Новости за 31.08.2022

Экс-президент Роза Отунбаева  Советтер Союзунун биринчи жана акыркы президенти Михаил Горбачёвдун тарыхта калтырган изи тууралуу "Азаттыкка" маек курду. - Советтик акыркы лидер, СССРдин биринчи жана акыркы президенти Горбачёвдин 91 жашында каза болду. Кыргызстандын эгемендигин алуусунда анын ролу кандай болду? - Менин оюмча, Горбачёвдун бул жараяндагы ролу өтө чечкиндүү болгон, себеби ал кайра курууну, ачыктык саясатын баштады. Авторитаризмдин чынжырлары жумшап, бошоду. Бизде да эгемендик жөнүндө ачык-айкын сүйлөй баштадык. Читать дальше...

Кыргызстандын эгемендигине арналган негизги майрамдык иш-чаралар Чүйдүн Аламүдүн районундагы Чуңкурчак жайлоосунда өттү. Бул күнү майрамдык иш-чаралар көрүнүктүү саясий ишмер Байтик Канай уулунун (Байтик баатыр) 200 жылдыгына арналган маараке менен да коштолду.

Германияда Кыргызстандын эгемендигинин 31 жылдыгына арналган маданий кечелер өттү. Аны Кыргызстандын Берлиндеги элчилигинин колдоосу менен Кыргыз-немис маданий коому жана "BIZ e.V" коомдук бирикмеси уюштурду. Кечелердин биринде сөз сүйлөгөн элчи Өмүрбек Текебаев чет жакта жашаган мекендештер үчүн кыргыз маданиятын тартуулаган мындай кечелердин ролун жана маанисин өзгөчө белгиледи. Бул салтанаттуу иш-чараларда «Ибарат» фольклордук-этнографиялык ансамблинин музыканттары өз өнөрлөрүн көрсөтүштү. Читать дальше...

Эгемендик күнүнө арналган көк бөрү боюнча Кыргызстандын президентинин кубогун Ош облусунун “Алай” командасы алды. Нарын облусунун Эмгекчил айылында өткөн көк бөрү боюнча республикалык мелдеште Биринчи лиганын финалында “Алай” оюнчулары Чүй облусунун “Ак-Шумкар” командасын 4:3 эсебинде утуп алды. Биринчи лигада оюндар 25-агустта башталып, ага 19 команда катышып, алты тайпага бөлүнүп ойношту. Президенттин кубогу үчүн быйылкы мелдеште Жогорку лигада оюндар болгон жок. Аталган лигадагы төрт команданын... Читать дальше...

31-августта Кыргызстандын эгемендик майрамы менен катар Чүй облусунун Аламүдүн районундагы Чуңкурчак жайлоосунда көрүнүктүү саясий ишмер Байтик Канай уулунун (Байтик баатыр) 200 жылдык мааракесине карата салтанаттуу иш-чаралар өткөрүлдү. Жайлоодо 19-кылымдагы кыргыздардын көчмөн конушун чагылдырган боз үйлөрдүн этношаарчасы жасалды. Президент Садыр Жапаров жана биринчи айым Айгүл Жапарова этношаарчаны кыдырып, аларга устачылык жана кол өнөрчүлүк буюмдары көрсөтүлүп, кыргыз элинин каада-салты тааныштырылды. Читать дальше...

“Эркин Европа/Азаттык радиосунун” президенти Жейми Флай Тажикстандын президенти Эмомали Рахмонго кат жолдоп, “куугунтуктун жаңы толкунуна жана “Азаттыктын” тажик кызматынын (“Озоди”) журналисттеринин ишине бут тосуу аракетине каршы” экенин билдирди. Кат Тажикстандын президентинин аппаратына 31-августта тапшырылды. Ага азырынча жооп боло элек. Бирок буга чейин расмий Дүйшөмбү жалпыга маалымдоо каражаттары эркин иштеши үчүн өлкөдө бардык шарттар түзүлгөнүн кайталап келген. Жейми Флай катында Тоолуу... Читать дальше...

