“Токойлор көбөйсө, мөңгүлөр сакталат”
Ушул кылымдын этегине чейин Кыргызстандын башкы байлыктарынын бири – мөңгүлөрдүн жок болуп кетүү коркунучу бар. Мөңгүлөр эрип кетсе саясаттын да, экономиканын да мааниси жок болот. Мындай пикирин президенттик администрациянын реформаларды талдоо жана мониторинг жүргүзүү бөлүмүнүн башчысы Азамат Темиркулов “Азаттыкка” курган маегинде билдирди. Ушул жумада Кыргызстанда көп жылдык “Жашыл мурас” өнөктүгү башталды. Бириккен Улуттар уюму Кыргызстандын демилгесин колдоп, 2022-жылды “Тоолорду туруктуу өнүктүрүүнүн эл аралык жылы” деп жарыялаган.