Новости за 03.08.2022

Тегерандын өзөктүк программасы боюнча сүйлөшүүлөрдө Ирандын делегациясынын башчысы Али Багери Кани бул багытта сүйлөшүүлөрдү жандантуу үчүн кайрадан Венага кайтып барды. Жараян акыркы жолу Австриянын борборунда мартта болгон жана ошондон бери токтоп турган. Ирандын Тышкы иштер министрлиги 3-августта тараткан билдирүүсүндө сүйлөшүүлөрдү Европа Биримдиги координация кыларын, “тараптар сунуштаган идеялар талкууланарын” билдирди. Расмий Тегеран макулдашуу кабыл алынганга чейин өзүнүн атомдук станцияларындагы... Читать дальше...

Коронавирус инфекциясы менен күрөш боюнча ыкчам штабдын бүгүн, 3-августтагы жыйынында республикадагы абал жана элди эмдөө маселеси талкууланды. Министрлер кабинетинин төрага орун басары Эдил Байсалов өткөргөн жыйында вирустан ооругандардын саны азайууда деп айтылган. Саламаттык сактоо министрлиги ошону менен катар жарандарга эл көп топтолгон жерлерде беткап тагынууну сунуштады. Дүйнөлүк саламаттык сактоо уюмунун маалыматы боюнча жакынкы айларда дүйнө мамлекеттери SARS-CoV-2 себепчи болгон бир... Читать дальше...

Президенттик администрациянын маалымат кызматын эми журналист Дайырбек Орунбеков башкарат. Буга чейин ар кандай саясий топтор менен кызматташып жүргөн Орунбековдун жооптуу кызматка дайындалышын коомчулук кызуу талкуулап жатат. Маалыматтык саясатты күчөтүү аракетиби? 3-августта президенттик администрациянын маалыматтык саясат бөлүмүнүн башчылыгына Дайырбек Орунбеков дайындалды. Бул кызматты ээлеген Алтынбек Жумаев иштен бошотулуп, президентке кеңешчи болду. Анын кызматтан алынганынын расмий себеби айтылган жок. Читать дальше...

Азербайжандын Тоолуу Карабак жикчил аймагында 3-августта атышуу катталды. Баку менен жикчилдер бири-бирин айыптады. Азербайжандын Коргоо министрлиги орусиялык тынчтык орнотуучу күчтөрдүн көзөмөлүндө турган аймактагы азери аскерлерин Армениянын күчтөрү аткылаганын, андан бир жоокери өлгөнүн билдирди. Тоолуу Карабактагы этникалык армяндар өз кезегинде Азербайжанды ок атууну токтотуу режимин одоно бузган деп айыптап, учкучсуз учактар жана гранатометтор менен аткылаганын маалымдады. Натыйжада армян тектүү бир аскер өлгөнү... Читать дальше...

Кыргызстандын Малайзиядагы толук ыйгарым укуктуу элчиси Азимбек Бекназаров Кумтөр кени боюнча жаңы келишимде кыргыз өкмөтү утулганын билдирди. Бул тууралуу ал 3-августта жергиликтүү медиалардын бирине берген интервьюсунда айтты. «Эң аянычтуусу, «уттук» деп жаткан жаңы келишим менен, «Кумтөр» алтын кениндеги «коррупцияны жана коррупционерлерди» өздөрүнүн колу менен легалдаштырып, чекит коюлганы болуп жатат», - деген Бекназаров. Азимбек Бекназаров Кыргызстан «Центеррага» же башка кимдир-бирөөгө... Читать дальше...

Өзбекстандын айрым жарандары Оштогу такси айдоочуларынын айынан кыргыз бийлигине кайрылып, алардын өкүмзордугуна даттанышты. Телеграм каналдарга 2-августта жарыяланган кайрылууда, Орусиядан "Ош" эл аралык аэрпортуна учуп, андан ары Өзбекстанга кетчү жарандарды аэропорттогу такси айдоочулары зордоп машинесине салып, чек арага чейинки беш-алты чакырым жерге ар бир кишиден 500 сомдон алып жатканы айтылат. "Өзбекстандык мусаапырлар акчасын аяп, Ош аэропорту аркылуу келип жатышат. Ал жерде өзүнчө... Читать дальше...