91 жашында көз жумган мурдагы советтик лидер, СССРдин биринчи жана акыркы президенти Михаил Горбачёв тууралуу аны менен бир нече жолу жолуккан мурдагы кыргыз президенти Аскар Акаев "Азаттыкка" маек курду. - СССРдин биринчи жана акыркы президенти Михаил Горбачёв 91 жашында көз жумду. Сиз Советтер Союзундагы 80-жылдардын аягы жана 90-жылдардын башында Горбачёвдун тагдырын жана жалпы эле тарыхтын нугун өзгөрткөн окуяларга аралашкансыз. Михаил Горбачёвдун артында калтырып кеткен негизи мурасы деп сиз эмнени эсептейсиз? Читать дальше...

Орусияда камактагы оппозициячыл саясатчы Алексей Навальный кайрадан күчөтүлгөн тартиптеги колониянын айып изоляторуна киргизилди. Бул тууралуу маалымат саясатчынын социалдык тармактардагы баракчаларына жарыяланды. “Жекшемби күнү кечинде чыгарып, дүйшөмбүдө кайра киргизип коюшту. Алар мен бул жерден мындан ары да чыкпай турганымды жашырышкан жок. Бирок эмнеге мени айып изоляторуна киргизип жатышканын билип алдым. Камактагы киши үчүн мен саясий жактан өтө эле активдүү экенмин. Аларды мен түзгөн камактагылардын... Читать дальше...

Билим берүү жана илим министрлиги окуучулардын сабак учурунда уюлдук телефондорду колдонуусуна тыюу салган буйрукту бекитти. Бул тууралуу  мекеменин басма сөз кызматы кабарлады. Ага ылайык, окуучулар уюлдук байланыш каражаттарын төмөнкү шартта гана колдоно алат:  Маалыматтык компетенттүүлүктү калыптандыруу үчүн окуу предмети боюнча маалымат издөөдө;  Окуу процессинде онлайн тесттерди түзүүдө жана колдонууда;  Окуу видеосун көрүүдө же аудио жазууларды колдонууда;  Маалымат издөө үчүн QR-коддорду... Читать дальше...

1-сентябрда түнкүсүн Ысык-Көл облусунун айрым жерлеринде, Ош облусунун тоо этектеринде жана тоолуу райондорунда өткүн өтүп, күн күркүрөйт. Калган аймактарда жаан жаабайт. Абанын температурасы: Чүй облусунда түнкүсүн 11...16, күндүз 28…33; Талас жергесинде түнкүсүн 7...12, күндүз 25…30; Баткен, Ош, Жалал-Абад дубандарында ​түнкүсүн 14…19, күндүз 30…35; Ысык-Көл облусунда түнкүсүн 7...12, күндүз 21...26; Нарын облусунда түнкүсүн 1…6, күндүз 22...27; Бийик тоолордо түнкүсүн -2…-7, күндүз 7…12 градус жылуу болот. Читать дальше...

Жалал-Абад облустук усулдук билим берүү бөлүмүнүн башчысы Акылбек Токтосуновдун маалыматына караганда,  мектеп директорлугу үчүн сынактын экинчи туруна талапкерлер документ тапшыра баштады. “Өлкө башчынын жарлыгына ылайык беш жылдан ашык директорлук кызматты ээлеген мугалимдерди жумушунан бошотуп, жалпы облус боюнча 158 бош орунга сынак жарыялаганбыз. Андан 61 мугалим босого баллдан өтүп, кызматка дайындалды. Азыр 97 ваканттык орун бош турат,  талапкерлер 25-августтан, 8-сентябрга чейинки аралыкта сынакка катышуу үчүн документтерди тапшырат.

Укук коргоочу Камил Рузиев аны актаган Каракол шаардык соттун өкүмүн жокко чыгарууга байланыштуу прокуратура облустук сотко кайрылганын билдирди. "Буга чейин мага мыйзамсыз кылмыш ишин козгогон Ысык-Көл облусунун прокурорунун орун басары Кубанычбек Муратбеков облустук сотко мени актаган шаардык соттун өкүмүн жокко чыгарууну сурап кайрылды. БУУнун, Акыйкатчы институтунун, Тең укуктуулук үчүн коалициясынын кылмыш ишин токтотуу, кыйноо фактысын натыйжалуу иликтөө чакырыгын эске алган жок",- деп жазды ал Фейсбуктагы баракчасына. Читать дальше...

