын көп кабаттуу үйлөрдүн бирине алып барып, ыплас аракет кылганын, аны өтүп бараткан адамдар көрүп калганда качып кеткен деп айтып берген. Читать дальше...

Тайван аралынын бийлиги Кытай армиясынын аскердик машыгуусун келечекте аралды басып алууга даярдык көрүү деп билдирди. Бул тууралуу Тайвандын тышкы иштер министри Жозеф Ву 9-августта Тайбэйде өткөн басма сөз жыйынында айтканын Reuters агенттиги жазды. Жозеф Ву эл аралык коомчулукту “Тайван кысыгындагы тынчтыкты жана туруктуулукту” коргоого үндөдү. “Масштабдуу аскердик машыгуулар, ракета учуруулар, ошондой эле киберчабуулдар менен жалган маалымат кампаниясы Тайвандагы коомдук маанайды алсыратууга болгон аракет”... Читать дальше...

Баткен районунун Тажикстан менен чектеш аймагында жайгашкан Кызыл-Бел айылында 8 миңге жакын калк жашайт. Айылдагы ар бир экинчи үйдө бир-экиден киши чет өлкөдө мигрант болуп жүрөт. Алардын көбү балдарын жакындарына таштап кетишкен.

Бул тууралуу Ош мэриясынын социалдык өнүгүү бөлүмүнүн башкы адиси Жумамидин Сулайманкулов билдирди. Анын айтымында, Ош шаарында орус тилдүү мектептерде 188 адистин орду бош турат. "Башталгыч класстар үчүн 47 мугалим, орус тили жана адабияты сабагынан 36 мугалим, математикадан 22 мугалим, физикадан 15 мугалим, географиядан 14 мугалим, англис тилинен он мугалим, тарыхтан он мугалим, дене тарбиядан он мугалим, химиядан сегиз, музыкадан дагы сегиз мугалим керек болуп жатат", - деди ал. Сулайманкуловдун билдирүүсүндө... Читать дальше...

Өзбекстандын шахмат боюнча эркектер командасы Индиянын Ченнай шаарында 44-шахмат Олимпиадасынын 11-турунда Нидерланддын курамасын жеңип, чемпион болду. 20 жаштагы Нодирбек Якуббоев, 16 жаштагы гроссмейстер (ред: гроссмейстер – шахмат боюнча эң жогорку наам) Жавохир Синдаров жана 17 жаштагы гроссмейстер Нодирбек Абдусатторов атаандаштары менен тең ойношту. Чечүүчү беттеште 27 жаштагы Жахонгир Вахидов 20 жаштагы Макс Уормердамды утуп, Олимпиадада Өзбекстанга жеңиш алып келди. 9-августта өткөн беттеш 2,5:1,5 эсеби менен жыйынтыкталды. Читать дальше...

Тоолуу Бадахшан автоном облусунун бейрасмий лидери Толиб Аюмбековдун дагы бир уулу Хасанали Абдурахмонов 12 жылга эркинен ажыратылды. Бийлик өкүм боюнча эч кандай түшүндүрмө бере элек. “Азаттыктын” тажик кызматынын өздүк булактарынын айтымында, 25 жаштагы Абдурахмонов “Бейбаштык”, “Мыйзамсыз курал-жарак сактоо” жана “Уюшкан кылмыштуу топко мүчө болуу” беренелери боюнча күнөөлүү деп табылган. Ал  агасы Гүломали менен бирге 23-июлда кармалган. Сотто өзүнө коюлган айыптардын баарын четке каккан. ... Читать дальше...

Оштогу Жапалак айыл аймагындагы 16 гектар жерде жапайы өскөн кара куурай өрттөлдү. Бул тууралуу Ички иштер министрлиги маалымдады. 8-августан 12-августка чейин Ош аймагында “МАК-2022” деп аталган атайын операция жүргүзүлүүдө. Анда кара куурай өскөн жерлер аныкталып, жок кылынат. ИИМдин буга чейин берген маалыматында Кыргызстандын аймагында кара куурай (марихуана) 10 миң гектардан ашуун жерде өсөт. Жылына аларды жок кылууга күч кызматкерлери тартылат. Жапайы өскөн кара куурайдан дагы баңгизат даярдалып көмүскөдө сатылары айтылат. Читать дальше...