АКШ Конгрессинин Өкүлдөр палатасынын спикери Нэнси Пелоси Вашингтон Тайвандагы демократияны колдой турганын билдирди. Расмий Бээжин Пелосинин Тайбэйге сапарына каршылыгын билдирип, арал тарапта аскердик машыгууларды баштарын жарыялады. Нэнси Пелоси Кытайдын каршылыгына карабай, Вашингтон Тайванды колдоодон баш тартпай турганын билдирди. Спикер бул тууралуу 3-августта Тайвандын президенти Цай Инвень менен жолугуп жатып айтты. "Бүгүн дүйнө демократия менен автократиянын ортосундагы тандоодо турат. Читать дальше...

Бүгүн - 3-августта Ысык-Көл облусунун Балыкчы шаарындагы “Эдельвейс” аскер полигонунда Жамааттык коопсуздук келишими уюмуна (ЖККУ) мүчө мамлекеттердин Ыкчам аракеттенүү күчтөрүнүн машыгуусу башталды. Бул тууралуу Ички иштер министрлигинен маалымдашты. “Кобальт - 2022” деп аталган атайын-тактикалык машыгуунун негизги максаты мүчө мамлекеттерин ортосунда кылмыштуулукка каршы күрөштө күч түзүмдөрүнүн тыгыз кызматташтыгын бекемдөө. Буга чейин дагы мындай машыгуулар ЖККУга мүчө мамлекеттердин аймактарында уюштурулуп келген. Читать дальше...

Улуу Британияда хакердик чабуул коркунучунан улам Консервативдик партиянын лидерин шайлоо артка жылдырылды жана добуш берүү процедурасы өзгөртүлдү. Бул тууралуу The Telegraph басылмасы кабарлады. Жайдын аягына чейин келечектеги лидерди тандаган улуттук добуш берүү өтүшү керек эле. Анда Консервативдик партияга тиешеси бар бардык британиялыктар – дээрлик 200 миң киши добуш берет. Партиянын жаңы лидери премьер-министрлик кызматты да кошо аркалайт. Баштапкы планга ылайык, партиянын мүчөлөрү электрондук... Читать дальше...

Кадамжай районунда тамак-ашка уулангандардын саны 108 адамга жеткенин Саламаттык сактоо министрлигинин Ооруларды алдын алуу жана санитардык-эпидемиологиялык көзөмөл департаментинен билдиришти. Маалыматка ылайык алардын жыйырма үчү ооруканада жатат, ичинде эки бала да бар. 30-июлда "Алмаз" кафесиндеги тойго барган 250 кишинин көбү ууланган. Алгач 48 адам медициналык жардам сурап кайрылган. Көбү кусуп, дене табы көтөрүлүп, ичи өтүп, өздөрүн алсыз сезишкен. Сурамжылоо маалында алар тойдо камыры бар суюк тамактан бир жытты сезишкенин... Читать дальше...

Кытай-Кыргызстан-Өзбекстан темир жолун куруу боюнча келишимге Шанхай кызматташтык уюмунун сентябрда өтө турган саммитинде кол коюлат. Бул тууралуу Өзбекстандын тышкы иштер министринин милдетин аткаруучу Владимир Норов журналисттерге билдирди. Анын айтымында, долбоордун техникалык-экономикалык негиздемеси даяр болуп калды. Сентябрда бардык даярдык иштери аяктап калат, ал эми ШКУнун Самаркандда өтө турган мамлекет башчыларынын жыйынында ага үч президент кол коёт. Бул долбоордун ишке ашуусу менен Кытай товарларын Европага ташууга жол ачылат. Читать дальше...