Кыргызстандын Тышкы иштер министрлиги Орусиянын Подольск шаарында машина сүзүп кеткен кыргызстандык кыз тууралуу маалымат берди. Анда Ж.к.А аттуу жаран учурда облустук оорукананын жандандыруу бөлүмүндө жатканы, абалы оор экени айтылат. "Бул окуяга байланыштуу Орусиянын тиешелүү органдары текшерүү иштерин жүргүзүп жатат. Анын абалы турукташканда башка медициналык жайга которуу маселеси каралат. Бул маселе Кыргызстандын Орусиядагы элчилигинин көзөмөлүндө. Дипломаттар жараат алган жарандын жакын... Читать дальше...

Ички иштер министрлиги (ИИМ) Ош облустук ички иштер башкармалыгынын жетекчиси Жеңишбек Абитовду сындап, социалдык тармактар аркылуу президент Садыр Жапаровго кайрылган мурдагы кызматкер тууралуу түшүндүрмө таратты. Анда милициянын улук лейтенанты Чубак Сыргакбек уулу былтыр жайында иштен алынганы, буга аялы менен үч жашар уулуна кол көтөргөнү негиз болгону айтылат. "2021-жылдын 28-июлдагы Ош облустук соттук-медициналык экспертиза бюросунун кортундусуна ылайык А.Ш жана уулу Ч. уулу Б. жеңил жараат алганы аныкталган. Читать дальше...

Кыргызстан эгемендигинин жарыялардан бир күн алдын, 1991-жылы 30-августта Бишкектин Эски аянтында 1938-жылы "улутчул, эл душманы" деген жалаа менен атылган 137 адамдын сөөгүн кайра жерге берүү расмиси өткөн. Тарых илимдеринин кандидаты, доцент Жумагул Байдилдеев сталиндик репрессияда жазыксыз жерден жайран болгондор тууралуу изилдөө, аларга берилген тарыхый жана укуктук баа тууралуу маек курду. - 1991-жылы 31-августта, Бишкектин эски аянтында 1938-жылы улутчул эл душманы деген жалаа менен атылган 137 адамдын сөөгү кайра жерге берилген. Читать дальше...

31-августта Кыргызстан эгемендик күнүнүн урматына Түркиянын Кападокия шаарында, 800 метр бийиктикке учурулган шар менен Кыргызстандын желеги көтөрүлдү. Эгемендик күнүн утурлай Невшехир аймагындагы Үчхисар тарыхый мунарасына Кыргызстандын жана Түркиянын мамлекеттик желектери илинди.  Кыргызстандын Түркиядагы элчилиги билдиргендей, ушул эле күнү Үчхисар районунда "Кыргызстан" деп аталган сейил бактын ачылышы болду. Түркия Кыргызстан 1991-жылдын 31-августунда эгемендик алгандан кийин дипломатиялык алака түзгөн алгачкы мамлекеттердин бири. Читать дальше...

Макаланын автору Аманбек Жапаров - журналист, педагог-режиссер. 1979-1983-жылдары Бишкектеги Бүбүсара Бейшеналиева атындагы мамлекеттик көркөм өнөр институтунун режиссура бөлүмүндө окуган. Муратбек Рыскулов атындагы Нарын музыкалык драма театрында артист жана режиссёр болуп иштеген. “Азаттык” үналгысы менен 1998-жылдан тартып кызматташып, ондогон маек жана макалаларды жазган. Соңку жылдары кыргыз искусствосуна, көркөм өнөрүнө бараандуу салым кошкон инсандар тууралуу макалаларды жазып келүүдө. ... Читать дальше...

Кыргызстандын эгемендүүлүгү жарыяланган 1991-жылдын 31-августу кыргызстандыктар үчүн катардагы эле күн болчу. Күнүмдүк иши менен алек кыргызстандыктар эгемендүүлүк күн жөнүндө кабарды ар кандай шартта угушту. Айрымдары кандайдыр бир жаңылануунун, олуттуу өзгөрүүнүн эпкинин сезсе, айрымдар бейкапар эле. Бул күнү Кыргызстандын легендарлуу парламенти «Көз карандысыздык жөнүндө» декларацияны кабыл алып, өзүн эгемен мамлекет деп жарыялаган. Бул тарыхый документти Жогорку Кеңештин төрагасы Медеткан Шеримкулов трибунадан окуган. Читать дальше...

