Караколдо жети мектептин аталышы өзгөрдү
Каракол шаардык кеңешинин сессиясында жергиликтүү депутаттар жети мектептин аталышын өзгөртүү чечимин кабыл алды.
31 депутаттын 28и катышкан сессияда Ысык-Көлдөгү жети акенин ысымдары №1, 2, 3, 15, 6, 7, 9 мектептерге берилди.
Ал эми саясий ишмер Жусуп Абдрахмановдун ысымын Караколдогу №5 мектеп алды.
Бул мектептердин дээрлик баары советтик лидерлер менен орус акын-жазуучуларынын ысымдарын алып жүргөн.
Жети аке 18-19-кылымдарда кыргыздар үчүн татаал мезгилде эл арасынан суурулуп чыгып, өздөрүнүн даанышмандыгы, акылмандыгы жана көрөгөчтүгү менен ич ара уруулардын биримдигин бүлүндүрбөй, коңшу мамлекеттер менен ынтымакты сактап турган. (KS)