Педагогикалык кызматкерлердин квалификациясын жогорулатуу жана кайра даярдоо республикалык институту 8-августтан тарта Бишкек жана Ош шаарларында “Диндердин өнүгүү тарыхы” сабагынын мугалимдерин даярдоочу тренерлерди даярдай баштады. Бул тууралуу Билим берүү жана илим министрлиги кабарлады. Институттун директору Алмаз Токтомаметовдун айтымында, эки жума 73 тренер билим берүү мекемелеринин 2601 мугалимин окутат. Жеке менчик мектептерден мугалимдерин окутуу боюнча сунуштар түшкөн. Мугалимдерди окутуу оффлайн жана онлайн форматта жүргүзүлөт. Читать дальше...

2020-жылдын 9-августунда Беларуста президенттик шайлоо өтүп, анын расмий жыйынтыгына ылайык алтынчы ирет Александр Лукашенко жеңип чыккан. Буга каршылык билдирген түмөндөгөн беларустар көчөгө чыгып, президенттин кызматтан кетишин, саясий куугунтуктун токтотулушун жана кайра шайлоо өткөрүүнү талап кылышкан. Оппозиция шайлоодо Светлана Тихановская жеңген деп эсептейт. Бийлик митингдерди күч менен басып, расмий маалыматка караганда, августтан ноябрь айына чейин 13 миңден көп адам кармалган. Укук коргоо уюмдардын маалыматына ылайык... Читать дальше...

Казакстандын укук коргоо органдары кыргызстандык музыкант Викрам Рузахуновду тергөө иштери үчүн чакыра элек. Бул тууралуу «Азаттыкка» анын адвокаты Нурбек Токтакунов билдирди. Адвокаттын айтымында, казак укук коргоо органдары Рузахуновдун байланыш номурларын билишет. Бирок июнь айынан бери байланыша элек. Токтакунов казак прокуратурасы чакырса музыкант көрсөтмө берүүгө даяр экенин кошумчалады. Июль айында Казакстандын Башкы прокуратурасы Рузахуновду Алматыга чакырып, маалымат алуу боюнча сүйлөшүүлөрдү жүргүзүп жатканы кабарланган. Читать дальше...

Сузактын Барпы айылына парк ачылып, ага Улуттук коопсуздук боюнча мамлекеттик комитеттин төрагасы Камчыбек Ташиевдин агасынын ысымы берилди. “Жони” деп аталган эс алуу багын Ташиевдердин үй-бүлөсү куруп берген. Атайын кызматтын башчысы Камчыбек Ташиевдин кичи мекени Барпы айылына салынган, “Жони” деп аталган парк 6-август күнү ачылып, ага эл аябай көп келген. Бакчанын аймагында балдардын бир нече аттракциону, фонтан, шаркыратма жана балмуздак жей турган жай бар. Барпы айыл өкмөтүнүн башчысы Нурлан Сайитбеков аянты 1,5 гектарды ээлеп... Читать дальше...

Бокс боюнча Бүткүл дүйнөлүк бокс ассоциациясынын версиясы боюнча (WBA) жарым оор салмакта Дүйнө чемпиону Дмитрий Бивол Кыргызстанга келди. Спортчуну "Манас" эл аралык аба майданынан Кыргызстандын бокс федерациясынын вице-президенти Аскар Бекболотов жана күйөрмандары тосуп алды. Мушкер Ысык-Көлдө машыгуу үчүн өз командасы менен келгенин, күзүндө өтө турган кезектеги беттешине даярданарын билдирди. Дмитрий Бивол 31 жашта. Орусиянын жараны. Токмок шаарында төрөлүп, бокс менен алты жашынан баштап машыккан. Читать дальше...