Быйыл негизги майрамдык иш-чаралар Чүй облусуна караштуу Аламүдүн районундагы Чуңкурчак жайлоосунда өтүп жатат. Салтанат көрүнүктүү саясий ишмер Байтик Канай уулунун (Байтик баатыр) 200 жылдыгына арналган маараке менен да коштолууда. (Сүрөттөрдүн айрымдары президенттин сайтынан алынды)

Италиянын Неаполь шаарында кыргызстандык мигранттар Кыргызстандын эгемендик күнүнө карата иш-чара уюштурду. Бул мамлекетте расмий эсепте 5-6 миңдин ал эми бейрасмий маалыматта 10 миңдин тегерегинде кыргызстандыктар бар. Италия - Европа өлкөлөрүнүн ичинен Кыргызстандын эң көп жараны иштеп, жашап жаткан мамлекеттердин бири.

Кайыр кош, советтик либерал могикан! XXI кылымга зор тилек менен тынчтыкта кадам шилтөө үчүн жалпы адамзатта үмүт жандырган залкар инсандардын бири Михаил Горбачев 30-августта дүйнө салды. Дүйнө коомчулугу Михаил Горбачевду "кансыз согушту" токтотууга жол ачкан, Берлин дубалын кыйратууга оң маанайда мамиле кылган, Борбордук жана Чыгыш Европадагы демократиячыл кыймылдарга каршы жазалоочу турумда аракеттерге барбаган, советтик аскерлерди Оогастандан чыгартып кеткен реформачыл жана кыйла либерал саясатчы катары урматтап келишти. Читать дальше...

Кыргызстан эгемендигинин 31 жылдыгын дүйнөдө эл аралык аралык абал татаалдашкан, кыйчалыш учурда тосуп алды. Кыргыз Республикасы канчалык суверендүү жана эгемен мамлекет кура алды? Ал бул чейрек кылымдан ашуун убакытта өлкөнүн чыныгы көз карандысыздыгын көрсөткөн мамлекеттүүлүктүн башкы негиздерин канчалык камсыздады? Кезинде "Борбор Азиядагы демократиянын аралчасы" атыккан бул өлкө кантип ички-тышкы саясатын өз алдынча жүргүзүп, улуттук экономикасын түзүп, башкалар менен алака-катышын түптөп, аймактык бүтүндүгүн коргоп... Читать дальше...

Бүгүн, 31-августта Кыргызстанда Эгемендик күнү белгиленет. Негизги майрамдык иш-чаралар Чүй облусуна караштуу Аламүдүн районундагы Чуңкурчак жайлоосунда өтөт. Ага президент Садыр Жапаров, Министрлер кабинетинин төрагасы Акылбек Жапаров, Жогорку Кеңештин депутаттары, коомдук ишмерлер, эл аралык жана жарандык коомдун өкүлдөрү катышат. Майрамдык иш-чаралар көрүнүктүү саясий ишмер Байтик Канай уулунун (Байтик баатыр) 200 жылдыгына арналган маараке менен да коштолот. Анын алкагында маданий иш-чаралар... Читать дальше...

Мурдагы советтик лидер Михаил Горбачёв 91 жашында көз жумду. Ал Коммунисттик партиянын башкы катчысы кезинде эле ачыктык жана реформаларга багытталган айкындык жана кайра куруу саясатынын демилгечиси болгон.

СССРдин биринчи жана акыркы президенти Михаил Горбачёв 92 жашында көз жумду. Бул тууралуу Орусиянын бир катар мамлекеттик маалымат каражаттары Москвадагы борбордук клиникалык ооруканага шилтеме кылып кабарлашты. “РИА Новости” жаңылыктар агенттиги Горбачёв узакка созулган оорудан улам каза болгонун жазды. Михаил Горбачёв CCCРди жетектеп турганда “кансыз согуш” токтоп, Ооганстандан советтик аскерлер чыгарылган. Коммунисттик партия жетектөөчү жана багыттоочу ролунан баш тарткан. Горбачев 1989-жылы... Читать дальше...