АКШ Конгрессинин Өкүлдөр палатасынын спикери Нэнси Пелоси иш сапарынын алкагында 3-августта Тайвандын президенти Цай Инвэнь менен жолукту. Ал анда Кытайдын Тайванды өзүнүн аймагы катары көрөрүнө карабай  Вашингтон аралдын өз алдынчалуулугун колдой турганын айтты. “Дүйнө бүгүн демократия менен автократиянын ортосунда тандоодо турат. Ушундай шартта Американын 23 миллиондук тайвандыктар менен тилектештиги өтө маанилүү. АКШ Тайванда жана дүйнөдө демократияны сактап калуу чечкиндүүлүгүнөн кайтпайт”,-... Читать дальше...

Кыргызгидромет кызматы 4-августка караган түнү Чүй, Жалал-Абад облустарынын кээ бир райондорунда өткүн өтө турганын кабарлады. Күндүз Ысык-Көл облусунун көпчүлүк аймактарында, Чүй, Талас, Нарын облустарынын айрым райондорунда, Ош, Баткен, Жалал-Абад облустарынын тоолуу жерлеринде жамгыр жаайт. Батыш тараптан жел согуп турат. Ысык-Көл, Нарын  облустарынын кээ бир райондорунда  ылдамдыгы секундасына 15-20 метрге жеткен шамал болот. Абанын температурасы: Чүй өрөөнүндө түнкүсүн 14...19, күндүз 28...33... Читать дальше...

Чикагодогу "Кыргыз биримдиги" клубунун координаторлорунун бири Жакшылык Мурат жарандарды мыйзамдуу жолдор менен, ошол өлкөнүн тилин, мыйзамын билип барууга чакырууда.

АКШга Мексика аркылуу азап-тозок менен жол тарткандар көбөйгөнү байкалууда.

Балыкчы – Ананьево – Каракол жолунда 3-август күнкү автокырсыкта эки киши каза тапты.  Жол кыймылынын коопсуздугун камсыздоо башкы башкармалыгынан кабарлашкандай, окуя эртең менен саат 7:40да Кызыл-Өрүк жана Тору-Айгыр айылдарынын ортосунда болгон.  Баштапкы маалыматтарга караганда, Mitsubishi унаасын айдап бараткан айдоочу карама-каршы тилкеге чыгып кетип, Mercedes-Benz Sprinter кичи автобусу менен кагылышкан.  "Коопсуз шаар" камераларынын маалыматы боюнча, Mitsubishi соңку 15 саат ичинде Бишкектен Ысык-Көлгө эки жолу барып келген. Читать дальше...

Кытайдын бийлигинин эскертүүлөрүнө карабай АКШ Конгрессинин Өкүлдөр палатасынын спикери Нэнси Пелоси Тайванга иш сапар менен барды. Flightradar24 сайтынын маалыматына ылайык, америкалык жогорку аткаминердин учагы 2-августта Малайзиянын Куала-Лумпурдан учкан. Учак Индонезиянын, Филиппиндин аба мейкиндигинен өтүп, Тайвандын борбору Тайбэй шаарына конгон. Мунун алдында аталган сайт бир нече убакытка иштебей калган.   АКШнын Конгрессинин Өкүлдөр палатасынын спикери Нэнси Пелоси буга чейин Азия чөлкөмүндөгү Сингапур... Читать дальше...

Президенттик админстрациянын Маалыматтык саясат кызматынын башчылыгына Дайырбек Орунбеков дайындалды. Бул тууралуу 3-августта "Азаттыкка" расмий кабарланды.  Аталган кызматты буга чейин жетектеген Алтынбек Жумаев иштен бошотулуп, президентке кеңешчи болду. 35 жаштагы Дайырбек Орунбеков а дегенде журналист катары таанылган. Кийинчерээк мурдагы президент Алмазбек Атамбаевди кескин сындаган жарандык активист катары белгилүү боло баштаган. 2015-жылы сот аны моралдык зыян үчүн Атамбаевге 2 млн. сом доо төлөөгө милдеттендирген. Читать дальше...

