Новости за 07.08.2022

Сербияда иштеп жаткан өзбекстандык мигранттар «Азаттыктын» өзбек кызматына кайрылып, иш келишимдери бузулуп жатканына, жумуш шартынын начардыгына арызданышты. Алардын айтымында, өкмөт алдындагы агенттик аркылуу Сербияга бадыраң терүүгө жиберилген 500дөй мигранттын жарымынан көбү мекенине акчасына ала албай, куру кол кеткен. Аларды иш берүүчү себебин айтпай жумуштан айдап жиберген. Алардын бири Шерзодбек Норматов буларды айтты: «Биз агенттиктен Сербияга иштеп келүү сунушун Телеграмдагы канал аркылуу алганбыз. Читать дальше...

Пакистандын түндүк-батышындагы Хайбер Пахтунхва провинциясында жергиликтүү кеңештин депутатына жасалган кол салуудан төрт киши, анын ичинде эки полиция кызматкери мерт кетти. Мыйзам чыгаруучу Лиякат Хан ооруканага жеткирилди. Дарыгерлердин айтымында, ага операция жасалды жана өмүрүнө коркунуч жок. Полициянын маалыматына караганда, депутат жакындары менен келаткан маалда белгисиз куралчан адамдар кол салышкан. Каза болгондордун арасында анын жээни жана агасы бар. Чабуул үчүн жоопкерчиликти эч бир топ өз моюнуна ала элек. Читать дальше...

Бишкек мэриясы акыркы күндөрү үйүлүп калып жаткан таштандылар тууралуу комментарий берди. Шаардык бийликтин басма сөз катчысы Назгүл Жамгырчиева Биринчи Май районунда чогулган акыр-чикирлерге байланыштуу тургундар арасындагы нааразылыктар жөнүндө Фейсбукка жазып, бул районду "Эко Проф" жеке компаниясы тазалап жатканын айтты. "Учурда линияда 5 МАЗ, 2 Газ-53, 2 грейфер, 16 жүктөгүч иштеп жатат. Таштанды чыгаруу күнү түнү, дем алыш күндөрү да жүргүзүлөт", - деди Жамгырчиева. Калган үч райондогу жагдай тууралуу азырынча түшүндүрмө бериле элек. Читать дальше...

Кыргызстанда 180 миңден ашуун жарандын өлкөдөн чыгышына соттун чечими менен бөгөт коюлган. Алардын көпчүлүгүн алган насыяларын кайтарбагандар, алименттерин төлөбөгөндөр, салык боюнча карызы барлар жана ар кандай айып пулдарын төлөбөй жүргөндөр түзөт. Аларга сот аткаруу тутуму тарабынан карызды өндүрүү үчүн чек ара өткөрмөлөрүнөн өтүүгө тыюу салынган. Айрыкча жол эрежесин бузуп, жазана салынып, бирок анысын билбестиктен төлөбөй жүргөн жарандар чет өлкөлөргө учуу үчүн билет алып, бирок аба майданынан... Читать дальше...

КР Президенти, КР Коопсуздук Кеңешинин башчысы С.Н. Жапаровго

КР УКМК төрагасы К.К. Ташиевке

ЖАМААТТЫК АРЫЗ

2021 жылы август айында Кара-Суу районунун Каратай айылында бажы кампа-терминалын куруу үчүн Кадамжай районунда туулган Балтабаев Нурсултан (экинчи аты Нургазы) (тел. 0776988888) менен оозеки келишип, темирден ширетүү иштери менен кампа курганбыз, анын акчасын толук бербей туруп, экинчи кампаны темирден куруу үчүн дагы Каратай айылында бажы кампа-терминалынын башчысы Балтабаев... Читать дальше...

Кыргызстандын Эмгек, социалдык коргоо жана миграция министрлиги менен Германиянын Федералдык эмгек агенттигинин ортосунда миграция боюнча меморандумга кол коюлары күтүлүүдө. Бул тууралуу Кыргызстандын Германиядагы элчиси Өмүрбек Текебаев билдирди. Ал немис өнөктөштөр сентябрда Бишкекке келип, эки тараптуу келишим менен биргелешкен долбоорлорду ишке ашыруу жаатында сүйлөшүү болорун айтты. Ортодо түзүлгөн келишимге ылайык, кыргыз жарандары Германияга барып иштей алышат. Текебаев кыргыз жаштарын Германиянын... Читать дальше...

Кыргызстандан Евразия экономикалык биримдигинин аймагынан тышкары кагаз, картон ташып чыгууга (экспорттоого) тыюу салынды. Тийиштүү чечимге 4-августта Министрлер кабинетинин төрагасы Акылбек Жапаров кол койгону тууралуу маалымат өкмөттүн сайтына жарыяланды. Мындан тышкары, Кыргызстандан жыгач жана жыгач материалдарын Евразия экономикалык бирлигинин бажы аймагынын чегинен тышкары ташып чыгууга убактылуу тыюу салуу тууралуу чечимге да кол коюлду. Аталган чечимдер расмий жарыяланган күндөн жети күн өткөндөн кийин күчүнө кирет. Читать дальше...

Кыргызтандык спортчу Эрлан Шеров Казакстандын Нур-Султан шаарында өтүп жаткан дзюдо боюнча Азия чемпионатында күмүш медал тагынды. Спорттун аталган түрү боюнча Кыргызстандын улуттук федерациясынан билдиришкендей, Шеров 6-августта 90 килограммга чейинки салмакта финалда жапониялык Мурао Санширо менен күрөштү. Финалдык таймашка чейин Шеров чейрек финалда кытайлык  Ядун Се (Yadong Xie) менен жарым финалда казакстандык Хамза Дидарды жеңип алган. Ушуну менен дзюдо боюнча быйылкы Азия чемпионатында Кыргызстандын эсебине экинчи байге жазылды. Читать дальше...