"Бишкек" эркин экономикалык аймагындагы "мыйзамсыз иштер" жөнүндө айтып чыккан ишкер Илгиз Шаменов Улуттук коопсуздук комитетине чакырылды. Шаменов 2-август күнү Улуттук коопсуздук мамлекеттик комитетине сурак берип чыкты. Буга анын 28-июлдагы социалдык тармакта түз эфирге чыгып "Бишкек" эркин экономикалык аймагынын (ЭЭА) 26 субъектиси "мамлекеттик жеңилдиктер жана артыкчылыктар берилген реестрге мыйзамсыз кирип алган" деп айтканы себеп болгон. "Бишкек" эркин экономикалык аймагынын ичинде жүздөгөн компания бар. Читать дальше...

Европада маймыл чечегинен эки киши көз жумду. 24-июлда Дүйнөлүк саламаттык сактоо уюму ифекциянын жайылышын эл аралык мааниге ээ өзгөчө кырдаал деп жарыялаган.

Казакстандын жана эл аралык укук коргоо уюмдарынын маалыматы боюнча, 2022-жылдын Январь окуясынан кийин өлкөдө саясий туткундардын саны кескин көбөйдү. Ушул тапта болжолдуу тизмеде 140 кишинин аты-жөнү бар жана ал дагы узарышы мүмкүн. Өткөн жылдын аягында эле саясий туткундардын тизмесинде 12 адам бар болчу. Январь окуясынан кийин саясий себептер менен куугунтукка алынгандар 11 эсеге көбөйдү. “Активисттер экстремист эмес” укук коргоо уюмдарынын коалициясынын (ред: анын курамына жети казакстандык жана эки эл аралык уюм кирет) эсеби боюнча... Читать дальше...

Өзбекстандын айрым жарандары Оштогу такси айдоочуларынын айынан кыргыз бийлигине кайрылып, алардын өкүмзордугуна даттанышты. Телеграм каналдарга 2-августта жарыяланган кайрылууда Орусиядан Ош эл аралык аэрпортуна учуп, андан ары Өзбекстанга кетүүнү көздөгөн жарандарды аэропорттогу такси айдоочулары зордоп унаасына салып, чек арага чейинки 5-6 км жерге ар бир кишиден 500 сомдон алып жатканы айтылат. Буга чейин да "Азаттыкка" өзбекстандык жарандар кайрылып, кээ бирлери 5000 сомдой акчасын таксиге төлөгөнгө мажбур болушканын билдиришкен. Читать дальше...

Алтынбек Жумаев Президенттик админстрациянын Маалыматтык саясат кызматынын башчылыгынан бошотулду. Тийиштүү жарлыкка президент Садыр Жапаров 3-августта кол койду. Мамлекет башчысынын ушул күнкү дагы бир жарлыгы менен Жумаев президенттин кеңешчиси болуп дайындалды. Алтынбек Жумаев аталган кызматты жетектөөгө 2021-жылдын 28-декабрында дайындалган. Ага чейин "7-канал" телеканалын башкарган. (SE)

Араб координациялык тобунун Чолпон-Атада өтүп жаткан төртүнчү жыйынында Кыргызстанда ишке ашырыла турган 13 долбоорду каржылоо маселеси каралууда. Министрлер кабинетинин басма сөз кызматы билдиргендей, сунушталган инфраструктуралык долбоорлор колдоого алынса, каражаттар төмөнкү тармактарга жумшалат: - ипотекалык насыялоо; - транспорт; - саламаттыкты сактоо; - ирригация; - билим берүү; - байланыш тармагы. 3-августта башталган жыйынга Министрлер кабинетинин төрагасынын биринчи орунбасары... Читать дальше...

Кыргызгидромет кызматы 3-4-августта нөшөрлүү жаан-чачынга байланыштуу республиканын тоолуу райондорунда сел жүрүшү мүмкүн экенин эскертти. Өзгөчө кырдаалдар министрлиги 2-августта Ноокат, Кара-Кулжа, Ысык-Көл, Кадамжай, Баткен райондорунда жамгырдан кийин сел жүрүп, ички жолдорго зыян келтиргенин маалымдады. Жети-Өгүз районундагы Жаргылчак, Кичи-Жаргылчак айылдарынын жолдорун суу каптаганы тууралуу видеолор интернетке тарады.  30-июлда жаандан кийинки селден улам үч облусту бириктирүүчү Боом... Читать дальше...