Жалал-Абад облусунун Арстанбап эс алуу жайына быйыл Өзбекстандан эс алуучулар көп келип жатат. Батыштан келген туристтер да бар. Айылдагы жолдун начардыгы, башаламан жайгашкан соода жайлар жана таштанды маселеси туристтерге ыңгайсыздык жаратууда.

Израилдин коргоо күчтөрү Газа тилкесинде “Ислам жихады” тобунун аскер командирлеринин бири Халед Мансурдун жок кылынганын 7-августта жарыялады. Аны менен орунбасары Зияд Мадалал жана бригаданын командири Хаттаб Амасси өлтүрүлгөн. Топтун таасирлүү лидерлеринин бири деп эсептелген Мансур "Ислам жихадынын" Газа тилкесинин түштүк бөлүгүндөгү ишмердүүлүгүнө жооптуу болгон. Ал эми бир күн мурда өлтүрүлгөн Тайсир ал-Жабари түндүктү башкарган. Бул топтун ишмердигине Кыргызстанда 2008-жылдан бери тыюу салынган. Читать дальше...

Кыргызгидромет кызматы 8-августка караган түнү Талас, Ысык-Көл, Нарын облустарынын кээ бир райондорунда, Чүй, Жалал-Абад облустарынын тоолуу жерлеринде өткүн өтөт. Күндүз Чүй, Талас, Ысык-Көл, Нарын облустарынын айрым аймактарында, Ош, Жалал-Абад облустарынын тоолуу райондорунда жамгыр жаайт. Батыш тараптан жел согуп турат. Абанын температурасы: Ысык-Көл облусунда түнкүсүн 10...15, күндүз 22...27, Нарын жергесинде түнкүсүн 9...14, күндүз 23...28, Талас облусунда түнкүсүн 10...15, күндүз 25...30... Читать дальше...

Аялдарга жана балдарга көрсөтүлгөн зордук-зомбулукка байланыштуу соттук иштерди Жогорку сот көзөмөлгө алышы керектигин президент Садыр Жапаров билдирди. Бул тууралуу 5-августта Жогорку сотто судьялар менен жолукканда айтканы мамлекет башчынын сайтында кабарланды. Жапаров коомчулукта сот тутумуна нааразычылык жараткан көйгөйлөрдү талдап, аны чечүүдө жарандык коомдун өкүлдөрү менен диалог жүргүзүүчү аянтчаларды түзүүнү белгиледи. "Жарандык коомдун өкүлдөрүнөн качпастан, алар менен ийри отуруп түз кеңешип... Читать дальше...

2016-жылдын 22-июлунда Кыргыз улуттук тарых музейинин имаратында ири өрт чыккан. Анын кесепеттери жана күйүп кеткен баалуу экспонаттардын так саны азыркыга чейин белгисиз. Расмий тараптар өрттө тарыхый баалуулугу жок буюмдар жок болгонун айтса, жагдайды ичинен билген адистер менен айрым документтер иш жүзүндө миңдеген экспонат күйгөнүн, аны кызыкдар тараптар жаап-жашырып жатканын билдирүүдө. Бул макаланы даярдоодо 52 ар кандай макамдагы документтер изилденди жана компетенттүү кызмат адамдары, адистер... Читать дальше...

Ысык-Көлдө чөгүп кеткен төрт жашар кызды табууга көмөктөшүүнү өтүнүп, анын жакындары жана ыктыярчылар элге кайрылышты. Алар жергиликтүү тургундарды жана кайдыгер эмес жарандарды издөө иштерине жигердүү катышууга үндөп, кызды тапкан адамга 200 миң сом сый акы убада кылышты. 18-июлда Тору-Айгыр жана Чырпыкты айылдарынын аймагында ата-энеси менен эс алып жүргөн төрт жашар кыз көлгө чөгүп кеткен. Андан бери милициянын жана Өзгөчө кырдаалдар министрлигинин куткаруучулары жана ыктыярчылардан турган жоон топ аны издеп жатышат. Читать дальше...

Тайван бийлиги кытай армиясы машыгуу маалында аралга чабуул жасоону тажрыйбадан өткөрүп жатканын билдирди. Бул тууралуу Reuters агенттиги билдирди. Тайвандын Коргоо министрлиги билдиргендей, 6-августта Кытайдын 20 аскердик учагы жана 14 кемеси аралдын айланасында операция өткөрдү. Бир нече учак Тайван менен Кытайдын ортосундагы демаркация чеги деп эсептелген Тайван кысыгынын орто сызыгын кесип өттү. Тайвандык аскерлер реактивдүү учактарды абага учуруу менен жооп кайтарышты. АКШ Конгрессинин Өкүлдөр... Читать дальше...

Кыргызстандын Министрлер кабинети баалуу металлдарды жана кара металлдын сыныктарын, калдыктарын ташып чыгууга убактылуу тыюу салды. 5-августтагы чечимге ылайык, баалуу металлдарды жана баалуу металлдарды камтыган чийки товарларды 500 кг ашык эмес көлөмдө Кыргызстандын аймагынан ташып чыгууга алты айлык мөөнөткө  чектөө киргизилди.  Министрлер кабинетинин башка бир чечими менен кара металлдын бөлүктөрүн, куймаларын алты айга чейин Евразия экономикалык биримдигинин аймагынан сыртка чыгарууга болбойт. Читать дальше...